Спорова Анна Михайловна

Босьтöм Рувикиись
РУВИКИ-ын эмӧсь статьяэз мӧдік морттэз йылісь гижсянӧн Споров.
Спорова Анна Михайловна
Спорова Анна Михайловна.png
Чужан лун: 1900 во одзтулыс 30 лун(1900-03-30)
Чужанін:
Кулан лун: 1983 во гожумшӧр 5 лун(1983-07-05) (83 года)
Куланін:
Канму
Удж вуджӧтісь, филолог, велӧтісь

Спорова Анна Михайловна (1900 во одзтулыс 30 лун, Йӧг, Соликамскӧй уезд, Пермскӧй губерния, Российскӧй империя — 1983 во гожумшӧр 5 лун, Кудымкар, Коми-Пермяцкӧй автономнӧй округ, РСФСР, СССР) — коми кыв велӧтісь, велӧтан да велӧтчан небӧггезлӧн автор, вуджӧтісь.

Олантуй

Чужис 1900 во одзтулыс 17 лунӧ (вильмоза одзтулыс 30 лунӧ) Йӧгын Михаил да Марфа Томилиннэз вит кагаа семьяын[1]. Аймамыс вӧлісӧ грамотнӧй крестьяна. Велӧтчис Йӧгись одзшколаын. Помаліс Кудымкарись высшӧй начальнӧй школа.

1918 воӧ помаліс кыквося педагогика курссэз[2]. Помалӧм бӧрын дыр уджаліс велӧтісьӧн Йӧг волостись школаэзын, вӧлі бура тӧдса Михаил Лихачёвкӧт.[1]

1922 вося арӧн Йӧгись интелленциякӧт чулӧтісӧ медодзза «Коми рыт». Сы кеж Кудымкарись вовлісӧ Питю Ӧньӧ, Фёдор Тараканов, Фёдор Тупицын. «Коми рытыс» бӧрын нія гижисӧ «Лён» («Меным айӧ кӧдзис лён…») сьыланкыв.[1]

1923 во одзтулыс 25 лунӧ Анна Михайловнаыс ӧтлаын лоан айканас Анатолий Александрович Споровкӧт участвуйтісӧ Йӧг волостьсянь Коми-Пермяцкӧй крайись культураын уджаліссез I съездын.[1]

1923 воӧ мыччаліс коми сьылан-йӧктаннэз Москваын сельскохозяйственнӧй выставка вылын.

Уджаліс велӧтісьӧн Кудымкарись педагогика училищеын. Сы коста велӧтчиссескӧт керис «Поп йылісь да сы строшнӧй Балда йылісь сказки» спектакль[1] (Александр Пушкин сьӧрті, комиӧтісӧ Степан Караваев да Николай Попов 1939 воӧ[3]).

1940—1945 воэзӧ уджаліс Кудымкарись учительскӧй институтын. 1943 воӧ помаліс Пермскӧй пединститутісь филология факультет.[2]

1947 воӧ З. В. Распопова да Т. В. Сторожевкӧт участвуйтісӧ финн-йӧгра кыввез сьӧрті конференцияын Ленинградын.[1]

Дыр уджаліс Кудымкарись школаэзын да Коми-Пермяцкӧй книжнӧй издательствоын.

Куліс 1983 вося гожумшӧр 5 лунӧ Кудымкарын.

Удж

Гижис медодзза коми кыв велӧтан сьӧрті небӧг, кыдз автор да авторскӧй группаэзын лӧсьӧтіс коми школаэз понда19 велӧтчан небӧг.[1]

Небӧггес

Велӧтан да велӧтчан небӧггез

  • Komi-permjackәj kьv velәtәm metoḑiçeskәj ukazannoez = Методические указания по преподаванию коми-пермяцкого языка. — Т. 1: Medoӡӡa skolaьn velәtişşezlә / A. M. Sporova. — Kudьmkar : Okrizdat, 1936. — 79, [1] с. : ил.[4]
  • Букварь : грамота школаэз понда / Спорова А. М., Попова Е. М., Лукиных А. Н. ; [отв. ред. С. И. Караваев]. — Кудымкар : Комипермгиз, 1938. — 63, [1] c. : ил., портр.[5]
  • Коми кыв грамматика = [Грамматика коми-пермяцкого языка] : небытса шӧрӧт да шӧрӧт школа понда велӧтчан книга. Мӧдiк часть: Синтаксис. / С. И. Караваев, Н. В. Попов, А. М. Спорова; [ред. С. Грибанов]. — Кудымкар : Комипермгиз, 1940. —139, [1] с.[6]
  • Коми кыв программа = [Программа коми-пермяцкого языка] : начальӧй да шӧрӧт школаэз I—VII классэз понда / [сост.: А. Т. Мошегова, А. М. Спорова]. — Кудымкар : Комипермгиз, 1941. — 45, [2] с.[7]
  • Коми кыв программа = [Программа коми-пермяцкого языка] : начальнӧй да шӧрӧт школаэз I—VII классэз понда / А. М. Спорова; [ред. Н. В. Попов]. — Кудымкар : Комипермгиз, 1947. — 59 с.[8]
  • Коми кыв грамматика = Грамматика коми-пермяцкого языка : семилетньӧй да средньӧй школаын 6-7 классэз понда учебник. — Ч. 2: Синтаксис / М. П. Караваева, Н. В. Попов, А. М. Спорова; [ред. Н. А. Спорова]. — Мӧдiк изданнё. — Кудымкар : Комипермгиз, 1947. — 159, [1] с.[9]

Комиӧтӧм

  • Puskin, Aļeksandr Şergejeviç. Kapitanskəj nьv / А. Ş. Puskin; vuзətis A. M. Sporova. — Kudьmkar : Komigiz, 1936. — 165, [2] c.[10]
  • Гроссман, Василий Семенович. Степан Кольчугин : повесть / В. Гроссман; [пер. А. М. Споровой; ред. Н. А. Спорова]. — Кудымкар : Комипермгиз, 1943. — 171, [1] c.[11]

Увтыр

Нывкася гижсяныс — Томилина. Айкаыс — велӧтісь, сельхозбанк инспектор Анатолий Споров[1], кык зон[12]. Аянылыс — вуджӧтісь да редактор Надежда Спорова.

Донтан пассэз

  • «Отличник народного просвещения» (1956)[2]
  • «За доблест­ный труд в Великой Отечественной войне 1941—1945 гг.»[2]
  • «За доблестный труд. В ознамено­вание 100-летия со дня рождения Владимира Ильича Ленина» (1970)[2]

Морт йылісь

  • Долдина А. Учительница первая моя // По ленинскому пути, № 143, 18 июля 1967 г.
  • Ханжин А. Ради счастья народа // По ленинскому пути, № 212, 27 октября 1972 г.
  • Город на Иньве: Историко-литературное издание. — Пермь: ТОО НПФ «Горт», 1997 г. — 105 с.
  • Гордость Пармы: Биографический справочник. — Кудымкар: Коми-Пермяцкое книжное издательство, 2008 г. — 162 с.

Пасйӧттэз

  1. ↑ 1 2 3 4 5 6 7 8 Первый методист родного языка. К 125-летию со дня рождения Споровой Анны Михайловны ГКБУ «Коми-Пермяцкий окружной государственный архив» (25.03.2025) (видзӧтан кад 25.03.2025)
  2. ↑ 1 2 3 4 5 [Cпорова Анна Михайловна] Гордость Пармы : [биографический справочник]. — Кудымкар : Коми- Пермяцкое книжное издательство, 2008. — 568 с. — C. 162—163.
  3. ↑ Пушкин, Александр Сергеевич. Бӧрйӧм кывбуррез / А. С. Пушкин ; вуджӧтiсӧ С. Караваев и Н. Попов ; [ред. Н. Попов]. - Кудымкар : Комипермгиз, 1939. - 70, [1] c. Пермская электронная библиотека
  4. ↑ Sporova, A. M. (1900—1983). Komi-permjackәj kьv velәtәm metoḑiçeskәj ukazannoez = Методические указания по преподаванию коми-пермяцкого языка. — Т. 1: Medoӡӡa skolaьn velәtişşezlә / A. M. Sporova. — Kudьmkar : Okrizdat, 1936. - 79, [1] с. : ил. // Пермская электронная библиотека
  5. ↑ Спорова, Анна Михайловна (1900—1983). Букварь : грамота школаэз понда / Спорова А. М., Попова Е. М., Лукиных А. Н. ; [отв. ред. С. И. Караваев]. - Кудымкар : Комипермгиз, 1938. - 63, [1] c. : ил., портр. — Текст коми-пермяц. // Пермская электронная библиотека
  6. ↑ Коми кыв грамматика = [Грамматика коми-пермяцкого языка] : небытса шӧрӧт да шӧрӧт школа понда велӧтчан книга. Мӧдiк часть: Синтаксис. / С. И. Караваев, Н. В. Попов, А. М. Спорова ; [ред. С. Грибанов]. - Кудымкар : Комипермгиз, 1940. - 139, [1] с. // Пермская электронная библиотека
  7. ↑ Коми кыв программа = [Программа коми-пермяцкого языка] : начальӧй да шӧрӧт школаэз I-VII классэз понда / [сост.: А.Т. Мошегова, А.М. Спорова]. - Кудымкар : Комипермгиз, 1941. - 45, [2] с. // Пермская электронная библиотека
  8. ↑ Спорова, Анна Михайловна (1900-1983). Коми кыв программа = [Программа коми-пермяцкого языка] : начальнӧй да шӧрӧт школаэз I-VII классэз понда / А. М. Спорова ; [ред. Н. В. Попов]. - Кудымкар : Комипермгиз, 1947. — 59 с. — Текст коми-пермяц. — Парал. загл. на 4-й с. обл. // Пермская электронная библиотека
  9. ↑ Коми кыв грамматика = Грамматика коми-пермяцкого языка : семилетньӧй да средньӧй школаын 6-7 классэз понда учебник. — Ч. 2: Синтаксис / М. П. Караваева, Н. В. Попов, А. М. Спорова ; [ред. Н. А. Спорова]. - Мӧдiк изданнё. - Кудымкар : Комипермгиз, 1947. - 159, [1] с. // Пермская электронная библиотека
  10. ↑ Puskin, Aļeksandr Şergejeviç (1799-1837). Kapitanskəj nьv / А. Ş. Puskin ; vuзətis A. M. Sporova. - Kudьmkar : Komigiz, 1936. - 165, [2] c. // Пермская электронная библиотека
  11. ↑ Гроссман, Василий Семенович. Степан Кольчугин : повесть / В. Гроссман ; [пер. А.М. Споровой ; ред. Н.А. Спорова]. - Кудымкар : Комипермгиз, 1943. - 171, [1] c. // Пермская электронная библиотека
  12. ↑ [Споров Анатолий Александрович] База данных «Жертвы политических репрессий. Территория Пермского края 1918–1980 х гг.» ГКБУ «Пермский архив социально-политической истории» (видзӧтан кад 25.03.2025)
Босьтӧма "https://koi.ruwiki.ru/w/index.php?title=Спорова_Анна_Михайловна&oldid=205149"-ись