Рамос-Павлова Елена Аркадьевна
| Рамос-Павлова Елена Аркадьевна | |
| Удж: | |
|---|---|
| Чужан лун: |
1976’ вося одзар 12 лун (48 год) |
| Чужанін: | |
Рамос-Павлова Елена Аркадьевна (*1976) — коми гижись, вуджӧтісь.
Олантуй
Чужис 1976 во одзар 12 лунӧ Кукушкаын[1]. Велӧтчис Кукушка да Сэполь школаэзын. Уджаліс внештатнӧй корреспондентӧн «Иньвенские вести» да «Парма» газетаэзын. 1994-1999 воэзӧ велӧтчис РУДН-ын журналистика факультет вылын, 2001 воӧ помаліс филология факультет испанскӧй кыв сьӧрті[2].
Олӧ Москваын. Уджалӧ испанскӧй кыв велӧтісьӧн да вуджӧтісьӧн.
Гижан удж
Гижны пондіс челядьувья. 1991 воӧ вермис окружнӧй литературнӧй «Виль ниммез» нима конкурсын «Танька» повестьӧн. Фёдор Истомин, сэкся Коми-Пермяцкӧй литературнӧй чукӧрлӧн юралісь, гижис: «Быдӧс, мый сія гижӧ, оз вачкись одзза коми литература вылӧ»[3]. «Танька» повестьыс петіс торрезӧн «Парма» газетаын 1993 воӧ, небӧгыс ӧнӧдз абу лэдзӧм. Сэк жӧ вӧлі гижӧм да лэдзӧм «Ранитӧм» нима висьт[4].
Дыр эз гиж. Вились кутчис гижны 2010-ӧт воэзсянь. Гижӧ дженыт проза комиӧн да рочӧн. Висьттэс да повесттес петӧны «Иньва» ӧктӧтын (2012, 2017) да «Кама кытшын» газетаын.
Пасйӧттэз
- ↑ Наши земляки / Администрация Кочёвского муниципального округа Пермского края
- ↑ [Рамос-Павлова Елена Аркадьевна : биография] // Иньва : литературно-художественный сборник. - 2017. - С. 76.
- ↑ Н. Мальцева. Елена Рамос-Павловалӧн гуманистическӧй проза // Кама кытшын. — 2019. — 3 окт. (№37). — С. 2.
- ↑ Н. Мальцева. Жизнеутверждающая проза Елены Рамос-Павловой // Коми-Пермяцкая национальная библиотека им. М.П. Лихачёва