Перем вӧрпа стиль

Вӧрмӧс юра морт сулалӧ кый вылын. VIII сёво.

Кык антропоморфнӧй фигура пукалӧны вӧв вылын, кӧда сулалӧ кый вылын; группаыс вевдӧрын кайез. Вӧв одзын сулалӧ Шонділӧн символ. X сёво.

Перем вӧрпа стиль (рочӧн Пермский звериный стиль, сідзжӧ Шаманские изображения, Чудские образки, Культовое литьё) — вӧрпа стильлӧн ассяма вид, ыргӧнісь да бронзаись керӧм учӧт пластика, датируйтсьӧ VII—XII сёвоэзӧн.

Перем вӧрпа стиля эмторрез видзӧны уна музейезын, ны лыдын Чердын гортладор туялана музейын, Эрмитажын, Перем гортладор тулана музейын, Коми-Пермяцкӧй гортладор туялана музейын да уналаын.

История

Кама ю дорся территория вылын ӧддьӧн одз чужис металлургия. Ӧнняся Оралово деревня дынсянь неылын адззӧм ыргӧн кисьтӧм понда луэз да тигллез, кӧдна датируйтӧны Ананьино культураӧн (перм.рус.^[1].

Перем вӧрпа стиль кисьтіссезӧн вӧлӧмась инькаэз: эта версия понда баитӧны иньпӧлӧс шойгуэзісь адззӧм луэз.

Лыддиссьӧ, мый перем вӧрпа стильыс аркмис скифскӧй вӧрпа стиль ӧткодялӧмӧн.

Туяліссез лыддьӧны, мый стильыс чужӧм Кама ю дорын. Сы центтрезӧн сідзжӧ лыддьӧны Об дор (Кулай культура (перм.рус.), Из (Ананьино культура). Перем вӧрпа стиль керӧмторресӧ ӧктӧм да туялӧм мунӧ XIX сёво пондӧтчиксянь.

«Ыджыт Урал» форум костася перем вӧрпа стильӧн керӧм берся кӧрттор, 2020 во одзар 25 лун

Медваж перем вӧрпа стиля берсятор аркмӧм миян эраӧдзся VIII-ІІІ сёвоэзӧ. Лыа да сюра сынаннэз оформитӧмӧсь кайез да вӧрпиэз фигураэзӧн. Позьӧ адззыны вӧрмӧсӧс, кӧрӧс, вӧлӧс нето кайӧс. Кӧрт эпоха пондӧтчикӧ паськалӧ не только материал, кӧда вылын рисуйтӧны вӧрпаэсӧ, бронзӧвӧй еммез, браслеттэз, сикытшшез вылын эмӧсь кый, кӧин, пон, ош синбаннэз. Перем вӧрпа стильыс йитчӧны сэтшӧм жӧ темаэзкӧт, кӧдна пантасьӧны быдлаын, шуам, Мексикаын, а сідзжӧ паськалӧны ӧння мастеррез стилизуйтӧм керӧмторрезын^[2].

Туялӧм

Перем вӧрпа стильсӧ пондісӧ туявны XIX сёво помын — XX сёво пондӧтчикӧ. Унажык туяліссез лыддьӧны перем вӧрпа стиль чужанінӧн Урал. Перем вӧрпа стильыс лыддиссьӧ урало-сибирскӧй вӧрпа стильлӧн ассяма вариантӧн. Сідзжӧ туяліссез тодилялӧны, мый эмӧсь мӧдік ассяма варианттэзлӧн центррез Сибирьын да Уралын.

2010 воӧ Пермскӧй крайись культура феноменнэзлӧ кӧсйӧм серияын Александр Доминяк лэдзис небӧг, кӧдӧ прессаын шуисӧ перем вӧрпа стиль сьӧрті энциклопедияӧн (рочӧн «Свидетельства утраченных времён. Человек и мир в пермском зверином стиле»). Сыын классифицируйтсьӧны перем вӧрпа стильӧн керӧм эмторез, да сідзжӧ сюжеттэз.

Перем вӧрпа стиль кыдз Пермскӧй крайлӧн туристическӧй бренд

Перем вӧрпа стиль — Пермскӧй крайлӧн ӧтік медыджыт бренд^[3]. История доктор Любовь Фадеева шуис перем вӧрпа стильсӧ Перемлӧн куим традиционнӧй культурнӧй символісь ӧтікӧн (сы киння балет да Перем еннэз)^[4].

Культураын

2017 вося Человеколось (перм.рус. нима компьютернӧй орсанын, кӧда подуласьӧ коми мифология вылӧ, а сідзжӧ мукӧд финн-угор отирлӧн мифология вылӧ, авторрез мӧдісӧ вежӧртотны сюжеттэз, кӧднӧ мыччалӧ перем вӧрпа стиль. Орсаныс керӧм перемвӧрпа стиль эстетикаын^[5].

Пасйӧттэз

↑ Майстренко Д. Л., Мельничук Л. Ф. Орловское озеро II — поселение рубежа поздней бронзы и начала железного века в северном Прикамье // Вестник Пермского университета. Серия: История. — 2015. — № 1 (28). — С. 37 — 44
↑ Pera maa — дальняя земля. Книга открытий / С. И. Ваксман и др. — Пермь: Сота, 2009. — 159 с. — ISBN 978-5-903864-10-2.
↑ Бренды Пермского края. Туристический портал Пермского края. Видзӧтӧм 4 Одзар 2025.
↑ Соленые уши и художественные галереи. Независимая газета. Видзӧтӧм 4 Одзар 2025.
↑ Вихров, Денис Профессия: разработчик видеоигр. «Для некоторых игры — это вообще несусветное зло и дичь» рус. (2017-01-17). Видзӧтӧм 4 Одзар 2025.

Литература

Грибова Л. С. Пермский звериный стиль: Проблемы семантики / Академия наук СССР, Коми филиал; Институт языка, литературы и истории. — М.: Наука, 1975. — 148 с.
Грибова Л. С. Пермский звериный стиль / Ред. Л. Войлокова; Пер. текста Н. Мальцева. — Изд. 2-е, стереотип. — Кудымкар: Коми-Пермяцкий этнокультурный центр, 2014. — 176 с.
Оборин В. А. Древнее искусство народов Прикамья: Пермский звериный стиль. — Пермь: Пермское книжное издательство, 1976. — 192 с. — 15 000 экз.
Оборин В. А., Чагин Г. Н. Чудские древности Рифея: Пермский звериный стиль. — Пермь: Пермское книжное издательство, 1988. — 184 с. — (Искусство Прикамья). — 30 000 экз.
Доминяк А. В. Свидетельства утраченных времён: Человек и мир в пермском зверином стиле. — Пермь: Книжный мир, 2010. — 152 с. — 1000 экз. — ISBN 978-5-903861-15-6.
Эренбург Борис. Пермские бренды. — Пермь: Сенатор, 2012. ISBN 5-90323607-3

Ыстӧттэз

[1] Майстренко Д. Л., Мельничук Л. Ф. Орловское озеро II — поселение рубежа поздней бронзы и начала железного века в северном Прикамье // Вестник Пермского университета. Серия: История. — 2015. — № 1 (28). — С. 37 — 44

[Pera_maa-2] Pera maa — дальняя земля. Книга открытий / С. И. Ваксман и др. — Пермь: Сота, 2009. — 159 с. — ISBN 978-5-903864-10-2.

[3] Бренды Пермского края. Туристический портал Пермского края. Видзӧтӧм 4 Одзар 2025.

[4] Соленые уши и художественные галереи. Независимая газета. Видзӧтӧм 4 Одзар 2025.

[ProPerm-5] Вихров, Денис Профессия: разработчик видеоигр. «Для некоторых игры — это вообще несусветное зло и дичь» рус. (2017-01-17). Видзӧтӧм 4 Одзар 2025.

[1]

[2]

[3]

[4]

[5]