Ыджыт Перемлӧн Роч канмуӧ пырӧм

Босьтöм Рувикиись

Экспертиза РАН

Logo-ran.pngLogo-ran-black.png
Чулӧтӧм экспертиза
Россиялӧн наукаэз академияӧн
Унажык
Aprove.svg

РНА-лӧн экспертиза

Arrow-Right.png
Logo-ran.png
Чулӧтӧм экспертиза
Россиялӧн наукаэз академияӧн
Унажык
Ыджыт Перемлӧн Роч канмуӧ пырӧм
Карта России Меркатора.jpg
Пондӧтчан кад XV век
Помассян кад 1505 во
Кытӧн Ыджыт Перем

Ыджыт Перемлӧн Роч канмуӧ пырӧм (рочӧн Присоединение Пермской земли к Русскому государству) — Ыджыт Перем муэзлӧн Роч канмуӧ пыран процесс XV сёво шӧрын — XVI сёво понын[1].

Медшӧр ӧтлаасян этаппез

Новгород кипод увтын вӧлӧм

XII сёво кеж Перем муэз сюрисӧ Новгород республика  (перм.рус. кипод увтӧ да Югракӧт ӧтлаын касьтывсьӧны кыдз Новгородлӧн «волосттез» 1264, 1304—1305 да 1471 воэзся сёрнитчан документтэзын. Сэк жӧ XIII—XIV сёвоэзӧ Камадорӧ Ордаӧ ветлӧм коста вовлісӧ владимиро-суздальскӧй да московскӧй княззез[1][2].

1471 воӧ война бӧрын Новгород сетіс Москваыслӧ быдӧс ассис асыввывсся киподувтся муэсӧ, ны лыдын и Перемсӧ[1][3].

Москва кипод увтын

1451 воӧ Москваись великӧй князь Василий II Тёмнӧй  (перм.рус. пуктіс аслас наместниккезӧн Важ Перемӧ Ермолайӧс да сы зон Василий, да Ермолайлӧн мӧдік зоныс — Михаил — вӧлі пуктӧм юравны Ыджыт Перемӧн кыдз вассал веськӧтлісь[1].

Чердынын тышк чулӧтӧм Фёдор Палецкий Пёстрый кипод увтын

1471 воӧ Иван ІІІ ыстіс Ыджыт Перемӧ воеводаӧс Фёдор Пёстрыйӧс, кӧда 1472 воӧ босьтіс муэсӧ Великӧй Московскӧй княжество кипод увтӧ да лэбтіс Покчаын ыджыткодь дорйисян. Сы дырйи аслас юралӧм помӧдз Иван III  (перм.рус. видзис Ыджыт Перем номинальнӧй юралісьӧн Михаилсӧ (фактическӧя веськӧтліс епископ Филофей)[1][4].

1505 вося тулысӧн Иван III Васильевич ыстіс Ыджыт Перемсис ассис вассальнӧй юралісьсӧ Матвейсӧ да сы увтырись отирсӧ (рочӧн «свёл с Великие Перми вотчича своево князя Матфея и родню и братию ево». Сыбӧрын муэзнас пондісӧ веськӧтлыны московскӧй наместниккез: воевода князь Ковров Василий Андреевич да сы бӧрся йӧз[1][5].

Одзланься олӧм

Москвалӧн княззез пондісӧ лэбытыны каррез, сетавлісӧ кадкостся вот мынтан да пошлинаэз вештан отсӧт. Уна керисӧ мусӧ овмӧтӧм да промышленнӧя уджӧтӧм понда Строгановвез  (перм.рус., кӧдналӧ 1517 воӧ вӧлі сетӧм великӧй князьсянь Эжва Совдор сов пуаннэз лӧсьӧтӧм понда грамота, да 1558 воӧ — регионісь ыджыт муторрез. XVII сёвоӧ Ыджыт Перемлӧн территорияыс вӧлі янсӧтӧм куим уезд вылӧ — Чердын, Совкар да Кунгур[1][5][6].

Кристос вичкуӧ пыртӧм

Перем муэсӧ Роч канмуӧ пыртӧмын ыджыт роль орсіс вичку[1].

«Епископ Питиримӧс вийӧм» (Лицевӧй летописнӧй сводісь миниатюра. Голицынскӧй том, 477 лб.)

Отир коласын унажыксӧ вӧлі традиционнӧй перем коми эскӧм. Дорйӧм вежаиннэзӧн вӧлісӧ Чердын да Искар. XIV сёво помын Камадорӧ локтӧ православие. 1383 воӧ Ыджыт Перемся Степан вӧлі пуктӧм медодзза перемся епископӧн. Летописьын эта йылісь гижӧм сідз: «приде Стефан до митрополита до Москвы для новокрещении пермяки епискупа просити. Пимен митрополит с князем с Дмитрием сразсудив, поставил его Стефана епискупом пермскую землю». Сідз кыдз вичку сьӧрті Ыджыт Перемыс пырис Новгород епархияӧ, аркмис конфликт. Новгород кыкись ыстывліс Перемӧ муӧ шыпурта отряддэз. Недыр мыйись конфликтыс вӧлі бурмӧтӧм — Новгород признайтіс епископӧс, кӧдӧ пуктіс Москва. Кӧть документируйтӧм юӧр Ыджыт Перемся Степанлӧн Камадорын олӧм йылісь абу, но сія лыддиссьӧ Перем епархиялӧн аркмӧтісьӧн. XV сёвоӧ Перем епископпез вӧлісӧ Москва дор. Епископ Питирим Москва княжествоын феодальнӧй война коста отсаліс Василий ІІ-лӧ, 1447 воӧ Рочмуын мӧдік вичку иерархкезкӧт ӧтлаын лэдзис анафема сы паныталісь князь Дмитрий Шемяка вылӧ. Отсӧт мыччассис сідзжӧ сыын, мый Питирим 1450 воӧ ыстіс ассис отирсӧ дорйыны Югдынсӧ  (перм.рус.Шемякаыссянь, кык перем сотник Шемякаыс вийис[1].

Перем коми отир медодззаись пондыліс христианизируйтны 1455 воӧ епископ Питирим, но сія вӧлі вийӧм локтӧм манси отирӧн. 1462 воӧ епископ Иона пыртіс отирсӧ Кристос вичкуӧ. Эта кадӧ Перем муэзынпондсӧ лэбтыны медодзза вичкуэз да монастыррез. Сы дырйи XVI сёво кеж отирыс олісӧ важ эскӧм сьӧрті[7][8].

Перем ӧтлаӧтӧм кад йылісь дискуссия

Перем муэз Роч камуӧкӧт ӧтлаасян кад лоӧ дискутируйтана юасьӧмӧн российскӧй историографияын. Сэтшӧм туяліссез, кыдз В. А. Оборин, Г. Н. Чагин, Л. Д. Макаров, пуктӧны сы кадӧн 1451 во, кӧр Михаил Ермолич вӧлі пуктӧм Перем муэзӧ московскӧй князь Василий II Тёмнӧйӧн сы наместникӧн. Сідз, ны шуӧмӧн, Ыджыт Перемыс мирнӧя пырис Роч канмуӧ[9]. Мӧдік туяліссез лыддьӧны этӧ лоӧмторсӧ Рочму бердӧ ӧтлаасян кузь процесс пондӧтчӧмӧн. Сідз Е. В. Вершинин чайтіс, мый дзир Чердын тышк бӧрын (1472 во) да мӧдпӧв кикутан бӧрын Михаил ӧксуыс пӧртчис московскӧй наместникӧ, и сійӧн Ыджыт Перем вылӧ паськаліс Роч канмуӧн веськӧтлан система[10]. О. В. Семёнов вештӧ пырӧмлісь кадсӧ 1505 во вылӧ, кӧр наместникнас вӧлі пуктӧм не Ыджыт Перем ӧксу увтырісь, сійӧн наместничестволісь увтыр сьӧрта характерыс вӧлі вежӧм московскӧй муся вылӧ арт вылӧ — уставнӧй грамота сьӧрті[11][12].

Позицияыс туяліссезлӧн, кӧдна лыддьӧны Ыджыт Перемлӧн Роч канмуӧ пыран каднас 1451 во, видзсьӧ Вычегодско-Вымскӧй летописьын гижӧм сьӧрті, сы висьтассьӧ сы йылісь, мый Москвалӧн князь Василий II Темнӧй ыстіс Важ да Ыджыт Перемӧ юравны Верея карись княззезӧс: «прислал… на Пермскую землю наместника от роду вереиских князей Ермолая да за ним Ермолаем да за сыном ево Василием правити Пермской землёй Вычегоцкою, а старшево сына тово Ермолая, Михаила Ермолича, отпустил на Великая Пермь на Чердыню. А ведати им волости вычегоцкие по грамоте наказной по уставной»[9].

Сы дырйи мукӧд туяліссез тодлялӧны, мый Ыджыт Перемлӧн ӧксуэз вӧлісӧ коми увтырись (С. М. Соловьёв, О. В. Семёнов) да формальнӧя Ыджыт Перем 1470 воэз пондӧтчикӧ вӧлі Новгород кипод увтын. Сідзжӧ пасйиссьӧ, мый XV сёво шӧрӧдз эз вӧлӧ не ортсысянь, не пытшксянь условиеэз, медбы пыртны Перемсӧ Роч канмуӧ: роч отирыс вӧлі етша, муыс вӧлі ылыння, манси отир дугдывтӧг уськӧтчывлісӧ тышкӧн, эз вӧв дорйисян пункттэзісь паськыт вез. Сідзкӧ, позьӧ баитны не пырӧм йылісь, а Ыджыт Перемлӧн Москва кипод увтын олӧм йылісь XV сёво мӧд джыннас[13].

Пасйӧттэз

  1. ↑ 1 2 3 4 5 6 7 8 9 История Урала с древнейших времён до 1861 года / отв. ред. А. А. Преображенский. — М.: Наука, 1989. — С. 139—150.
  2. ↑ Корчагин П. А. Пермь. «Что в имени» // Вестник Пермского научного центра УрО РАН. — 2013. — № 4. — С. 5—10.
  3. ↑ Зуев А. С., Игнаткин П. С., Слугина В. А. Под сень двуглавого орла: инкорпорация народов Сибири в Российское государство в конце XVI — начале XVIII в. — Новосибирск, 2017. — С. 52—72.
  4. ↑ Алексеев Ю. Г. Походы русских войск при Иване III. СПб., 2007. — С. 145.
  5. ↑ 1 2 Пермская губерния (ЭСБЕ)
  6. ↑ Космовская А. А. Воеводское управление в Перми Великой в XVII в. // Вестник Пермского университета. — Серия: История. 2012. — № 1 (18). — С. 136
  7. ↑ Корчагин П. А., Шабурова Е. В. ехи крещения и христианизации Перми Великой XV — начале XVIII в.: археологический и искусствоведческий аспекты // Труды Камской археолого-этнографической экспедиции. — 2009. — № 6. — С. 192.
  8. ↑ Семенов О. В. О присоединении к Московскому государству Перми Великой // История. — С. 38—39.
  9. ↑ 1 2 Семенов О. В. О присоединении к Московскому государству Перми Великой // История. — С. 36.
  10. ↑ Семенов О. В. О присоединении к Московскому государству Перми Великой // История. — С. 41.
  11. ↑ Семенов О. В. О присоединении к Московскому государству Перми Великой // История. — С. 43—44.
  12. ↑ Пермь Великая в составе Русского государства рус..
  13. ↑ Семенов О. В. О присоединении к Московскому государству Перми Великой // История. — С. 36—38.

Литература

  • Вершинин Е. В. И ещё раз о князьях Вымских и Великопермских// Проблемы истории России. Вып. 3. Екатеринбург, 2000.
  • Голдина Р. Д., Оборин В. А. Историко-культурное наследие городов и заводских поселений Урала: межвузовский сборник научных трудов: Пермский гос. университет, 1995.
  • Головчанский Г. П., Мельничук А. Ф. Строгановские городки, острожки, села. Пермь. 2005.
  • Дмитриев А. А. Покорение угорских земель и Сибири // Пермская старина. Пермь, 1894. Вып. 5.
  • Оборин В. А. Заселение и освоение Урала в конце ХI — начале XVII века. Иркутск: Изд. Иркут. ун-та. 1990.
  • Семёнов О. В. Становление и эволюция системы местного управления на Урале во второй половине XV — перв. пол. XVII в. Екатеринбург: Банк культур. информ., 2006. (Очерки истории Урала. Вып. 40).
  • Уральская историческая энциклопедия (гл. ред.: В. В. Алексеев). Екатеринбург: Академкнига: УрО РАН, 2000.
  • Чагин Г. Н. Власть и управление в Пермской Земли в XV—XVI вв. // Судебник Ивана III: становление самодержавного государства на Руси. СПб. 2004.
  • Чагин Г. Н. Города Пермской Земли Чердынь и Соликамск. Пермь: Кн. мир, 2004.

Ыстӧттэз

Босьтӧма "https://koi.ruwiki.ru/w/index.php?title=Ыджыт_Перемлӧн_Роч_канмуӧ_пырӧм&oldid=216067"-ись