Долдина Анна Григорьевна

Долдина Анна Григорьевна
Долдина Анна Григорьевна
Чужан лун:	1930 во одзар 18 лун
Чужанін:	Ыджыт Сер, Степановчи посадму, Кудымкар район, Коми-Пермяцкöй автономнöй округ[d], Уральская область[d], РСФСР[d], СССР[d];
Кулан лун:	1996 во тулысшӧр 13 лун (65 лет)
Канму	Российскӧй Федерация;
Удж	исследовательница

Долдина Анна Григорьевна (1930—1996) — журналист, вуджӧтісь, этнограф, гижись.

Олантуй

Чужис 1930 во одзар 18 лунӧ Ыджыт Серын, Кудымкарскӧй район. Помаліс Учӧт Серись одз школа. 1945 воӧ муніс Кудымкарӧ уджавны^[1].

«Ленин туй вылӧт» газета редакцияын быдмис-уджаліс уборщицаӧн, машинисткаӧн, корректорӧн, корреспондентӧн, вуджӧтісьӧн, редактор вежисьӧн да ответственннӧй секретарьӧн^[1].

Уджавтӧн велӧтчис рытся уджалісь томпӧлӧс школаын, сэсся Кудымкарскӧй педагогическӧй учидищеын. 1958—1962 воэзӧ велӧтчис Уральскӧй государственнӧй университетын журналистика факультет вылын. Сы помалӧм бӧрсянь вӧлі ыстӧм уджавны Томскӧ.

Бертіс Кудымкарӧ да уджаліс газетаэз да радио редакциязын, вӧлі «Звезда» газеталӧн собкорӧн^[2].

14 во сьӧрна юраліс Коми округись журналисттэз чукӧрӧн^[1].

1985 воӧ петіс пенсия вылӧ. Куліс 1996 во тулысшӧр 13 лунӧ^[2]. Дзебӧм Ыджыт Сер шойнаын.

Гижан удж

Медыджыт уджнас лоис коми сёян-юан туялӧм. Журналистикаын уджалікӧ ветліс быдӧс Коми округcӧ, отирлісь ас понда юасьсліс сёян-юан йылісь. 1989 воӧ петіс медодзза коми сёян йылісь небӧг. 1998 воӧ, Долдинаыс кулӧм бӧрсянь ни, небӧгсӧ лэдзисӧ мӧдӧдзза редакцияын. Сыын 470 рецепт, кӧдӧ Анна Долдинаыс гижис Коми округын 1960—1980 воэзӧ, эмӧсь важ да ӧння кадся сёян рецепттэз. Небӧгсӧ осьтӧ А. Г. Долдиналӧн статья коми сёян аркмӧм йылісь, пӧдналӧ небӧгсӧ роч-коми кывчукӧр сёян-юан сьӧрті^[3].

Гижис кывбуррез да висьттэз.

Небӧггез[вильмӧтны | править код]

Долдина А. Г. Коми-пермяцкая кухня / [Послесл. Б. Голевой]. — Пермь : Кн. изд-во, 1989. — 124 с. — ISBN 5-7625-0132-9
Коми-пермяцкая кухня : [ок. 470 рецептов блюд на рус. и коми-перм. языках / сост. А. Долдина; ред.: В. Коколева, Л. Косова]. — Кудымкар : Коми-Пермяцкое кн. издательство, 1998. — 510 с. : рис. — на русск. и коми-перм. языках. — ISBN 5-87901-033-3

Пасйӧттэз

↑ ¹ ² ³ Гордость Пармы : биографический справочник / [редкол.: Л. П. Ратегова (гл. ред.) и др.]. — Кудымкар : Коми-Пермяцкое книжное изд-во, 2008. — 563, [3] с. : портр.; 25 см; ISBN 978-5-87901-121-0
↑ ¹ ² Г. Г. Бажина. Живая река времени (к 90-летию окружной газеты). — Кудымкар : МАУ "Газета «Парма», 2016. — 24 с.
↑ Коми-пермяцкая кухня : [ок. 470 рецептов блюд на рус. и коми-перм. языках / сост. А. Долдина; ред.: В. Коколева, Л. Косова]. — Кудымкар : Коми-Пермяцкое кн. издательство, 1998. — 510 с. : рис. — на русск. и коми-перм. языках. — ISBN 5-87901-033-3

[:0-1] ¹ ² ³ Гордость Пармы : биографический справочник / [редкол.: Л. П. Ратегова (гл. ред.) и др.]. — Кудымкар : Коми-Пермяцкое книжное изд-во, 2008. — 563, [3] с. : портр.; 25 см; ISBN 978-5-87901-121-0

[:1-2] ¹ ² Г. Г. Бажина. Живая река времени (к 90-летию окружной газеты). — Кудымкар : МАУ "Газета «Парма», 2016. — 24 с.

[3] Коми-пермяцкая кухня : [ок. 470 рецептов блюд на рус. и коми-перм. языках / сост. А. Долдина; ред.: В. Коколева, Л. Косова]. — Кудымкар : Коми-Пермяцкое кн. издательство, 1998. — 510 с. : рис. — на русск. и коми-перм. языках. — ISBN 5-87901-033-3

[1]

[2]

[3]