Победа лун

Босьтöм Рувикиись
Эта терминлӧн эмӧсь и мӧдік вежӧртассэз, вдз. Победа лун (сьыланкыв).
Победа лун
Салют Краснӧй площадь вылын Москваын 2005 во тулыспом 9 лунӧ Победалісь 60 во порйӧттӧн
Салют Краснӧй площадь вылын Москваын 2005 во тулыспом 9 лунӧ Победалісь 60 во порйӧттӧн
Тип Шоччисян лун, Россияын воинскӧй слава лун
Официальнӧя Победа лун
Сідзжӧ 1941-1945 воэзся Великӧй Отечественнӧй войнаын советскӧй отирӧн вермӧм
Вежӧртас Германия капитулируйтӧм йылісь акт кырымпасалӧм, мый лоис 1941-1945 воэзся Великӧй Отечественнӧй войнаын Германия советскӧй отирӧн вермӧм
Аркмӧтӧм СССР Верховнӧй Совет Президиум 1945 во тулыспом 8 лунся указӧн
Чулӧтӧны

 Российскӧй Федерация

Азербайджан Азербайджан
Армения Армения
Белоруссия Белоруссия
Босния и Герцеговина Босния да Герцеговина
Грузия Грузия
Израиль Израиль
Казахстан Казахстан
Киргизия Киргизия
Молдавия Модавия
Флаг Северной Македонии Ойвыв Македония
Сербия Сербия
Словакия Словакия
Узбекистан Узбекистан
Таджикистан Таджикистан
Туркменистан Туркменистан
Черногория Черногория
абу признайтӧм нето торйӧн признайтӧм канмуэз:
Республика Абхазия Абхазия
Приднестровская Молдавская Республика Приднестровье
Южная Осетия Лунвыв Осетия
Лун Тулыспом 9 лун
Чулӧтӧм военнӧй параддэз, панихидаэз, касьтылан кытшшез тэчӧм
Логотип РУВИКИ.Медиа Медиафайлы на РУВИКИ.Медиа

Победа лун (рочӧн День Побе́ды) — 1941—1945 воэзся Великӧй Отечественнӧй войнаын Гӧрд Армияӧн да советскӧй отирӧн нацистскӧй Германия вермӧмлӧ косйӧм донтан лун. Пуктӧм СССР Верховнӧй Совет Президиумӧн 1945 во тулыспом 8 лунся указӧн[1] да чулӧтсьӧ быд во тулыспом 9 лунӧ. 1945—1947 воэзӧ да 1965 восянь Победа луныс — шоччисян лун[2].

Тулыспом 9 лун — пырӧ Россияын воинскӧй слава луннэзісь нимлёдзӧ.

Победа лунӧ Россияын чулӧтсьӧны военнӧй параддэз да вежалунся салюттэз, Москваын Тӧдтӧм Солдатлӧн Шойна дынӧ вайӧны дзоридззез да касьтылан кытшшез.

Победа луныс сідзжӧ порйӧтсьӧ мӧдік канмуэзын, мукӧдлаын сія канму статуса донтан лун.

2010-ӧт воэзӧ аркмис да паськаліс «Ловзьӧм полк» (рочӧн «Бессмертный полк») акция, кӧда коста отирыс оськалӧны ветераннэз портреттэзӧн.

Войналӧн медбӧрья луннэз

[вильмӧтны | править код]

Берлинскӧй наступательнӧй операция[вильмӧтны | править код]

Победа дӧрапас
Советскӧй солдаттэзӧн Рейхстаг стенаэз вылӧ кольӧм кырымпассэз кольччӧны Берлин босьтӧмсянь и 70 во бӧрті.

1945 во тулысшӧрӧ Гӧрд Армия локтіс дзик матын Берлин дынӧ. Операциясӧ пондӧтчыттӧн советскӧй войскаэзын вӧлісӧ 149 стрелковӧй да 12 кавалерийскӧй дивизия, 13 танковӧй да 7 механизируйтӧм корпус, 15 торья танковӧй да самоходнӧй бригадаэз ӧтласа лыдӧн 1 900 000 мортся унажык. Операцияас участвуйтісӧ Польскӧй Войсколӧн 1-й да 2-й армияэз, кӧдаын вӧлісӧ 10 пехотнӧй да 1 танковӧй дивизия, а сідзжӧ 1 торья кавалерийскӧй бригада, ӧтласа лыдыс вӧлі 155 900 морт. Быдсӧн операцияас участвуйтісӧ 2 миллионся унажык солдат да офицер[3], 6250 танк да самоходнӧй орудие, 41 600 орудие да миномёт, 7500 самолёт.

Немецкӧй войскаэз видзсисӧ Одер да Нейсе юэз рытвывся вадорын. Берлин дынын да карас вӧлі чукӧртӧм войскоэзлӧн группировка, кӧдаын вӧлісӧ 62 дивизия (ны коласын 48 пехотнӧй, 4 танковӧй да 10 моторизованнӧй), 37 торья пехотнӧй полк да 100 мымда торья пехотнӧй батальон, а сідзжӧ артиллерийскӧй часттез да подразделеннёэз. Эта группировкаын вӧлісӧ миллион мымда морт, 1500 танк, 10 400 орудие да миномёт, 3300 боевӧй самолёт[4]. Берлиныс вӧлі пӧртӧм укрепрайонӧ да лӧсьӧтӧм карся бойез понда. Берлин гӧгӧр вӧлі лӧсьӧтӧм куим дорьян кытш, кар пытшкас лӧсьӧтӧмӧсь 400-ся унажык кӧртбетоннӧй дыркадся лыйсян поззэз, ныын сюрс морта гарнизоннэз. Берлинскӧй гарнизонас вӧлісӧ 200 000 мымда мортӧс.

Берлинскӧй операция дырни Гӧрд Армия ӧштіс 78 291 мортӧс вийӧммезӧн да 274 184 морт дойдӧммезӧн[3]. Мӧднёж шуны, лункӧв сьӧрна стройись петісӧ 15 000-ся унажык солдат да офицер. Эшӧ 8892 мортӧс ӧштісӧ польскӧй войскоэз, ны коласісь 2825 морт — вийӧммезӧн.

Немецкӧй дорйӧм падмӧтӧм дырни, карся бойез коста, используйтсисӧ танккез. Кар пытшкын нія лоисӧ удобнӧй мишеньӧн немеццезлӧн противотанковӧй средствоэз понда. Эта сідзжӧ вайӧтіс ыджыт ӧштӧммез: кык недель сьӧрна бойез коста Гӧрд Армия ӧштіс Берлинскӧй операцияын участвуйтісь танккезлісь да САУ-эзлісь куимӧт торсӧ, мый 1997. Сідзжӧ вӧлісӧ ӧштӧмӧсь 2108 орудие да миномёт да 917 боевӧй самолёт, но операциялісь главнӧй задачасӧ советскӧй войскоэз решитісӧ тырвыйӧ: разгромитісӧ противниклісь 70 пехотнӧй, 12 танковӧй да 11 моторизованнӧй дивизия, босьтісӧ пленӧ 480 тысяча гӧгӧр мортӧс[5], босьтісӧ Германиялісь столицасӧ и фактическӧя заставитісӧ Германиясӧ капитулируйтны.

1945 во тулыспом 1 лунся асъяпонӧ Рейхстаг штурмуйттӧн сержант Михаил Егоров да младшӧй сержант Мелитон Кантария младшӧй лейтенант А. П. Берест кипод увтын лэбтісӧ Рейхстаг вылӧ Победа дӧрапас[6].

Капитуляция кырымпасалӧм[вильмӧтны | править код]

Совинформбюро юӧртӧм Германиялӧн капитулируйтӧм йылісь. Текстсӧ лыддьӧтӧ Юрий Левитан. Репродукция. Гижӧм 1950-ӧт воэзӧ.
Вильгельм Кейтель кырымпасалӧ Германиялӧн капитулируйтӧм йылісь акт.

1945 во тулыспом 1 лунӧ 3:50 часӧ 8-ӧт гвардейскӧй армиялӧн команднӧй пунктӧ вӧлі вайӧтӧм вермахтлӧн сухопутнӧй выннэз генеральнӧй штаблӧн начальник пехотнӧй генерал Кребс, кӧда висьталіс, что сія уполномочен нуӧтны перемирие йылісь переговоррез. Но Сталин распорядитчис не нуӧтны переговоррез, кытшӧмӧсь только безоговорочнӧй капитуляция йылісь. Немецкӧй командованиелӧ вӧлі сувтӧтӧм ультиматум: ежели 10 часӧдз оз ло сетӧм согласие безоговорочнӧй капитуляция вылӧ, советскӧй войскоэзӧн лоӧ керӧм сокрушительнӧй удар. Ӧтвет получиттӧг, советскӧй войскоэз 10:40 часӧ осьтісӧ ураганнӧй би Берлин шӧрись оборона коляссэз кузя. 18 час кежӧ лоис тӧдса, что капитуляция йылісь требованнёэз вӧлісӧ отвержитӧмӧсь. Эта бӧрсянь пондӧтчис город шӧрись медбӧрья штурм, кытӧн вӧлі Императорскӧй канцелярия. Тулыспом 1 лунсянь 2 лунӧдз ойбыт мунісӧ бойез канцелярия понда. Ашынас быдӧс помещеннёэз вӧлісӧ займитӧмӧсь советскӧй солдаттэзӧн.

Тулыспом 2 лунӧ ойнас 1:50 часӧ радио пыр вӧлі примитӧм сэтшӧм юӧр: «Мӧдӧтам асланым парламентарезӧс Бисмарк-штрассе пос вылӧ. Дугдам военнӧй действиеэз». Сёрӧнжык пропаганда кузя министрӧс вежись доктор Фриче шыасис советскӧй командование дынӧ разрешеннё корӧмӧн выступитны радио пыр берлинскӧй гарнизонісь немецкӧй войскоэз дынӧ шыасьӧмӧн сопротивленнё дугӧтӧм йылісь. 15 час кежӧ берлинскӧй гарнизонлӧн коляссэз (134 сюрсся унажык морт) сетсисӧ пленӧ.

Тулыспом 7 лунӧ 2:41 (Шӧр Европа кадӧ) Реймсаын вӧлі кырымалӧма Германиялӧн безоговорочнӧй капитуляция йылісь акт, кӧда вынсяліс май 8 лунӧ 23:01 (май 9 лунӧ 00:01 московскӧй кадӧ). Немецкӧй Главнокомандованиелӧн нимсянь протоколсӧ кырымаліс генерал Йодль, кытӧн вӧлісӧ генерал Уолтер Смит (союзнӧй экспедиционнӧй выннэз нимсянь), генерал Иван Суслопаров (сӧветскӧй Главнокомандованиелӧн нимсянь), а сідзжӧ французскӧй армияись генерал Франсуа Севез, кӧда кырымаліс актсӧ свидетельӧн. Но генерал Суслопаровлӧн эз вӧв Москвасянь разрешение кырымпасавны акт Германиялӧн капитулируйтӧм йылісь, Советскӧй Союз настаивайтіс кырымавны мӧдік акт.

Май 8 лунӧ центрально-европейскӧй кад сьӧрті 22:43 часӧ (московскӧй кад сьӧрті 00:43 часӧ май 9 лунӧ) вермахтлӧн генерал-фельдмаршал Вильгельм Кейтель, а сідзжӧ люфтваффе генерал-полковник Штумпф да адмирал кригсмарине фон Фридебург, кӧдналӧн вӧлісӧ Деницсянь колана полномочиеэз, кырымалісӧ эшӧ ӧтік акт капитуляция йылісь, кӧда тожӧ вынсяліс май 9 лунӧ 00:01 часӧ московскӧй кад сьӧрті.

Капитуляция примитӧм бӧрын Советскӧй Союз эз кырымав Германиякӧт мир, мӧднёж шуны, кольччис Германиякӧт война состояниеын. Германиякӧт войнаыс вӧлі кончитӧма де-юре 1955 тӧвшӧр 25 лунӧ СССР Верховнӧй Совет Президиумлӧн лӧсялана решение примитӧмӧн.

Германскӧй ставкалӧн медбӧрья юӧр[вильмӧтны | править код]

Тулыспом 9 лунӧ германскӧй ставка, кӧда эз ни вӧв Цоссенын, кӧда вӧлі ни босьтӧм советскӧй войскаэзӧн, лэдзис ассис медбӧрья юӧр:

Германиялӧн капитулируйтӧм йылісь акт. «Правда», 1945 тулыспом 9 лун

Гросс-адмирал Дёниц ставкаись

Вооруженнӧй выннэзлӧн Верховнӧй главнокомандованнё юӧртӧ:

Асыввыв Пруссияын германскӧй войскоэз вторникӧ медбӧрья позянлунӧдз кутісӧ Висла ваӧм да Фрише Нерунг кӧсалісь рытвыв торсӧ. Торйӧнжык отличитчис 7-ӧт пехотнӧй дивизия. Сылӧн образцӧвӧй действиеэз понда дивизиялӧн командир генерал фон Заукен наградитӧм дубӧвӧй листтэзӧн сабляэзӧн да брильянттэзӧн Кӧрт крестлӧн Рыцарскӧй крест дынӧ.

Армияэзлӧн миян группалӧн главнӧй выннэз Курляндияын, кӧдна уна месяц сьӧрна пехотаись генерал Хильперт командуйтӧм увтын мыччалісӧ вына сопротивленнё превосходитісь советскӧй танковӧй да пехотнӧй соединеннёэзлӧ да мужественнӧя выдержитісӧ квать ыджыт сраженнё, вевттисӧ асьнысӧ бессмертнӧй славаӧн. Эта армияэзлӧн группа отвергайтіс быдӧс капризнӧй капитуляция. Ловйӧн кольччӧм самолёттэз образцӧвӧй порядокӧн вайӧтісӧ Рытвылӧ раненӧйезӧс да семьяэзлісь айезӧс. Офицеррез да штаббез кольччисӧ аслас войскоэзкӧт. Ойшӧр кадӧ миян примитӧм условиеэз сьӧрті быдкодь военнӧй действиеэз да быдкодь войскоэзлӧн ветлӧммез вӧлісӧ дугдӧмӧсь.

Бреслау дорйись отир, кӧдна кык месяц сьӧрна отбивайтісӧ быдӧс советскӧй атакаэсӧ, героическӧй сопротивленнё бӧрын медбӧрья минутаӧ сетчисӧ противник преимуществолӧ.

Юго-Восточнӧй да Восточнӧй фронттэзын главнӧй соединеннёэзлӧн быдӧс штаббез Дрезденӧдз получитісӧ приказ дугдыны лыйлыны. Чехъяслӧн восстаниелӧ почти быдӧс Богемияын да Моравияын удайтчис падмӧтны капитуляция условиеэз тыртӧмсӧ и миянлісь йитӧттэзнымӧс эта районын. Лёралӧн, Рендуличлӧн да Шернерлӧн армияэз группаэз йылісь юӧрресӧ верховнӧй главнокомандованиелӧн штаб ӧнӧдз эшӧ эз получит.

Отечественнӧй му дынсянь ылын воюйтісь опорнӧй пункттэз Атлантическӧй океан берег дорын дорйись отир, Норвегияын войскоэз да Эгейскӧй море діэзын гарнизоннэз, кывзісьӧм да дисциплина соблюдайтӧмӧн, поддерживайтісӧ германскӧй солдатлісь честьсӧ.

И сідз, ойшӧрсянь пондӧтчӧмӧн оружиеыс быд фронт вылын лӧнис. Гросс-адмирал приказ сьӧрті вермахт дугдіс лоӧм бессмысленнӧй бойсӧ. Этаӧн кончитчис почти квать годся героическӧй единоборство. Сія вайис миянлӧ ыджыт победаэз, но и сьӧкыт пораженнёэз. Германскӧй вермахт медбӧрын почётнӧя уступитіс противниклӧн выннэзын ыджыт превосходстволӧ. Германскӧй солдат, аслас клятвалӧ вернӧй, асьсӧ аслас народлӧ конецӧдз сетӧмӧн, керис сійӧ, мый оз вун век кежӧ. Тыл медбӧрья минутаӧдз поддерживайтіс сійӧ быдӧс аслас вынӧн, эта коста нуӧтікӧ сьӧкыт жертваэз. Фронтлӧн да тыллӧн вӧвлытӧм вермӧммез адззасӧ ассиныс конечнӧй оценка историялӧн одзланься справедливӧй приговорын.

Нельки противник оз вермы откажитны аслас уваженнёись германскӧй солдаттэзлӧн славнӧй делоэзлӧ да жертваэзлӧ му вылын, ва вылын и воздухын. Сійӧн быд солдат вермӧ честнӧя да гордӧя лэдзны кисис ассис оружиесӧ и миян историяын эта сьӧкыт часӧ повтӧг да увереннӧя бертны удж бердӧ миян народлӧн вечнӧй олан понда.

Эта часӧ вермахт почтитӧ аслас пӧгибнитӧм солдаттэзлісь память. Пӧгибнитӧммес кӧсйӧны миянӧс кывшутӧг лоны вернӧйӧсь, кывзісьны да дисциплинаӧн вирӧн киссьӧм уна лыда рана Родина дынӧ.

Медбӧрья поззэз паныталӧм[вильмӧтны | править код]

Капитуляция кад кежӧ немеццез видзӧмась уна опорнӧй пункттэз Атлантическӧй побережье вылын Франциаын (Дюнкерк, Ла-Рошель, Лорьян), островвез вылын Гернси, Джерси да уна мӧдіккез вылын, Германия ойвыв юкӧтын, Центральнӧй Европаын территория вылын (южнӧй Германиялӧн, Австриялӧн, Чехословакиялӧн тор), Путцигер-Нерунг кӧса вылын (Висла устье) да Курляндияын (Латвийскӧй ССР территория вылын) Данцигся асыввывланьын плацдарммез вылын, греческӧй архипелаг діэзын, Данияын да Норвегияын ыджытжык тор вылын, Голландияись берегдор территорияэзын тор. Немецкӧй войскоэз Центральнӧй Европаын, кӧдна сулалісӧ советскӧй фронт одзын, эзӧ подчиняйтчӧ капитуляция йылісь приказлӧ и пондісӧ отступайтны рытвылӧ, старайтчӧмӧн вуджны англо-американскӧй оккупационнӧй зонаӧ.

Тулыспом 10 лунӧ советскӧй войскоэз босьтісӧ Путцигер-Нерунг кӧса вылісь плацдарм Хель каркӧт, тулыспом 11 лунӧ босьтісӧ контроль увтӧ Курляндия. Тулыспом 14 лун кежӧ Центральнӧй Европаын дугдісӧ вӧтлыны рытвылӧ отступайтісь немецкӧй войскоэзӧс. Тулыспом 9 лунсянь 14 лунӧдз быд фронт вылын советскӧй войскоэзӧн пленӧ босьтӧм 1 миллион 230 сюрсся унажык немецкӧй солдаттэз да офицеррез да 101 генерал. Тулыспом 15 лунӧ Совинформбюро юӧртіс быд фронт вылын пленнӧйез примитӧм йылісь[7].

Донтан лунлӧн история

[вильмӧтны | править код]
СССР Верховнӧй Совет Президиумлӧн 1945 во тулыспом 8 лунся указ «Тулыспом 9 лун Победа донтан лунӧн юӧртӧм йылісь».

Победа лун пасйӧмсӧ тулыспом 9 лунӧ пыртӧмась СССР Верховнӧй Совет Президиумлӧн 1945 воӧ май 8 лунся Указӧн, кӧда тшӧктӧма лыддьыны этӧ лунсӧ неуджалан лунӧн.[8].

1945 во тулыспом 9 лун[вильмӧтны | править код]

Тулыспом 9 лунӧ асывнас петіс Верховнӧй Главнокомандующӧйлӧн (И. В. Сталинлӧн) № 369 приказ[9]:

ПРИКАЗ
Верховного Главнокомандующего
По войскам Красной Армии
и Военно-Морскому Флоту

1945 во тулыспом 8 лунӧ Берлинын германскӧй высшӧй командованиелӧн представительез кырымалісӧ акт германскӧй вооружённӧй выннэзлӧн безоговорочнӧй капитуляция йылісь.

Великӧй Отечественнӧй война, кӧдӧ нуӧтіс советскӧй народ немецко-фашистскӧй захватчиккезлӧ паныт, победоноснӧя кончитӧм, Германиясӧ быдсӧн разгромитӧм.

Ёрттэз красноармееццез, краснофлотеццез, сержанттэз, старшинаэз, армияись да флотсис офицеррез, генераллэз, адмираллэз да маршаллэз, поздравляйта тіянӧс Великӧй Отечественнӧй война победнӧя кончитӧмӧн.

Германия вылын полнӧй победа пасӧм могись талун, май 9 лунӧ, Победа лунӧ, 22 часӧ миян Рӧдиналӧн столица Москва Рӧдина нимсянь салютуйтӧ Краснӧй Армиялӧн доблестнӧй войскоэзлӧ, Военно-Морскӧй Флотлӧн корабллезлӧ да частьэзлӧ, кӧдна шедтісӧ этӧ великӧй победасӧ, сюрс орудиеэзісь артиллерийскӧй залппезӧн.

Вечнӧй слава геройезлӧ, кӧдна усисӧ бойезын миян Рӧдиналӧн свобода да независимость понда! Мед оласӧ победоноснӧй Краснӧй Армия да Военно-Морскӧй Флот!

Верховнӧй Главнокомандующӧй Советскӧй Союзлӧн Маршал И. Сталин

1945 во тулыспом 9 лун

Сія жӧ лунӧ СССР Верховнӧй Совет Президиум лэдзис указ «1941-1945 воэзся Великӧй Отечественнӧй войнаын Германия вермӧм понда» медаль аркмӧтӧм йылісь[9].

Медодзза донтан лун, кӧда чулаліс 1945 во тулыспом 9 лунӧ, помассис ыджыт салютӧн. Сія дыр кеж кольччис советскӧй отир тӧдвылын. Германия вермӧм порйӧтӧмын финальнӧй аккордӧн лоис Победа парад, кӧда чулаліс 1945 вося одзгожум 24 лунӧ[9].

Победа лун порйӧтӧм 1945—1964 воэзӧ[вильмӧтны | править код]

1945—1947 воэзӧ Победа лун вӧлі неуджалан лунӧн[1], но СССР Верховнӧй Совет Президиумлӧн 1947 во одзтӧв 23 лунся указ сьӧрті шоччисян луныс вӧлі дугдӧтӧм: Победа лун туйӧ неуджаланӧн керисӧ Виль во[10]. 17 во бӧрті, Брежнев дырни ни, юбилейнӧй 1965 воӧ Победа луныс бӧра лоис неуджаланӧн[11][12].

Ӧння порйӧтӧм атрибуттэз аркмисӧ не ӧтік лунӧн. Сідз, война бӧрся медодзза 20 во сьӧрна Победа лунӧ вӧлі чулӧтӧм ӧтік парад — 1945 во гожумпом 24 лунӧ. Этна 20 во сьӧрна порйӧтӧмӧ пырис дзир салют, но быдӧс канмуыс, ӧтлаын войнаись ветераннэзкӧт, порйӧтіс Победа лунсӧ, кӧть и официальнӧй шоччисян луннэз эзӧ вӧлӧ[13].

Кыдз Сталин дырни, сідз и Хрущёв дырни донтан лунсӧ порйӧтан «сценарийыс» вӧлі ӧтіккодь: центральнӧй газетаэзын петавлісӧ донтан лунлӧ сиӧм передовицаэз, чулӧтлісӧ торжественнӧй рыттэз, быд ыджыт карын лэдзисӧ 30 артиллерийскӧй залпа салюттэз. Хрущёв дырни эз ошкӧ не Сталинӧс, не войнаись полководеццезӧс, кӧднаись унакӧт Хрущёв вӧлі лӧгасьӧм[13].

Победалӧн медодзза юбилей, 1955 вося тулыспом 9 лун, вӧлі уджалан лунӧн, чулаліс военнӧй парадтӧг, кӧть канмуись каррезын чулалісӧ торжественнӧй собраннёэз. Позьӧ сідзжӧ празднуйтны концерттэз да уна отирӧн гуляйтӧм площаддэзын да парккезын. Сы кындзи, Москваын, союзнӧй республикаэзлӧн столицаэзын да городдэзын-геройезын вӧлі керӧма салют 30 артиллерийскӧй залпӧн[14].

1958 восянь воздушнӧй параддэз СССР-лӧн некытшӧм государственнӧй праздниккез коста Краснӧй площадь весьтын эзӧ чулӧтсьӧ[15].

1948 восянь 1964 воӧдз Победа лун официальнӧя эз порйӧтсьы[16].

Победа лун порйӧтӧм 1965—1991 воэзӧ[вильмӧтны | править код]

Сӧветскӧй кадӧ Победа лун Краснӧй площадь вылын порйӧтісӧ тулыспом 9 лунӧ юбилейнӧй 1965, 1975, 1985 воэзӧ.

Победа лун лоис мӧдік ыджыт национальнӧй праздникӧн (Великӧй Октябрьскӧй социалистическӧй революция лун бӧрын) сы 20 юбилей кеж. Брежнев пыртіс Победа лун порйӧтанӧ ӧння кадся чулӧтанвиззез[13]:

  • вӧлі чулӧтӧм Краснӧй площадь вылын военнӧй парад да Кремлёвскӧй дворец съезддэзын приём;
  • Победа лун бӧра лоис шоччисян лунӧн.

1965 во тулыспом 9 лунӧ чулаліс Великӧй Отечественнӧй войнаын победалӧ кӧсйӧм мӧдӧдзза парад[15].

Сэксянь порйӧтӧмыс уна ыждіс. 1967 вося Победа лунӧ Брежнев ачыс участвуйтіс Тӧдтӧм Солдатлӧн Шойгу касьтылан комплекс осьтӧмын. 1975 во тулыспом 9 лунсянь юбилейнӧй мероприятиеэзӧ пыртӧмӧсь Ленин мавзолей да Тӧдтӧм солдат шойгу дынӧ кытшшез пуктӧм (35 минута дырна), 13 часӧ муніс Москваись том отирлӧн торжественнӧй манифестация Краснӧй площадь вылын[17] (в пределах 45 минут), в 15:00 — праздничный приём, 18:50 — чӧлан минут, в 21:00 — праздничный салют[13].

Сы киння, 1960-ӧт воэзсянь медодзза военнӧй параддэз май 9 лунӧ пондісӧ нуӧтны СССР-ись уна городдэзын. Эта лунӧ воинскӧй частьэз да военнӧй училищеэз маршӧн мунісӧ городдэз улицаэз кузя военнӧй мемориаллэз дынӧ либо усьӧм воиннэзлӧ памятниккез дынӧ, кытӧн вӧлісӧ митинггез да цветтэз пуктӧм[13].

1985 во тулыспом 9 лунӧ чулаліс куимӧт парад (Победа 40 во кеж)[16]. 1990 во тулыспом 9 лунӧ чулаліс нёльӧт парад. Сы вылын мыччалісӧ Великӧй Отечественнӧй война кадся военнӧй техника[16].

Ӧння кадӧ порйӧтӧм Россияын[вильмӧтны | править код]

Победа лун Краснӧй площадь вылын, 2010 во
Победа парад Москваын, 2016 во.

СССР разьсьӧм бӧрын Краснӧй площадь вылын тулыспом 9 лунӧ военнӧй парадсӧ эзӧ чулӧтлӧ 1995 воӧдз. Сэк Москваын чулалісӧ кык парад: Краснӧй площадь вылын (оськалан стройын) да Поклоннӧй керӧс вылын (воиннэз да боевӧй техника участвуйтӧмӧн). Сія кадсянь Краснӧй площадь вылын параддэз пондісӧ чулӧтсьыны быд во, но медодзза кадӧ боевӧй техникатӧг.

Май 9 лун — Великӧй Отечественнӧй война помасян лун, лоӧ Россиялӧн воинскӧй слава луннэз коласісь ӧтікӧн[18].

1997 восянь канму юраліссез дугдісӧ кайлыны Мавзолей вылӧ парад примитӧм понда, да пондісӧ пантавны парадсӧ Мавзолей одзын лэбтӧм лава вывсянь.

2005 восянь Ленинлісь мавзолейсӧ параддэз коста пондісӧ дзебны фанернӧй щиттэзӧн, кӧдна фон вылын сія кадсянь канму юраліссез и панталӧны. Сія воӧ Москваӧ парад вылӧ вовлісӧ визирсайся ыджыт гӧссез — США-лӧн президент Джордж Буш, Франциялӧн президент Жак Ширак, КНР председатель Ху Цзиньтао, Италияись премьер-министр Сильвио Берлускони, да сідзжӧ Германияись канцлер Герхард Шредер.

2006 воӧ Российскӧй Федерация президент указ сьӧрті волі армӧтӧм «Воинскӧй слава кар» почёт ним.

2007 восянь Победа лун порйӧтікӧ пондісӧ новйыны георгиевскӧй лентаэз, нія лоисӧ отирлӧн ӧтлаасьӧм, гажӧтчӧмлӧн, ветераннэзӧс касьтылӧмлӧн да донъялӧмлӧн символӧн[19].

2008 восянь парад вылӧ вились пондіс петны боевӧй техника, сы лыдын и военнӧй авиация.

2010 воӧ Московскӧй парадын участвуйтісӧ Францияись, Англияись, США-ись да Польшаись антигитлеровскӧй коалиция сьӧрті Россиялӧн союзник-канмуэзісь войскоэз. Сія воӧ Победа парад ӧткоста чулаліс Россияын 72 карын.

Победа лунлӧ кӧсйӧм оськаланнэз чулӧтсьӧны быд герой-карын, военнӧй округын, Россияись да СНГ-ись ыджыт каррезын. Эта лунӧ традиция сьӧрті пантасьӧны фронтовиккез, пуктӧны кытшшез Тӧдтӧм Солдатлӧн Шойгу вылӧ, слава да воинскӧй подвиг памятниккез дынӧ, юргӧ донтан лунся салют.

2012 воӧ Томскын медодззаись вӧлі чулӧтӧм «Ловзьӧм полк» акция, кӧда коста акцияын участниккез мунӧны колоннаӧн киэзаныс воюйтісь аймаммезныслісь да пӧрись аймаммезныслісь портреттэз видзӧмӧн[20]. 2013 восянь эта традицияыс паськаліс быдӧс Россия пасьта да сы визир сайӧ[21]. 2015 воӧ Россияын акцияас участвуйтісӧ 12 миллион мымда морт[22]. Москваас сыын участвуйтісӧ 500 сюрс морт[23], ны коласын вӧлі и Россиялӧн президент Владимир Путин[24].

Победа парад Москваын[вильмӧтны | править код]

  • 1995 во — Победалӧ 50 во. Поклоннӧй керӧс вылын мемориальнӧй комплекс да Манежнӧй площадь вылын маршал Г. К. Жуковлӧ памятник осьтӧм. Краснӧй площадь вылын ветераннэзлӧн оськалан парад, Поклоннӧй керӧс вылын — военнӧй техника.
  • 2000 во — Победалӧ 55 во. Краснӧй площадь вылын медбӧрьяись чулаліс ветераннэзлӧн оськалан парад.
  • 2005 во — Победалӧ 60 во. Парадыс вӧлі кык торья: историческӧй да ӧння кадся. Парадлӧн кульминацияӧн лоис «полуторкаэз» вылын 2600 ветеранлӧн мунӧм. Старт «Георгиевскӧй ленточка» акциялӧн.
  • 2008 во — Победалӧ 63 во. Парад коста медодззаись ӧнняся Россия историяын Краснӧй площадь вылын вӧлі используйтӧм сьӧкыт военнӧй техника[25].
  • 2009 во — Победалӧ 64 во[26].
  • 2010 во — Победалӧ 65 во. Парадын участвуйтісӧ 11 335 военнослужащӧй Россия Вооруженнӧй Выннэзісь, да сідзжӧ 13 мӧдік канмуэзісь, 161 военнӧй техника, 127 самолёт да вертолёт[27].
  • 2011 во — Победалӧ 66 во. Парадын участвуйтіс РФ ВС-лӧн личнӧй состав киння 106 бронетехника[28].
  • 2012 во — Победалӧ 67 во. Парадын участвуйтісӧ 14 сюрс военнослужащӧйез, военнӧй техника да самолёттэз[29].
  • 2013 во — Победалӧ 68 во. Торжественнӧй оськаланын участвуйтісӧ 11 сюрс военнослужащӧй, уна военнӧй техника, а сідзжӧ 68 самолёт да вертолёт[30].
  • 2014 во — Победалӧ 69 во. Быдоссӧ военнӧй парадын участвуйтісӧ 11 сюрс военнослужащӧй, 151 военнӧй техника, 69 самолёт да вертолёт[31].
  • 2015 во — Победалӧ 70 во. Краснӧй площадь вывся парадын участвуйтісӧ 15 сюрсся унажык военнослужащӧйез, 194 сухопутнӧй военнӧй техника, ны лыдын дзир виль танк «Армата», 143 самолёт да вертолёт[32].
  • 2016 во — Победалӧ 71 во. Парадас участвуйтісӧ 10 сюрс мымда морт да 130 боевӧй техника[33].
  • 2017 во — Победалӧ 72 во. Парадас участвуйтісӧ 10 сюрсся унажык морт да 114 техника, ны лыдын «Тайфун-К» да «Тайфун-М» бронеавтомобиллез[34].
  • 2018 во — Победалӧ 73 во. Краснӧй площадь кузя мунісӧ 13 сюрсся унажык морт да 150 военнӧй техника. Лэбзисӧ 75 самолёт да вертолёт. Парадын медодззаись участвуйтісӧ боевӧй машина «Терминатор», роботтэз «Уран», беспилотниккез «Катран» да «Корсар»[35].
  • 2019 во — Победалӧ 74 во. Парадас участвуйтісӧ 13 сюрс морт да 130 боевӧй техника. Техническӧй вильторрезӧн лоисӧ автомобиллез Aurus, а сідзжӧ неважын вооруженнё вылӧ примитӧм автоматтэз АК-12, Победа Парадлӧн воздушнӧй торыс Москваын вӧлі дугдӧтӧм поводя кузя[36].
  • 2020 во — Победалӧ 75 во. Тулыспом 9 лунӧ COVID-19 пӧрӧс кузя вӧлі чулӧтӧм парадлӧн воздушнӧй тор, мӧдік событиеэс вӧлісӧ вуджӧтӧмӧсь одзгожум 24 лун кеж. Военнӧй парадас участвуйтісӧ 14 сюрс военнослужащӧй, 200-ся унажык военнӧй техника, 75 самолёт да вертолёт[37].
  • 2021 во — Победалӧ 76 во. Парадын Краснӧй площадь вылын участвуйтісӧ 12 сюрс солдат да офицер, 191 боевӧй машина, да сідзжӧ 76 самолёт да вертолёт.[38].
  • 2022 во — Победалӧ 77 во. Краснӧй площадь вылын Парадын участвуйтісӧ 11 сюрс военнослужащӧй да 131 ӧнняся вооруженнё да военнӧй техника.[39].
  • Москваын Краснӧй площадь вылын 70 вося юбилей кежӧ парадлӧн воздушнӧй тор.

    Москваын Краснӧй площадь вылын 70 вося юбилей кежӧ парадлӧн воздушнӧй тор.

  • 2015 вося Победа парад.

    2015 вося Победа парад.

  • Победа парад Санкт-Петербургын Дворцовӧй площадь вылын, 2014 во.

    Победа парад Санкт-Петербургын Дворцовӧй площадь вылын, 2014 во.

  • Победа лун кежӧ Москва дӧрапассэзӧн мичӧтӧм, 2021 во тулыспом 9 лун.

    Победа лун кежӧ Москва дӧрапассэзӧн мичӧтӧм, 2021 во тулыспом 9 лун.

Донтан лун СНГ канмуэзын

[вильмӧтны | править код]
Победа лун Донецкын, 2016 во тулыспом 9 лун.

Победа лунсӧ порйӧтӧны да сія лоӧ шоччисян лунӧн СНГ-ын быдлаын: Азербайджанын, Арменияын, Белоруссияын, Казахстанын, Киргизияын, Молдавияын, Рочмуын, Таджикистанын, Туркменистанын, Узбекистанын, а сідзжӧ Грузияын, Абхазияын, Лунвыв Осетияын[40], Донецкӧй Народнӧй Республика да Луганскӧй Народнӧй Республикаэзын, Приднестровьеын. Быд во Россотрудничестволӧн представительствоэз отсӧтӧн визир сайын чулӧтӧны Победа лун. Быд во эта лун кежӧ чулӧтсьӧны мероприяттёэз.

Азербайджан[вильмӧтны | править код]

Азербайджанлӧн Президент Ильхам Алиев Бакуын кыкись Советскӧй Союзлӧн Герой Ази Аслановлӧн шойгу дынын Великӧй Отечественнӧй войнася ветераннэзкӧт пантасьӧм коста. 2016 во тулыспом 9 лун.

Азербайджанын особӧй вниманиеӧн видзӧтӧны тулыспом 9 лун да Великӧй Отечественнӧй войнася ветераннэз вылӧ. Азербайджанлӧн президент Гейдар Алиевлӧн постановленнё сьӧрті 1994 восянь тулыспом 9 лун быд во Азербайджанын порйӧтсьӧ кыдз Победа лун да лоӧ шоччисян лунӧн. Традиция сьӧрті май 9 лунӧ Азербайджанлӧн президент Ильхам Алиев пантасьӧ война ветераннэзкӧт Советскӧй Союзлӧн кыкись Герой Ази Аслановлӧн шойгу дынын[прим. 1], пуктӧ дзоридззез да касьтылӧ Азербайджанісь Великӧй Отечественнӧй войнася быд воинӧс[41][42][43].

2016 восянь Бакуын чулалӧ быд вося «Ловзьӧм полк» акция, кӧда чулӧтсьӧ Азербайджанын казаккезлӧн землячество отсӧтӧн. Акция коста участниккез чукӧртчӧны Бакуись Наримановскӧй районын воин-мездіссез ӧтласа шойна мемориал дынӧ, нія пуктӧны кытшшез да касьтылӧны фашизмсӧ вермӧм понда оланнысӧ пуктӧм геройезӧс[прим. 2][44][45].

Армения[вильмӧтны | править код]

Победа парк да Армения-мам монумент, 2020 во тулыспом 9 лунӧ.

Великӧй Отечественнӧй война вылын геройезлӧн да жертваэзлӧн паметьыс ӧння Арменияын кольччӧ вӧрзьӧттӧг, а Победа луныс «видзӧ ассис значеннёсӧ кыдз армянскӧй народлӧн героизмлӧн да ловзьӧмлӧн лун».

Победа лун одзын быд во ыджыт каррезын городдэзын мунӧ патриотическӧй акция «Георгиевскӧй ленточка»[46][47][48][49]. 2016 восянь «Ловзьӧм полк Армения» общественнӧй патриотическӧй организация быд во Ереванын да Гюмриын чулӧтӧ акцияэз «Ловзьӧм полк» да «Память туй»[50][51][52]. 2020 воӧ сідзжӧ вӧлі лэдзӧм онлайн-акция «Менам геройлӧн история», кӧдаын канмуын быд олісь вермис висьтасьны аслас роднӧй йылісь, кӧда участвуйтіс войнаын[53].

Арменияись высшӧй государственнӧй деятеллез аскадӧ тӧдчӧтӧны сӧветскӧй народлӧн фашистскӧй Германиякӧт пессьӧмын ключевӧй роль йылісь историческӧй память да озӧ сетӧ сійӧ дзугны[54].

Узбекистан[вильмӧтны | править код]

Узбекистанын 1999 восянь тулыспом 9 лунӧ порйӧтӧны национальнӧй донтан лун — Память да честь лун.[55].

Украина[вильмӧтны | править код]

Победа лун Киевын Крещатик вылын 2010 во тулыспом 9 лунӧ, танк Т-34-85.

1991—2015 воэзӧ Украинаын Победа лунсӧ официальнӧя порйӧтісӧ кыдз «Великӧй Отечественнӧй войнаын Победа лун». Но 2015 во тулысшӧр 9 лунӧ Украинаись Верховнӧй Рада примитіс «1939-1945 воэзся Мӧдӧдзза мирӧвӧй войнаын нацизм вермӧм йылісь» закон[56], тулыспом 9 лунӧ законсӧ кырымпасаліс президент да тулыспом 21 лунӧ сія пырис вынӧ[57][прим. 3].

Официальнӧя пасйӧны Казьмӧтан да миритчан лун (май 8 лун) да Мӧдік мирӧвӧй войнаын нацизм вылын победа лун (май 9 лун)[57][58]. Сідзжӧ 2015 восянь Украинаын странасӧ декоммунизируйтӧм сьӧрті вӧлі запретитӧм советскӧй символика[59], сы лыдын Победа дӧрапас[60].

Праздник вежсьӧм вылӧ видзӧттӧг, Победа лунсӧ сы классическӧй вариантӧн одзлань пасйӧны неофициальнӧя. Сідз, 2017 воӧ Украинаись кынымкӧ областнӧй центрын мунісӧ «Ловзьӧм полклӧн» шествиеэз, кӧдна кончитчисӧ сылӧн участниккезлӧн националистическӧй организацияэзлӧн представителлезкӧт косясьӧммезӧн[61].

2018 годӧ эта акция сьӧрті мунӧм бӧрын Киевын лэбис тышк[62]. Сы киння, Украинаын Победа лун пасйӧмсӧ пасйисӧ запретитӧм символикаӧн вӧдитчӧм понда арестуйтӧммезӧн (быдсӧн страна пасьта арестуйтісӧ 14 мортӧс)[63].

Великӧй Отечественнӧй войналӧн символика

[вильмӧтны | править код]

Великӧй Отечественнӧй войнаын Победалӧн медыджыт символлэзӧн СССР-ын вӧлісӧ Пырся би, герой-каррезын мемориаллэз, Отечественнӧй войнася орден, гвардейскӧй лента, гӧрд кӧрттуввез, гӧрд кӧдзула солдатскӧй пилотка да мӧдікӧсь. Сёрӧнжык ны дынӧ содіс «георгиевскӧй ленточка» акция РФ-ын да СНГ-ись мӧдік странаэзын сылӧн аналоггез.

Донтан лун мӧдік канмуэзын

[вильмӧтны | править код]
Берлинын воин-мездісьлӧн монумент одзын дзоридззез, 2010 во тулыспом 9 лун.
Болгара Софияын Советскӧй армиялӧ памятник одзын, 2015 во тулыспом 9 лун.

Израиль Израильын сідзжӧ порйӧтӧны Победа лун[64]. Эта канмуын тулыспом 9 луныс лоис государственнӧй праздникӧн Мӧдік мирӧвӧй война да блокадниккез йылісь закон примитӧмсянь 2000 воӧ, этӧ праздниксӧ вайӧтісӧ сьӧраныс СССР-ись (сія разьсьытӧдз да сы бӧрсянь) репатрианттэз, кӧдна и судзӧтісӧ Победа лунсӧ государственнӧя пасйӧм. Праздничнӧй параддэз мунӧны Великӧй Отечественнӧй войнаись ветераннэз участвуйтӧмӧн, кӧдналӧн ыджыт рольыс Германияӧс разгромитӧмын не сразу, но получитіс признаннё Израиль канмусянь[65][65]. 2017' июльын Израильлӧн парламент официальнӧя примитіс закон, кӧда сьӧрті позьӧ пасйыны фашистскӧй Германия вылын Победа лунсӧ май 9' лунӧ[66][67].

Сербия Сербияын тулыспом 9 лун канмуас лоӧ канму статуса донтан лунӧн.

Федеративная Республика Германии (1949—1990) Германия официальнӧя пасйӧ май 8 лунсӧ мездӧтчан лунӧн. И кӧть эта луныс и абу государственнӧй праздник, страна пасьта, кыдз правило, нуӧтӧны быдкодь казьмӧтан мероприятиеэз, ӧддьӧнжык гӧгрӧса юбилейез коста. Сэтчӧ жӧ Берлинын май 9 лунӧ Трептов-паркын нуӧтӧны казьмӧтан мероприятиеэз, пуктӧны воронӧй-освободитель памятник дынӧ веноккез да организуйтӧны народнӧй гуляйтӧммез, кӧднаын, медодз, участвуйтӧны русскӧй кыв вылын баитісь населеннё[68].

Великобритания Ыджыт Британияын 2007 восянь Лондонын быд во чулӧтӧны Победа лун. Вниманиелӧн центрӧн лоӧны Севернӧй конвойез, кӧднаын Великобритания орсіс ӧтік основнӧй роль. Праздникыс мунӧ май 9 лунӧ, сія состоитӧ крейсер «Белфаст» борын церемонияись (музей, кӧда сулалӧ Темза южнӧй берег вылын), кӧдаын участвуйтӧны британскӧй да российскӧй ветераннэз, британскӧй королевскӧй семьялӧн членнэз, российскӧй да британскӧй дипломаттэз. 2012 восянь гажсӧ паськӧтӧма Королевскӧй филармоническӧй оркестрлӧн открытӧй выступленнёӧн, П. И. Чайковскийлісь «1812 во» увертюра программаӧ обязательнӧя пыртӧмӧн, кӧда сьӧрӧ кайӧны крейсерсянь пушкаэзлӧн залппез.

Болгария 1945—1989 воэзӧ Болгария быд во порйӧтіс Победа лун. 1989 во арпом 10 лун бӧрын Победа лун вӧлі кырӧвтӧм канму официальнӧй донтан луннэз нимлёдзись. Но болгара — русофильскӧй организацияэзлӧн, левӧй политическӧй партияэзлӧн членнэз да отир, кӧдналӧн православнӧй да славянскӧй мыв, быд во порйӧтӧны Победа лун[69]. 2005 восянь Победа лун порйӧтісь болгара новйӧны символическӧй георгиевскӧй ленточкаэз[70].

Словакия Словакияын канму тшупӧт вылын вылӧ донтӧны Гӧрд Армиялісь рольсӧ Мӧдӧдзза мирӧвӧй война воэзӧ Чехословакия да Асыввыв Европа мездӧмын. Словакия мездӧм понда сетісӧ оланнысӧ 63 сюрс советскӧй воин. Нацизм паныт победа лун канмуын государственнӧй праздникӧн и пасйӧны май 8 лунӧ, президент да премьер-министр эта лунӧ традиционнӧя ветлӧны военнӧй мемориаллэзӧ да пуктӧны цветтэз воин-освободительлӧ памятниккез дынӧ. Словакияӧс мездіссез йылісь память ёнмӧтӧмӧ ыджыт пай быдӧс публичнӧй выступленнёэзын пуктіс популярнӧй словацкӧй политик, унаись премьер-министр Роберт Фицо[71][72].

Победа лунлӧ кӧсйӧм донтан пассэз

[вильмӧтны | править код]

СССР[вильмӧтны | править код]

Орден «Победа» «Победа» орден
Медаль «За взятие Берлина» «Берлин босьтӧм понда» медаль
Медаль «За победу над Германией в Великой Отечественной войне 1941—1945 гг.» «1941-1945 воэзся Великӧй Отечественнӧй войнаын Германия вермӧм понда» медаль
Юбилейная медаль «Двадцать лет Победы в Великой Отечественной войне 1941—1945 гг.» «1941-1945 воэзся Великӧй Отчественнӧй войнаын Победалӧ 20 во» юбилейнӧй медаль
Order of Glory Ribbon Bar.png «Великӧй Отечественнӧй войнаын Победалӧ 25 во» мороспас
Юбилейная медаль «Тридцать лет Победы в Великой Отечественной войне 1941—1945 гг.» «1941-1945 воэзся Великӧй Отчественнӧй войнаын Победалӧ 30 во» юбилейнӧй медаль
Юбилейная медаль «Сорок лет Победы в Великой Отечественной войне 1941—1945 гг.» «1941-1945 воэзся Великӧй Отчественнӧй войнаын Победалӧ 40 во» юбилейнӧй медаль

Болгария[вильмӧтны | править код]

Медаль «Отечественная война 1944—1945 гг.» «1944-1945 воэзся Отечественнӧй война» медаль
Медаль «За участие в антифашистской борьбе» «Антифашистскӧй пессьӧмӧ пуктӧм пай понда» медаль
Медаль «30 лет Победы над фашистской Германией» «Фашистскӧй Германия вермӧмлӧ 30 во» медаль
Медаль «40 лет Победы над фашизмом» (НРБ) «Фашизм вермӧмлӧ 40 во» медаль
Победа 30 вося юбилей кеж сьӧм, 1975 во

Югославия[вильмӧтны | править код]

Партизанский памятный знак 1941 года 1941 вося Партизанскӧй касьтылан пас
Медаль «30 лет победы над фашизмом» «Фашизм вермӧмлӧ 30 во» медаль
Медаль «Смерть фашизму — свобода народу» «Фашизмлӧ кулан — отирлӧ мездан» медаль

Россия[вильмӧтны | править код]

Медаль «50 лет Победы в Великой Отечественной войне 1941—1945 гг.» «1941-1945 воэзся Великӧй Отечественнӧй войнаын Победалӧ 50 во» юбилейнӧй медаль
Медаль 60 лет Победы в Великой Отечественной войне 1941—1945 гг. «1941-1945 воэзся Великӧй Отечественнӧй войнаын Победалӧ 60 во» юбилейнӧй медаль
Медаль «65 лет Победы в Великой Отечественной войне 1941—1945 гг.» «1941-1945 воэзся Великӧй Отечественнӧй войнаын Победалӧ 65 во» юбилейнӧй медаль
70 victory rib.png «1941-1945 воэзся Великӧй Отечественнӧй войнаын Победалӧ 70 во» юбилейнӧй медаль
Медаль «75 лет Победы в Великой Отечественной войне 1941—1945 гг.» «1941-1945 воэзся Великӧй Отечественнӧй войнаын Победалӧ 75 во» юбилейнӧй медаль

Азербайджан[вильмӧтны | править код]

Медаль «75 лет Победы в Великой Отечественной войне 1941—1945 гг.» (Азербайджан) «1941-1945 воэзся Великӧй Отечественнӧй войнаын вермӧмлӧ 75 во» юбилейнӧй медаль

Белоруссия[вильмӧтны | править код]

60 лет освобождения Республики Беларусь от немецко-фашистских захватчиков «Беларусь Республика немецко-фашисткӧй захватчиккезсянь мездӧмлӧ 60 во» юбилейнӧй медаль
65 лет освобождения Республики Беларусь от немецко-фашистских захватчиков «Беларусь Республика немецко-фашисткӧй захватчиккезсянь мездӧмлӧ 65 во» юбилейнӧй медаль
70 лет освобождения Республики Беларусь от немецко-фашистских захватчиков «Беларусь Республика немецко-фашисткӧй захватчиккезсянь мездӧмлӧ 70 во» юбилейнӧй медаль
75 лет освобождения Беларуси от немецко-фашистских захватчиков «Беларусь Республика немецко-фашисткӧй захватчиккезсянь мездӧмлӧ 75 во» юбилейнӧй медаль
75 лет Победы в Великой Отечественной войне 1941—1945 годов «1941-1945 воэзся Великӧй Отечественнӧй войнаын вермӧмлӧ 75 во» медаль
Победа 20 вося юбилей кежся юбилейнӧй сьӧм, 1965 во

Украина[вильмӧтны | править код]

«Украина мездӧмлӧ 50 во» касьтылан пас
Юбилейная медаль «60 лет освобождения Украины от фашистских захватчиков» «Украина фашистскӧй захватчиккезсянь мездӧмлӧ 60 во» медаль
Медаль «70 лет освобождения Украины от фашистских захватчиков» «Украина фашистскӧй захватчиккезсянь мездӧмлӧ 70 во» медаль
Юбилейная медаль «70 лет Победы над нацизмом» «Нацизм вермӧмлӧ 70 во» юбилейнӧй медаль
Орден Богдана Хмельницкого (Украина) Богдан Хмельницкий нима орден

Казахстан[вильмӧтны | править код]

Медаль «60 лет Победы в Великой Отечественной войне 1941—1945 гг.» (Казахстан) «1941-1945 воэзся Великӧй Отечественнӧй войнаын вермӧмлӧ 65 во» юбилейнӧй медаль
Медаль «65 лет Победы в Великой Отечественной войне 1941—1945 гг.» (Казахстан) «1941-1945 воэзся Великӧй Отечественнӧй войнаын вермӧмлӧ 65 во» юбилейнӧй медаль

ЛНР[вильмӧтны | править код]

Юбилейная медаль «70 лет Победы» «Победалӧ 70 во» юбилейнӧй медаль

Молдавия[вильмӧтны | править код]

Орден Республики (Молдавия) Республика орден

Туркменистан[вильмӧтны | править код]

  • «1941-1945 воэзся Великӧй Отечественнӧй войнаын вермӧмлӧ 65 во» юбилейнӧй медаль
  • «1941-1945 воэзся Великӧй Отечественнӧй войнаын вермӧмлӧ 75 во» юбилейнӧй медаль

Израиль[вильмӧтны | править код]

Медаль «Борец с нацизмом» «Нацизм паныт пессись» медаль

Победа лун культураын

[вильмӧтны | править код]

Шылад[вильмӧтны | править код]

Телевидение[вильмӧтны | править код]

  • «Салют победы» (СССР ЦТ-лӧн 7 концертнӧй программа, реж. Виктор Черкасов, 1983—1985)
  • «9 мая. Личное отношение» (телеальманах, 2008—2010)

Кино[вильмӧтны | править код]

  • День Победы (документальнӧй фильм, реж. Сергей Лозница, 2018)

Филателия[вильмӧтны | править код]

  • Почта марка «Победа донтан лун". СССР, 1945 во

    Почта марка «Победа донтан лун". СССР, 1945 во

  • Почта марка " Мед олас миян Победа!". СССР, 1945 во

    Почта марка " Мед олас миян Победа!". СССР, 1945 во

  • Юбилейнӧй маркаэз Победа 55 во кеж. Россия, 2000

    Юбилейнӧй маркаэз Победа 55 во кеж. Россия, 2000

  • Почта вый блок Победа 65 во кеж. Азербайджан, 2010

    Почта вый блок Победа 65 во кеж. Азербайджан, 2010

  • Юбилейнӧй марка Победа 60 во кеж. Украина, 2005 во

    Юбилейнӧй марка Победа 60 во кеж. Украина, 2005 во

  • Почта марка. СССР, 1985 во.

    Почта марка. СССР, 1985 во.

  • 2015 вося марка, Беларусь.

    2015 вося марка, Беларусь.

  • Юбилейнӧй марка Победа 70 во кеж. Армения, 2015 во.

    Юбилейнӧй марка Победа 70 во кеж. Армения, 2015 во.

«Победа лун» кывтэчаслӧн аркмӧм

[вильмӧтны | править код]

Медодззаись роч литератураын «Победа лун» терминыс пантасьӧ Мӧсква понда битва коста, неделя бӧрті сыбӧрын, кӧр Гӧрд Армия медодззаись вуджис решительнӧй контрнаступленнёӧ. 1941 во одзтӧв 12 лунӧ гижись Илья Эренбурглӧн статьяын «Судьба Победы», кӧда вӧлі печатайтӧма «Московский железнодорожник» газетаын да кӧда вӧлі сиӧма стальнӧй магистральез вылын уджаліссезлӧ, торйӧн висьтавсис:[73][74]

«Кӧрттуйез — сӧннэз, ны кузя визывтӧ канмулӧн вир: снаряддэз и нянь, бомбаэз и нефть. Дӧвереннӧя видзӧтӧ Гӧрд Армия железнодорожниккез вылӧ: нія оружие сьӧрті воннэз — ӧтыс лыйлӧ, мӧдыс сеталӧ патроннэз. Миян железнодорожниккез мыччалісӧ асьнысӧ отважнӧй боеццезӧн. Лётчиккез, танкисттэз, артиллеристтэз, моряккезкӧт ӧтлаын нія керӧны быдӧс Победа понда. Ме адззылі Брянскын, кыдз би увтын уджалісӧ железнодорожниккез. Усисӧ бомбаэз, но смел отир спокойнӧя мездісӧ боеприпассэз тыра вагоннэз… Кӧр локтас Победа лун, миян боеццез первӧйӧн касьтыласӧ железнодорожниккез йылісь…»[73][75]

Пасйӧттэз

[вильмӧтны | править код]
Комментарии
  1. ↑ С 2020 года в связи с пандемией COVID-19 и особой опасностью этой болезни для лиц старше 65 лет мероприятие в таком формате не проводится.
  2. ↑ В 2021 году в связи с пандемией COVID-19 акция состоялась в онлайн-формате.
  3. ↑ В соответствии с Указом президента Украины от 10 июня 1997 года № 503/97 «О порядке официального обнародования нормативно-правовых актов и вступления их в силу» закон вступает в силу на следующий день после его официального опубликования.
Источники
  1. ↑ 1 2 Указ Президиума Верховного Совета СССР от 8 мая 1945 г. «Об объявлении 9 мая праздником победы». Видзӧтӧм 11 Тулыспом 2020.
  2. ↑ Указ Президиума Верховного Совета СССР от 26 апреля 1965 г. «Об объявлении 9 мая нерабочим днём». Видзӧтӧм 21 Гожумпом 2017.
  3. ↑ 1 2 Россия и СССР в войнах XX века. Потери вооружённых сил. Архивируйтӧм первоисточник сьӧрті 5 Аршӧр 2007. Видзӧтӧм 10 Тулысшӧр 2015.
  4. ↑ Берлинская операция 1945 — статья из Большой советской энциклопедии
  5. ↑ «За Берлин» в Учительской газете. Видзӧтӧм 27 Тулыспом 2014.
  6. ↑ Также существуют альтернативные версии того, кто же на самом деле водрузил советский флаг над рейхстагом. См. подробнее Штурм Рейхстага.
  7. ↑ Сводка Совинформбюро за 15 мая 1945 года. Архивируйтӧм первоисточник сьӧрті 24 Гожумпом 2007. Видзӧтӧм 8 Тулыспом 2008.
  8. ↑ Указ Президиума Верховного Совета СССР от 8 мая 1945 г. «Об объявлении 9 мая праздником победы». Видзӧтӧм 10 Тулысшӧр 2015.
  9. ↑ 1 2 3 Татьяна Воронцова. Юбилеи Победы Архивная копия от 21 Тулыспом 2015 на Wayback Machine // Проект «Уроки истории. XX век», 26 мая 2009 г.
  10. ↑ 70-летие Великой Победы Архивная копия от 20 Тулыспом 2018 на Wayback Machine // Гарант. РУ, информационно-правовой портал.
  11. ↑ Указ Президиума Верховного Совета СССР от 26 апреля 1965 г. № 3478-VI «Об объявлении 9 мая нерабочим днём».
  12. ↑ Указ Президиума Верховного Совета СССР от 26 апреля 1965 г. № 3479-VI «О признании утратившей силу статьи 1 Указа Президиума Верховного Совета СССР от 23 декабря 1947 г.».
  13. ↑ 1 2 3 4 5 Денис Бабиченко Эти дни Победы. Итоги, № 19/465 (2005-05-10).
  14. ↑ «Этот День Победы»: когда 9 мая стало выходным и как отмечали праздник в СССР и России Архивная копия от 7 Тулыспом 2015 на Wayback Machine, страница 2 // ТАСС.
  15. ↑ 1 2 История парадов Победы на Красной площади — Биографии и справки — ТАСС.
  16. ↑ 1 2 3 История парадов Победы на Красной площади — Биографии и справки — ТАСС.
  17. ↑ «Этот День Победы»: когда 9 мая стало выходным и как отмечали праздник в СССР и России — ТАСС.
  18. ↑ Федеральный закон от 13 марта 1995 г. № 32-ФЗ «О днях воинской славы и памятных датах России» рус.. Kremlin.ru.
  19. ↑ "Георгиевская ленточка": история акции, РИА Новости (20070424T1254). Дата обращения: 9 Тулыспом 2024.
  20. ↑ Бессмертный полк. Видзӧтӧм 10 Тулысшӧр 2015.
  21. ↑ Акция «Бессмертный полк» пройдёт 9 мая в 800 городах 12 стран мира Архивная копия от 6 Тулысшӧр 2015 на Wayback Machine // «РИА Новости», 2 апреля 2015 г.
  22. ↑ В шествии «Бессмертного полка» участвовали 12 миллионов россиян Архивная копия от 11 Тулыспом 2015 на Wayback Machine // РИА Новости, 9 мая 2015 г.
  23. ↑ Что увидел и чего не увидел Запад в День Победы Архивная копия от 15 Тулыспом 2015 на Wayback Machine // РИА Новости, 12 мая 2015 г.
  24. ↑ Путин с портретом отца-фронтовика присоединился к шествию «Бессмертного полка» Архивная копия от 11 Тулыспом 2015 на Wayback Machine // ТАСС, 9 мая.
  25. ↑ Военный парад в честь 63-й годовщины Победы в Великой Отечественной войне.
  26. ↑ Военный парад на Красной площади.
  27. ↑ На Красной площади состоялся парад в честь 65-й годовщины Великой Победы.
  28. ↑ Военный парад на Красной площади.
  29. ↑ Военный парад в честь 67-й годовщины Великой Победы.
  30. ↑ Военный парад в честь 68-й годовщины Великой Победы.
  31. ↑ Парад Победы на Красной площади.
  32. ↑ Парад в честь 70-летия Великой Победы.
  33. ↑ Военный парад на Красной площади.
  34. ↑ Военный парад на Красной площади.
  35. ↑ Военный парад на Красной площади.
  36. ↑ Парад Победы — 2019.
  37. ↑ Парад в честь 75-летия Великой Победы.
  38. ↑ Чем запомнился Парад Победы 2021 года.
  39. ↑ Парад военной техники и авиации 9 мая // www.kp.ru. — 2022. Архивировано 10 Тулыспом 2022 года.
  40. ↑ В Южной Осетии утверждён календарь праздничных дней и памятных дат. Видзӧтӧм 27 Тулыспом 2014.
  41. ↑ Ильхам Алиев и Мехрибан Алиева посетили могилу Ази Асланова.
  42. ↑ Ильхам Алиев и Мехрибан Алиева посетили могилу Ази Асланова.
  43. ↑ Ильхам Алиев посетил могилу Ази Асланова.
  44. ↑ Победа объединяет: акция «Бессмертный полк» прошла в Баку.
  45. ↑ Мы их помним, значит, они живут вечно: как в Баку отметили День Победы — фото.
  46. ↑ В Ереване стартовала акция "Георгиевская ленточка", РИА Новости (28.04.2019). Архивировано 28 Тулысшӧр 2022 года. Дата обращения: 11 Тулыспом 2022.
  47. ↑ В Армении прошла акция «Георгиевская ленточка» с участием военнослужащих ЮВО и юнармейцев, МО России (06.05.2019).
  48. ↑ В Ереване дан старт акции «Георгиевская ленточка», Армянский музей Москвы (01.09.2021).
  49. ↑ В Армении стартовала акция "Георгиевская лента", https://ru.armeniasputnik.am (27.04.2022).
  50. ↑ К шествию «Бессмертный полк» в Ереване присоединился и президент Армении Армен Саркисян, panorama.am (09.05.2018). Архивировано 26 Одзтулыс 2022 года. Дата обращения: 10 Тулыспом 2022.
  51. ↑ Бессмертный полк Армении пройдет по Еревану в четвёртый раз, rusarminfo.ru (09.04.2019). Архивировано 12 Тулысшӧр 2021 года. Дата обращения: 21 Тулысшӧр 2022.
  52. ↑ Безмолвная акция «Бессмертный полк» прошла в Ереване // https://ru.armeniasputnik.am/. — 2022. — 9 Тулыспом. Архивировано 10 Тулыспом 2022 года.
  53. ↑ «Бессмертный Полк Армении» запускает онлайн акцию «История моего героя», newsarmenia.am (22.04.2020). Архивировано 10 Тулыспом 2022 года. Дата обращения: 21 Тулысшӧр 2022.
  54. ↑ Енокян А.В. Историческая память о Великой Отечественной войне в Армении // Постсоветские исследования. — 2020. — Т. 3, № 5. — С. 403—408. Архивировано 17 Тӧвпом 2022 года.
  55. ↑ maksad День Памяти и Почестей в Узбекистане – как он возник (ru-RU) (2022-05-08).
  56. ↑ Текст закона.
  57. ↑ 1 2 Закон України «Про увічнення перемоги над нацизмом у Другій світовій війні 1939—1945 років» // Голос України: газета Верховної Ради України. — 2015. — 20 травня (№ 87).
  58. ↑ В Украине отменили «Великую Отечественную войну» Архивная копия от 15 Тулысшӧр 2015 на Wayback Machine // «Вести-Репортёр», 9 апреля 2015 г.
  59. ↑ Порошенко велел отказаться от понятия «Великая Отечественная война» Архивная копия от 5 Тулысшӧр 2016 на Wayback Machine // Взгляд (интернет-газета), 15 мая 2015 г.
  60. ↑ День без Победы — Как Киев борется с праздником 9 Мая Архивная копия от 8 Тулыспом 2016 на Wayback Machine // Lenta.ru, 8 мая 2016 г.
  61. ↑ Провокации, драки и потасовки: как в Украине проходит День Победы Архивная копия от 27 Одзгожум 2018 на Wayback Machine // Апостроф, 9 мая 2017 г.
  62. ↑ На акции «Бессмертный полк» в Киеве затеяли драку: эксклюзивные фото Архивная копия от 15 Тулыспом 2018 на Wayback Machine // Апостроф, 9 мая 2018 г.
  63. ↑ Массовые акции в Украине по случаю Дня Победы: названо число задержанных Архивная копия от 16 Тулыспом 2018 на Wayback Machine // Апостроф, 9 мая 2018 г.
  64. ↑ В Израиле отмечают День Победы Архивная копия от 18 Тулыспом 2015 на Wayback Machine // «Первый канал», официальный сайт, 9 мая 2012, среда, 09:22.
  65. ↑ 1 2 Эла Котлер. (Израиль)Израиль отмечает День Победы над нацистской Германией Архивная копия от 18 Тулыспом 2015 на Wayback Machine // Международное французское радио, 9 мая 2013 г.
  66. ↑ Парламент Израиля утвердил празднование Дня Победы 9 мая Архивная копия от 29 Одзтулыс 2018 на Wayback Machineрус.
  67. ↑ Закон о Дне победы над нацистской Германией (2017) Архивная копия от 9 Тулыспом 2018 на Wayback Machineиврит
  68. ↑ Gedenken am «Tag des Sieges» — Tausende Menschen am Ehrenmal in Treptow Архивная копия от 2 Арпом 2016 на Wayback Machineнем.
  69. ↑ Росица Младенова 9 МАЙ- ДЕН НА ПОБЕДАТА, ДЕН НА ПОЧИТ КЪМ ЗАГИНАЛИТЕ ЗА ОТЕЧЕСТВОТО (bg). Национальное движение «Русофилы» (Болгария) (12.05.2014). Видзӧтӧм 15 Аршӧр 2015.
  70. ↑ Мирослав Ганчев Георгиевска лента – символ на Победата (bg). Национальное движение «Русофилы» (Болгария) (04-05-2015). Видзӧтӧм 15 Аршӧр 2015.
  71. ↑ РБК, 1 октября 2023. Партия «пророссийского» экс-премьера победила на выборах в Словакии
  72. ↑ ТАСС, 8 мая 2023. Президент Словакии отметила роль Красной армии в освобождении Восточной Европы. День Победы над фашизмом является в стране государственным праздником и отмечается 8 мая
  73. ↑ 1 2 Харланович И. В. Они везли победу на запад! // Евразия Вести. — 2005. — IV. Апрель..
  74. ↑ Провидение Эренбурга. Гудок (2019-05-08). Видзӧтӧм 8 Тулыспом 2019.
  75. ↑ Московская железная дорога: 55 лет движения вперёд / Под ред. В. В. Мягкова. — М., 2014. — С. 19—20.

Ыстӧттэз

[вильмӧтны | править код]

Литература

[вильмӧтны | править код]
Босьтӧма "https://koi.ruwiki.ru/w/index.php?title=Победа_лун&oldid=135511"-ись