Тӧдӧммез лун
| Тӧдӧммез лун | |
|---|---|
 | |
| Лун | одзар 1 лун |
| Традицияэз |
велӧтчан форма дзоридззез |
 Медиафайлы на РУВИКИ.Медиа | |
Тӧдӧммез лун (рочӧн День знаний) — канму статуса донтан лун, пыртӧм Советскӧй Союзын Верховнӧй Совет Президиум 1984 во одзгожум 15 лунся № 373-11 «Одзар 1 лун отирпасьтся донтан лунӧн — Тӧдӧммез лунӧн юӧртӧм йылісь» указӧн[1]. Лоӧ официальнӧй донтан лунӧн постсоветскӧй канмуэзын, шуам, Россияын, Украинаын, Белоруссияын[2][3]. Уджалан лун. Сюрӧ ко одзар 1 луныс вежалунӧ, сэк линейкаэс чулӧтсьӧны одзар 2 лунӧ.
Одзар 1 лунӧ Россияын пондӧтчӧ велӧтчан во быдӧс велӧтчиссез, студенттэз да велӧтіссез понда.
Традиционнӧя сія лунӧ школаэзын чулӧтсьӧны торжественнӧй линейкаэз, класснӧй чассэз, уроккез, кӧдна кӧсйӧмӧсь тӧдмалӧмлӧ, мирлӧ, опастӧмалӧмлӧ да с.о.
История
Россияын история сьӧрна велӧтчан воыс пондӧтчывліс берся кадӧ. Сідз, шуам Пётр I юралӧм коста школаэс оссьывлісӧ гожумпомӧн, одзар шӧрӧн нето аршӧрӧн, посадся школаэз пондӧтчывлісӧ уджавны одзтӧв 1 лунсянь[4]. Кыдз гижӧм Владимир Даль аслас «О поверьях, суевериях и предрассудках русского народа» нима гижӧсын, Наум касьтылан лунӧ Малороссияын челядьсӧ ыстісӧ школаэзӧ чайтмӧмӧн, мый «нылӧн мывкыдыс паськалас»[5].
СССР-ын 1930-ӧт воэзӧдз эз вӧв велӧтчан во пондӧтчан тодиль лун. СССР Народнӧй комисаррез советлӧн 1930 во гожумпом 14 лунся поставленнёын вӧлі пуктӧм, мый "быдӧс 8-10 вося челядьлӧ колана мунны школаӧ арӧн"[4].
Медодзза мировӧй войнапондӧтчикӧ том специалисттэз петісӧ инициативаӧн, мед порйӧтлыны Томпӧлӧс мирпасьта лун, кӧда коста позис бы уна странаэзын чулӧтлыны антивоеннӧй акцияэз. Коммунистическӧй томпӧлӧслӧн интернационал вӧзйӧм сьӧрті 1932 восянь донтан луннас лоис одзар 1 лун. 1935 во одзар 3 лунсянь Совнарком да ЦК КПСС постановленнёӧн ӧтласа велӧтчан во одзнас быд СССР школаын пуктісӧ одзар 1 лун, помалан луныс вӧлі дифференцируйтӧм: медодзза куим классас — одзгожум 1 лун, 4—7 классэзын — одзгожум 10 лун да 8—10 классэзын — одзгожум 20 лун[6]. 1939 во одзар 1 лунӧ Германия ӧдззӧтіс II Мировӧй война, да эта лунлӧн антивоеннӧй пытшкӧсыс вынсялӧ.
Тодиль канму статуса «Тӧдӧммез лун» вӧлі аркмӧтӧм СССР-лӧн Верховнӧй Совет Президиум Указӧн (№ 373-11 1984 во одзгожум 15 лунсянь), сійӧн вӧлі содтӧм мӧдік Указ (№ 3018-Х «О праздничных и памятных днях» 1980 во аршӧр 1 лунсянь)[1].
Традицияэз
Одзар 1 лунӧ школаӧ ветлан формаӧ пасьтасьӧм велӧтчиссес да ны аймам козьналӧны велӧтіссеслӧ дзоридззез, вежалуналӧны велӧтчан во пондӧтчӧмӧн.
Канму юраліссез традционнӧя вежалуналӧны Тӧдӧммез лунӧн велӧтіссезӧс да велӧтчиссезӧс. Быдберся велӧтчаніннэзӧ вовлӧны канму, каррез да районнэз администрациязын уджалісь отир[7].
1984 воӧдз одзар 1 лунӧ чулавліс торжественнӧй линейка, сэсся Мир урок (Медодзза урок)[7], сыбӧрын чулӧтісӧ мӧдік уроккесӧ расписаннё сьӧрті, сія луныс вӧлі 5-6 урока велӧтчан лунӧн. 1984 восянь уроккес абуӧсь, чулӧтлӧны торжественнӧй линейкаэз да медодзза во велӧтчиссез понда тодиль мероприяттёэз. 2017 восянь быд школаын чулӧтсьӧ «Россия, устремлённая в будущее» нима осьта урок[7].
Ссузэзын да вуззэзын линейкаэс оз чулӧтсьывлӧ (медодзза во велӧтчиссез понда чулӧтсьӧ ӧксьӧм, мӧдік курссез вылын велӧтчиссез велӧтчӧны).
Россиялӧн президент Владимир Путин Тӧдӧммез лунӧ вовліс Курганісь шӧрӧт №7 школаӧ, 2013 во
Торжественнӧй линейка Донецкын, 2013 вося одзар 1 лун
- 2013. Донецк 334.jpg
Силькан — Тӧдӧммез лунлӧн атрибут
Тӧдӧммез лун Москваын Суворов нима военнӧй училищеын
2014 воӧ ӧтік московскӧй школаын «Вера» фондӧн вӧлі чулӧтӧм «Челядь дзоридззез туйӧ» акция. Сы сьӧрті Тӧдӧммез лунӧ велӧтчиссез аймамнаныс озӧ небӧ дона дзоридззез, мед козьнавны велӧтіссезлӧ, а сетӧны сійӧ сьӧмсӧ шогалісь нето аймамтӧг кольччӧм кагаэзлӧ отсӧтӧн. Быд во акцияас пырӧны виль велӧтчаніннэз[8].
Традцияэз Пермскӧй крайын
Пермскӧй крайын 2004 восянь быд медозза во велӧтчисьлӧ козьналӧны небӧг[9].
2024 воӧ козьналісӧ Андрей Зеленинлісь «День, когда я стану взрослым» висьттэза ӧктӧт[10].
2025 воӧ козиннас вӧлі бӧрйӧм Катерина Гашевалӧн «Земля чудес» нима небӧг[11][12]. Сія вермис конкурсын 11 небӧг коласын.
Тӧдӧммез лун культураын
Кӧть почта маркаэз Тӧдӧммез лун кежӧ СССР-ын эзӧ лэдзлӧ, неӧтпырись лэдзлісӧ эта донтан лунлӧ сиӧм маркаа конверттэз.
Пасйӧттэз
- ↑ 1 2 Указ Президиума ВС СССР от 15.06.1984 N 373-XI "Об объявлении 1 сентября всенародным праздником - Днем знаний". КонсультантПлюс. Видзӧтӧм 19 Гожумпом 2025.
- ↑ 1 сентября - День знаний! рус.. Белорусский государственный центр аккредитации. Видзӧтӧм 19 Гожумпом 2025.
- ↑ Линейки ко Дню знаний в школах и гимназиях Беларуси пройдут 2 сентября. БелТА (2024-08-01). Видзӧтӧм 19 Гожумпом 2025.
- ↑ 1 2 День знаний в России: история праздника. РИА Новости (2012-09-01). Видзӧтӧм 19 Гожумпом 2025.
- ↑ Полное собрание сочинений Владимира Даля (Казака Луганского). — СПб, М: Издание товарищества М. О. Вольф, 1898. — Т. 10. — С. 385.
- ↑ Об организации учебной работы и внутреннем распорядке в начальной, неполной средней и средней школе. Постановление Совета Народных Комиссаров СССР и Центрального Комитета ВКП(б) // Под знаменем Ленина : газета. — Первоуральск, 1935. — 9 сентября (№ 204 (1160)). — С. 2.
- ↑ 1 2 3 Анастасия Анушевская Откуда пошла традиция праздновать День знаний 1 сентября? рус.. Аргументы и факты (2014-09-01). Видзӧтӧм 19 Гожумпом 2025.
- ↑ Дети вместо цветов — Благотворительный фонд помощи хосписам «Вера». Видзӧтӧм 19 Гожумпом 2025.
- ↑ Проект "Подарок первокласснику". Министерство образования и науки Пермского края. Видзӧтӧм 19 Гожумпом 2025.
- ↑ В День знаний будущие первоклассники получат книгу пермского автора про приключения семилетнего мальчика. Cайт Губернатора и Правительства Пермского края (2024-03-26). Видзӧтӧм 19 Гожумпом 2025.
- ↑ Стало известно, какую книгу получат пермские первоклассники в подарок 1 сентября. ProPerm.ru (2025-03-21). Видзӧтӧм 19 Гожумпом 2025.
- ↑ Автором книги для первоклассников Пермского края стала Катерина Гашева. Новый компаньон (2025-03-24). Видзӧтӧм 19 Гожумпом 2025.