Анюшкар (важся кар)

Босьтöм Рувикиись

Анюшка́р (рочӧн Кыла́сово городи́ще, городище Анюшка́р) — Родановскӧй археологическӧй культураись важся кар. Вӧлі олана IX-XV сёвоэзын. Федеральнӧй статуса археология памятник[1].

Инас

[вильмӧтны | править код]

Археология памятникыс иналӧ Иньва ю веськыт вадӧрся кӧдж вылын Пермскӧй крайись Ильинскӧй район Кыласово посадсянь 0,3 км ылынаын[2]. Паськытаыс — 1,6 га[3]. Ӧнӧдз тыдалана важ карыслӧн 125 м. кузя да 2,5-3,7 м. вылына мегыркодь мудйӧт[3]. Анюшкарыс дын эм сыкӧт ӧткадся шойна (рочӧн Анюшкарский могильник)[4].

Ним аркмӧм

[вильмӧтны | править код]

Анюшкар нимыс аркмӧм кык кывторись: медодззаыс тӧдтӧм этимологияа «‎анюш» кыв, сія ӧтлаӧтӧм коми «‎кар» кывторкӧт[5]. А. С. Кривощёкова-Гантман сьӧрті -кар (-кор) компонентыс перем ӧткывья вежӧртаснас вӧлі «йӧрйӧм оланаин», «увтыр оланаин»[5]. «Кар» кывторья топониммес ӧддьӧн важӧсь, аркмӧмӧсь ананьинскӧй да ломоватовскӧй археологическӧй культураэз кадӧ. Ӧнӧдз Пермскӧй крайын эмӧсь оланаиннэз, кӧдналӧн ниммес аркмӧтӧмӧсь сія компонентӧн (Кудымкар, Канкар, Дӧйкар, Важкар, Изкар, Редикар, Крымкар, Пыскар, Майкар). Коми-Пермяцкӧй округын эмӧсь оліссезтӧм важ оланаиннэз (Дзугыркар, Кочкар, Зырянкар, Чумкар, Курӧгкар да с. о.)[5].

Туялӧм

[вильмӧтны | править код]

Туялӧм история[вильмӧтны | править код]

Анюшкар нима оланаин йылісь А.А. Дмитриев сьӧрті касьтыліс М.В. Кайсаров писцовӧй книгаэзын (1623-1624), гижӧмыс нимыс кыдз Нюшкар[6].

1847 воӧ крестьянин Б. Потапов адззӧм важ карсис эзысись керӧм сикытш, сійӧ небӧма Чермӧзісь заводоуправленнё[7]. 1850–1870-х воэзӧ важ карсӧ туялӧма Чермӧз заводын служащӧй Ф.Е. Чирков[8]. 1902 воӧ А.А. Спицын йӧзӧтіс Анюшкарсис адззӧмӧсь кык адззӧмтор[9] — пыса дзуль да мичатор.

1933 воӧ важ карсӧ туяліс А. В. Шмидт, 1940 воӧ – М. В. Талицкий. 1951–1955 воэзӧ кар вылас уджалісӧ О. Н. Бадер да В. А. Оборин, 1989-1991 воэзӧ – А.А. Терехин и Г. Т. Ленц[7]. Ӧння кадӧ туялан уджсӧ Н. Б. Крыласова кипод увтын нуӧтӧ Камскӧй археолого-этнографическӧй экспедиция[10].

Реконструкция[вильмӧтны | править код]

1951—1955, 1989—1991 воэзся туялӧм коста Анюшкарас адззисӧ кык сьӧм, кӧдна сьӧрті вӧлі датируйтӧм карыс. Пыдын отісь вӧлі адззӧм X сёвося куфи дирхем моз керӧм эзысьтор, вевдӧр отісь — XIV сёво помын Хорезмын керӧм ыргӧнісь пул[11].

Карсис адззисӧ оланіннэзлісь мусеррез, гуэз, бипуррэзлісь[11] да кӧрт да металл киподаиннэзлісь[7] мусеррез да берся[12], уна уджаланнэз[7], мичаторрез, арабскӧй да азиатскӧй сьӧм, мудоззэз.

Культураын

[вильмӧтны | править код]
  • Анюшкар йылісь касьтылӧ Василий Климов Кудым-Ош йылісь висьттэзын да висьтасын. Сы сьӧрті Анюшкарас юралӧм Оннян нима инька-пам. Сія отсалӧм Кудым-Ошыслӧ адззыны туй вогуллэзӧ да сьӧрас ыстӧм Ваяси нима мортӧс, кӧда кужӧма сёрнитны вогул кывйӧн.
  • Коми-Пермяцкӧй театрлӧн «Кудым-Ош йылісь висьтас» спектакльын[13] (В. Климов пьеса сьӧрті[14]) Анюшкарись пам Оннян (орсіс Галина Кудымова) отсалӧ Кудым-Ошыслӧ мунны вогуллэз ордӧ.

Пасйӧттэз

[вильмӧтны | править код]
  1. ↑ [Городище Анюшкар (Кыласово) и могильник] Сведения из Единого государственного реестра объектов культурного наследия (памятников истории и культуры) народов Российской Федерации
  2. ↑ Приказ СЭД-55-01-05-428 от 13.08.2018 «Об установлении границ территории, предмета охраны и режима использования территории объекта археологического наследия «Городище «Анюшкар» (Кыласово) и могильник» // Государственная инспекция по охране объектов культурного наследия Пермского края
  3. ↑ 1 2 Оборин, В. А. Городище Анюшкар (по раскопкам 1951 - 1955, 1989 - 1991 гг.) / В. А. Оборин, Г. Т. Ленц // Вестник Музея археологии и этнографии Пермского Предуралья. – 2008. – № 2. – С. 10-15.
  4. ↑ Ленц Г. Т. Протогородской анюшкарский археологический комплекс на Р. Иньва // Труды КАЭЭ ПГПУ. 2001. №1-2.
  5. ↑ 1 2 3 Кривощекова-Гантман А. С. Откуда эти названия? Пермь: Перм. кн. изд-во, 1973. 109 с. — С. 31.
  6. ↑ Дмитриев А.А. Пермская старина : сборник исторических статей и материалов преимущественно о Пермском крае. Выпуск 3 : экономические очерки Перми Великой : Чердынский и Соликамский край на рубеже XVI и XVII вв. / Александр Дмитриев. - Пермь : Типография П. Ф. Каменского, 1891. - XXVIII, 176, IV с. - С. 106 // Пермская электронная библиотека
  7. ↑ 1 2 3 4 Горшкова Н. С. Комплекс черной металлургии первой половины II тысячелетия на примере городища Анюшкар // Вестн. Перм. ун-та. Сер. История. 2013. №1 (21). С. 84 — 103. — С. 84.
  8. ↑ Талицкая И.А. Материалы к археологической карте бассейна р. Камы // МИА. 1952. № 27. С. 133.
  9. ↑ Спицын А. А. Древности Камской чуди по коллекции Теплоуховых. Атлас рисунков с предисловием Члена Императорской Археологической Комиссии А. А. Спицына. — С.-Петербург : (Типография В. Безобразова и К˚, 1902, — 150 с. // Электронная библиотека ПГНИУ
  10. ↑ Университетские археологи завершили раскопки городища Анюшкар // Пермский государственный гуманитарно-педагогический университет
  11. ↑ 1 2 Оборин, В. А. Городище Анюшкар (по раскопкам 1951 - 1955, 1989 - 1991 гг.) / В. А. Оборин, Г. Т. Ленц // Вестник Музея археологии и этнографии Пермского Предуралья. – 2008. – № 2. – С. 10-15.
  12. ↑ Крыласова Н.Б. Литейная форма-изложница с городища Анюшкар (к вопросу о системе "номиналов" металлических слитков // Археология евразийских степей. 2023. №5.
  13. ↑ [Кудым-Ош йылісь висьтас (Сказание о Кудым-Оше). Эпическая поэма на коми-пермяцком языке / В. Климов, С. Андреев] Архив спектаклей // Коми-Пермяцкий национальный драматический театр им. М. Горького
  14. ↑ В. Климов. Сказание о Кудым-Оше (перевод на русский язык И. Волкова) // Портал национальных литератур
Босьтӧма "https://koi.ruwiki.ru/w/index.php?title=Анюшкар_(важся_кар)&oldid=116242"-ись