Быкобой (йӧзалан)

Быкобой — Проллавер лунся пороз йӧзалан, чулӧтсьывліс Ыджыт Кочаын гожумпом 31 лунӧ.

Чулӧтӧм

Пороз йӧзалан Ыджыт Кочаын, туяліссез сьӧрті, XIX сёвоын вӧлі комиэслӧн межыджыт йӧзаланӧн, кӧда вӧлі йитӧм вӧв лун — Проллаверӧн (роччеслӧн Пров лун). Йӧзаланӧн корисӧ Енлісь тырдоз да тыртісӧ мыжа.

Чулӧтлісӧ неӧткӧдя. Вӧлі ко кӧслун, подасӧ начкылісӧ одзза лунас — гожумпом 30 лунӧ. Сэк рытнас юрбитісӧ вичкуын да сэсся начкисисӧ. Яйсӧ торйӧтлісӧ да пуисӧ кык пӧртын, сёйисӧ ӧтлаын сёрӧн рытнас. Ашынас — Проллавернас — мунісӧ вежатуйӧн вӧввезӧн да юрбитісӧ вадорын ваас сулалӧмӧн. Васис петікас лава вылын вичкуись морт гывйӧтіс вӧввесӧ вежаваӧн. Одзза кадӧ, 1880-ӧт воэзӧдз, ваас сулалӧм бӧрын пондӧтчывлісӧ верзьӧмӧн одзасьны, сэсся одзасьӧмсис кидчисӧ — кыдзкӧ сы дырни талисӧ мортӧс.

Эз ко вӧв кӧслун, сэк чулӧтсис ӧтік лунӧн. Одз асывнас вичкуын сувтӧтлісӧ масіссез, сэсся юрбитісӧ ваын сулалӧмӧн. Сы бӧрын начкылісӧ пороззэсӧ, пуисӧ яйсӧ да ӧтлаын сёйисӧ.

Вичку дын вузасьлісӧ, ярмарка вылас вовлісӧ вузасьны мануфактураӧн да бакалеяӧн.

Пороз начкылӧмыс эз мун тодиль регламент сьӧрті. Йӧзалан порозсӧ борйывлісӧ, ӧт гижӧм сьӧрті, куимвосяӧс, мӧд сьӧрті, шогӧсьӧс. Начкылісьыс начкисьӧм одзын пывсьывліс. Начкисӧ порозсӧ пуртӧн, мӧртісӧ сійӧн горшас.

И.Н. Смирнов сьӧрті, 1870-ӧт воэзӧ начкылісӧ 80 пороз, М.В. Малахов дырни 1880 да 1881 воэзӧ – 22 и 25 пороз. В. Сабуров 1890-ӧт помын лыддис 20 пороз мымда. И.В. Шестаков гижӧм сьӧрті: 1908 воӧ начкисӧ 45 пороз, 1909 – 35, 1910 – 25 да 1911 воӧ – 1 пороз.

1914 воӧ Быкобойсӧ запретитісӧ.

Ӧння кадӧ

1990-ӧт воэзын Кочёвскӧй районын коми культурасӧ пондісӧ зорӧтны район отсӧтӧт. Сідз Зыряноваын вились чулӧтісӧ Ваын сулалӧм, Кукушкаын — Стрӧча, Ыджыт Кочаын — Турун вежан лун. Сія жӧ кадӧ Екатеринбургись М.В. Малаховыслісь статьяэсӧ Ыджыт Кочаас ваис Н. Трушников. «Мича асыв» фольклорнӧй ансамбльлӧн юралісь Андрей Гагарин ӧктіс отирлісь информация Быкобой йылісь да статьяэс отсӧтӧн керис вежалуныслісь реконструкция.

Медодззаись Быкобойсӧ чулӧтісӧ 1999 воӧ гожумпом 29 лунӧ, сэсся — 2000 во гожумпом 27 лунӧ, 2009 во гожумпом 30 лунӧ. Эна луннэс вӧлісӧ вежалуннэзӧн. Проллаверсӧ ӧтлаӧтлісӧ Ыджыт Кочалӧн 420 вося юбилей порйӧтӧмкӧт, посад лун да «Олан-вöлан, коми отир!» фестиваль чулӧтӧмкӧт. 2018 воӧ Проллаверсӧ чулӧтісӧ гожумпом 31 лунӧ. Вежалуныс муніс Пермскӧй крайлӧн культура сьӧрті Министерство отсӧтӧн, сійӧ пыртісӧ «59 регионлӧн 59 фестиваль» программаӧ.

Медияын

• Документальнӧй фильм «Быкобой» (Россия, Свердловская ГТРК, 2000. 53 мин. Режиссёр Анатолий Балуев)

Лыддьӧтан

• Рогов Н.А. Материалы для описания быта пермяков // Пермский сборник. – М., 1860. – Кн. 2. – Отд. 2. – С. 1–127.
• Поездка члена-сотрудника М.В. Малахова на Урал // Отчет Русского географического общества за 1881 г. / Сост. В.И. Срезневский. – СПб., 1882. – С. 35–38.
• Добротворский Н. Пермяки. Бытовой и этнографический очерк // Вестник Европы. – 1883. – Т. 2. – Кн. 4. – С. 548–580.
• Малахов М.В. Быкобой у пермяков в день Флора и Лавра // Записки Уральского общества любителей естествознания. – Екатеринбург, 1888. – Т. XI. – С. 85–96.
• Смирнов И.Н. Пермяки: Историко-этнографический очерк (Известия общества археологии, истории и этнографии при императорском Казанском университете. Т. 9. Вып. 2). – Казань: Типография Императорского ун-та, 1891. – 289 с.
• Сабуров В. На скотском празднике (жертвоприношения пермяков) // Пермские губернские ведомости. – 1899. – № 219. – С. 2.
• Живописная Россия. Отечество наше в его земельном, историческом, племенном, экономическом и бытовом значении. Т. 8: Среднее Поволжье и Приуральский край. Ч. 2. Приуральский край. – СПб., М.: [Тип.] М.О. Вольф, 1901. – 311 с.
• Янович В.М. Пермяки. Этнографический очерк // Живая старина. – 1903. – Вып. I, II. – С. 52–171
• Жаков К.Ф. По Иньве и Косе. Этнографический очерк // Живая старина. – 1903. – Вып. 4. – С. 409–421.
• Шестаков Я. Жертвоприношение пермяков-христиан в день Флора и Лавра // Этнографическое обозрение. – 1909. – № 4. – С. 32–36.
• Гусев Н. Власть тьмы // Пермская земская неделя. – 1911. – № 2. – Кол. 28–30.
• Шестаков И. Верхнекамские инородцы. Опыт обозрения мероприятий земств Соликамского. Чердынского и Глазовского в целях культурного подъема камских инородцев. – Архангельск: Губернская Типография, 1912. – 15 с.
• Крупкин А. Верования Пермяков-инородцев // Известия Архангельского общества изучения Русского Севера. – 1911. – № 4. – С. 301–307.
• Климов В.В., Чагин Г.Н. Круглый год праздников, обрядов и обычаев коми-пермяков. – Кудымкар: Коми-Пермяцкое кн. изд-во, 2005. – 256 с.
• Пантюхин Д.А. Коми-пермяцкий праздник Проллавер с обрядом Быкобой // Этнографическое обозрение. – 2012. – № 1. – С. 85-101.
• Голева, Т. Г. Жертвенный обряд коми-пермяков в селе Большая Коча // Вестник Пермского федерального исследовательского центра. – 2020. – № 3. – С. 85-96.

Ыстӧттэз