Кудымкар

Кар
Кудымкар
коми-перм. Кудымкар
Слева направо, сверху вниз: Здание администрации Кудымкара, Парк культуры и отдыха, Министерство по делам Коми-Пермяцкого округа, Коми-Пермяцкий окружной драмтеатр, Коми-Пермяцкий краеведческий музей
Флаг Герб
59°01′00″ с. ш. 54°40′00″ в. д.
Канму	Россия
Статус	краевого значения административный центр Коми-Пермяцкого округа
Федерация субъект	Пермский край
Муниципальный округ	Кудымкарский
Юралісь	Сикорская Наталья Александровна (2020 восянь)
История да география
Аркмӧм	1579
Одззася ниммес	Кудымкор
Кар	1938
Ыжда	25,3 км²
Вылына	180 м
Час от	UTC+5:00
Йӧз
Отир	▼28 293 чел. (2021 во)
Олісь лыд км²-ын	1118,3 морт/км²
Йӧззэз	коми-пермяки, русские
Катойконим	куды́мкарцы, куды́мкарец
Цифра идентификаторъяс
Телефон код	+7 34260
619000
Код ОКАТО	57141
Код ОКТМО	57851000001
admkud.ru
Кудымкар Москва Пермь Кудымкар
Медиафайлы на РУВИКИ.Медиа

Кудымкар (рочӧн Кудымкар) — кар Коми-Пермяцкӧй округын, округлӧн шӧрин да кӧркӧся юркар. 2022 воӧ вӧлі ӧтлаӧтӧм Кудымкар районкӧт ӧтласа Кудымкарскӧй муниципальнӧй округӧ.

Кар ним йылісь

Кар нимлӧн этимологияыс абу бура вежӧртана. Топонимия туяліссез петкӧтӧны куим версия. Медодз, А. С. Кривощёкова-Гантман сьӧрті.

География

Кудымкарыс иналӧ Коми-Пермяцкӧй округ лунвылын, Иньва юӧ Кува ю ваӧм весьтын. Карыслӧн ыждаыс 32,24 км². Ойвывсянь лунвывланьӧ нюжалӧ 10,2 км, да рытвывсянь асыввывлань 6,7 км. Кудымкарыс йитӧм асфальта туйезӧн Перемкӧт (215 км ылынаын), Гайнакӧт (160 км). Медматын корттуй станция - Менделеево - 104 км ылынаын.

История

Кудымкарыс сулалӧ ломоватовскӧй да родановскӧй каддэзся важся кар вылын - Изъюр.

Медодз Кудымкарыс йылісь гижӧм И. И. Яхонтов 1579 вося переписьын. Сэк Кудымкарас олӧмась 8 керкуын эттшӧм нима морттэз: Ивашко Лагза да сылӧн зон Паршук, Рака да Чаз Дмитриеввез, Илейка Обаев Даныр, Сенко Данилов, Петрушко Евфимов, Бориско Гилев, Утка Ивашко, дӧва Онисьица Базова да сылӧн зон Степко.

1963 вося М. Кайсаров гижӧтан небӧггез сьӧрті Кудымкарыс — погост, кӧда кипод увтӧ пырӧны 11 горт да 13 ӧткагорт.

1700 воӧ Кудымкарсӧ ас кипод увтӧ босьтісӧ Строгановвез. 1833 восянь лоис ны Иньвенскӧй дача шӧринӧн. 1837 воӧ Кудымкарас вӧлі лӧсьӧтӧмась стан приставлӧн патера. 1850 воӧ Н. А. Рогов сьӧрті посадас вӧлі 100 керку, кытӧн олӧмась 700 мымда морт.

1908 воӧ Кудымкарын олӧмась 1192 морт. Посадыс вӧлі Пермскӧй губерния Соликамскӧй уездлӧн 3 станӧн юралан шӧрин. Станас, Кудымкарыс киння, вӧлісӧ ӧння кадся Юсьва район да Карагай район муэз.

Кудымкарын сія кадӧ вӧлі нёлькласса велӧтчанін, земство осьтлӧма тодиль школа и нывкаэз понда. Уджалӧмась библиотека, больнича да ветеринар пункт, челядь понда юрсюянін, богодельня. Кува ю вылын керӧмась пором да сувтӧтӧмась мельнича. Карын поздісис вӧрвидзан контора, потребитіссезлӧн котыр. Год вылас куимись чулӧтлӧмась ярманкаэз, быд недель осьтлӧмась базар. 1909' годӧ татчӧ лӧсьӧтӧмась пошта-телеграф юкӧт.

Советтэз дырни Кудымкар пондіс быдмыны чожажык. 1931 воӧ посад туйӧ сія лоис карокӧн, а 1938 воӧ сійӧ керисӧ карӧн.

Кудымкарас пондісӧ уджавны: 1927 воӧ педагогика сьӧрті велӧтчанін (медодз техникум), 1929 воӧ вӧртехникум (медодз техникумлӧн юкӧт), 1930 воӧ му-видз уджалӧм сьӧрті техникум, 1930 воӧ медицина сьӧрті велӧтчанін (перво фельдшер-акушеррез понда школа); война бӧрын Кудымкарас осьтісӧ техника профессияэзӧ велӧтчаніннэз.

1920-1930 воэзӧ вӧлісӧ осьтӧмӧмсь неыджыт уджаиннэз отир олан да кӧзяйство понда товаррез лэдзӧм могись: чугункисьтан да дорсян, пууджалан да лёнвесӧтан, кучик-кӧмкӧт, кирпич, ви, тракмав-патока, пӧжассэз, быдкодь юаннэз лэдзан. Зораммӧма и изан удж: Юринаын лӧсьӧтісӧ элеватор да няньзавод. 1936 воӧ Кудымкарын оссьӧ трест Комипермлес, кӧда бердын 1937 воӧ лӧсьӧтӧны механика дзоньталан медшӧрӧт мастерскӧйез (сэсся лоисӧ заводӧн). 1931—1934 воэзӧ сьӧрна нюжӧтісӧ кӧдзаӧсь автотуй Менделеева—Кудымкар, кӧда пыр Коми кытшсяняс позис петны кӧрт туй дорӧ.

Янсалӧм

Кудымкарись юкӧттэз:

• Восточка
• Заболотнӧй (Нюрсай), Иньва да Кува коласын, кар шӧринсянь рытвылӧ.
• Интернатовскӧй, кар шӧринсянь ойвылӧ
• Кирзавод, кар шӧринсянь ойвыв-асыввылӧ.
• Климова, кар шӧринсянь асыввылӧ.
• Мирнӧй, кар лунвылын
• Пилич, Кува шульга ладорын, кар шӧринсянь ойвыв-рытвылӧ.
• Шӧрин (Центр)
• Юрина, Иньва веськыт ладорын, кар шӧринсянь лунвылӧ.

Туйез да туйколассэз

Кудым Ошлӧ монумент Кудымкарын

Оліссез лыд

Численность населения

1959	1967	1970	1973	1979	1989
21 801	↘20 000	↗26 350	↘26 000	↗28 375	↗33 451
1992	1996	1998	2000	2001	2002
↗33 800	↘33 700	↗34 100	↗34 400	↘34 200	↘31 914
2003	2005	2006	2007	2008	2009
↘31 900	↘31 800	→31 800	↘31 200	↘31 000	↘30 789
2010	2011	2012	2013	2014	2015
↘28 967	↗29 000	↗29 561	↗30 162	↗30 525	↗30 739
2016	2017	2018	2019	2020	2021
↗31 007	↗31 265	↗31 370	↘30 904	↘30 425	↘28 293

10 000

20 000

30 000

40 000

1979

2000

2006

2011

2016

2021

По данным Всероссийской переписи населения 2020 года, на 1 октября 2021 года по численности населения город находился на 519-м месте из 1118 городов Российской Федерации.

Национальный состав

По данным переписи 2010 года — 53 % жителей коми-пермяки, 45 % — русские

Национальности	1926
	число	%
Всего	1414	100
коми-пермяки	734	51,90
русские	673	47,59
прочие	7	0,49

Пассэз

Кудымкарлӧн дӧрапас

Кудымкарлӧн вужпас да дӧрапас вачкисьӧны ӧтамӧд вылӧ. Кыкнан вылас гӧрд ош оськалӧ чочком ыб кузя. Вевдӧрас веськыт пельӧсын ӧшалӧ лӧз рӧма коми перна.

Экономика

Медыджыт берся керӧтан уджаиннэз: ОАО «Молоко» (йӧв продуктаэз) да яйкомбинат, кӧдна мылькйӧн кайӧны мӧдік уджаиннэз коасын лэдзӧмыс дон сьӧрті. Ӧтлаын нянь, сёян да фруктаэз лэдзан комбинаттэзкӧт нія сетӧны Кудымкарын лэдзӧмись 2/3 (сьӧмӧн кӧ лыддьыны).

1990' воэзӧдз медыджыт уджаинӧн вӧлі Электромеханика сьӧрті завод (Перемись приборкеран ӧтувтчӧмлӧн филиал). Уджалісӧ заводас 1,2 сюрс морт — Кудымкар индустрияын уджаліссезісь куимӧт тор. Сэсся заводсӧ пӧдналӧмась, а отирсӧ чапкӧмась ӧтӧрӧ.

Кудымкарӧ электровын локтӧ Перемсянь кык ЛЭП-110 сьӧрті, сэсся сійӧ иньдӧтӧны Коми кытш районнэзӧ.

Велӧтан

Кудымкарын уджалӧны вит шӧрӧт школа, кык лицей, челядь понда кужӧттэз сьӧрті школа.

Школаэз

• Школа №1 (шöрин)
• Школа №2 (шöрин)
• Школа №3 (шöрин)
• Школа №5 (Пиличын)
• Школа №8 (Юринаын)

Тодильнöй шöрöт велöтан керкуэз

• Кудымкарись педагогика сьöртi колледж
• Кудымкарись медицина сьöртi училище
• Кудымкарись вöртехникум
• Кудымкарись му-видз уджалан сьöртi техникум
• Профессия велöтöм сьöртi пондöтчан лицей № 1"
• Профессия велöтöм сьöртi пондöтчан лицей № 2"

Наука да вылын школа

• Кудымкарын Канлöн удмурт университетсянь филиал

1988' воын РАН УрО-лӧн Коми туялан шӧринсянь Кудымкарас осьтісӧ Перем коми отир олан туялӧм сьӧрті юкӧт, кытӧн туялӧны коми Пармаись кыв, литература, фольклор, археология, этнография да история. Ӧні юкӧтсӧ вуджӧтӧмась Перем кипод увтӧ.

Культура

Кудымкарын эмӧсь культура керкуэз кыка, сизим клуб, паськытэкрана Кинотеатр «Комсомолец», культура да шоччисян парк (И. Я. Кривощёков нима); неважын лӧсьӧтӧмась Культура шӧрин, кытӧн эм ыджыт видзӧтан зал, уна быдкодь жыррез кужӧттэз зорӧтісь отир понда.

• Перем коми асладор музей (П. И. Субботин-Пермяк нима)
• Перем коми отир театр (М. Горькӧй нима)
• Перем коми войтырлӧн медшӧрӧт библиотека (М. П. Лихачёв нима)
• Перем коми челядь понда медшӧрӧт библиотека (А. Н. Зубов нима)
• Субботин-Пермяклӧн керку-музей
• Информационöй методическöй центр
• Коми-пермяцкöй этнокультурнöй центр
• Челядь понда центр "Енöшка"

Спорт

Челядь да томмез понда спорт школаын чеччалӧны трамплиннэз йылісь (лямпа трамплиннэза комплекс), котрасьӧны лямпаэз вылын, вермасьӧны самбоӧн да боксӧн, занимайтчӧны кокнит (стадион «Парма») да сьӧкыт атлетикаӧн, зорӧтӧм и мӧдпӧлӧс спортыс. 2008' воын карын осьтісӧ бассейн.

Лысин видзан

Кудымкырын уджалӧны сэтшӧм лысин видзаніннэз:

• кытш понда больнича
• кар понда поликлиника
• пиньвеськӧтан поликлиника
• синвеськӧтан диспансер
• туберкулёзвеськӧтан диспансер
• кучик да венерология сьӧрті диспансер
• физкультура сьӧрті диспансер
• инькаэз понда консультация
• челядь понда консультация
• кытш понда санитария-эпидемиология сьӧрті поз
• кар понда санитария-эпидемиология сьӧрті поз

Кудымкарлӧн юраліссез

Советскӧй кадӧ

Гориспокломлӧн председателлез

• Окулов Василий Иванович (1937—1938)
• Посягин Степан Власович (1938—1942)
• Ветошев Пётр Иванович (1942—1943)
• Густоев Егор Кузьмич (1943—1944)
• Колобов Александр Иванович (1944—1950)
• Мешков Александр Тимофеевич (1950—1953)
• Пащенко Алексей Ефимович (1953—1955)
• Ильиных Николай Иванович (1955—1959)
• Крячко Иван Петрович (1959—1962)
• Кухарев Александр Иванович (1962—1965)
• Ладыгин Александр Григорьевич (1965—1971)
• Анин Аркадий Андреевич (1971—1973)
• Мехоношин Михаил Михайлович (1973—1980)
• Четин Иван Васильевич (1980—1984)
• Попов Александр Константинович (1984—1986)
• Цыпуштанов Виктор Александрович (1986—1988)
• Климович Александр Алексеевич (1988—1991)

Ӧнняся кадӧ

• Климович Александр Алексеевич
  • кыдз Кудымкар администрациялӧн юралісь (1991-2005)
  • кыдз Кудымкарскӧй городскӧй округлӧн юралісь-карся думалӧн председатель (2005—2011), сы костся администрацияӧн юраліссез (сити-менеджеррез) - Долдин Алексей Витальевич (2006-2008), Соколов Борис Константинович (2008-2011)
• Голубков Анатолий Николаевич кыдз Кудымкарскӧй городскӧй округлӧн юралісь-карся думалӧн председатель (2011—2014), сы костся администрацияӧн юралісь (сити-менеджер) - Асатрян Юрий Геворгович (2011-2014)
• Мехоношин Иван Дмитриевич кыдз Кудымкар карлӧн юралісь-администрацияӧн юралісь (2014-2020)
• Сикорская (Стоянова) Наталья Александровна
  • кыдз Кудымкар карлӧн юралісь-администрацияӧн юралісь (2020-2022)
  • кыдз Кудымкарскӧй муниципальнӧй округлӧн юралісь (2022-ӧнӧдз)

Гортладорся масс-медиа

Газетаэз

• Парма (роч, коми)
• Парма-Новости (роч)
• Кудымкарская городская газета (роч)
• Иньвенский край (роч)
• Кама кытшын (коми)

Радио

• 100,9 Радио "Округ FM" (комиӧн, рочӧн; 24/7)
• 101,5 Радио "Соль FM" (рочӧн; юӧррез, реклама)
• 102,9 Дорожное радио (рочӧн; юӧррез, реклама)
• 106,4 Радио России / Радио Пермского края (комиӧн, рочӧн; юӧррез)

Телевиденнё

Сингажӧтаннэз

Эмӧсь архитектура казьмӧтаннэз — Строгановлӧн кӧркӧся контора да Микола вичку (XVIII век).

Ыстӧттэз

Ӧшмӧссэз

• «Парма-Новости» газеталӧн сайт
• Кудымкар да Коми кытш понда портал
• Кудымкар да Коми кытш понда форум
• Кудымкарись веськӧтланлӧн сайт
• Кудымкарись да Коми кытшись сайттэз йылісь
• Кудымкар «Мой город» энциклопедияын