Отинова Ксения Владимировна
| Ксения Отинова | |
|---|---|
 | |
| Чужан ним | Отинова Ксения Владимировна |
| Чужан лун | 1994 во тӧвпом 7 лун |
| Чужанін | Кудымкар, Коми-Пермяцкӧй автономнӧй округ, Российскӧй Федерация |
| Канму |
 Российскӧй Федерация |
| Профессия | орсісь |
| Карьера | 2020 — ӧнӧдз |
Отинова Ксения Владимировна (1994 во тӧвпом 7 лун, Кудымкар) — российскӧй театральнӧй да киноын орсісь, М. Горький нима Коми-Пермяцкӧй национальнӧй драматическӧй театрись орсісь.
Олантуй
Чужис 1994 во тӧвпом 7 лунӧ Кудымкарын. Быдмис Пешнигортын. 2009 воӧ помаліс Пешнигортісь шӧрӧт школа. Велӧтчис Кудымкарись педагогика колледжын, помаліс 2014 воӧ «английскӧй кыв велӧтісь» специальность сьӧрті[1].
Пырис велӧтчыны Перем канмуся культура институтӧ. Велӧтчис «режиссура» факультетын (РФ-лӧн Заслуженнӧй артист Виктор Узунлӧн курс), помаліс 2019 воӧ да пырис велӧтчыны МХАТ школа-студия режиссёррез понда магистратураӧ[1].
2020 воӧ медодззаись снимайтчис киноын, орсіс медшӧр роль (студенка Таня) «Территория» сериалын[1][2]. Сериалыс вӧлі дырсьӧтӧм 2 сезон кежӧ, кольччис аслас рольӧ[3][4]. Вӧлі мыччалӧм 2023 воӧ.
2021 воӧ орсіс медшӧр роль «Иллюзии» нима фильм-спектакльын, кӧдӧ снимайтісӧ Перемын[5].
2021 восянь уджалӧ М. Горький нима Коми-Пермяцкӧй театрын, орсӧ роч да коми кывья спектакллезын.
2023 воӧ орсіс роллез «Кафе «Куба». Сэк жӧ уджаліс «Урок» сериалын (ӧтлаын Юра Борисовкӧт).
2025 воӧ ӧктіс Кудымкарын ассис «Мох» нима театральнӧй чукӧр. Мыччаліс ассис медодзза спектакль — «Косьны» — 2025 во тулыспом 29 лунӧ Кудымкарись Изъюр вылын[6].
Роллез театрын
Коми-Пермяцкӧй театрын орсӧ коми да роч кывья спектакллезын.
- ПраВнучка — «Репка. Сказка о роде в огороде» (Дарья Левингер пьеса сьӧрті, реж. Юлия Беляева);
- Софья — «Недoросль» (Денис Фонвизин комедия сьӧрті, реж. Фамил Джавадов);
- Зинаида — «Дядюшкин сон» (Фёдор Достоевский сьӧрті, реж. Юлия Беляева);
- Снегурочка вылӧ вачкисяна Кӧдзув — «Йoжикина йолка» (Сергей Козлов сьӧрті, реж. Юлия Беляева);
- Зарань — «Зарни Инь. Золотая Баба» (Наталья Макарова пьеса сьӧрті, реж. Ирина Ткачук);
- Катэ — «Войцек» (Георг Бюхнер сьӧрті, реж. Юлия Беляева).
Фильмография
| Во | Ним | Роль | |
|---|---|---|---|
| 2020-2023 | с | Территория | Таня |
| 2021 | ф | Иллюзии | Сандра |
| 2023 | с | Кафе «Куба» | Соколова |
| 2024 | с | Урок | Лиза |
Пасйӧттэз
- ↑ 1 2 3 Константин Седегов Ксения Отинова о съёмках в Территории: “…они практически стали мне семьёй”. Парма-Новости (21.10.2020). Видзӧтӧм 7 Гожумшӧр 2025.
- ↑ Юлия Шелковенко Ксения Отинова: “Девочка с палкой” из “Территории” - это я. Московский комсомолец-Крым (08.11.2020). Видзӧтӧм 7 Гожумшӧр 2025.
- ↑ Елена Третьякова Тайны сериала «Территория»: В коми-пермяцких деревнях до сих пор живут колдуны. Комсомольская правда-Пермь (03.03.2023). Видзӧтӧм 7 Гожумшӧр 2025.
- ↑ Ольга Якунчева «Сюжет достаточно жуткий»: звезда сериала «Территория» Ксения Отинова рассказала о новом сезоне, который снимали в Прикамье. 59.ru (18.12.2022). Видзӧтӧм 7 Гожумшӧр 2025.
- ↑ Вероника Свиязева В декабре в Перми пройдут премьеры спектакля и фильма-спектакля по пьесе Вырыпаева «Иллюзии». 59.ru (15.11.2021). Видзӧтӧм 7 Гожумшӧр 2025.
- ↑ Анастасия Киреева В Кудымкаре появился независимый театр «МОХ». Театръ (11.06.2025). Видзӧтӧм 7 Гожумшӧр 2025.
Ыстӧттэз
- Ксения Отинова йылісь Коми-Пермяцкий национальный драматический театр им. М. Горького (Видзӧтан кад 2025-07-07)