Климов Василий Васильевич

Климов Василий Васильевич
	Климов Василий Васильевич
Удж:	гижись, кывбур гижись, драматург, фольклорист
Чужан лун:	1927’ вося одзтулыс 20 лун
Чужанін:	Юсай Пешнигорт (Кудымкар район), Степановчи посадму, Кудымкар район, Коми-Пермяцкöй автономнöй округ[d], Уральская область[d], РСФСР[d], СССР[d];
Кулан лун:	2020’ вося тулысшӧр 1 лун (93 год)

Климов Василий Васильевич (1927 — 2020) — коми отирын паськыта тӧдса гижись, фольклорист, этнограф. Перем коми литератураын гора нима морт.

Олантуй

Василий Васильевич чужис март 20' лунӧ 1927' годӧ Кудымкар районісь Юсай Пешнигортын. Велӧтчис горт школаын (1934-1941). Ыджыт кось коста уджаліс колхозын. 1944’-1952’ воэзӧ кысъяліс армияын. Сэсся помаліс рытся школа (1955) да педагогӧ велӧтанін (1957). 1957-1961 воэзӧ уджаліс окружнӧй радио корреспондентӧн, сэсся вуджіс Коми-Пермяцкӧй книжной издательствоӧ корректорӧн. 1962-1969 воэзӧ уджаліс издательствоас редакторӧн.

1966’ воӧ сійӧ босьтӧмась СССР-ын гижиссез йитӧтӧ.

1969-1971 воэзӧ велӧтчис М. Горький нима Литературнӧй институтся Высшӧй литературнӧй курссэз вылын.

1970-80-ӧт воэзӧ уджаліс литература сьӧрті консультантӧн Перем ладорся гижиссезлӧн организациын да юраліс Перем коми гижиссез чукӧрӧн.

Кузь олан оліс Юсай Пешнигортын. Иньыс — коми да роч кыввез велӧтісь Клавдия Ивановна Климова. Быдтісӧ кык зон.

Куліс 2020 воӧ апрель 1 лунӧ. Дзебӧм Пешнигорт шойнаын.

Удж

В. В. Климов ӧддьӧн уна да быднёжа гижис: сы бордтыв йыв увтісь петіс и проза, и кывбур, и орсанторрез. Василий Васильевич ӧктіс да йӧзӧтіс уна текст коми фольклорись.

Проза

1987: ЛӦНЬЫС ОЗ ЛО (Роман да висьттэз)

Кывбур ӧктӧттэз

1973: ЗОРАГУМ
1979: ЛОВЬЯ ГОВК
1989: КВАТЬ ЮӦР
1997: ТӦН И ТАЛУН
2003: АРКӦТ ОЧА КИ

Челядь понда

1964: КӦЧЛӦН ГӦСНЕЧ (Учӧт челядьлӧ)
1985: КУСЬ-КОСЬ ― ЯШАЛӦН КОЗИН
1992: ЛӦЗ ЙӦРНӦС
1994: ШОРОК (Учӧт челядьлӧ)

Фольклор ӧктӧттэз

1960: КОМИ-ПЕРМЯЦКӦЙ НАРОДНӦЙ УСТНӦЙ ПОЭТИЧЕСКӦЙ ТВОРЧЕСТВО
1965: СИЗИМОК
1976: ЮКМӦСЫН ТЭСЬ (Мӧдпӧв лэдзӧм 2003: ӦШЫНОКА ПУ нимӧн)
1988: ЧИВЫЛЁК-ЧАВЫЛЁК
1990: ОЛАСӦ ДА ВӦЛАСӦ
1991: КЫТЧӦ ТІЙӦ МУНАТӦ
1993: ЗАРНИА ЧИКИССЕЗ
2005: Важ кадлöн олангор: Коми-пермяккез эпосiсь. Отзвуки прошлых веков: Из эпоса коми-пермяков.-Кудымкар: Коми-Перм. кн. изд., 214 с. ISBN 5-87901-036-8.

Очерккез

1962: ВЕРА СЕЛИНА (Очерк)
1971: МЫЙ ВИСЬТАСЬӦНЫ ПАРМАИСЬ НИММЕЗ (Очерк)
2007: ОЛАН ВУЖЖЕЗ (Коми-пермяккез йылісь пассэз)

Донтанпассэз

1946 воӧ ошкӧм «За доблестный труд в Великой Отечественной войне 1941—1945 гг.» медальӧн.
1985 воӧ сетӧм «Заслуженный работник культуры РФ» званнё.
1987 воӧ ошкӧм «Знак Почета» орденӧн.
1992 воӧ лоис Перем коми кытшся Михаил Лихачёв нима литературнӧй премия лауреатӧн.
1997 воӧ сетісӧ «Почётный гражданин Коми-Пермяцкого автономного округа» званнё.
2003 воӧ лоис Перем коми кытшся Питю Ӧньӧ нима литературнӧй премия лауреатӧн.
2005 воӧ ошкӧм М. А. Шолохов нима «За гуманизм и служение России» медальӧн.
2008 воӧ лоис Перем ладорся культура да искусство премия лауреатӧн «Корни бытия: этнографические записки о коми-пермяках» небӧг понда.
2012 воӧ Юсай Пешнигортын оссис «Заветный клад» нима этнопарк. Нимыс сетӧм Василий Климов небӧг сьӧрті. Сэтӧн велӧтчиссез да туристтэз понда чулӧтӧны экскурсияэз, кӧдна коста висьтасьӧны Василий Климов да перем коми фольклор да литература йылісь.
2013 воӧ сетісӧ «Почётный гражданин Кудымкарского муниципального района» званнё.
2023 воӧ осьтісӧ кык касьтыланпас — Юсай Пешнигортын гижисьыс керку вылын да Пешнигорт клуб вылын.

Ӧшмӧссэз

Коми-пермяккез. Кудымкар, 2008. ISBN 978-963-9876-09-05.
Коми-Пермяцкий автономный округ на рубеже веков. Кудымкар, 2000. ISBN 5-87901-051-1
Пахорукова В.В. Иньва йылісь сьыланкыв. Коми-пермяцкӧй литература 20–80 годдэзӧ. Кудымкар, 1989

Ыстісяннэз