Кыдз ме чулӧті гожум

Босьтöм Рувикиись

«Кыдз ме чулӧті гожум» (рочӧн «Как я провёл лето») — традиционнӧй тема школаын велӧтчикӧ гижӧм понда[1]. Гижӧт, кӧдаын мыччасьӧ гожумся каникуллэз велӧтчисьнас чулӧтӧм[2]. Сэтшӧм тематикаа гижан уджыс керсьӧ велӧтчан во пондӧтчикӧ.

Школа помаліссез. Серпасалісь Яков Хаимов. 1958 во

История

Туялӧм сьӧрті, «Кыдз ме чулӧті гожум» темаа гижан уджыс Россияын аркмис 1900-ӧт воэзӧ[3].

1920-ӧт воэзӧ сэтшӧм тематика велӧтчиссез понда гижан уджсӧ паськӧтіс советскӧй педагог-новатор Станислав Шацкий  (перм.рус.[4].

Советскӧй да российскӧй школаэзын темаыс лоис традиционнӧйӧн.

2022 воӧ Крым Республикаись велӧтіссез лӧсьӧтісӧ велӧтіссез коласын конкурс «Кыдз ме чулӧті гожум» тема сьӧрті медбур гижӧмтор вылӧ. Конкурсас участвуйтісӧ педагоггез быдӧс Россияись. Вермиссезлӧ сетісӧ козиннэз[5].

2024 воӧ челядьлӧ вузӧс, удж да услугаэз кериссез ассоциацияӧн юралісь Михаил Ветров шыӧтчис Российскӧй Федерациялӧн велӧтӧм сьӧрті министр Сергей Кравцов дынӧ инициативаӧн вежны «Кыдз ме чулӧті гожум» гижан уджсӧ неыджыт видеороликкезӧн, кӧднӧ школьниккес вермисӧ бы снимайтны гожумся шоччисян коста[6].

Гижалӧм

Традиция сьӧрті велӧтчиссез гижӧны «Кыдз ме чулӧті гожум» темаа гижӧтсӧ одзарӧн, велӧтчан волӧн медодзза луннэзӧ.

Велӧтчиссез гижӧны сочиненнё. 2020 во

Творческӧй уджлӧн темаыс комплекснӧй. Сія оз тодилясь конкретнӧй жанрӧн — висьтасьӧмӧн («Вӧрӧ ветлӧм»), гижалӧмӧн («Менам медрадейтана чача») нето арталӧмӧн («Кинӧн ме вӧрда лоны»), а ӧтлаӧтӧ кынымкӧ жанр[7].

Гижан уджыс тӧдчана сійӧн, мыля гижсьӧ кокнит кылӧн, паськытжыка мыччалӧ чулалӧмсӧ, ориентируйтчӧ сёрнитан кыв вылӧ[8].

Велӧтчиссез унажыксӧ гижӧны кадакывья лексикаӧн: велаліс уявны, ветліс саридз дорӧ, оліс бабыс ордын, дрессируйтіс понӧс, орсіс ёрттэзкӧт ӧтӧрын, ӧктіс вӧрись тшак, шоччисис гожумся лагерьын, адззыліс керӧссэз, уяліс саридзын, ёртасис орддча олісь Викакӧт, видзӧтіс учӧтжык воныс сьӧрын да сӧ[9]. Сідзжӧ активнӧя используйтӧны эпитеттэз[10], ордсьӧтӧммез, гиперболаэз да мӧдік художественнӧй тӧдчӧта кыввез.

Туялӧм

Туялӧм сьӧрті, сэтшӧм темаа сочиненнёсӧ велӧтчиссез медодз гижӧны 2-ӧт классын[10]. Филолог Александра Бовчар шуӧмӧн 11 во сьӧрна велӧтчиссезлӧ сетӧны заданнё висьтасьны гожумся каникуллэз йылісь 8-ись[10].

Аслас статьяын Бовчар тодиляліс:

Чулалӧм гожум йылісь гижӧм — педагогическӧй асмыла, кӧда веськӧвтӧм бӧртассэз йылісь гижӧм вылӧ да тӧдвылӧ гӧрӧдалӧм вылӧ, да надея, мый текстсӧ гижӧм бӧрын челядьыс вермас вуджны виль впечатленнёэз вылӧ.

Психолог, велӧтісь да публицист Людмила Петрановскаялӧн  (перм.рус. висьталӧмӧн гожумся каникуллэз йылісь гижан уджыс[1]:

Позьӧтӧ челядьлӧ висьтасьны, вежсьыны впечатленнёэзӧн, сідз шуны, «официальнӧя», да пӧднавны темасӧ. Сэк жӧ текст аркмӧтӧм сьӧрті аскеран уджыс орсӧ экспресс-диагностируйтан роль (велӧтісь понда), да сэк шок терапия, медбы вайӧтны уджалан мывйӧ (челядь понда). Гижӧмыс лоӧ ритуалӧн, символическӧй актӧн, кӧда мыччалӧ: шоччисьӧм помассис, одзланьын ыджыт удж, кад чукӧртчыны да кутчисьны удж бердӧ.

Педагог Юлия Леонова чайтӧ, мый гожумся каникуллэз йылісь гижӧмыс «отсалӧ пондӧтны велӧтчӧмсӧ не формальнӧй тӧдӧммез видзӧтӧмсянь, а кокньӧтӧм упражненнёсянь, кӧдӧ керӧмӧн велӧтчись оз понды стрессуйтны»[11].

Велӧтісь Алёна Жукова шуӧмӧн сэтшӧм уджсӧ педагоггес сетӧны не сы понда, медбы донъявны нето видзӧтны велӧтчиссезлісь кужӧмсӧ, сія лоӧ «педагогӧс велӧтчиськӧт дыр янсӧтчӧм бӧрсянь матынжыка ӧтлаӧтанӧн, чинтӧ стресс велӧтчӧмӧ пыртӧмсянь дыр коста том авторӧс бур касьтылӧммезӧ вӧйтӧм понда»[11].

Структура

  • Одзкыв — сувтӧтӧ одзлань баитӧм йылісь тема. Сія тӧдмӧтӧ сочинениелӧн общӧй атмосфераӧн и сетӧ представленнё гожумся событиеэз йылісь. Медшӧр мог — кыскыны вниманиесӧ да лӧсьӧтны интерес материалсӧ одзлань висьтасьӧм дынӧ.
  • Шӧрӧт тор — структурнӧй тор, кытӧн висьтасьӧны гожумся кадӧ медтӧдчана лоӧмторрез йылісь: виль каррезӧ нето канмуэзӧ ветлӧм, ёрттэзкӧт походдэз, интереснӧй экскурсияэз, праздниккез нето фестиваллез. Гижӧны не только событиеэз, но и адззылӧмсянь впечатленнёэз.
  • Бӧркыв — медбӧрья юкӧнас пыржык эмӧсь гожумся шоччисьӧм йылісь авторлӧн кывкӧртӧт, кӧда тӧдчӧтӧ олӧм событиеэзлісь да босьтӧм опытлісь тӧдчанлунсӧ[12].

Культураын мыччӧт

1963 вося челядь понда художественнӧй фильмын «Учӧтик рыцаррез» том велӧтісь Кетеван буражык тӧдӧ ассис велӧтчиссесӧ и лоӧ матӧжык ны дынӧ гожумся каникуллэз йылісь сочиненнёэсӧ видзӧтӧм бӧрын.

1978 вося советскӧй художественнӧй фильмын «Капитан Врунгельлӧн виль приключеннёэз»  (перм.рус. английскӧй кыв урок коста велӧтісь сетӧ велӧтчиссезлӧ заданнё гижны «Кыдз ме чулӧті гожум» («The summer holiday») темаа гижӧм. Пионер Вася Лопотухинлӧн фантазияэз босьтӧны фильмлісь нельки быдӧс сюжетсӧ.

Пасйӧттэз

  1. ↑ 1 2 Л. Петрановская. «Как я провёл лето» по-новому // Русский язык. — Издательский дом «Первое сентября», 2001. — № 32. Архивировано 10 Аршӧр 2006 года.
  2. ↑ Русский язык. Модели сочинений и алгоритмы написания для школьников / Е. А. Андреева. — Москва: АСТ, 2022. — С. 44—45. — 192 с.
  3. ↑ Осовский Е. Г., Зеткина И. А. . Макар Евсевьевич Евсевьев: просветитель, учёный, педагог / Мордов. гос. пед. ин-т.. — Саранск: Тип. «Крас. Окт.», 2003. — С. 93. — 172 с.
  4. ↑ Шацкий С. Т. Педагогические сочинения: в 4 т.. — Москва: Просвещение, 1962—1965.
  5. ↑ Евгений Петренко. Учителя предложили коллегам поучаствовать в конкурсе сочинений «Как я провел лето», Учительская газета (3 Гожумшӧр 2022). Дата обращения: 3 Аршӧр 2025.
  6. ↑ Общественник Ветров предложил вместо сочинений на тему "Как я провел лето" снимать видео, m24.ru, Москва24 (6 Одзгожум 2024). Дата обращения: 3 Аршӧр 2025.
  7. ↑ Современное образование: теория и практика. Сборник учебно-методических работ: учебно-методическое пособие / Под ред. Казанской В. Л., Нурлыгаянова И. Н., Руленковой Л. И.. — Берлин: Директ-Медиа, 2016. — С. 42. — 255 с.
  8. ↑ Работа над словом на уроках русского языка в начальных классах: сборник статей. — Москва: Просвещение, 1973. — С. 136. — 143 с.
  9. ↑ Коррекция речевого и умственного развития учащихся вспомогательной школы в процессе специального обучения: Учебное пособие / Р. К. Луцкина; Каз. пед. ин-т им. Абая.. — Алма-Ата: КазПИ, 1989. — 87 с.
  10. ↑ 1 2 3 Александра Бочавер. Хватит думать о лете! // Первое сентября. — Издательский дом «Первое сентября», 2004 (уду к проведению первого урока). Архивировано 12 Гожумпом 2014 года.
  11. ↑ 1 2 «Если ребёнок всё придумал, то никто проверять не будет»: что писать в сочинении «Как я провёл лето». Добро Медиа (2024-08-16). Видзӧтӧм 3 Аршӧр 2025.
  12. ↑ Зернова, О. М., Фрумкина, Г. А. Рекомендации по написанию сочинения. — М., 2016. — 32 с.

Литература

  • Галковская, Т. «Как я провёл лето». Сочинение на вольную тему // Зеркало недели. — 31 августа — 6 сентября 2002. — № 33 (408).
  • Кабо, Л. Как писать сочинение. Памятка для учащихся средних школ // Русский язык. — 1999. — № 43.
  • Ляшок, А. С. "Дети перестройки": жизненные миры школьников 1980-х – 1990-х годов // Вестник Пермского университета. Серия: История. — 2013. — № 2 (22).
  • Шумкина О. Н. Трансформация жанра школьного сочинения в современной образовательной среде // Hominum. — 2021. — № 2. — С. 111—123.

Ыстӧттэз

Босьтӧма "https://koi.ruwiki.ru/w/index.php?title=Кыдз_ме_чулӧті_гожум&oldid=207609"-ись