Рычков Виктор Васильевич

Рычков Виктор Васильевич
Рычков Виктор Васильевич
Коми-Пермяцкӧй округлӧн юралісь — Пермскӧй крайлӧн министр
	2012 во одзгожум 12 лун — 2020 во одзтӧв 6 лун
Одззася уджалісь	Быкариз Игорь Яковлевич
Одзлань уджалісь	Плотников Алексей Васильевич
Чужӧм	1959 во тӧвпом 16 лун (67 лет); Трошовчи (Кудымкар район), Иньвайыв посадму, Кудымкар район, Коми-Пермяцкöй автономнöй округ[d], Пермскӧй область[d], РСФСР[d], СССР[d];
Велӧтчӧм	Перем канму университет[d] (1981 во);

Рычков Виктор Васильевич (1959 во тӧвпом 16 лун, Трошовчи (Кудымкар район), Пермскӧй область^[d]) — Коми-Пермяцкӧй округись партийнӧй органнэзісь функционер, юралан органнэзісь функционер, Коми-Пермяцкӧй округлӧн юралісь — Пермскӧй крайлӧн министр (2012—2020), велӧтісь, гижись.

Олантуй

Чужис 1959 во тӧвпом 16 лунӧ Трошовчиын^[1]. Велӧтчис Перкова да Белоева шӧрӧт школаэзын. 1981 воӧ Помаліс Перем канмуся университетісь история факультет. 1981—1983 воэзӧ уджаліс Кудымкарын шӧрӧт № 9 школаын история велӧтісьӧн.

1983—1986 воэз вӧлі ВЛКСМ Кудымкарскӧй горкомын мӧдӧдзза да медодзза секретарьӧн. 1986—1989 воэзӧ — ВЛКСМ Коми-Пермяцкӧй окружкомын медодзза секретарь. 1989—1990 велӧтчан воӧ уджаліс Кудымкар педагогика училищеын история да мӧдік социальнӧй дисциплинаэз велӧтісьӧн.

1991 воӧ уджаліс Коми-Пермяцкӧй автономнӧй округ администрацияын томпӧлӧс политика сьӧрті специалистӧн.

1991—1994 воэзӧ юраліс Кудымкарын АСО «Алтер» филиалӧн.

1994 воӧ вӧлі пуктӧм Коми-Пермяцкӧй автономнӧй округ администрацияись территориальнӧй управленнёӧ, юраліс сы юкӧтӧн. 1995—1997 воэзӧ уджаліс автономия администрацияын юралісь вежлісьӧн, веськӧтліс социальнӧй политикаӧн.

1997—2000 вӧлі РФ Президентлӧн полпредӧн Коми-Пермяцкӧй автономнӧй округын.

2001—2008 воэзӧ уджаліс Коми-Пермяцкӧй округ администрацияын юралісь вежлісьӧн, веськӧтліс социальнӧй политикаӧн.

2002 воӧ помаліс РФ Президент дынся госслужба Академия. 2010—2012 воэзӧ юраліс Пермскӧй крайись морт праваэз дорйись кабинетӧн Коми-Пермяцкӧй округ сьӧрті^[2].

2012 во одзгожумсянь 2020 во арпомӧдз — Коми-Пермяцкӧй округлӧн юралісь - Пермскӧй крайлӧн министр^[2].

2020 арпомӧ петіс пенсия вылӧ.

Гижан да история туялан удж

Гижӧ комиӧн да рочӧн проза да поэзия^[3]. Кывбуррес вуджӧтӧмӧсь роч, коми-зырянскӧй, удмуртскӧй, марийскӧй, эстонскӧй да французскӧй кыввез вылӧ^[4]. 2011 воӧ лоис Питю Ӧньӧ литературнӧй премия лауреатӧн^[5]. Россия гижиссез союзісь член.

Туялӧ Коми-Пермяцкӧй округлісь история. Юралӧ Коми-Пермяцкӧй окружнӧй госархив дынын уджалан гортладор туялан клубӧн.

Небӧггес

Оланлӧн шӧрт : кывбуррез — [Нить жизни]: [стихи на коми-пермяцком языке] / В. В. Рычков. — Кудымкар : Коми-Пермяцкое книжное издательство, 1997. — 118 с. : ил.
Рӧма вӧттэз : кывбуррез да висьттэз — [Цветные сны]: [стихи и рассказы на коми-пермяцком языке] / В. В. Рычков. — Кудымкар : Коми-Пермяцкий этнокультурный центр, 2010. — 88 с. : ил.
Шыпас чукӧр — [Азбука] : [стихи для детей на коми-пермяцком и русском языке] / В. В. Рычков; [художник П. А. Рычкова]. — Кудымкар : ООО «Алекс-принт», 2014. — 22 с. : ил.
Православие в жизни коми-пермяков / Коми-Пермяцкий окружной государственный архив ; В. В. Рычков. — Кудымкар : ИП Левин В. А., 2023. — 151 с. : ил., портр., цв. ил.

Ас олӧм

Олӧ Кудымкарын. Гӧтыра, иньыс — Лидия Рычкова (чуж. 1956), история велӧтісь, Российскӧй Федерациялӧн Заслуженнӧй велӧтісь. Быдтісӧ ныв да зон. Нывныс — Елена Рычкова-Миронова (чуж. 1982), бурдӧтчись-эндокринолог, олӧ Францияын. Зонныс — Сергей Рычков (чуж. 1987), инженер.

Пасйӧттэз

↑ [Рычков Виктор Васильевич] Парма литературная // Коми-Пермяцкая национальная библиотека им. М. П. Лихачёва
↑ ¹ ² [Рычков Виктор Васильевич (16 февраля 1959 года)] // Малый биографический словарь Пермского края
↑ [Виктор Рычков] // Портал национальных литератур
↑ Виктор Рычков — поэт, политик, краевед (информационный список литературы) // Коми-Пермяцкая национальная библиотека им. М. П. Лихачёва
↑ [Рычков Виктор Васильевич] Писатели Коми-Пермяцкого округа // Коми-Пермяцкая национальная библиотека им. М. П. Лихачёва

[1] [Рычков Виктор Васильевич] Парма литературная // Коми-Пермяцкая национальная библиотека им. М. П. Лихачёва

[:0-2] ¹ ² [Рычков Виктор Васильевич (16 февраля 1959 года)] // Малый биографический словарь Пермского края

[3] [Виктор Рычков] // Портал национальных литератур

[4] Виктор Рычков — поэт, политик, краевед (информационный список литературы) // Коми-Пермяцкая национальная библиотека им. М. П. Лихачёва

[5] [Рычков Виктор Васильевич] Писатели Коми-Пермяцкого округа // Коми-Пермяцкая национальная библиотека им. М. П. Лихачёва

[1]

[2]

[3]

[4]

[5]

Коми-Пермяцкӧй округлӧн юраліссез
Коми-Пермяцкӧй окрисполкомлӧн председателлез	Сергей Давыдов (1925—1929) Филимон Сыстеров (1929—1930) Яков Ярков (1930—1933) Кузьма Мехоношин (1933—1934) Никита Агишев (1934—1937) Василий Якимов (1937—1938) Дмитрий Минаев (1938) Константин Хрипченко (1938—1940) Илья Софронов (1940—1950) Иван Тотьмянин (1950—1953) Павел Ханжин (1953—1957) Илья Софронов (1957—1962) Василий Бушуев (1962—1964) Екатерина Томилина (1964—1969) Иван Епишин (1969—1979) Александр Дягилев (1979—1986) Иван Четин (1986—1991)
Коми-Пермяцкӧй автономнӧй округлӧн юраліссез	Николай Полуянов (1991—2000) Геннадий Савельев (2000—2005)
Коми-Пермяцкӧй округлӧн юраліссез — Пермскӧй крайлӧн министррез	Валерий Баяндин (2005—2008) Игорь Быкариз (2008—2012) Виктор Рычков (2012—2020) Виталий Баяндин (у. к. 2020—2022) Алексей Плотников (2022 восянь)