Зарни инь

Босьтöм Рувикиись
Зарни инь
Золотая Баба. Описание европейской Сарматии.png
Мифология Коми мифология
Мӧдік кывья ним кз. Зарни ань; ханты Сорни най; манси Калтась-эква
Пӧв иньпӧв

Зарни инь (сідзжӧ Зарни ань; рочӧн Золота́я ба́ба; кз. Зарни ань; ханты Сорни най; манси Калтащ-эква) — легендаӧн видзана енбан, кӧда йылісь касьтывсьӧ XIV—XVIII сёвоэзся гижӧта да юӧра ӧшмӧссэзын да кӧда йитӧм Асыв-Ойвывся Европаись да Рытвыв Сибирись финн-йӧгра отирлӧн традиционнӧй эскӧмӧн. Сы йылісь юӧртсьӧ кыдз антропоморфнӧй фигура йылісь, иньморт синбана, мукӧдпырся кагакӧт, сійӧ видзӧны олан видзисьӧн.

Зарни инь йылісь юӧррес абу ӧткодьӧсь да ны подулын унажыксӧ визирайся путешественниккезлӧн, XVI—XVII сёвоэзся картограффезлӧн да хронисттэзлӧн юӧррез, а сідзжӧ роч летописнӧй да этнографическӧй даннӧйез. Туялана литератураын Зарни иньлісь синбансӧ унажыксӧ вежӧртӧны кыдз йӧгра отирлӧн (шуам, мансилӧн Калтащ) енмам культся тӧдчӧт, нето кыдз ӧтласа мифология синбан, кӧда трансформируйтчис культуракостся контакттэз да небӧг традиция пырйӧт.

Юӧррез

Визирсайся юӧра ӧшмӧссэз

Медодззаись ойвывся зарниа вевья енбан йылісь касьтылӧмыс пантасьӧ скандинавскӧй «Вежа Олав йылісь сагаын», кӧда медбура кольччӧм Снорри Стурлусонлӧн  (перм.рус. «Му гӧгрӧс» (важ. исл. «Kringla heimsins», рочӧн «Круг Земной») ӧктӧтын (XIII сёво). Сагаыс сьӧрті 1026 вося тулысӧн[2] Норвегияись викинггез паськыта тӧдса Торир Хунд кипод увтын мунісӧ походӧн Биармияӧ. Ю дорын, кӧдӧ мукӧдыс шуӧны Винаӧн да ӧткодялӧны Вынвакӧт[3], нылӧн петіс адззыны бьярм увтырлісь Йомаль (Юмала) ен вежаин. Викинггес адззисӧ сэтісь пуись керӧм ыджыт статуя, кӧда ӧлӧдзын вӧлі эзісь тасьті да голяас сикӧдж. Еныс юр вылын вӧлӧм кыкдас берся серпасӧн мичӧтӧм зарниа юркытш. Тасьтіыс вӧлӧм тыртӧм эзісь сьӧмӧн, да статуя гӧгӧрся йӧр саяс вӧлӧм мыльк, кӧдаын зарни да эзісьторрес вӧлісӧ сорлалӧмӧсь му сорӧн[4]. Вежаинсӧ грабитӧм, сикӧджсӧ да сьӧмсӧ гусялӧм бӧрын скандинаввес пантасисӧ сы дорйиссескӧт да тэрмасьӧмӧн мунісӧ чужанінаныс.

Энтони Дженкинсонлӧн «Руссияса, Московияса да Тартарияса» карта вылын Zlata baba (1562)

Сы йылісь, позьӧ я ӧткодявны сагаэзын касьтывлӧм бьярммезлісь (беорммезлісь) Йомаль енсӧ йӧгра енкӧт, дискуссияэс кыссьӧны важын ни. Мукӧд туялісь чайтӧм сьӧрті, медодззаыс ӧткодь славяна-балт Перункӧт/Перкунаскӧт да скандинаввезлӧн Торкӧт[5], да мӧдыс мыччассьӧжык Мам-енӧн.

1420-ӧт во гӧгӧрын немецкӧй хронист Ульрих фон Рихенталь  (перм.рус. аслас «Констанца соборлӧн хроникаын» казьмӧтіс «Роч му сайын куйлан» «Зарни пӧрись инь дынся» кар йылісь, кытӧн «юрбитӧны Зарни пӧрись иньлӧ» (guldin alt wib), кӧдӧ сувтӧтӧмась «ӧтік пӧрись дӧваӧс» пыдди пуктӧм могись, кӧда «сетӧм эта муыслӧ быдсяма бурторсӧ»[6]. Рихенталь хроникалӧн латин кывья оригинал сьӧрті, кӧда ӧнӧдз абу кольччӧм, «Зарни пӧрись инь дорся» карлӧн нимыс вайӧтӧм немецкӧй кыв вылӧ вуджӧдӧмӧн кыдз «ad Auream Vettullam»[7].

Зарни инь нето «Зарни пӧрись инь» йылісь паськытжык юӧррес пантасьлӧны Рытвыв Европаись путешественниккезлӧн да XVI сёвося гижиссезлӧн Роч канму йылісь небӧггезын. Эна юӧррес мукӧдпырсяись мунӧны ӧтамӧдныслӧ паныд.

Краков университетлӧн профессор, медицина доктор Матвей Меховский аслас «Кык Сарматия йылісь трактатын» (1517) роч пленнӧйез висьтасьӧм сьӧрті, кӧдна сюрисӧ Краковас Орша дынся тышк бӧрын (1514), сувтӧтӧ этӧ идолсӧ, кӧдӧ шуӧ Zlota baba, Ватка сайӧ «Скифияӧ пыранін дорӧ».

Сылісь юӧрсӧ дзик вежлавтӧг вайӧтӧ аслас «Ойвыв отирлӧн историяын» (1555) швед космограф Олаф Магнус  (перм.рус., но сія гижӧм Зарни иньыслісь нимсӧ ӧтлаын (Zlotababa) да мый статуяыс иналӧм мӧдіклаын, Ваткасянь Скифияӧ мунан туй вылын (Ылі Ойвылын), нето Ватка муын, кыдз гижӧм Польшаись туялісьлӧн, но Московия да Литва визир вылын[8].

«Литва да московиттэз визирся ветлан туй вылын, — гижӧ Магнус, — сувтӧтӧм статуя, кӧда ны кыв вылын шуӧны Zlotababa-ӧн, мӧдмоза зарни пӧрись иньӧн… Ӧтка ветліссес кольӧны сылӧ козиннэз, кӧть доннас нія озӧ вевдӧртӧ гӧнісь нетшкӧм си; оз кӧ, туйӧ муніссес озӧ лоӧ опастӧмалӧмӧсь»

(In confinibus Lituanorum ac Moscouitarum, statuam esse publico itineri impositam, quae patria lingua Zlotababa dicitur, id est, aurea vetula: quam singuli viatores certis munusculis placant, etiam si pili valorem non excedant: alioquin suscepti itineris nullam habituri securitatem)[9].

Одзланься гижиссеслӧн, ны лыдын Сигизмунд Герберштейн («Московия йылісь гижӧттэз», 1549[10]), Алессандро Гваньини («Европаса Сарматия гижалӧм», 1578), Джайлс Флетчер («Роч канму йылісь», 1591), Пётр Петрей де Ерлезунда («Москва великӧй княжество йылісь история», 1615), Зарни иньыс сулалӧ ни Об ю ӧм дорын, Обдорын.

  • Cигизмунд Герберштейнлӧн Московия карта вылын Slata baba (1549)

    Cигизмунд Герберштейнлӧн Московия карта вылын Slata baba (1549)

  • Антоний Видлӧн Россия карта вылын Зарни ань (шуйгаладорын выліас)

    Антоний Видлӧн Россия карта вылын Зарни инь (шульгаладорын вылас)[11]

  • Zlata baba. Андре Тевелӧн «Дӧсмирся космографияись» гравюра (1575)

    Zlata baba. Андре Тевелӧн «Дӧсмирся космографияись» гравюра (1575)

Зарни инь енбан йылісь юӧррезын баитсьӧ кыдз:

  • пӧрись иньӧн мыччалӧм статуя йылісь, кӧда пытшпиа зонӧн да тыдалӧ эшӧ ӧтік кага — нучок (С. Герберштейн)[12];
  • изісь керӧм балбан йылісь, кӧда мыччалӧм пӧрись инькаӧн, кӧдалӧн киас кага, да ордччӧн мӧдік кага — нучок (А. Гваньини)[13];
  • изъя керӧс йылісь, кӧда мыччасьӧ рузум паськӧма инькаӧн, кӧдалӧн киэзас кага (Дж. Флетчер)[14];
  • зарни вевья, пытшкӧса пӧрись инь кодь статуя, кӧда вермӧ керны труба шыэз да, «Дельфийскӧй оракул моз», висьтасьны одзланьсясӧ (Петрей де Ерлезунда)[15].

Ассяма, мый Зарни иньсӧ серпасалӧны не ӧтмоза. Немецкӧй картограф Антоний Видлӧн сія мыччалӧм эмбур вайись инь енӧн, кӧдалӧ юрбитӧны «абдор» (Abdori) отир. Сы дырни, Вид карталӧн медодзза 1555 вося лэдзасын еныс сулалӧ пасьтӧмӧн вылын подув вылын, кӧда гӧгӧр куйлӧны вӧрпа кучиккез, Франц Хогенберглӧн 1570 вося вились лэдзӧмын адззам ни нёльпельӧса из вылын сулалан мӧдік инька синбан. Сія кузь паськӧма да киас видзӧ кага. Сэтчин оліссезлӧн, кӧдна сылӧ юрбитӧны, лыдыс чинмӧм сизимсянь нёльӧдз, а козиннэс мыччалӧмӧсь дзир ӧтік кучикӧн. Медодзза да мӧдік серпассэз дынын тыдалӧ гижӧт. Медодзза кыввес гижӧмӧсь кириллицаӧн «Зарни Ань», ны бӧрын гижӧм вежӧртӧт: «Мӧднёжа, зарни баб, ен, кӧдӧ донтӧны татісь отир» (Hoc est aurea uetula idolum quod huius partis incolae adorant). Серпассэс да гижӧтыс озӧ лӧсялӧ, сідз кыдз кыкнан карта вылас мыччалӧмась том инькаэз, абу пӧриссез[16].

Герберштейнлӧн «Московия йылісь гижӧттэз» медодзза лэдзасын (1549) Зарни иньыс мыччалӧм античнӧй Минерваӧн, кӧда киас видзӧ ши. Сы дырни, гижӧттэсӧ вились йӧзӧтӧмсянь кыкьямыс во бӧрті, еныс мыччалӧм кыдз пукалана Енмам Мария кодь, кӧда видзӧ киас кага. Чайтсьӧ, мый Зарни инлісь статуясӧ Австрияись дипломат босьтіс, мед мыччавны кытшӧмкӧ география регион[17], но абу вежӧртана, мыля сэк сія вайӧтӧ сыкӧд ордччӧн сувтӧтӧм «кытшӧмкӧ инструменттэз йылісь юӧр, кӧдна горалӧны трубаэз моз»[18].

  • Дэниэль Келлерлӧн «Азия выльысь опишитӧмысь» карта вылын Slata baba (1590)

    Дэниэль Келлерлӧн «Азия вились гижалӧмись» карта вылын Slata baba (1590) [19]

  • Герард Меркаторлӧн атласісь Арктика карта вылын Zolotaia baba (веськытланьнын) (1595)

    Герард Меркаторлӧн атласісь Арктика карта вылын Zolotaia baba (веськытланьнын) (1595)

Ки вылын кагаӧн статуя, кӧда дынын гижӧм «Зарни инь» (Slata baba), эм XVI сёвося Роч канмулӧн неӧтік рытввыв Европа сьӧрті карта вылын Об ю кывтытын. Торйӧн кӧ, Иван Грозный кадся 1562 вося карта вылын, Англияись дипломат да путешественник, Москваись компаниялӧн вузасись агент Энтони Дженкинсонӧн лӧсьӧтӧм «Россиялӧн, Московиялӧн да Тартариялӧн карта» копия вылын (1562) гижӧм: «Злата-баба старуха свято почитается жителями Обдоріи и Югоріи»[20]. Енлісь быль енбансӧ Дженкинсон эз аддзыв, да сы кузя серпасаліс сійӧ Рафаэльлӧн Сикстинскӧй мадонна моз[21].

Ачыс Дженкинсон аслас карта дорся содтӧт гижӧтын юӧртӧ:

«Зарни пӧрись иньсӧ донтоны обдорсая да югра. Тун юалӧ еныслісь сы йылісь, мый нылӧ колӧ керны да кытчӧ вуджны овны, а ен (диво!) сетӧ юасиссеслӧ очакыввез, одзвыв висьталӧмыс пырӧ олӧмӧ…»[22][23].

Курляндияын чужӧм Якоб Рейтенфельс, кӧда 1670 восянь 1673 воӧдз оліс Москваын, юӧртӧ, мый сы кадӧ Зарни иньлӧн енбаныс вӧлі ни жугӧтӧм:

«Кандиния, нето Кандор область, пырӧ Гиперборея саридзӧ, нимыс сетӧм Кандинскӧй керӧс да ді сьӧрті. Сія зэв озыр дона кучиккезӧн. Татӧн вӧлі Зарни инь, ен, кӧдӧ пемыт йӧзыс лыддис енӧн. Роччес кынымкӧ во одзті адззӧмась сійӧ да жугӧтӧмась, да ныӧн сэрпӧсьтӧм мыльксӧ, кытчӧ сэтчинісь олісссес ӧшӧтлісӧ быдкодь кучиккесӧ да мӧдік козиннэсӧ, да керны вира козиннэз жертваэз, ӧддьӧн кужӧмӧн шуисӧ Чёртӧвӧй приказӧн, мӧднёж шуны — дяв канцелярияӧн»[24].

Россияись юӧра ӧшмӧссэз

Роч ӧшмӧссэзын медодззаись коми язычниккезӧн Зарни иньлӧ юрбитӧм йылісь юӧртӧм 1398 во гӧгӧрся Медодзза Софийскӧй летописьын  (перм.рус.[25][26], сійӧ отирсӧ велӧтісь Ыджыт Перемся Степан кулӧм йылісь юӧртӧм йитӧтын[27].

В дальнейшем, на протяжении почти трёх столетий, ни один русский документ, за исключением послания московского митрополита Симона к пермякам (1501), фактически повторившего сообщение летописи, не содержит прямых свидетельств об этой богине. И лишь присоединение сибирских земель к Русскому государству в конце XVI столетия пробудило к легендарному изваянию обских угров новый интерес.

Одзлань, куим сёво сьӧрна, ӧтік роч документын, Москваса митрополит Симонлӧн пермяккезлӧ гижӧт киння (1501), кӧда мӧдпӧвтӧ летописись юӧрсӧ, абу гижӧм эта еныс йылісь[21]. Дзир XVI сёво помын, кӧр Сибирись муэз пырисӧ Роч канмуӧ, вились ӧддзӧтчис интерес йӧгра ен статуя дынӧ.

1675 воӧ Китайӧ мунтӧн Сибир муэз пыр мунісь роч дипломат Николай Спафарий висьталӧ:

«А Берёзово дорын эмӧсь енлӧ остяк кейманіннэз, ны йылісь гижӧны земнописеццез, мый татаӧн эм Зарни Ань ен, но зарниыс йылісь оз висьтавлӧ, а мый эзысь, пу керӧтӧмӧыс зэв уна да ыргӧн кисьтӧны жӧ…»[28].

Паськыта тӧдса традиция йитӧ тӧдтӧм енкӧт Ермак Тимофеевичлӧн  (перм.рус.Сибирьӧ экспедицияӧ муніссезкӧт. Кунгур «висьттэз» сьӧрті, сы йылісь казаккез тӧдмалісӧ чувашсянь, кӧда пышшӧмӧн локтіс ны станӧ Демьянскӧй городище кытшӧ босьтікӧ[29]. XVII сёво помын лӧсьӧтӧм Ремезовскӧй летописьын висьтассьӧ Ермак Богдан Брязгилӧн 1582 вося тулысӧн Иртыш да Об кузя Белогорьеӧдз поход йылісь:

«Ту бо у нихъ молбище болшее богыне древнеi: нага с сыномъ на стулѣ сѣдящая, приемлюще дары от своихъ, и дающе еi статки во всякомъ промысле, а eже кто по обѣту не дастъ, мучитъ и томитъ, а хто принесетъ жалеючи к неi, тотъ предъ нею падъ умретъ, имѣша бо жрение и съѣзд великіи…»[30].

Европаись туяліссез казьмӧтӧны Зарни ань йылісь легендаэз, да мымда сёрӧнжык пантасьлӧ висьталӧмсыс, сымда асыввывланьжык вешшӧ сылӧн инасыс[18].

«Янгал-маа» нима манси поэмаын касьтывсьӧ Рача йылісь — «зарни ань» йылісь, кӧдалӧ кеймисяніныс, кыдз висьталӧны, вӧлӧм Рачевскӧй карын Березовскӧй берегын[31]. Поэма гижалӧмын М. Плотников ыстіссьӧ XX сёво понся роч вӧралӧм туялісь да этнограф К. Д. Носиловлӧн  (перм.рус. «Эзысь ань» нима туйвывся очерк вылӧ, кӧдаын касьтывсьӧ Зарни анись босьтӧм эзысь тор, кӧдӧ Ыджыт Перемса Степан дырйи на «язычниккес» нуӧтӧмась Урал сайӧ. Вермас лоны, мый Рачаыс и вӧлі Зарни иньнас, а сыись эзысь торсӧ, сія жӧ висьталӧм сьӧрті, видзисӧ Конда ю катытын, Ям-Нельпаульын, пӧрись манси айморт ордын[32].

1981 воӧ Усть-Маньяись манси Самбиндалов висьтавліс «Центрнаучфильм» киностудияись оператор Михаил Заплаткинлӧ, мый коркӧ Манья-Тумп керӧс вылын (Ханты-Манси автномнӧй округись Берёзовскӧй район) сулалісь Зарни аньлӧн енбаныс вермис горавны: «Локны керӧсыс дынӧ матӧжык петіс полӧм. Аньыс горӧн горӧтіс»[21]. Сэтшӧм жӧ юӧр эм Герберштейн, Гваньини да Пётр Петрей гижӧттэзын.

Туялӧм

Нидерландыись паськыта тӧдса туялісь, политик да асуджалісь Николаас Витсен  (перм.рус. «Ойвыв да Асыввыв Тартария» нима гижӧтісь мӧд лэдзасын (Noord en Oost Tartarye, 1705), мый Европаса наукаын вӧлі Сибырлӧн история да этнография серти медводдза уджӧн, Дженкинсонлӧн, Гваньинилӧн да кутшӧмкӧ «тӧдчана роч господинлӧн» мыччӧдъяс вылӧ ыстысьӧмӧн юӧртӧ:

«Гӧра улын, Обдорияын, сулалӧ Зарни Ань статуя. „Злата Баба“ кывъяслӧн вежӧртасыс — „золотая старуха“. Меным юӧртӧны, мый ӧстякъяс да мукӧд язычникъяс — Тобол дорын да Об вылын олысьяс, копрасьӧны дявӧллы, коді, налӧн висьталӧм серти, петкӧдчывлӧ налы аньӧн, коді кутӧ пидзӧс вылас челядьӧс. Сылӧн мыгӧр вылас зильгӧны тільгунъяс. Сыысь ёна полӧны да сійӧс пыдди пуктӧны…»[33]

Швед офицер да путешественник Иоганн Филипп фон Страленберг  (перм.рус., кӧда 13 во сьӧрна вӧлі роч пленын да чукӧртіс Сибирьын адззӧмторрез йылісь паськыт этнографическӧй да картографическӧй материал, аслас «Европа да Азия ойвыв да асыввыв ладоррезлӧсь история да география гижалӧма», кӧда вӧлі йӧзӧтӧм 1730 воӧ Стокгольмын, медодззаись ӧткодяліс скандинавияся сагаэзісь Йомалаӧс (Юмалаӧс) Ыджыд Перемись Зарни анькӧд кыткшӧмкӧ «роч летопись роч» вылӧ ыстісьӧмӧн[34].

XVIII сёвося роч туяліссезлӧн, шуам, И. И. Лепёхинлӧн  (перм.рус. уджжезын гижӧм юӧр сы йылісь, мый Зарни ань — важ коми ен, кӧдалісь енбансӧ нуӧтісӧ Об дорӧ пыртчӧмись кидсись язычниккез. Г. Ф. Миллер  (перм.рус. «Сибирлӧн историяын» гижӧ «Зарни аньныс» йылісь кыдз языческӧй енбан йылісь, «кӧда пасьтӧм пукаліс зоныскӧт ӧтлаын улӧс вылын». Белогорскӧй волостісь остяккез, кӧдна олісӧ Иртыш ю кывтытын, вайлывлісӧ сылӧ козиннэз, мый понда сія «отсавліс нылӧ вӧралӧмын, чери кыйӧмын да дӧс уджын». 1583 вося тулысӧн Богдан Брязгалӧн казаккез локтӧи бӧрын еныс бытьтӧ «тшӧктіс асьсӧ дзебны, а остяккеслӧ кытчӧкӧ дзебсисьны», да «кӧр казаккес петісӧ вадорас, нем сэтісь эз адззӧ, абу олана юртаэз киння»[35].

«Зарни инь» йылісь литератураын гижӧмыс зэв уна: мукӧдыс пыдына туялӧмась юалӧмсӧ, мӧдіккес (а сэтшӧммес воэз сьӧрна ӧксисӧ унаӧн) тӧдмасьӧмась. «Зарни аньсӧ» шуисӧ и «Юноналӧн римса статуяӧн», кӧдӧ зэв важын ни сюрӧм Урал сайӧ, и Тибетісь Тара ен енбанӧн, и вузасиссезӧн Китайись вайӧм Гуаньинь ен, да нельки «важ Гипербореяысь важся колясӧн»[21].

Медодзза чайтӧм подулӧн лоис XV сёвося Италияись гуманист Юлий Помпоний Летлӧн  (перм.рус. юӧр. Сія 1479—1480 воэзӧ лунвыв роч муэзын вовлӧм бӧрын римся историк Луций Анней Флор (миян эрася II сёво) йылісь лекцияэзас касьтывліс сы йылісь, мый Обдорся йӧгра вермисӧ участвуйтны Аларих кипод увтся готтэзлӧн Рим вылӧ походын: «Бӧр мунтӧн, — гижис Помпоний Лет, — ныись тор овмӧтчис Паннонияӧ да аркмӧтіс сэтчин вына канму; мӧдік тор бертіс чужанмуаныс Ойвыв океан дорӧ да ӧнӧдз нылӧн эмӧсь кытшӧмкӧ ыргӧн статуяэз, кӧднӧ нія вайӧмӧсь Римись да кӧдналӧ юрбитӧны кыдз еннэзлӧ»[36]. Кӧть Италияись туялісьыс соралӧм готтэсӧ гуннэскӧт, а Аларихсӧ — Аттилакӧт[37], оз позь кидтыны сы факт, мый Урал дынся материальнӧй культураӧ пырисӧ античнӧй важторрез. Сія мыччасьӧ Византияись важ кадся сьӧм да Сасанид кипод увтся Иранісь донаторрез да эзысь керӧм дозмук[38]. Олонхо якут эпосын казьмӧтсьӧ Dies Emeget («ыргӧн инь») — адьярай отирлӧн ен, кӧдӧ мукӧд туяліссез ӧткодялӧны кет отиркӧт, кӧда важысянь кужис дорны кӧрт[21].

1847 воӧ Н. И. Костомаров  (перм.рус. аслас «Славяна мифология» уджын висьталіс сэтшӧм гипотеза, мый Зарни инь сюрӧм Обдорся йӧгра дынӧ асыввывся славянасянь да мыччалӧ языческӧй Жива нима енӧс:

«Ми тӧдам, — гижис историк, — мый финн отирлӧн вӧлӧм Зарни Ань ен, кӧда киас видзӧ кага. Сылӧн нимыс, новду, абу финскӧй да и ачыс еныс босьтӧм славянасянь… Сія, мый Зарни Ань да Жива коласын эм йитӧтда ӧткодь, тыдалӧ сыын, мый кыкнаныс мыччалӧны кагаа инькаӧс… Но Живакӧд ӧткодь и Лада, эд Ладалӧ сиӧм тулысся вежалун вӧлі тшӧтш и Живалӧ сиӧм вежалунӧн. Жива да Лада ниммезын мыччасьӧ ӧткодьтор. Нельки сьыланкыввезын Ладалӧн эпитет — мам, а литва отир Ладасӧ шуисӧ Зарни Паняӧн, мый лоӧ ӧткодь Зарни Анькӧт»[39]

Но Рочмуын оліссезлісь Урал сайын олісь йӧзкӧт йитӧтэз фиксируйтӧмӧсь XI сёвося да сёрӧнжыкся юӧра ӧшмӧссэзын, христианизируйтӧм бӧрын ни, да йитӧттэз медодз вӧлӧмась ӧтамӧд коласын вузасьӧмӧн.

1871 воӧ паськыта тӧдса роч археолог да меценат граф А. С. Уваров  (перм.рус. лыддис позянаӧн пыртны Зарни иньсӧ «изісь аннез» лыдӧ — лунвыв роч степпезісь кочевниккезлӧн антропоморфнӧй менгиррез лыдӧ[40]. Но этшшӧм фигураэсӧ керан традицияыс лоӧм тюрк отирсянь, абу финн-йӧграсянь, абу сідзжӧ вӧлӧм зарнитан традиция. Оз лӧсяв степись изісь керӧм аннезкӧт и обдорся ен мыччалӧм, кӧда мыччассьӧ кагакӧт нето видзӧ киас ши нето бедь[41].

1884 воӧ немецкӧй историк Генрих Михов «Рочмулӧн важся картаэз» уджын гижӧм, мый Зарни иньӧн сибирса отир пыдди пуктывлӧмась католическӧй мадонналісь статуя, кӧдӧ вайлӧмась ны дынӧ роччес тышк нуӧтан походдэз коста. Этшшӧм гипотезалӧ подулӧн сія лыддис остяккезӧн юрбитӧм зарниись керӧм айморт енбанлӧ, кӧда пукаліс крестильница кодь дона тасьтіын[42]. Кунгур летописись 74 статьяись юӧрсӧ анализируйтӧм бӧрын позьӧ веськыта вежӧртны, мый одзжык гижӧм Брязгалӧн казаккес 1583 воӧ адззылӧмась Демьянка ю ӧм дорын остяк карись христиана статуя, кӧдаН. М. Карамзинлӧн  (перм.рус. чайтӧм сьӧрті вермис сюрны Урал сайӧ Рочму пыртан кадӧ на[43]:

«И доѣхали конми до усть Демьянки рѣки до болшева ихъ сборного княжца Демаяна; и городъ ихъ великъ и крѣпокъ… Одинъ же въ нихъ Чювашенинъ былъ у Кучюма, руского полону, сказалъ: молятся де они рускому богу и тотъ де руской богъ литой золотой, въ чашѣ сѣдит, и въ ту де чашу наливши воды пьютъ, и зовутъ его Христомъ, а сказываютъ де привезенъ отъ Владимерова крещенiя, и для того живутъ смѣло…»[44]

Но 1906 воӧн на роч лингвист да философ-евразиец Н. С. Трубецкой  (перм.рус. ӧткодяліс «Зарни иньсӧ» манси мифологияись медвылісь ен-мам Калтащкӧт (Калтаськӧт), кӧдалӧн ӧтік эпитетӧн лоӧ «Сорни-эква», сія вуджӧтсьӧ кыдз «зарни ань»[45]. "Сорни" манси кыв вермӧ мыччавны кыдз зарни, сідз и шонді югӧр[46]. Историк-медиевист да археолог В. Я. Петрухин  (перм.рус. ӧткодялӧ «Зарни Калтащсӧ» мучужтан вына иран ен Ардвисура Анахитакӧт, кӧда традиционнӧй атрибуттэзӧн вӧлісӧ зарни да мӧй кучик[47].

Кыдз висьтасьӧм одзжык касьтылӧм К. Д. Носиловлӧ Оронтон-паулись синтӧм манси Савва, коми-зырянаӧс да пермяккезсӧс пыртӧм бӧрын Зарни аньсӧ «сэк жӧ бур йӧз миян вӧррезӧт нуӧтісӧ Об дорӧ; кытӧн сія ӧні, Казымын я остяккез дын, Тазаын я самоеддэс дын, ме ог тӧд, но сы кадсянь, кӧр сія вӧлі татӧн, миянын кольччис сыись тор — „эзысь ань“. Сійӧ ӧнӧдз на видзӧ ю катытын олісь ӧтік вогул… Ямнель-паульын…». Савва шуӧмӧн, кӧда томувьяс бытьтӧ адззывлӧм енбанлісь копиясӧ, сія вӧлӧм эзысьись кисьтӧм пасьтӧм иньморт. Сы дынӧ вовлӧмась корны отсӧт вӧралӧмын. Кӧр путешественник тӧдмалӧс, мый «эзысь аньсӧ» мӧдлӧмась ни гусявны, сія кӧсйис видзӧтны да, позьӧ кӧ, снимайтны нето небны сійӧ музейӧ нуӧм могись, но тулысся туйыс торкӧм сылісь планнэссӧ[48]. К. Д. Носилов лыддис, мый Зарни ань кодь енлӧ кейман енбансӧ мансиэс лӧсьӧтлӧмась унаись да не ӧтса экземплярын[21].

Зарни инь культураын

Литератураын

Свердловскись гижись Сергей Плеханов 1985 воӧ йӧзӧтіс «Молодая гвардия» издательстволӧн «Приключения-85» литература альманахын «Золотая баба» нима историческӧй висьтас. Сія гижӧм XVІІІ сёвося медодзза джынӧн Уралын роч промышленниккезӧн енбансӧ кошшӧм йылісь. 1986 воӧ Свердловскись киностудияын режиссёр Виктор Кобзев небӧгыс сьӧрті керис ӧтнима кино.

Александр Бушковлӧн «След пираньи» нима романісь (1996) медшӧр герой Кирилл Мазур, кӧр пондылӧ петны пыд вӧрись аслас американскӧй ёрткӧт, сюрӧ мугыркӧ, кытӧн сулалӧ Зарни аньыс. Недыр чайтӧм бӧрын Мазур кольӧ енбансӧ местас, да ӧдва оз сюр енбан видзись киэзӧ.

Зарни ань йылісь мифлӧ сиӧм Алексей Ивановлӧн «Сердце пармы» (2003) нима историческӧй романісь ыджыт визь. Енлӧ кейман статуя кошшытӧн да гусявтӧн, да сідзжӧ сійӧ бертӧттӧн вийсьӧны да/нето ылӧстмӧны мукӧд герой. Мӧдіккезлӧ, сы паныт, сетсьӧ дыр олӧм сы дорйӧм понда, да сія оз вермы орны сэтчӧдз, кытчӧдз кӧсйисьӧмыс оз ло керӧм.

Эрнст Бутинлӧн «Золотой огонь Югры» висьтасын висьтассьӧ Рытвыв Сибырын Совет власть пуктӧм коста тыш дырйи «Сорни най» кошшись кулак-эсерреза банда ликвидация йылісь.

Юрий Курочкинлӧн «Легенда о Золотой бабе» нима приключенческӧй виьстасын авторыс уджалӧ сюжетнас кыдз Зарни ань йылісь легендаэз историческӧя туялан средствоӧн, мычалӧ ыджыт гортладор туялана материал.

Анна Кирьяновалӧн «Охота Сорни-Най» романын Дятлов туристическӧй группалӧн кулӧм йылісь версияыс сетсьӧ мистика пыр, группаыс вийсьӧм еныс вӧравтӧн.

Борис Зотовлӧн «По следам золотого идола» нима висьтасын челядь гавед адззӧ Зарни инь йылісь гижӧт да юӧр сы йлісб, кытӧн енбаныс вермас лоны.

Сергей Булыгалӧн «Золотое дело» нима романын сыщик Маркел Косой, Розбой приказісь стряпчӧй, 1595-1596 вося тӧлӧн иньдӧтчӧ гуся миссияӧн Югорскӧй муӧ кошшыны «Зарни ань» нима тӧдісьӧс.

Киноын

• Золотая баба (фильм)  (перм.рус.;
• Сокровища мёртвых (сериал)  (перм.рус.;
• Перевал Дятлова (телесериал)  (перм.рус.;
• Пармалӧн сьӧлӧм (фильм)

Театрын

2021 воӧ Коми-Пермяцкӧй театрын вӧлі сувтӧтӧм коми кывья спектакль «Зарни Инь. Золотая Баба» Наталья Макарова пьеса сьӧрті, режиссёрыс Ирина Ткаченко. Зарни иньлісь рольсӧ орсіс Ксения Отинова[49][50].

Музей экспозицияэзын

Уват гортладор туялана музейын осьтӧм «Легенды седого Иртыша» нима экспозиция, кӧда керӧм Зарни ань йылісь легенда сьӧрті. Кунгурись летопись сьӧрті, паськыта тӧдса ханты ен вӧлі нёль сёво одзті Демьянскӧй карын (Уват районын) да ӧшӧм, кӧр карсӧ босьтісӧ Ермаклӧн казаккез атаман Брязга кипод увтын[51]. Зал шӧрас мыччалӧм енлӧ козин пуктанін реконструкция, кӧда весьтын сулалӧ Зарни ань енбан, кӧда керӧм летопись гижись С. У. Ремезовлӧн серпассэз сьӧрті да зарниӧтӧм.

Пасйӧттэз

  1. ↑ Alessandro (1538-1614) Guagnini. Sarmatiae Europeae Descriptio [... Alexandi Gwagnini [...]]. — Wirzbięta, Maciej (1523-1605), 1578. Архивировано 21 Одзар 2021 года.
  2. ↑ Джаксон Т. Н. Исландские королевские саги о Восточной Европе (первая треть XI в.). Тексты, перевод, комментарий. — М.: НИЦ «Ладомир», 1994. — С. 174—175.
  3. ↑ Марков А. А. К реконструкции представлений о локализации Биармии (Бьярмленда) в средневековых источниках // Иднакар: методы историко-культурной реконструкции. — 2008. — № 1 (3).
  4. ↑ Снорри Стурлусон. Круг Земной. — М.: Ладомир, 1995. — С. 284—285.
  5. ↑ Никитин А. Л. Основания русской истории. — М.: АГРАФ, 2001. — 691 с.
  6. ↑ Бегунов Ю. К. Раннее немецкое известие о Золотой Бабе. Сайт академика Бегунова Ю. К. Видзӧтӧм 27 Тулысшӧр 2026.
  7. ↑ Кудрявцев О. Ф. Золотая баба на картах Московии Антония Вида. Вопросы иконографии // Древняя Русь. Вопросы медиевистики. — М., 2019. — № 1. — С. 48—52.
  8. ↑ Кудрявцев О. Ф. Золотая баба на картах Московии Антония Вида. Вопросы иконографии // Древняя Русь. Вопросы медиевистики. — М., 2019. — № 1. — С. 50.
  9. ↑ Magnus Olaus. Historia de gentibus septentrionalibusангл. // Apud Ioannem Bellerum. — 1562. — P. 30.
  10. ↑ Герберштейн С. Записки о московитских делах // Россия XV—XVII вв. глазами иностранцев. — 1986. — С. 115.
  11. ↑ Кудрявцев О. Ф. Золотая баба на картах Московии Антония Вида. Вопросы иконографии // Древняя Русь. Вопросы медиевистики. — М., 2019. — № 1. — С. 52.
  12. ↑ Герберштейн С. Записки о Московии. — 1988. — С. 160.
  13. ↑ Гваньини А. Описание Московии. — Греко-латинский кабинет Ю. А. Шичалина, 1997. — С. 51.
  14. ↑ Флетчер Дж. О государстве Русском // Проезжая по Московии (Россия XVI—XVII веков глазами дипломатов) / Под ред. Н. М. Рогожина. — 1991. — С. 99—100.
  15. ↑ Петрей де Ерлезунда П. История о Великом княжестве Московском // О начале войн и смут в Московии. — 1997. — С. 195.
  16. ↑ Кудрявцев О. Ф. Золотая баба на картах Московии Антония Вида. Вопросы иконографии // Древняя Русь. Вопросы медиевистики. — М., 2019. — № 1. — С. 50.
  17. ↑ Кудрявцев О. Ф. Золотая баба на картах Московии Антония Вида. Вопросы иконографии // Древняя Русь. Вопросы медиевистики. — М., 2019. — № 1. — С. 49.
  18. ↑ 1 2 Алексеев М. П. Сибирь в известиях западно-европейских путешественников и писателей. — 1941. — С. 106.
  19. ↑ Город Пермь Великая — история, название, древние карты в высоком разрешении // Журнал «Снегирь».
  20. ↑ Глинка Г. В. Атлас Азиатской России / И. И. Тхоржевский, М. А. Цветков. — СПб.: Переселенческое управление, 1914.
  21. ↑ 1 2 3 4 5 6 Лашук Л. П. А была ли баба золотая? // Вокруг света. — 2013. — 20 октябрь (№ 12 (декабрь)). — С. 39.
  22. ↑ Бурыкин А. А. Золотая баба: идол или топоним? // «Сибирская Заимка». История Сибири в научных публикациях.
  23. ↑ Английские путешественники в Московском государстве в XVI в.. — М.: ОГИЗ-СОЦЭКГИЗ, 1937. — С. 307.
  24. ↑ Рейтенфельс Якоб. Сказания Светлейшему герцогу Тосканскому Козьме Третьему о Московии // Утверждение династии. — М.: Фонд Сергея Дубова, 1997. — С. 398.
  25. ↑ Полное собрание русских летописей. — СПб.: В тип. Э. Праца, 1851. — Т. 5. — С. 250.
  26. ↑ Полное собрание русских летописей. — М.: Наука, 1994. — Т. 39. — С. 135.
  27. ↑ Карамзин Н. М. История государства Российского. — М.: Наука, 1993. — Т. V. — С. 66, 266.
  28. ↑ Путешествие чрез Сибирь от Тобольска до Нерчинска и границ Китая русского посланника Николая Спафария в 1675 году // Записки русского географического общества по отделению этнографии. — СПб., 1882. — Т. X, вып. 1.
  29. ↑ Скрынников Р. Г. Сибирская экспедиция Ермака. — Новосибирск: Наука, Сибир. отделение, 1986. — 247—248 с.
  30. ↑ Сибирские летописи. — Рязань: Александрия, 2008. — 336 с.
  31. ↑ Плотников М. А., Клычков С. А. Янгал-маа: вогульская поэма со статьей автора о вогульском эпосе. — Москва; Ленинград: Академия, 1933. — 610 с.
  32. ↑ Носилов К. Д. У вогулов. Очерки и наброски / А.С. Суворин. — СПб., 1904. — 255 с.
  33. ↑ Витсен Николаас. Северная и Восточная Тартария. — Амстердам: Pegasus, 2010.
  34. ↑ Записки капитана Иоганна Филиппа Страленберга об истории и географии Российской империи Петра Великого. — М.; Л.: ЛО Ин-та истории СССР АН СССР, 1985. — Т. I. Северная и Восточная часть Европы и Азии. — С. 39, 72.
  35. ↑ Миллер Г. Ф. История Сибири. — М.: Издат. фирма «Восточная литература» РАН, 1999. — Т. I. — С. 242.
  36. ↑ Ионина Н. А. 100 великих сокровищ. — М.: Вече, 2002. — 464 с. — ISBN 978-5-9533-2258-4.
  37. ↑ Забугин В. Н. Юлий Помпоний Лэт: Крит. исследование // Историческое обозрение (1913 г.). — СПб.: Тип. М.М. Стасюлевича, 1914. — С. 97—98.
  38. ↑ Бадер О. Н., Смирнов А. П. «Серебро закамское» первых веков нашей эры. Бартымское местонахождение // Труды ГИМ. Памятники культуры. — М., 1954. — Вып. XIII.
  39. ↑ Костомаров Н. И. Славянская мифология. — Киев: Тип. И. Вальнера, 1847. — 30—31 с.
  40. ↑ Веселовский Н. И. Мнимые каменные бабы. — СПб.: Тип. П.П. Сойкина, 1905. — С. 4.
  41. ↑ Веселовский Н. И. Мнимые каменные бабы. — СПб.: Тип. П.П. Сойкина, 1905. — С. 10.
  42. ↑ Алексеев М. П. Сибирь в известиях западно-европейских путешественников и писателей. — С. 117.
  43. ↑ Карамзин Н. М. История государства Российского. — М.: Книга, 1989. — С. 158.
  44. ↑ Краткая Сибирская летопись (Кунгурская) // Сибирские летописи. — С. 424—425.
  45. ↑ Трубецкой Н. С. К вопросу о Золотой бабе // Этнографическое обозрение. — М., 1906. — № 1—2. — С. 60.
  46. ↑ Гемуев И. Н., Сагалаев А. М., Соловьев А. И. Легенды и были таёжного края. — Новосибирск, 1989. — С. 167.
  47. ↑ Петрухин В. Я. Мифы финно-угорских народов. — М.: Астрель; АСТ; Транзиткнига, 2005. — С. 25.
  48. ↑ Носилов К. Д. У вогулов. Очерки и наброски. — СПб.: Типография А. С. Суворина, 1904. — С. 114, 117—119.
  49. ↑ В Коми-Пермяцком драмтеатре подготовили к показу новый спектакль. Комсомольская правда - Пермь (2021-06-29). Видзӧтӧм 27 Тулысшӧр 2026.
  50. ↑ Зарни Инь. Золотая Баба / Атмосферное и завораживающее фэнтези о легендарных временах и современности. Коми-Пермяцкий национальный ордена «Знак Почёта» драматический театр им. М. Горького. Видзӧтӧм 27 Тулысшӧр 2026.
  51. ↑ Адаев В. Н. Ушедший хозяин Демьяна (почитание хантами духа-хозяина р. Демьянка в XX в.) // Земля Тюменская: Ежегодник Тюменского областного краеведческого музея. — 2007. — Вып. 20. — С. 186-205.

Литература

Туялан литература

Научно-популярнӧй литература

  • Чулков М. Д. Золотая баба // Предания о народных русских суевериях, поверьях и некоторых обычаях. — М.: Тип. С. Орлова, 1861. — С. 103.
  • Гемуев И. Н., Сагалаев А. М., Соловьёв А. И. Легенды и были таёжного края. — Новосибирск: Наука, Сибир. отделение, 1989. — 176 с. — ISBN 5-02-029181-1.
  • Ионина Н. А. 100 великих сокровищ. — М.: Вече, 2002. — ISBN 5-7838-0689-7.
  • Захаров А. П. Вслед за Великой Богиней: легенда о Золотой Бабе: Сборник. — М.: Вече, 2012. — ISBN 978-5-4444-0113-2.

Энциклопедияэзын

  • Зарни инь // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1894. — Т. XIIa. — С. 632.
  • МЭСБЕ/Зарни инь // Малый энциклопедический словарь Брокгауза и Ефрона. — 2-е изд., вновь перераб. и значит. доп. Т. 1-2. — СПб., 1907—1909.
  • Республика Коми. Энциклопедия. — Сыктывкар: Коми книжное издательство, 1997. — Т. 1. — С. 464. — ISBN 5-7555-0694-9.
  • Северная энциклопедия. — М.: Европейские издания; Северные просторы, 2004. — 303—304 с. — ISBN 5-98797-001-6.
  • Кулемзин В. М. Золотая баба // Югория. Энциклопедия Ханты-мансийского автономного округа. — Ханты-Мансийск, 2000. — ISBN 5-88664-084-3.

Художествоа литература

Ыстӧттэз

Босьтӧма "https://koi.ruwiki.ru/w/index.php?title=Зарни_инь&oldid=214369"-ись