Мошегова Анна Трофимовна

Босьтöм Рувикиись
Мошегова Анна Трофимовна
Мошегова Анна Трофимовна.jpg
Чужан лун: 2 (15) тӧвпом 1905 во
Чужанін:
Кулан лун: 1985 во тулыспом 5 лун(1985-05-05) (80 лет)
Куланін:
Канму
Удж велӧтісь, вуджӧтісь

Мошегова Анна Трофимовна (1905—1985) — коми кыв велӧтісь, перем коми кыв букварь лӧсьӧтісь, вуджӧтісь.

Олантуй

[вильмӧтны | править код]

Чужис 1905 вося тӧвпом 15 лунӧ Юсьвинскӧй волостись Белюкова деревняын крестьяна семьяын. 1922 воӧ помаліс Юсьваись II ступеня школа. 1923 воӧ помаліс Кудымкарын педкурссэз. 1923—1925 воэзӧ велӧтчис Пермскӧй государставеннӧй университетын медицинскӧй факультет вылын[1].

1925—1937 воэзӧ уджаліс Юсьвинскӧй да Кочёвскӧй районнэзісь школаэзын учӧт классэзын велӧтісьӧн. 1938—1942 воэзӧ вӧлі методистӧн, а сыбӧрын окружнӧй педагогическӧй кабинетӧн веськӧтлісьӧн. 1944 воӧдз юраліс образованнёлӧн окружнӧй отделӧн. Эта жӧ воӧ вӧлі сувтӧтӧм велӧтіссезлісь удж бурсьӧтана Кудымкарскӧй институтлӧн директорӧн (1944—1949). Народнӧй образованнёын уджаліс 46 во. 1954—1963 воэзын — Коми-Пермяцкӧй книжнӧй издательстволӧн директор[1][2].

1963 восянь пенсия вылын. Куліс 1985 тулыспом 5 лунӧ[2].

Удж

[вильмӧтны | править код]

Анна Мошегова — коми-пермяцкӧй букварьлӧн автор. Букварьыс вӧлі лэдзӧм 1933 воӧ да сёрӧнжык петавліс 24-ись. 1976 вося букварьлӧн изданнё Лейпциг карын (ГДР) Международнӧй выставка вылын вӧлі ошкӧм бронзовӧй медальӧн; Всесоюзнӧй да Всероссийскӧй конкурссэз вылын художественнӧй да полиграфическӧй исполненнё понда букварьлӧ вӧлісӧ сетӧмӧсь I и II степеня дипломмез[3].

А. Т. Мошегова Коми-Пермяцкӧй округын медодззаэз коласын вӧлі ошкӧм «Отличник народного просвещения» знакӧн, а сідзжӧ округись народнӧй образованнё зорӧтӧмӧ, коми-пермяцкӧй кыв да литература бурсьӧтӧмӧ ыджыт пай пуктӧм понда СССР-лӧн тӧдчана датаэз кежӧ медаллезӧн да почетнӧй грамотаэзӧн[3].

Анна Трофимовна медодззаӧн пондіс лӧсьӧтны национальнӧй школаэз понда велӧтчан небӧггесӧ виль алфавит основа вылын. Вӧлісӧ лӧсьӧтӧмӧсь да лэдзӧмӧсь 1, 2, 3, 4 классэз понда грамматикаэз, кӧдна сьӧрті велӧтчиссес уджалісӧ 1970 воӧдз.

В 1937-38 воэзӧ вӧлі ӧтлаын А. М. Споровакӧт да В. И. Якимовкӧт окружнӧй комиссиянын, кӧда лӧсьӧтіс виль коми анбур роч графика под вылын.

Небӧггес

[вильмӧтны | править код]
  • Букварь. 1933 (ӧтлаын С. Ф. Грибановкӧт)
  • Букварь. 1937 (ӧтлаын С. Ф. Грибановкӧт, М. Д. Мысовакӧт, М. Д. Баяндинкӧт)
  • Букварь. 1939-46 (ӧтлаын С. Ф. Грибановкӧт , 4-ись петіс)
  • Букварь. 1947-73 (15-ись петіс)
  • Букварь. 1976, 1978 (ӧтлаын Н. И. Тупицинакӧт, 2-ись петіс)
  • Коми кыв сьӧрті велӧтан небӧггез пондӧтчан школа 1-4 кл. понда (1939—1981)
  • Роднӧй литература 5 класс понда (3-ись петіс: 1949—1957)
  • Роднӧй литература 7 класс понда (4-ись петіс: 1950-61)
  • Коми кыв программа. 1-7 кл. (2-ись петіс: 1939, 1941)
  • Коми-пемяцкӧй кыв сьӧрті программа. Нач. шк. понда (1949—1957)
  • Мошегова, А. Т. Кыдз велэтны грамотаэ : букварь дынэ объяснительнэй записка = [Объяснительная записка к букварю] / А. Т. Мошегова ; [ред. С. Караваев]. - Кудымкар : Комипермгиз, 1938. - 8 c.[4]
  • Букварь / С. Грибанов и А. Мошегова ; [ред. Н. Спорова]. - Кудымкар : Комипермгиз, 1943. - 97 c. : ил., портр. + 4 л. прил.[5]
  • Кыдз уджавны «Роднӧй кыв» Ш часть книга сьӧрті. Кудымкар, 1947
  • Мошегова, А. Т. Кыдз колӧ ӧтік велӧтісьлӧ нуӧтны удж ӧткоста кык классын / А.Т. Мошегова. - Кудымкар : Комипермгиз, 1942. - 156, [3] c.[6]

Вуджӧтӧммес

[вильмӧтны | править код]
  • Гԉебов, Анатоԉij Г. Колхозö : [кваԏ карԏiнаа пjеса] / Анатоԉij Гԉебов ; роч кыв вылын гiжöм пjеса ԍöртi, комi кыв вылö вуҗöтiс Мошегова. - Куdымкар : Комi-Пермjатскöj Кԋiга Леԇанiн, 1931. - 42 c. [7]
  • Фортунатова Е. Я. Лыддьӧтан книга. ІІ тор. Мӧдік велӧтчан во. Москва, 1934 (ӧтлаын А. П. Тупицынакӧт)
  • Попова, Наталья Сергеевна (1885-1975). Арифметическэй задачник: (содтэм сборник): начальнэй школа IV класс понда: велэтiссэзлэ пособие / Н. Попова да А. Пчёлко ; вуджӧтiс А. Т. Мошегова ; [ред. Н. Спорова]. - Кудымкар : Комипермгиз, 1938. - 45, [2] c. : ил. [8]
  • Отечественнӧй войналӧн геройез : (героическӧй эпизоддэз) = Герои Отечественной войны / [пер. А.Т. Мошеговой]. - Кудымкар : Комипермгиз, 1942. - 54, [2] с.[9]
  • Пчелко А. С., Поляк Г. Б. Арифметика. 1 кл. Кудымкар, 1956—1966 (6-ись петіс)
  • Пантелеев Л. Виль нылочка. Кудымкар, 1958
  • Алексев С. П., Карцов В. Г. СССР история. 4 кл. Кудымкар, 1958, 1960 (ӧтлаын Н. А. Споровакӧт)
  • Сталин И. В. Великӧй переломнӧй год. Октябрь годовщина кежӧ. Кудымкар, 1955
  • Ленин В. И. Советскӧй властьлӧн очереднӧй задачаэз. Кудымкар, 1957. (ӧтлаын И. Я. Хозяшевакӧт)
  • Матюшкин Н. И. Мый сэтшӧм советскӧй патриотизм. Кудымкар, 1958

Пасйӧттэз

[вильмӧтны | править код]
  1. ↑ 1 2 Биография Мошеговой Анны Трофимовны / Коми-Пермяцкий окружной государственный архив
  2. ↑ 1 2 [Мошегова Анна Трофимовна] Гордость Пармы : биографический справочник / [редкол.: Л. П. Ратегова (гл. ред.) и др.]. — Кудымкар : Коми-Пермяцкое книжное изд-во, 2008. — 563 с. — С. 121.
  3. ↑ 1 2 Мошегова Анна Трофимовна / Коми-пермяцкӧй кыв. Энциклопедия. Велӧтіссезлісь удж бурсьӧтана Коми-Пермяцкӧй институт.
  4. ↑ Мошегова, Анна Трофимовна (1905-1985). Кыдз велэтны грамотаэ : букварь дынэ объяснительнэй записка = [Объяснительная записка к букварю] / А. Т. Мошегова ; [ред. С. Караваев]. - Кудымкар : Комипермгиз, 1938. - 8 c. // Пермская электронная библиотека
  5. ↑ Букварь / С. Грибанов и А. Мошегова ; [ред. Н. Спорова]. - Кудымкар : Комипермгиз, 1943. - 97 c. : ил., портр. + 4 л. прил. // Пермская электронная библиотека
  6. ↑ Мошегова, Анна Трофимовна. Кыдз колӧ ӧтік велӧтісьлӧ нуӧтны удж ӧткоста кык классын / А.Т. Мошегова. - Кудымкар : Комипермгиз, 1942. - 156, [3] c. // Пермская электронная библиотека
  7. ↑ Гԉебов, Анатоԉij Г. (1899-1964). Колхозö : [кваԏ карԏiнаа пjеса] / Анатоԉij Гԉебов ; роч кыв вылын гiжöм пjеса ԍöртi, комi кыв вылö вуҗöтiс Мошегова. - Куdымкар : Комi-Пермjатскöj Кԋiга Леԇанiн, 1931. - 42 c. // Пермская электронная библиотека
  8. ↑ Попова, Наталья Сергеевна (1885-1975). Арифметическэй задачник: (содтэм сборник): начальнэй школа IV класс понда: велэтiссэзлэ пособие / Н. Попова да А. Пчёлко ; вуджатiс А. Т. Мошегова ; [ред. Н. Спорова]. - Кудымкар : Комипермгиз, 1938. - 45, [2] c. : ил. // Пермская электронная библиотека
  9. ↑ Отечественнӧй войналӧн геройез : (героическӧй эпизоддэз) = Герои Отечественной войны / [пер. А.Т. Мошеговой]. - Кудымкар : Комипермгиз, 1942. - 54, [2] с. // Пермская электронная библиотека
Босьтӧма "https://koi.ruwiki.ru/w/index.php?title=Мошегова_Анна_Трофимовна&oldid=119465"-ись