Гундыр
| Гундыр | |
|---|---|
| Гундыр | |
 | |
| Мифология | коми |
| Пӧв | мужской |
| Удж | гусялӧ отирӧс, видзӧ ас кипод увтын зарни да берся дон |
| Йитчӧм персонажжез | Ёма |
| Ассяма торрез | уна юр |
| Атрибуттэз | кӧртісь керӧм йӧрнӧс |
| Мӧдік культураэзын | Змей Горыныч |
Гундыр — коми да коми-пермяцкӧй фольклорись герой, уна юра ыджыт мыгӧра морт нето кый. Сідзжӧ тӧдса Пермскӧй крайись Чердын районісь роччез фольклорын. Мыччасьӧ медшӧр геройлӧн антагонистӧн.
Этимология
«Гундыр» кывсӧ лыддьӧны аркмӧмӧн ӧтласа перем кылын *gundir , кытӧн сы вежӧртасӧн вӧлі «дракон, ош» (удмурт кылын ӧння кадӧ «гондыр» —ош). Владимир Напольских сьӧрті, кылыс локтіс важ осетинскӧй кылісь *gundar «дракон» (осет. käf-qwyndar «дракон»[1][2].
Коми отирын гундырыслӧн синбаныс йитӧм гу, гуны, гусявны, гуниктыны, кунöр, кымöр кыввезӧн[1].
Синбан
Гундырыс мыччассьӧ коми, ойвыв коми-пермяккезлӧн да Пермскӧй край Чердынскӧй районісь роччезлӧн фольклорнӧй прозаын. Коми фольклор сьӧрті, сія 3, 6, 9, 12 нето 24 юра ыджыт мыгӧра морткодь олісь. Туяліссес шуӧмӧн, роч фольклор кузя 1940 воэзсянь сія пӧрис ыджыт кыйӧ (драконӧ) да пондіс вачкисьны роч Змей Горыныч вылӧ[1]. Зооморфнӧй синбаныс сідзжӧ йитсьӧ Перем вӧрпа стились уна юраэзкӧт[2].
Фольклорнӧй тексттэз сьӧрті, гундырыс новйӧ «кӧрт йӧрнӧс». Олӧ ваын, му пытшкын, керӧсын нето сы пытшкын, нето енӧжын. Мыччасьӧ сьӧд кымӧрӧн, лӧз руӧн нето сьӧд тшынӧн. Сылӧн лолалӧмыс лыддиссьӧ пежӧн[1].
Гундыр мыччассьӧ кыдз ты, саридз, керӧс видзись, видзӧ ас кипод увтын зарни да мӧдік дона эмбур. Унажыксӧ медшӧр геройлӧ паныт керись. Гундырыс лыддиссьӧ Ёмалӧн айкаӧн, зонӧн нето нылыс айкаӧн. Сёйӧ отирсӧ, гусялӧ йӧзлісь иннез, шонді[1][3][4]. Эпическӧй прозаын Гундырыс вермасьӧ Перакӧт.
Гундырлӧн синбаныс контаминируйтчӧ Кӧин саркӧт, Бескӧт, Кощейкӧт, ошкӧт, Вӧриськӧт да Вакулькӧт[1].
Сёрниын сы нимыс лоӧ видчан кылӧн[2].
Культураын
Гундырыс пантасьлӧ ӧння кадся коми да роч литераторрез гижӧмын: Александр Лужиков («Бӧрданаӧй, Пераӧй, югыд шондiӧй» поэма, 2001)[5][6], Светлана Володина (авторскӧй сказкиэз)[7], Владимир Муравьёв («Пера-богатырь с берегов Лупьи» висьтӧс, 1966), Юрий Пешкилев («Гундыр» роман, 2021).
Небӧг графикаын гундырсӧ серпасалісӧ Аркадий Мошев, Василий Игнатов, Владимир Осипов.
Пасйӧттэз
- ↑ 1 2 3 4 5 6 Гундыр. ИЯЛИ Коми научный центр УрО РАН. Видзӧтӧм 2 Гожумшӧр 2025.
- ↑ 1 2 3 Анна Сивкова Гундыр - не только ругательство. Газета "Республика" №240 (4637) (30 декабря 2011 года). Видзӧтӧм 2 Гожумшӧр 2025.
- ↑ Гундыр. Национальная детская библиотека Республики Коми им. С.Я. Маршака (22 августа 2020). Видзӧтӧм 3 Гожумшӧр 2025.
- ↑ Гундыр. Культурная карта Республики Коми. Видзӧтӧм 3 Гожумшӧр 2025.
- ↑ Горинова Наталья Васильевна, Ельцова Елена Власовна. Структурно-поэтическое своеобразие поэм А. Лужикова // Ежегодник финно-угорских исследований. — 2017. — № 2.
- ↑ Ельцова Е. Авторская интерпретация образов и мотивов коми фольклора в поэме А. М. Лужикова «Бӧрданаӧй, Пераӧй, югыд шондiӧй» (Пера мой оплакиваемый, ясное солнце мое, 2001) / Е. В. Ельцова // Филологические исследования — 2017. Фольклор, литературы и языки народов европейской части России: формы, модели, механизмы взаимодействия : сборник статей по итогам Всероссийской научной конференции (9-13 октября 2017 г., Сыктывкар) / [редакционная коллегия: Ю. А. Крашенинникова (отв. ред.) и др.]. — Сыктывкар : Институт языка, литературы и истории Коми НЦ УрО РАН, 2017. — С. 223—228.
- ↑ Елизавета Спирина, Анна Арустамова. Мир сказок Светланы Володиной // Проблемы филологии глазами молодых исследователей. — 2018. — № 1. — С. 155—158.
Литература
- Коми мойдъяс / лӧсьӧдiс Ф. В. Плесовский. — Сыктывкар: Коми кн. изд-во, 1966. — 160 с.
- Коми народные сказки / сост. Ф. В. Плесовский; [лит. обработка Н. Белинович]. — Сыктывкар: Коми кн. изд-во, 1975. — 141, [2] с.
- Микушев А. К. Эпические формы коми фольклора / А. К. Микушев ; Акад. наук СССР, Коми филиал. — Ленинград : Наука, Ленинградское отделение, 1973. — 253, [2] с.
- Мифология Коми. — Москва — Сыктывкар: ДИК, 1999. — 480 с.: ил., карт.
- Солнцеликие братья: коми народные сказки в литературном изложении на русском Петра Столповского. — Сыктывкар: Анбур, 2007. — 329 с.
- Гундырли: коми мойд // Национальная электронная библиотека Республики Коми / ГБУ РК «Национальная библиотека Республики Коми». Сыктывкар, 2015—2018.
- Петрухин В. Я. Мифы финно-угров. — М.: Астрель: АСТ:Транзиткнига, 2005. — 465 с.
- Столповский П. М. Иван Куропеевич и сестра его Ануш: сказка / Петр Столповский // Национальная электронная библиотека Республики Коми / ГБУ РК «Национальная библиотека Республики Коми». Сыктывкар, 2015—2018.
- Столповский П. М. Гундырли: сказка / Петр Столповский // Национальная электронная библиотека Республики Коми / ГБУ РК «Национальная библиотека Республики Коми». Сыктывкар, 2015—2018.