Софронов Илья Сергеевич
| Софронов Илья Сергеевич | |
|---|---|
| Чужан лун: | 1905 во гожумшӧр 20 лун |
| Чужанін: | |
| Кулан лун: | 1965 во одзар 25 лун (60 лет) |
| Донтан пассэз |
  |
Софронов Илья Сергеевич (1905-1965) – Коми кытш советтэзын ыджыт функционер, Коми окрисполкомын юралісь.
Олантуй
Чужис 1905’ август 2’ лунö öння Кудымкар районісь Мутшак грездын.
1918’ годсянь строшнöялöма озыр суседдэз ордын. 1927’-1929’ воэзö кысъялö Гöрд Армияын. 1930 во сійö иньдöтöны Кöс вöрпромхозö мастерöн вöрзаптöм сьöрті. 1932’-1934’ годдэзö мортыс веськöтлö Белоёвын лыддьöтан керкуöн да секретаралö сэтісь парторганизацияын. 1935’-1936’ воэзö веськöтлö РайЗО-öн Юсьваын.
Помаліс Свердловскын му-видз уджалöм сьöрті медвылісь школа да сыбöрын пуктöм Москвинаись МТС-ö директорöс политика сьöрті вежисьöн.
Ыджыт морт
1938’ во помын сійö бöрйöны Коми окрисполкомö юралісьöс вежисьöн, а 1940’ годö – сэтчо жö юралісьöн.
1950’ воын мортöс иньдöтöны Перемö велöтчыны ВПШ-ö. Школасö помалöм бöрын сія секретаралö партия Кудымкар райкомын, а 1955’ восянь Белоёв райкомын. 1957’ мартын И. С. Софроновöс мöдпырись пуктöны Коми окрисполкомö юралісьöн. Этія чинын сія уджалö 1964’ августöдз, пенсия вылö петтöдз.
Куліс Илья Сергеевич сьöкыта шогалöм бöрын 1965’ сентяб 25’ лунö.
Гора ниммез
И. С. Софронов вöлі депутатöн РСФСР-ись Верховнöй Советын (мöдпырись кичöстöм коста). 17 во сьöрна пукаліс партия окружкомын. Сылö сетöмась Уджлöн Гöрд Дöрапас орден, Почёт пас орден да медаллез.
Öшмöссэз
- Коньшин А.Е.. История коми-пермяцкого народа. Книга первая. 1917-1940 гг. Кудымкар, 2004. ISBN 5-900894-22-3
- Национально-государственное строительство коми-пермяцкого народа в документах и материалах. Том І. 1917-1989. Кудымкар, 2006.