Пера
| Пера | |
|---|---|
 |
Пера — коми отир фольклорись персонаж, вына морт, Вӧрись вермись да коми отир чужтісь.
Фольклорын
Пера йылісь сюжетыс медбура тӧдса лупьинсалӧ да Кулӧмдінісь комиэзлӧ[1][2]. Медодззаись сія вӧлі фиксируйтӧм XVIII сёвоын[2].
Пера кыдз вына морт
Пераыс олӧ Лупья вылын, вӧралӧ да вӧдитӧ му. Сы Мизя воныс кысъялӧ Москваын царь дын. Москва вылас уськӧтчӧны йӧз отир, кӧдналӧн эм ыджыт гӧглян. Царьыс корӧ коми вына мортсӧ отсавны. Пераыс мунӧ тышкасьны да вермӧ. Роч царьыс мӧдӧ вештісьны Пераыскӧт зарниӧн да эзысьӧн, но сія корӧ вӧр грамота да ермогись кулӧм.
Гортӧ бертӧм бӧрын Пераыслӧ вермасьӧ Вӧриськӧт да вермӧ сійӧ бӧбӧтӧмӧн. Медодзз сія Вӧрисьыс вермӧ Пересӧ мыр шедтанын, сэсся Пераыс кӧрталӧ асьсӧ мыр бердӧ да мырыс пондӧ горсьыны. Сэк Пераыс позьӧтӧ Вӧрисьсӧ, шуӧ мый сідз сы дынӧ локтӧ вын. Вӧрисьыс юасьӧ, кыдз Пераыс узьӧ. Мӧдыс шуӧ, мый узьӧ дзик кыдз мыр. Ойнас Пераыс пуктӧ ас туяс кыдз да веввтьӧ сійӧ лузаннас. Вӧрисьыс мортӧ пуас эзысь йыла шы. Пераыс сы коста пукалӧ пу вылын, да лыйӧ Вӧрисяс ньӧвйёсьӧн. Дойдӧм Вӧрисьыс пышшӧ гортас, Пераыс вӧтчӧ сы сьӧрӧ да Вӧрисьыс керку дын вийӧ сійӧ. Пераыс гӧтрасьӧ Вӧрисьыс инькакӧт да сэсся вийӧ сійӧ.
Пераыс вермасьӧ Строгановвезкӧт вӧр да пу понда. Строгановвез визиралӧны Пераыслісь мусӧ кӧртгезӧн. Пераыс сійӧ летыштӧ киэзнас да мунӧ овны вӧрӧ.
Пера кыдз коми отир важ
Пераыс — Парма-вӧрлӧн зон. Ӧтпыр сія локтӧ вадорӧ, кытӧн юӧ Енӧшка. Сія корӧ лэбтыны сійӧ кымӧрӧ. Енӧжӧ кайикӧ Пераыс адззӧ мусӧ да уна би, медыджытыс — Шондi. Пераыс мӧдӧ босьтны сыись невна би да сэтчӧ ӧдззӧ гымавны да сійӧ чарӧтӧ му вылӧ. Сійӧ кутӧ аслас зарниа додьӧ Зарань, Шондiлӧн ныв. Нія лоисӧ ӧтамӧдлӧ сьӧлӧмви да мунісӧ овны му вылӧ. Шондіыс лӧгасис ныв вылас да муніс. Му вылас лоис пемыт да кӧдзыт, кынмисӧ быдӧс ваэс. Парма-вӧрыс дзебис томгозъясӧ. Шондіыс эз вовлы сизим во. Сы коста Пера да Зараньыс чужтісӧ сизим зон да сизис ныв. Шондіыс бертіс да пондіс корны Зараньсӧ бертны ас дынас. Зараньыс эз кай айыс дын. Сэк Шондіыс кутчис сотны мусӧ. Зараньыс кайис айыс дын да корис сьӧрас сизим кага. Пармаыс аркмӧтіс говк. Зараньыслӧн челядьыс эзӧ адззӧ туйсӧ мамыс дынӧ. Сідз комиэс янсӧтчисӧ перем да зыряна (заряна) вылӧ.
Культураын
Анимация
- 1988 — мультфильм «Сказ о Пере-богатыре», реж. Леонид Кощеников, Пермьтелефильм, СССР [3].
Лыддьӧтан
Комиӧн
- 1967 — Василий Лыткин, «Пера-богатыр» поэма
Рочӧн
- 1966 — Владимира Муравьев, «Пера-богатырь с берегов Лупьи»
- 1966 — Александр Клейн, «Камень жизни» пьеса
- 1973 — Александр Клейн, «Ожерелье Сюдбея» пьеса
- 1977 — Александр Клейн, «Волшебный камень, или книга Белой Совы» висьтас
Синбан туялӧм
- Игнатов В. Г. Легенды и сказания народа коми: альбом репродукций; сост. М. П. Свириденков; текст А. К. Микушев. – Сыктывкар: Коми кн. изд-во, 1985.
- Коми легенды и предания /вступ. ст., сост. и пер. Ю. Г. Рочев. – Сыктывкар: Коми кн. изд-во, 1984. – 176 с.
- Конаков Н. Д. Традиционное мировоззрение народов коми : Окружающий мир. Пространство и время / Н. Д. Конаков ; Рос. акад. наук, Ур. отд-ние, Коми науч. центр, Ин-т яз., лит. и истории. - Сыктывкар : Коми научный центр УрО Российской АН, 1996.
- Лимеров П. Ф. Коми несказочная проза : учеб. пособие по спецкурсу / П. Ф. Лимеров. - Сыктывкар : СГУ, 1998. – 96 с.
- Микушев А. К. Коми народный эпос : (Историко-культурные контакты): учебное пособие по спецкурсу / А. К. Микушев ; М-во высш. и сред. спец. образования РСФСР, Сыктывкарский гос. ун-т. - Сыктывкар : СГУ, 1989. – 81 с.
- Микушев А. К. Коми народный эпос : Историко-культурные контакты. Взаимосвязи коми эпоса : учебное пособие / А.К. Микушев ; М-во образования и науки Рос. Федерации, Сыкт. гос. ун-т. - Сыктывкар : Сыктывкарский государственный университет, 2006. - 150 с.
- Микушев А. К. Эпические формы коми фольклора / А. К. Микушев ; Акад. наук СССР, Коми филиал. – Ленинград : Наука, Ленинградское отделение, 1973. – 253, [2] с.
- Мифология Коми. – Москва – Сыктывкар: ДИК, 1999. – 480 с.: ил., карт.
- Му пуксьöм: коми войтырлöн мифология / лöсьöдiс, коми кыв вылö вуджöдiс П. Ф. Лимеров; серпасалic А. В. Мошев. – Сыктывкар: Коми небöг лэдзанiн, 2005. – 622, [2] л. б.: серпас. – На коми, рус. яз. – Пер. загл.: Сотворение мира.
Пасйӧттэз
- ↑ Герои коми легенд и преданий Культурная карта Коми Республики
- ↑ 1 2 [Пера] Этнографическая электронная энциклопедия "Традиционная культура народов европейского Северо-Востока России"
- ↑ Сказ о Пере-богатыре. Мультфильм, СССР, 1988 Smotrim.ru