Велӧтчан во
| Велӧтчан во | |
|---|---|
 «Протон» школаын «Тӧдӧммез лун» порйӧтӧм, 2017 во одзар 1 лун | |
| Иналӧм | Велӧтӧм |
Велӧтчан во (рочӧн Уче́бный год) — кадкост, кӧда сьӧрна чулӧтсьӧ велӧтӧм велӧтчаніннэзын[1].
Вежӧртас
«Велӧтчан воӧн» шусьӧ во сьӧрнася велӧтан процесслӧн цикл.
Велӧтчан восӧ пасйӧны календарнӧй воэз номеррезӧн, кӧда коста чулӧтсьӧ велӧтан удж. Шуам, «2025/2026 велӧтчан во»[2].
Велӧтчан во дырна
Велӧтчан во пондӧтчан да помасян кад берся канмуэзын абу ӧткодь. Сія бурсьӧтӧм канму законкудын. Велӧтӧм пондӧтан лунсӧ велӧтчаніннэзлӧ позьӧ бӧрйыны аслыныс[3].
Европаись канмуэзын велӧтчӧмыс пондӧтчӧ гожумпом-одзарӧ да помассьӧ тулыспом-одзгодумӧн. Сідз, гожумпом шӧрын пондӧны уджавны школаэз Данияын, Финляндияын, Швецияын, одзар медодзза джыннас — Австрияын, Францияын, Испанияын, Италияын. Германияын да Швейцарияын регион сьӧрті велӧтчан во позьӧ пондӧтны кыдз гожумпом шӧрӧ, сідз и одзар помӧн[3][4].
США-ын да Канадаын ӧтласа стандартыс абу. Велӧтчан луннэсӧ пуктӧны штат нето провинция законкуд сьӧрті, велӧтчӧмыс пондӧтчӧ арӧн да помассьӧ гожумӧн[3].
Латиноамериканскӧй канмуэзын медодзза велӧтчан луныс овлӧ тӧвпом пондӧтчикӧ (Аргентина, Бразилия, Коста-Рика). Чилиын велӧтчан во пондӧтчӧ одзтулыс 1 лунӧ, а Кубаын да Мексикаын — одзар пондӧтчикӧ.
Австралияын да Виль Зеландияын челядь пондӧтчӧны велӧтчыны тӧвшӧр помӧн — тӧвпомӧ[3].
Африка канмуэзын велӧтчан календаррез абу ӧткодьӧсь. Сідз, ЮАР-ын да Танзанияын велӧтчан воыс пондӧтчӧ тӧвшӧрӧн, Суданын — одзтулысӧн, Алжирын, Тунисын, Египетын, Мароккоын, Эфиопияын, Сомалиын, Нигерияын — одзарӧн.
Азияын сідзжӧ абу ӧтласа велӧтчан во пондӧтчан кад. Сідз, одзар 1 лунӧ велӧтчӧм пондӧтчӧ Китайын, Монголияын, Казахстанын, Киргизияын, Таджикистанын, Туркменияын, тӧвшӧр 2 лунӧ — Сингапурын, одзтулысся медодзза луннэзӧ — Лунвыв Кореяын, тулысшӧр 1 лунӧ — КНДР-ын, а тулыспомӧн — Таиландын, одзгожумӧн — Филиппиннэзын, гожумшӧрӧн — Индияын да Непалын да мд[3].
Россияын
Велӧтчан во коста велӧтчиссес велӧтчӧны школаись ӧтік классын, шӧрӧт да вылісь тшупӧта велӧтчаніннэзісь ӧтік курсын.
Россияын велӧтчан воыс пондӧтчӧ одзар 1 лунӧ, кӧда шусьӧ «Тӧдӧммез лунӧн». Велӧтчаніннэс асьныс вермӧны вештыны велӧтчан волісь пондӧтчан кадсӧ, но не дыржык кык тӧлісся[5].
Очно-заочнӧй да заочнӧй велӧтчан формаэз сьӧрті велӧтчан во пондӧтчӧмсӧ лӧсьӧтӧ ачыс велӧтан организацияыс.
Помассьӧ велӧтчан воыс велӧтчан план сьӧрті, кӧдӧ вынсьӧтӧ велӧтан учрежденнёыс[1]. Школа помалісь классэзын велӧтчӧмыс помассьӧ медбӧрья аттестацияӧн[6].
Велӧтчан цикллэз
Школаэзын
«Российскӧй Федерацияын велӧтӧм йылісь» закон сьӧрті школаэслӧ позьӧ аслыныс бӧрйыны велӧтан цикллэз — велӧтчӧм четверттез, триместррез нето биместррез сьӧрті[7][8]. Аналогичнӧя велӧтчан восӧ торйӧтӧны мӧдік канмуэзын[9].
Четверттез
Четверттеза система сьӧрті велӧтчан воыс торйӧтчӧ нёль тор вылӧ[10]:
- медодзза четверть — одзарсянь аршӧр помӧдз;
- мӧдӧдзза четверть — арпомсянь одзтӧв помӧдз;
- куимӧт четверть — тӧвшӧрсянь одзтулыс помӧдз;
- нёльӧт четверть — тулысшӧрсянь тулыспом помӧдз.
Четеверттеза система дырни велӧтчиссеслӧн каникуллэс нёлись вонас[8].
Триместррез
Триместра (модуля) система сьӧрті велӧтчан воыс торйӧтчӧ модуллез вылӧ «5 + 1» принцип сьӧрті: вит велӧтчан недель бӧрын пондӧтчӧ недель дырнася каникуллэз кадкост[10].
Биместррез
Велӧтчан воыс торйӧтчӧ вит велӧтчан кадкост вылӧ (биместррез вылӧ), кӧдна кыссьӧны сизим недель, ны колсаын — вит кык недель дырнася каникуллэз кадкост. Кватьӧт биместрыс — гожумся каникуллэз, кӧдна кыссьӧны кык тӧлісь сьӧрна[8].
Колледжжезын да вуззэзын
Шӧрӧт профессиональнӧй да вылісь тшупӧта велӧтчаніннэзын велӧтчан во торӧн лоӧ семестр (лат. sēmestris (*secsmestris) локтӧм фр. semestre «квать тӧлісь дырнася»). Ӧтувтӧм вариантын ӧтік семестр — во джын. Велӧтчан кад бӧрын чулӧтсьӧ экзамен сессия[11].
Каникуллэз
Велӧтчан воӧ пырӧ каникуллэз кад — период, кӧда коста велӧтӧмыс оз чулӧтсьы[2].
Каникуллэз дырнаыс регламентируйтсьӧ велӧтан стандартӧн.
Пасйӧттэз
- ↑ 1 2 Вопрос: Что такое календарный год, что такое учебный год? Корректно ли говорить о "полугодиях" учебного года применительно к временным периодам с сентября по декабрь и с января по август и издавать приказы о выплате стипендий учащимся в соответствии с указанными временными рамками? (ответ службы Правового консалтинга ГАРАНТ, декабрь 2013 г.). Гарант. Видзӧтӧм 23 Одзар 2025.
- ↑ 1 2 Сфера образования — документация. Истина. Видзӧтӧм 23 Одзар 2025.
- ↑ 1 2 3 4 5 По школьному календарю: когда начинается учебный год в разных странах рус.. Forbes.ru (2024-09-03). Видзӧтӧм 23 Одзар 2025.
- ↑ Как устроен учебный год в разных странах мира: где-то начинается в январе, а где-то летние каникулы – всего месяц, Гол (31 Гожумпом 2022). Дата обращения: 23 Одзар 2025.
- ↑ Учебный год начинается 1 сентября. КонсультантПлюс. Видзӧтӧм 23 Одзар 2025.
- ↑ Статья 59. Итоговая аттестация // Федеральный закон от 29.12.2012 N 273-ФЗ (ред. от 31.07.2025) "Об образовании в Российской Федерации" (с изм. и доп., вступ. в силу с 01.09.2025) рус.. КонсультантПлюс. Видзӧтӧм 23 Одзар 2025.
- ↑ Статья 28. Компетенция, права, обязанности и ответственность образовательной организации // Федеральный закон от 29.12.2012 N 273-ФЗ (ред. от 31.07.2025) "Об образовании в Российской Федерации" (с изм. и доп., вступ. в силу с 01.09.2025) рус.. КонсультантПлюс. Видзӧтӧм 23 Одзар 2025.
- ↑ 1 2 3 Ирина Кочковая. Триместры, четверти, модули, биместры в школе. В чем различие?, roditeli.maximumtest.ru (5 Гожумпом 2022). Дата обращения: 23 Одзар 2025.
- ↑ Евгения Приемская, Рубен Седракян. Как устроены школы в разных странах мира, Известия (1 Одзар 2017). Дата обращения: 23 Одзар 2025.
- ↑ 1 2 Олеся Роженцова, Анна Тернавская. Школьные каникулы 2025/2026. Расписание по четвертям и триместрам, РБК Life (18 Гожумпом 2025). Дата обращения: 23 Одзар 2025.
- ↑ Семестр: что это такое, сколько месяцев длится в учебном году в колледже, ВУЗе рус.. Университет Синергия. Видзӧтӧм 23 Одзар 2025.
Велӧтчан процесс | |
|---|---|
| Велӧтӧм | |
| Донтан луннэз школаын |
|
