Урок

Босьтöм Рувикиись
Урок
Школа Москваын (2023 во)
Школа Москваын (2023 во)
Иналӧм Велӧтӧм
Аркмӧтан кад XVII сёво
Вежӧртаслӧн автор Ян Амос Коменский

Урок (рочӧн уро́к) — школаын велӧтӧм организуйтан форма, кӧда дырни велӧтісь веськӧтлӧ велӧтӧм-тӧдмалӧм уджӧн. Эта форматын заняттёэз чулӧтсьӧны унажык велӧтчаніннэзын (школаэзын, лицейезын, гимназияэзын, колледжжезын)[1].

Терминлӧн история

1374 воӧ Цволле карын одзшколаись ректор Джон Сил организуйтіс челядьӧс велӧтӧм сідз, мый одзлань пондіс шусьны классно-урочнӧй системаӧн. Сія пыртіс велӧтчиссезӧс классэз вылӧ юкӧм да мӧдік классӧ вуджӧтан ӧтласа окыт. Велӧтаныс вӧлі организуйтӧм чужан кыв вылын, мый XIV сёвоӧ вӧлі вильӧн, сідз кыдз сэк велӧтӧмыс чулӧтсис латин кыв вылын  (перм.рус..

1537—1582 воэзӧ Страсбургын протестантскӧй гимназияись ректор Иоганнес Штурм  (перм.рус. одзлань зорӧтіс этӧ системасӧ. 1567—1581 воэзӧ гимназияыс вӧлі пӧртӧм академияӧ. Сэтчин велӧтчисӧ 600 мымда гимназист. Штурм янсӧтіс классэз велӧтчан воэз сьӧрті (медодз 7 во, сыбӧрын велӧтчан кадсӧ содтісӧ 8 воӧдз). Вӧлісӧ кӧ классын уна велӧтчись, классыс юксис содтӧт 10 морта группаэз вылӧ пӧрисьжык велӧтчись юралӧм увтын (сія вӧлі прообразӧн белл-ланкастерскӧй системалӧ, кӧда аркмис XVIII сёво помын — XIX сёво пондӧтчикӧ). Штурм торйӧтіс велӧтчан предметтэз, ӧтік урок коста велӧтісӧ ӧтік предмет. Сія медодз керис да уджаліс ӧтласа велӧтан план сьӧрті[2].

XVII сёвоӧ Ян Амос Коменский  (перм.рус., чешскӧй педагог-гуманист, аркмӧті ӧння кадся классно-урочнӧй велӧтан система. Коменскийысӧдз челядь велӧтчисӧ ӧтлаын ыджыттэзкӧт, велӧтчан процессыс вӧлі хаоса. Коменский пыртіс окыт да система: уроккез пондісӧ мунны аскад сьӧрті[3].

Медшӧр принциппез:

  • Классын велӧтчӧны ӧтволыда челядь. Сія отсалӧ велӧтісьлӧ организуйтны велӧтчан процесс да босьтны тӧдвылӧ челядь зорамӧмлісь ассяматоррез.
  • Велӧтчан процесс регламентируйтӧм. Уроккез чулӧтсьӧны кадпас сьӧрті, сія отсалӧ эффективнӧя используйтны кад да сетны велӧтчиссезлӧ ӧткодь позьӧссэз.
  • Специальнӧй велӧтӧм велӧтіссез понда. Нія велӧтчӧны да шедтӧны диплом.

Сёрӧнжык российскӧй школаыс формируйтчис немецкӧй велӧтан традицияэз сьӧрын. «Урок» кыв туйӧ школаэзын велӧтчан кадкост шусис «экзерсис» кылӧн, педагогическӧй термин «урок» локтіс роч кылӧ XIX сёвоӧ[4].

Уроклӧн структура

Быд урокын эмӧсь аскодя элементтэз. Нія вермӧны петны быдкодь сочетаниеэзын, определӧны структура, кӧда увтын колӧ вежӧртны элементтэзлісь состав, нылісь точнӧй последовательность да ны коласын йитӧттэз. Структураыс вермӧ лоны веськыт да сьӧкыт, зависитӧ урок велӧтан материаллӧн пытшкӧссянь, велӧтчиссезлӧн волыд ассяматоррэзсянь.

Урок планируйтӧм виль темаӧ велӧтан мычӧтӧн — веськыт пельӧса параллелепипедлӧн тӧрыта:

Уроклӧн план
Урок тор Кад Мог Велӧтісьлӧн удж Велӧтчисьлӧн удж
Oргмомент 3 мин Юасьӧм, пыртан юкӧт Велӧтісь нето класснӧй руководитель юасьӧ, кин эм Велӧтчиссез шыасьӧны, информацияыс абутӧммез йылісь гижсьӧ класснӧй журналӧ нето бегунокӧ
Гортся удж видзӧтӧм 2 мин Гортся удж (цилиндр вевдӧр ыжда) тетрадись нето дистанционнӧя видзӧтӧм Велӧтісь юасьӧ гортся удж да сувтӧтӧ оценкаэз Велӧтчиссез мыччалӧны сылӧ ассиныс уджлісь результатсӧ
Тӧдӧм актуализируйтӧм[5] 5 мин Уроклӧн этап, кӧда коста велӧтчиссез мыччалӧны виль тӧдӧм тӧдвылӧ босьтӧм жа кужӧммез Велӧтісь юасьӧ вежӧртассэз йылісь Велӧтчиссез сетӧны очакыв юалӧммез вылӧ
Уроклісь тема да мог формулируйтӧм 10 мин Кыдз артавны параллелипипедлісь тӧрыта Велӧтісь висьтасьӧ тӧрыта йылісь, юасьӧ, кытшӧм геометрическӧй фигураэзлӧн эм тӧрыта Велӧтчиссез сетӧны очакыв
Велӧтчисьӧн виль материалсӧ вежӧртӧм 10 мин Велӧтчан небӧг конспектируйтӧм Велӧтісь висьтасьӧ тӧрыта йылісь, мукӧдпырся комментируйтӧ кытшӧмкӧ вежӧрттӧм терминнэз Велӧтчиссез конспектируйтӧны текст и кывзӧны велӧтісьсӧ, а сідзжӧ гижӧны тетрадяс тӧрыта йылісь
Медодзза тӧдвылісь вӧджжӧтӧм[6] 5 мин Медкокнит задачаэз арталӧм (куим муртас керӧм) Велӧтісь вӧзйӧ адззыны веськыт пельӧса параллелипипедлісь тӧрыта, кӧдалӧн ыждаэс 3, 4, 5. Вермӧ бӧрйыны велӧтчисьӧс очакыв сетӧм понда Велӧтчиссез адззӧны веськыта пельӧса параллелипипедлісь тӧрыта. V=abc=3*4*5. Задачасӧ арталӧм бӧрын нія вермасӧ лэбтыны киэзнысӧ
Задачаэз арталӧм 5 мин Пӧв дорын задачаэз арталӧм(шуам, диагоналлез сьӧрті параллелипедлісь тӧрыта адззӧм) Велӧтісь велӧтчан небӧгись сетӧ челядьлӧ шӧркодь тшупӧта задача Велӧтчиссез (нето велӧтчись) арталӧны задачасӧ пӧв дынын. Ӧткоста велӧтчиссез арталӧны задачасӧ тетрадьын
Уроклӧн бӧртас 2 мин Донъялӧм Велӧтісь сувтӧтӧ оценкаэсӧ тетрадьӧ (удж понда нето конспект понда) либо класснӧй журналӧ Велӧтчиссез сетӧны ассиныс тетраддезнысӧ видзӧтӧм понда
Гортся удж 2 мин Сетсьӧны задачаэз велӧтчан небӧгись (шӧрӧт тшупӧтаӧсь)
Рефлексируйтӧм[7] 1 мин Урок анализируйтӧм велӧтчиссезӧн Велӧтісь юасьӧ урок йылісь Велӧтчиссез висьталӧны, гленитчис я нылӧ урок, вӧлісӧ задачаэс кокнитӧсь я сьӧкытӧсь, вежӧртана я материалыс

Уроклӧн типология

1. Уроккезлӧн классификация дидактика моггез сьӧрті:

  • комбинируйтӧм урок;
  • виль материал висьталан урок;
  • велӧтӧм материал вынсьӧтан да практическӧй кужӧммез да кужӧммез лӧсьӧтан урок;
  • асуджалан урок;
  • урок-конференция да урок-семинар[8];
  • велӧтӧм материалсӧ мӧдпӧвалан, ӧтлаӧтан да систематизируйтан урок;
  • тӧдӧммез, кужӧммез да кужӧммез вӧджжӧтан да донъялан урок; контрольнӧй да асшӧр удж;
  • интегрируйтӧм урок;
  • интерактив урок. Тӧдчӧ куим тор — велӧтчисьлӧн электроннӧй учебник, велӧтісьлӧн электроннӧй учебник да интерактивнӧй дӧска. Ӧтамӧдкӧт уджалан принцип — электроннӧй учебник сувтӧтӧма велӧтчисьлӧн планшет вылӧ. Быд велӧтчисьлӧн планшетыс йитсьӧма ӧтік сетьӧ интерактивнӧй дӧскакӧт да велӧтісьлӧн планшеткӧт. Электроннӧй учебниккезлӧн эмӧсь гиперссылкаэз пыртӧм энциклопедияэз вылӧ, паськӧтӧм иллюстрация, кӧдӧ позьӧ вештавны, кросс-ссылкаэз учебниклӧн разнӧй разделдэз коласын. Сэтшӧм учебникын позьӧ используйтны аудио- и видеоматериаллэз, графикаэз, кӧдна отсалӧны велӧтчиссезлӧ буржыка босьтны велӧтӧм материалсӧ.

2. Уроккез классифицируйтӧм кужӧм аркмӧтан этаппез сьӧрті:

  • пыртан урок
  • тренируйтчан урок
  • бӧртаса урок

3. Уроккез классифицируйтӧм тӧдмалан интерес да удж активизируйтан сьӧрті:

  • урок-практикум
  • урок-семинар
  • урок-лекция
  • урок-зачёт
  • урок-орсан
  • урок-конференция
  • урок-экскурсия

4. Уроккез классифицируйтӧм велӧтан да быдтан процессын участвуйтіссезлӧн ӧтамӧдкӧт баитӧм котыртӧм сьӧрті:

  • урок организуйтны удж динамическӧй параэзын либо смена составлӧн параэзын;
  • урок, кыдз котыртны уджсӧ статистическӧй параэзын либо постояннӧй составлӧн параэзын;
  • учӧт группаэзын удж урок;
  • коллективнӧй велӧтан урок;
  • дистанционнӧй велӧтӧм. Россияын дистанционнӧй велӧтчӧм официальнӧя развивайтӧмӧн позьӧ лыддьыны 1997 во тулыспом 30 лун, кӧр петіс Россиялӧн велӧтчан министерстволӧн № 1050 приказ, кӧдаӧн вӧлі керӧм велӧтан сфераын дистанционнӧй велӧтчӧмлӧн эксперимент. 2020 воӧ COVID-19 пӧрӧс дырни недыр кежӧ быдсӧн мирын пӧдналісӧ уна школаэз. Уна школаэз сія кадӧ вуджисӧ дистанционнӧй онлайн-обучение вылӧ Zoom, Cisco Webex, Google Classroom, Microsoft Teams, D2L и Edgenuity, Skype платформаэз отсӧтӧн[9][10].

5. Уроккез классифицируйтӧм велӧтан метод сьӧрті:

  • юӧртан урок;
  • проблемаа урок;
  • туялан урок;
  • эвристическӧй урок.

6. Уроккез классифицируйтӧм предметтэз коласын йитӧттэз тип сьӧрті:

  • интегрируйтӧм урок;
  • библиотечнӧй урок;
  • клубнӧй урок;
  • медиаурок[11].

7. Сідзжӧ овлӧны осьта уроккез да внекласснӧй заняттёэз. Сідз, 2022 восянь Россияын быд вильлун медодзза урокӧн быд школаын чулӧтсьӧ «Ыджыт йылісь сёрни». Медшӧр темаэз йитсьӧны ӧння Россияын морт оланлӧн медшӧр аспекттэзӧн.

Владимир Путин «Ыджыт йылісь сёрни» урок коста Чужанінлӧн геройез нима № 20 школаын (Тыва Республика, Кызыл, 2024 во)

Урок дырна

Ян Амос Коменский система сьӧрті классыскӧт кынымкӧ час сьӧрсьӧн-бӧрсьӧн (4 часӧдз) уджаліс ӧтік велӧтісь, сія тодиляліс быдберся велӧтчан уджлісь дырнасӧ. Сыбӧрын, ыджытжык велӧтчиссез син одзын, велӧтчиссезлӧ ковсис 4 часӧдз уджавны ӧтнаныслӧ.

Академическӧй да московскӧй университетскӧй гимназияэз регламент сьӧрті, уроккезлӧн дырнаыс вӧлі 2 час, уджалісӧ вося кадпас сьӧрті. Уроккез вӧлісӧ классифицируйтӧмӧсь гортся да школьнӧй уроккез вылӧ, кӧдна аскадӧ вӧлісӧ торйӧтӧмӧсь частнӧй (велӧтіськӧт) да ӧтласа уроккез вылӧ (быдберся волыда челядькӧт, велӧтіссезкӧт да администрациякӧт). Сідзжӧ вӧлісӧ одззася (лӧсьӧтчана уроккез), кӧдна коста мӧдік классісь пӧрисьжык велӧтчись (аудитор) видзӧтіс велӧтчӧмыс сьӧрын да фиксируйтіс результаттэз. 1828 воӧ гимназическӧй урок кыссис 90 минута. Сэтшӧм заняттёэзлӧн дырнаыс характернӧй ВУЗ-эзын и шусьӧ параӧн, 1865 воӧ — 60 минута[12].

Катя Лычёва школаын урок коста

XX сёво шӧрӧдз «урок» термин паськаліс велӧтчан заняттёэз кад вылӧ да сы вежӧртасӧн лоис велӧтчан кадкостлӧн дырна. XXI сёвоӧ канмуэзӧт уроккезлӧн дырнаыс абу ӧткодь:

  • США — 45-90 минута (урок дырнаыс пуктіссьӧ быд школаӧн).
  • Франция — 55 минутасянь 2 часӧдз (дырнаыс длительность зависит от предмета).
  • Канада — 75 минута.
  • Израиль — 90 минута (2×45).
  • Индия — 35 минута.
  • Китай — 40 минута.
  • Германия — 90 минута (велӧтісьыс вермас помавны уроксӧ 45 минута бӧрті).
  • Япония — 45—50 минута.
  • Финляндия — урок дырнасӧ пуктӧ велӧтісь.
  • Россия — 40—45 минута, одзшколаын — 30—35 минута[4]. Вежалуннэз одзын уроккеслӧн дырнаыс вермас лоны чинтӧм велӧтчанін администрация тшӧктӧм сьӧрті. Недель сьӧрна уроккес пондӧтчӧны аскадӧ[3].

Галерея

  • Серпасалӧм сьӧрті урок

    Серпасалӧм сьӧрті урок

  • Английскӧй кыв сьӧрті урок

    Английскӧй кыв сьӧрті урок

  • Биология урок

    Биология урок

  • География урок

    География урок

  • Астрономия урок

    Астрономия урок

  • Математика урок

    Математика урок

  • Химия урок

    Химия урок

  • Урок 1 классын, Саратов, 1955—56 велӧтчан во

    Урок 1 классын, Саратов, 1955—56 велӧтчан во

  • Урок 7 классын Ленинградын блокада дырни, 1942 во

    Урок 7 классын Ленинградын блокада дырни, 1942 во

Пасйӧттэз

  1. ↑ Сластенин В. А. Педагогика: Учеб. пособие для студ. высш. пед. учеб. заведений / В. А. Сластенин, И. Ф. Исаев, Е. Н. Шиянов; Под ред. В.А. Сластенина. — Издательский центр «Академия», 2000. — 576 с.
  2. ↑ Сидоров С. В. Классно-урочное обучение: предшественники Я. А. Коменского - История педагогики и образования. Сидоров С. В. Сайт педагога-исследователя (2013-03-24). Видзӧтӧм 24 Одзар 2025.
  3. ↑ 1 2 Кто придумал учить уроки. Ян Амос Коменский: Человек, который подарил нам уроки, Telegraph (22 Гожумпом 2024). Дата обращения: 24 Одзар 2025.
  4. ↑ 1 2 Александр Могилев. Очевидное-невероятное: что такое школьный урок (20 Аршӧр 2017). Дата обращения: 24 Одзар 2025.
  5. ↑ Актуализация знаний, как этап современного урока. Видзӧтӧм 24 Одзар 2025.
  6. ↑ Этап - первичное закрепление. Мегаобучалка (2015-11-10). Видзӧтӧм 24 Одзар 2025.
  7. ↑ Галина Шутова Рефлексия как этап урока: виды, приемы, примеры. Педсовет (2015-03-20). Видзӧтӧм 24 Одзар 2025.
  8. ↑ Нія формаэз, а не уроккез виддэз. Семинарсӧ позьӧ чулӧтны и тӧдвылын видзан урок вылын, и вӧджжӧтан урок вылын, сідз кыдз и конференция
  9. ↑ Hood, Micaela. Virtual learning gets mixed reviews from Pocono parents, poconorecord.com. Дата обращения: 24 Одзар 2025.
  10. ↑ Евгения Акулова Как в других странах школы перешли на онлайн-обучение рус.. Российская газета (2021-01-12). Видзӧтӧм 24 Одзар 2025.
  11. ↑ Методическое пособие по созданию современного урока по ФГОС. Видзӧтӧм 24 Одзар 2025.
  12. ↑ Саввина О.А., Марушкина И.А. Урок математики в дореволюционной средней школе.. — М.: Инфра-М, 2013. — С. 18. — 80 с. — ISBN 978-5-16-006909-8.

Литература

  • Жеребило Т. В. Словарь лингвистических терминов. — Назрань: Пилигрим, 2010. — 485 с.
  • Саввина О. А., Марушкина И. А. Урок математики в дореволюционной средней школе. — М.: Инфра-М, 2013. — 80 с. — ISBN 978-5-16-006909-8.

Ыстӧттэз

Босьтӧма "https://koi.ruwiki.ru/w/index.php?title=Урок&oldid=215902"-ись