Каникуллэз

Босьтöм Рувикиись
Learning.svg

Б. Н. Ельцин нима библиотекалӧн материаллэз

Arrow-Right.png
Library.png
Эта статьяыс гижӧм
Б. Н. Ельцин нима Президентскӧй библиотека фонддэзісь материаллэзӧн
Унажык
Каникуллэз
Каникуллэз. Серпасалісь Анатолий Янев. 1980-ӧт воэз.
Каникуллэз. Серпасалісь Анатолий Янев. 1980-ӧт воэз.
Иналӧм Велӧтӧм
Аркмӧтан кад XIX сёвоись мӧдӧдзза джын (Россия)

Каникуллэз (рочӧн Кани́кулы) — шоччисьӧм да мӧдік социальнӧй моггез понда велӧтчӧм дырни план сьӧртася кадкосттэз, кӧдна пуктӧмӧсь велӧтчӧм йылісь законодательство, календарнӧй велӧтчан график да велӧтчан организацияэзлӧн акттэзӧн.

Этимология

Важ Римын гожумся дзирыт кад коста асыввезӧн бура тӧдчис Сириус кӧдзув, сія шусис Canicula («учӧт пон»). Нійӧ луннэсӧ шуисӧ «dies caniculares»[1] — «пон луннэз» (гожумшӧр 22 лунсянь гожумпом 23 лунӧдз). Сідз шуисӧ гожумся шоччисян кад, кӧр руыс вӧлі ӧдъя да дзирыт[2][3][4].

Россияын

Россияын 1917 воӧдз каникулы кылӧн шусис гожумся шоччисян кад. Владимир Дальлӧн  (перм.рус. вежӧртӧта кывчукӧрын позьӧ адззыны эттшӧм вежӧртӧтӧм: «Каникуллэз — дзирыт кад гожумӧн, и гуляйтан кад, велӧтчаніннэзын шоччисян кад; тыр каникуллэз гожумшӧр 1 лунсянь гожумпом 15 лунӧдз; кытӧнкӧ лыддьӧны одзгожумсянь, нельки тулыспомсянь»[5].

Революция вотӧдз  (перм.рус. одзшколаэзын да вичкудынся училищеэзын каникуллэз кыссисӧ квать нето сизим тӧлісь — «кӧдзсян помалӧмсянь да локтан вося кӧдзсянӧдз». Регионнэзӧт нія пондӧтчисӧ аршӧр-одзтӧлӧн, да помассисӧ одзтулыс-тулыспомӧн[6].

ВШЭ НИУ-ись велӧтчӧм зорӧтан институтісь юралісь научнӧй сотрудник, профессор Ирина Абанкина тодиляліс[7]:

Школася каникуллэз миян вӧлісӧ йитӧмӧсь нето вежалуннэз кежӧ, нето вӧрва мыччӧттэз дынӧ. Абу лӧсялана каникуллэз одзтулыс помӧн — апрель пондӧтчикӧ вӧлісӧ лӧсьӧтӧмӧсь ыджыт ва кежӧ, кӧр мунны школаӧдз уна регионын вӧвлі ӧддьӧн сьӧкыт. Велӧтчан во пондӧтчӧ одзар 1 лунӧ — этӧ традиционнӧй важ роч Виль во. Арся каникуллэз — арпомся донтан луннэз.

1803 воӧ петісӧ «Отирӧс велӧтӧмлӧн одзасся туйдӧттэз», кытчӧ пырисӧ велӧтан реформалӧн подуввез. Сідз, ныын вӧлі гижӧм, мый велӧтчан восӧ колӧ пондӧтны гожумпом 1 лунӧ да помавны локтан вося гожумшӧр 1 лунӧ[8].

Советскӧй кадӧ велӧтчан во пондӧтчис быдберся кадӧ. Уна школаэзын — гожумпом 14 лунӧ.

1935 воӧ петіс Народнӧй комиссаррез Советлӧн да ВКП(б) ЦК-лӧн «Велӧтан удж организуйтӧм одз, небыдса шӧрӧт да шӧрӧт школаэзын пытшкся распоряженнё йылісь» постановленнё. Документ сьӧрті велӧтчан во пондӧтчис одзар 1 лунӧ. Вӧлі лӧсьӧтӧм каникуллэз кадкост: арся — арпом 5-9 луннэзӧ, тӧвся — одзтӧв 30 лунсянь тӧвшӧр 10 лунӧдз, тулысся — одзтулыс 24-31 луннэзӧ, гожумся — велӧтчан во помалан лунсянь гожумпом 31 лунӧдз[8].

Посадся школаэзын тувсовӧй каникуллэз местнӧй условиеэз сьӧрті уджаліссезлӧн депутаттэзлӧн районнӧй Сӧветтэзлӧн исполнительнӧй комитеттэз решение сьӧрті вермӧны вуджӧтны мӧдік сроккез вылӧ.

СССР Министррез Советлӧн 1970 во одзар 8 лунся № 749 постановленнёӧн вӧлі пуктӧм, мый школаэзын велӧтчӧмыс пондӧтчӧ одзар 1 лунӧ ла помассьӧ экзаменнэз да практикаэз чулӧтӧмӧн, 1-7 классэзын — одзтулыс 30 лунӧ, 8 классын — одзгожум 10 лунӧ, 9-10 (11) классэзын — одзгожум 25 лунӧ[9].

Локтіс каникуллэз вылӧ. Серпасалісь Фёдор Решетников. 1948 во

Ӧння кадся школаэзын каникуллэзлісь графикыс аркмӧтсьӧ «Россиийскӧй Федерацияын велӧтӧм йылісь» 2012 во одзтӧв 29 лунся № 273-ФЗ Федеральнӧй законӧн[10].

Российскӧй студенттэз понда каникуллэз сьӧрті ӧтласа график абу. Вылісь велӧтчаніннэзісь юраліссез асьныс керӧны кадкостӧ, учётӧ босьтӧны велӧтан план, курс, велӧтчан форма да производственнӧй практика. Студенттэз мунӧны каникуллэз вылӧ экзамен сессия бӧрын. Каникуллэзлӧн кузяыс петкӧтчӧ сыись, кыным велӧтчан лун эмӧсь вонас. Вуззэзын, кытӧн велӧтчан воыс торйӧтчӧ куим нето нёль семестр вылӧ, велӧтчан модуллез коласын вермасӧ лоны содтӧт шоччисян луннэз[11].

Колледжжезын да техникуммезын гожумся шоччисян график аркмӧтӧм сія жӧ принцип сьӧрті, кыдз и вуззэзын: медодз сессия, сыбӧрын производственнӧй практика да каникуллэз. Студенттэзлӧн, кӧдналӧн абу производственнӧй практика, каникуллэс пондӧтчӧны одзгожум шӧрын-помын, экзаменнэз бӧрын. Студенттэз понда, кӧдна мунӧны производственнӧй практика вылӧ, — гожумшӧр помын-гожумпом пондӧтчикӧ[11].

Каникуллэзлісь кадкостсӧ велӧтчиссез вермӧны тӧдны деканатісь, велӧтчан организациялӧн сайтісь нето асланыс кабинетісь.

Мӧдік канмуэзын

Каникуллэзлӧн кадыс мир пасьта абу ӧткодь. Германияын велӧтчан во пондӧтчӧ гожумпом 24 лунсянь одзар 15 лунӧдз[7]. Тӧвся каникуллэз кыссьӧны тӧвшӧр помсянь тӧвпомӧдз. Арнас школьниккез шоччисьӧны аршӧр помӧн кык недель сьӧрна. Розосвося каникуллэз пондӧтчӧны одзтӧв 20-23 луннэзӧ да помассьӧны тӧвшӧр 3-11 луннэзӧ.

Финляндияын гожумся каникуллэз овлӧны одзгоджум 1 лунсянь гожумпом шӧрӧдз. Розосвося каникуллэз — одзтӧв 22 лунсянь тӧвшӧр 8 лунӧдз. Ыджыт лунся каникуллэз вылӧ велӧтчиссез петӧны одзтулыс помӧн нето тулысшӧр пондӧтчикӧ[12].

США-ын каникуллэз кад абу ӧткодь, сія торйӧтсьӧ штат, школьнӧй округ, велӧтчанін да велӧтчиссезлӧн волыд сьӧрті. Арнас велӧтчиссес шоччисьӧны одзарӧн нето аршӧрӧн, тӧвнас — тӧвпомӧн нето одзтулысӧн, тулыснас — одзтулысӧн нето тулысшӧрӧн, гожумнас — одзгожумсянь гожумпомӧдз[13].

Китайын велӧтчан воыс торйӧтчӧ кык семестр вылӧ, сійӧн эмӧсь тӧвся да гожумся каникуллэз. Гожумӧн — гожумшӧрӧн да гожумпомӧн, тӧвся — тӧвшӧрсянь тӧвпом шӧрӧдз.

Японияын велӧтчан во пондӧтчӧ тулысшӧрся мӧд недельсянь. Гожумся каникуллэз — гожумшӧр помсянь гожумпомӧдз, тӧвся — одзтӧв помсянь тӧвшӧр медодзза недельӧдз, тулысся — одзтулыс шӧрын.

Филиппиннэзын каникуллэзлісь кадкост пуктӧ велӧтчан министерство. Велӧтчан во пондӧтчӧ гожумпомӧн да помассьӧ одзгожумӧн. Тулыснас велӧтчиссес шоччисьӧны тулышӧрӧн ӧтік недель сьӧрна. Розосвося каникуллэз пондӧтчӧны одзтӧв 24 лунӧ да помассьӧны тӧвшӧр 6 лун бӧрся медодзза вильлунӧ. Школаэзлӧн директоррез вермӧны асьныс содтыны велӧтчан воӧ шоччисян кад куим лунӧдз[14].

ЮАР-ын велӧтчан во пондӧтчӧ тӧвшӧрӧ да юксьӧ нёль квартал вылӧ: тӧвшӧр-одзтулыс, тулысшӧр-одзгожум, гожумшӧр-одзар да аршӧр-одзтӧв. Одзтӧлӧн пондӧтчӧны медкузь каникуллэз, кӧдна кыссьӧны тӧлісь сьӧрна, локтан велӧтчан во пондӧтчӧмӧдз.

Танзанияын виль велӧтчан во пондӧтчӧ Виль во порйӧтӧм бӧрын. Медкузь «гожумся» каникуллэз овлӧны одзтӧлӧн. Одзланься каникуллэз овлӧны Рамадан  (перм.рус. коста. Ӧтік тӧлісь сьӧрна велӧтчиссез шоччисьӧны гожумшӧрӧн[15].

Олан-вылан, пионерскӧй гожум! Серпасалісь Герман Безукладников. 1992 во

Школася каникуллэз кад

Быд российскӧй велӧтан учрежденнё вермӧ пуктыны каникуллэзлісь кадсӧ ачыс, Российскӧй Федерациялӧн велӧтан министерство рекомендацияэз сьӧрті.

Рекомендацияэс сьӧрті четверттеза велӧтан система понда 2025/2026 велӧтан воӧ каникуллэз понда пуктӧм эттшӧм кад[16]:

  • арся — аршӧр 25 лунсянь арпом 2 лунӧдз;
  • тӧвся — одзтӧв 31 лунсянь тӧвшӧр 11 лунӧдз;
  • тулысся — одзтулыс 28 лунсянь тулысшӧр 5 лунӧдз;
  • гожумся — тулыспом 27 лунсянь гожумпом 31 лунӧдз.

Медодзза классын велӧтчиссз понда рекомендуйтсьӧ сетны содтӧтӧн шоччисян луннэз куимӧт четверть коста — тӧвпом 16-22 луннэзӧ.

Триместра система сьӧрті велӧтчан воыс торйӧтчӧ куим кадкост вылӧ, кӧднаись быдыс янсалӧны ӧтдырна модуль вылӧ. Велӧтчиссес велӧтчӧны вит недель сьӧрна, да сыбӧрын ӧтік недель кежӧ петӧны каникуллэз вылӧ.

Триместра система сьӧрті каникуллэз понда Российскӧй Федерациялӧн велӧтан министерство  (перм.рус. торйӧтіс эттшӧм кадкосттэз[16]:

  • медодзза — аршӧр 4-12 луннэзӧ;
  • мӧдӧдзза — арпом 15-23 луннэзӧ;
  • куимӧт — одзтӧв 31 лунсянь тӧвшӧр 11 лунӧдз;
  • нёльӧт — тӧвпом 21 лунсянь одзтулыс 1 лунӧдз;
  • витӧт — одзтулыс 28 лунсянь тулысшӧр 4 лунӧдз.

Каникуллэз киння канму статуса донтан луннэз лоӧны шоччисян луннэзӧн, ны лыдын Отирлӧн ӧтувтчӧм лун, Чужанін дорйись лун, Победа лун да мӧдіккез.

Культураын мыччалӧм

Кинематографын

  • «Добро пожаловать, или Посторонним вход воспрещён» (1964)
  • «Каникулы Бонифация» (1965)
  • «Сто дней после детства» (1975)
  • «Каникулы в Простоквашино» (1980)
  • «Каникулы Петрова и Васечкина, обыкновенные и невероятные» (1984)
  • «Королевство полной луны» (2012)
  • «Camp Rock: Музыкальные каникулы» (2008)

Литератураын

Комиӧн
Рочӧн
  • Николай Носов «Шурик у дедушки» (1956)
  • Юрий Нагибин «Эхо» (1960)
  • Рене Госсини, Жак-Жак Сампе «Каникулы малыша Николя» (1962)
  • Анатолий Алексин «В Стране Вечных Каникул» (1966)
  • Любовь Воронкова «Гуси-лебеди» (1966)
  • Евгений Носов «Варька» (1967)
  • Владислав Крапивин «Бегство рогатых викингов» (1975)
  • Анатолий Гладилин «Секрет Жени Сидорова» (1975)
  • Юз Алешковский «Кыш и я в Крыму» (1975)
  • Сильвия Труу «Месяц как взрослая» (1978)
  • Евгений Велтистов «Миллион и один день каникул» (1979)
  • Кир Булычёв «Гостья из будущего. Каникулы в космосе или планета Пять-Четыре» (1986)
  • Анатолий Рыбаков «Каникулы Кроша» (1998)
  • Тамара Михеева «Асино лето» (2008)
  • Наринэ Абгарян «Манюня пишет фантастичЫскЫй роман» (2011)
  • Давид Гроссман «С кем бы побегать» (2011)
  • Тинатин Мжаванадзе «Лето, бабушка и я» (2022)[17]
  • Наталья Евдокимова «Лето пахнет солью» (2023)
  • Ольга Бочкова «Правдивые истории из жизни Никиты» (2024)

Пасйӧттэз

  1. ↑ Holberg J. B. Sirius: Brightest Diamond in the Night Sky. — Chichester, UK: Praxis Publishing, 2007. — P. 22. — ISBN 0-387-48941-X.
  2. ↑ Каникуллэз // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  3. ↑ Вакация // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882. — Т. 1. — С. 163.
  4. ↑ Зигель Ф. Ю. Сокровищница звёздного неба — путеводитель по созвездиям и Луне / Под ред. Г. С. Куликова. — 5-е изд. — {{{1}}} м: Наука, 1986. — С. 126.
  5. ↑ Каникула // Толковый словарь живого великорусского языка : в 4 т. / авт.-сост. В. И. Даль. — 2-е изд. — СПб. : Типография М. О. Вольфа, 1880—1882. — Т. 2. — С. 84.
  6. ↑ Воронцова, Ю.. Школы в дореволюционной России: гимназия, реальное училище, земское училище…, sibmama.ru (25 Одзар 2023). Дата обращения: 23 Одзар 2025.
  7. ↑ 1 2 Юлия Борта. Школа выживания. Какие каникулы есть у учеников разных стран, Аргументы и факты (18 Тӧвпом 2024). Дата обращения: 23 Одзар 2025.
  8. ↑ 1 2 Валерий Бурт. «Девочки могли отвлекать мальчиков от учебы, но об этом не говорили». Как начинали учебный год при царе и в СССР, Мослента (27 Гожумпом 2023). Дата обращения: 23 Одзар 2025.
  9. ↑ Об Уставе средней общеобразовательной школы (не действует на территории РФ 22.07.16 на основании постановления Правительства Российской Федерации от 11.07.2016 N 656) от 08 сентября 1970. Электронный фонд правовых и нормативно-технических документов. Видзӧтӧм 23 Одзар 2025.
  10. ↑ Федеральный закон "Об образовании в Российской Федерации" от 29.12.2012 N 273-ФЗ рус.. КонсультантПлюс. Видзӧтӧм 23 Одзар 2025.
  11. ↑ 1 2 Платят ли стипендию студентам во время летних каникул, Банки.ру. Дата обращения: 23 Одзар 2025.
  12. ↑ Юлия Вьялкова. Школьные каникулы и отпуск учителей в разных странах, Repit (4 Одзгожум 2023). Дата обращения: 23 Одзар 2025.
  13. ↑ Vicky Liu School Holidays in the US 2024-2025 англ. (2025-03-21). Видзӧтӧм 23 Одзар 2025.
  14. ↑ Каникулы в филиппинских школах рус.. TravelAsk. Видзӧтӧм 23 Одзар 2025.
  15. ↑ Юлия Порфирьева Как работает система образования в Танзании? рус.. Forbes.ru (2021-07-21). Видзӧтӧм 23 Одзар 2025.
  16. ↑ 1 2 График школьных каникул в 2025/26 учебном году, Известия (19 Гожумпом 2025). Дата обращения: 23 Одзар 2025.
  17. ↑ Книги о лете и о летних каникулах, рекомендуемые для чтения детям и подросткам. рус.. Видзӧтӧм 23 Одзар 2025.

Литература

  • Барканов С. В. Социальные и педагогические условия развития системы каникулярного отдыха и оздоровления детей: Дис. … канд. пед. наук (13.00.02). — Кострома: КГПУ им. Некрасова, 2004. — 247 с.
  • Logo-bie.svg Ишимова А. И. Каникулы 1844 года, или Поездка в Москву / Соч. Александры Ишимовой. — Санкт-Петербург: тип. Имп. Акад. наук, 1846.
  • Кижаева Д. В. Школьные каникулы в сети или онлайн лагерь как альтернатива классической смене детского отдыха и оздоровления //Аспирант. — 2021. — №. 2. — С. 87-89.
  • Мирон Н. И. Лаконично о студенческих каникулах // Мир науки, культуры, образования. — 2015. — № 1 (50).
  • Платонова Р. И., Иванова Я. Н., Михина Г. Б. На пути к новой модели организации школьных каникул // Азимут научных исследований: педагогика и психология. — 2020. — № 1 (30).
  • Циркуляры и приказы Министерства народного просвещения Российской империи. М., 1878.
  • Шмаков С. А. Летний лагерь: вчера и сегодня. Методическое пособие. — Липецк: ИГ «Инфол», 2002. — 384 с.

Ыстӧттэз

Босьтӧма "https://koi.ruwiki.ru/w/index.php?title=Каникуллэз&oldid=215788"-ись