Класснӧй руководитель

Босьтöм Рувикиись
Класснӧй руководитель
Классный руководитель.jpg
Уджалан
 педагогика, велӧтӧм

Класснӧй руководитель (рочӧн кла́ссный руководи́тель) — педагог, кӧда координируйтӧ школаын либо училищеын конкретнӧй класслӧн быдӧс велӧтчиссезлісь велӧтчан да внекласснӧй удж. Россияын одз классэзын классӧн юралан уджыс автоматическӧя сетсьӧ велӧтісьлӧ, кӧда нуӧтӧ классӧ, школаэзын вылынжык тшупӧттэзын да училищеэзын — ӧтік велӧтісь-предметниклӧ, кӧда уджалӧ эта классын/группаын, велӧтчанінлӧн администрация решеннё сьӧрті. Уна канмуэзын велӧтчан системаэзын сідзжӧ лӧсьӧтӧмӧсь велӧтіссез коласісь классӧн веськӧтлісьӧс.

История

Классӧн веськӧтлӧмлӧн институт Россияын аркмис XIX сёвосянь, кӧр велӧтчаніннэзын вӧлі пыртӧм «комнатнӧй надзиратель» должность. Отир велӧтӧм министерство 1813 воӧ лэдзис постановленнё пансионаттэз дынын комнатнӧй надзирателлезлісь институт организуйтӧм йылісь, ны медшӧр уджӧн вӧлі «челядьлӧн нравственность да свойствоэз быдлаӧ веськӧтӧм да отечестволӧн истиннӧй да полезнӧй зоннэзӧс быдтӧм». Комнатнӧй надзирателлез дынӧ корӧммес вӧлісӧ вылынӧсь — нылӧ коліс мыччавны пример нравственностьын, тӧдны кыввез. Комнатнӧй надзирателлезлӧн вӧлі быдтассэзкӧт ӧтік пызан, нія узьлісӧ комнатаэзын, кытӧн узисӧ быдтассэз, ветлісӧ заняттёэз вылӧ классэзын, отсалісӧ уроккезӧн, следитісӧ сӧстӧма олӧм сьӧрын. Быдтассэз сьӧрын вӧджжӧтӧмлӧн могыс вӧлі веськӧтны ошибкаэз «кыв, приличие да вкус паныт», сідз кыдз велӧтчиссезлӧн поведеннёыс должен вӧлі лӧсявны роч дворянин  (перм.рус. нормаэзлӧ.

Класснӧй руководстволісь институт одзлань вежсьӧмыс вӧлі пуктӧм 1864 вося Уставӧн, кӧда пыртіс класснӧй наставниккезлісь институт, а женскӧй гимназияэзын — класснӧй дамаэзлісь институт. Класснӧй наставниккезлӧн уджыс лоӧ не надзорнӧй (эта функцияыс вуджӧ класснӧй наставниклӧн отсасисьлӧ), а быдтан характерӧн[1].

Класснӧй дамаэз да ны велӧтчиссез, 1909 во

1930 воӧ СССР-ын лоис класснӧй групповодлӧн должность. Сы вотӧдз быдтан уджсӧ группаэзын керлісӧ велӧтіссез. Класснӧй руководительлісь должность Советскӧй Союзын  (перм.рус. правительство постановленнёӧн вӧлі пыртӧма 1934 воӧ. Класснӧй руководительӧс пыртӧм йылісь одзланься постановленнёыс вӧлі пасйӧм правительство документтэзын 1960 восянь. Сыбӧрын велӧтан министерстволісь класснӧй руководство сьӧрті документтэс вӧлісӧ гижӧмӧсь методическӧй гижӧтын 1975 воӧ, да сэсся 2001 воӧ. 1990 воэзӧ, кӧр вӧлісӧ петкӧтӧмӧсь пионерскӧй  (перм.рус. да комсомольскӧй  (перм.рус. организацияэз, класснӧй руководительлӧн функционал вӧлі ӧштӧм. Ӧння Россияын класснӧй руководитель лоӧ челядь да велӧтіссез-предметниккез коласын, школа да аймам коласын, челядь да окружающӧй действительность коласын йитӧн[2].

Европейскӧй канмуэзын классӧн юралӧм институт зорамис сэтшӧма жӧ. Германияын (нем. Klassenlehrer), Францияын (фр. professeur principal), Скандинавия канмуэзын (швед.Klasslärare) класснӧй руководителлез уджӧ пырӧ сія жӧ, мый Россияын. США-ын класснӧй руковдителлез (англ. homeroom teacher) эмӧсь дзир одзшколаын, одзлань сійӧ уджсӧ нуӧтӧны кураторрез, кӧдна сувтӧтӧмӧсь быд велӧтчись дынӧ. Нія сетӧны велӧтчиссезлӧ рекомендацияэз предметтэз бӧрйӧм, кадпас, профориентация да вуззэзӧ пырӧм сьӧрті[3]. Ыджыт Британияын быд велӧтчись дынӧ сувтӧтӧм велӧтісь (англ. tutor), кӧда видзӧтӧ сы сьӧрын, кыдз сія велӧтчӧ, ветлӧ спортӧ да мӧдік сфераэзын велӧтчӧ[4].

Моггез

Г. М. Коджаспироваӧн да А. Ю. Коджаспироваӧн лӧсьӧтӧм педагогическӧй кывкудын, класснӧй руководитель (воспитатель) — педагогическӧй уджалісь, кӧда уджӧ пырӧ отсавны лӧсьӧтны кагалісь индивидуальнӧя быдмӧм да зорӧтӧм понда бур условиеэз, пыртны колана корректируйтӧммез сійӧ быдтан системаӧ, отсавны решитны проблемаэз, кӧдна чужӧны челядьыслӧн ас коласаныс, велӧтіссезкӧт, аймамкӧт, организуйтны да быдтыны класснӧй коллектив[5].

М. И. Рожковлӧн пособие (рочӧн «Классному руководителю») сетсьӧ сэтшӧм вежӧртас: класснӧй руководитель — школаын велӧтісь, кӧда уджалӧ челядьлісь олансӧ организуйтісьӧн, морт коласын йитӧттэз корректируйтісьӧн да аслас классӧ быдтӧммесӧ школа олан сьӧкыт деловӧй да психологическӧй коллизияэзын дорйисьӧн[6].

Класснӧй руководитель

Класснӧй руковдитель моггезӧ пырӧны:

  • Класснӧй коллектив лӧсьӧтӧм да зорӧтӧм;
  • Лӧсьӧтны бур психолого-педагогическӧй условиеэз, медбы быд велӧтчись зорамис, вынсьӧтіс асьсӧ, видзис ассямасӧ да осьтіс сылісь потенциальнӧй кужӧммесӧ;
  • Бул олӧм лӧсьӧтӧм;
  • Класснӧй коллективлӧн быдтан уджлӧн быдкодь формаэз пыр йитӧттэз система организуйтӧм;
  • Велӧтчиссезлісь правоэз да интерессэз дорйӧм;
  • Велӧтчиссезкӧт системнӧй удж нуӧтӧм;
  • Велӧтчиссез коласын, велӧтчиссез да мӧдік велӧтіссез коласын йитӧттэз гуманизируйтӧм;
  • Велӧтчиссезлӧн нравственнӧй вежӧртассэз да духовнӧй ориентиррез формируйтӧм;
  • Велӧтчиссезлӧн социальнӧй тӧдчӧта творческӧй удж чулӧтӧм[7].

Удж

Класснӧй руководительлӧн уджӧ пырӧны:

  • Велӧтчиссезлӧн успеваемость сьӧрті, ны поведеннё сьӧрті, ветлӧм сьӧрті мониторинг да анализ;
  • Аймамкӧт ӧтамӧдкӧт уджалӧм — аймамлӧн собраннёэз нуӧтӧм;
  • Отсалӧ дугдӧтны конфликттэз, ӧлӧтны нійӧ, ны лыдын психологгэзӧс, социальнӧй уджаліссезӧс да право видзан органнэзӧс вайӧтӧмӧн;
  • Класснӧй чассэз чулӧтӧм, кӧдна коста сёрнтичӧны колана вопроссэз, юӧртӧны официальнӧй юӧррез, планируйтӧны внекласснӧй керӧмторрез;
  • Отсалӧны чулӧтны внешкольнӧй мероприяттёэз — ӧктӧны класснӧй экскурсияэз, ветлӧтӧны музейезӧ, театррезӧ да сідз одзлань;
  • Видзны документация, кӧда нимлёдзыс вермас вежсьыны сія школа сьӧрті, кытӧн велӧтісьыс уджалӧ[8].

Россияын

Россияын велӧтіссезлӧ, кӧдна босьтӧны класснӧй руководитель удж, сетсьӧ тӧлісся сьӧмсодтӧт. РФ правительство постановленнё сьӧрті, 2024 во одзтулыс 1 лунсянь содтӧтыс лоӧ 10 сюрс руб, 100 сюрсся морта етшажык оланіннэзын, 5 сюрс руб каррезын, кытӧн олӧ 100 сюрсся унажык морт[9].

Класснӧй руководителлезлӧн 2023 вося форумын участниккез

2020 восянь быд во чулалӧ Класснӧй руководителлезлӧн Россияпасьтся форум. Мероприятёсӧ лӧсьӧтӧ велӧтӧм сьӧрті министерство  (перм.рус. Владимир Путин президент тшӧктӧм сьӧрті. Форум программаӧ пырӧны велӧтан, дискуссионнӧй да культурнӧй торрез. Спикеррезӧн да эксперттэзӧн выступайтӧны гора нима специалисттэз. Педагоггезлӧ эта форумыс сетӧ позьӧс вежсьыны уджалан опытӧн[10].

Форум меморандумӧ пыртӧмӧсь эттшӧм аспекттэз:

  • Цифрӧвӧй грамота, кыдз ӧння кадся велӧтісьлӧн быть колана компетенция;
  • Челядьӧс интернетын опастӧмалӧмӧ велӧтӧм;
  • Урокбӧрся удж, кыдз вына быдтан резерв;
  • Класснӧй час — класснӧй руководительлӧн да велӧтчиссезлӧн ӧддьӧн колана сёрнитчан форма;
  • Класснӧй руководительлӧн аймамкӧт партнёрскӧй ӧтамӧдкӧт уджалӧм — кагаӧс быдтӧм-велӧтӧмын гарант[11].

Пасйӧттэз

  1. ↑ Корябкина Елена Викторовна. Становление и развитие института классного руководства в России // Человек и образование. — 2011. — № 3.
  2. ↑ Матвиевская Т.Н. История института классного руководства (русский) // Восьмое измерение : газета. — 2021. — 1 октябрь (№ 35). — С. 1.
  3. ↑ Система школьного образования в США. IQ Consultancy. Видзӧтӧм 24 Одзар 2025.
  4. ↑ Карпенко А. А. Роль тьютора в организации воспитательного процесса в школах Великобритании. Видзӧтӧм 24 Одзар 2025.
  5. ↑ Коджаспирова Г. М., Коджаспиров А. Ю. [https://irina-bateneva.ucoz.ru/books/kodzhaspirovy-pedagogicheskij_slovar.doc А.Ю. Педагогический словарь: Для студ. высш. и сред. пед. учеб. заведений.]. — М.: Издательский центр «Академия», 2000. — С. 38 с.. — 176 с. с.
  6. ↑ Классный руководитель рус.. МБОУ "Вадинская СОШ". Видзӧтӧм 24 Одзар 2025.
  7. ↑ Приказ Министерства образования и науки Российской Федерации №21 от 3 февраля 2006 года "Об утверждении Методических рекомендаций об осуществлении функций классного руководителя педагогическими работниками государственных общеобразовательных учреждений субъектов Российской Федерации и муниципальных общеобразовательных учреждений". Электронный фонд правовых и нормативно-технических документов. Видзӧтӧм 24 Одзар 2025.
  8. ↑ Кирилл Юрьев. Классный руководитель в школе: кто это, зачем нужен, обязанности и права, роль в образовательном процессе, Lenta.RU (17 Одзар 2024). Дата обращения: 14 Одзар 2025.
  9. ↑ Правительство утвердило постановления об увеличении размера выплат за классное руководство и кураторство рус.. Правительство России (2024-04-10). Видзӧтӧм 24 Одзар 2025.
  10. ↑ Стартует прием заявок на V Форум классных руководителей рус.. Министерство просвещения России (2025-03-27). Видзӧтӧм 24 Одзар 2025.
  11. ↑ Форум классных руководителей рус.. Форум классных руководителей. Видзӧтӧм 24 Одзар 2025.

Литература

  • Классному руководителю: учеб.-метод. пособие / ред. М. И. Рожков. — Москва: Владос, 1999. — 280 с. — ISBN 5-691-00370-4.
Босьтӧма "https://koi.ruwiki.ru/w/index.php?title=Класснӧй_руководитель&oldid=215701"-ись