Якимов Василий Ильич
| Якимов Василий Ильич | |
|---|---|
 | |
| Чужан лун: | 1904 во тӧвшӧр 31 лун |
| Чужанін: | |
| Кулан лун: | 1981 во арпом 1 лун (77 лет) |
| Куланін: | |
| Удж | партийный деятель, горт история туялісь |
Якимов Василий Ильич (1904 во тӧвшӧр 31 лун, Крохалёва, Соликамскӧй уезд, Пермскӧй губерния — 1981 во арпом 1 лун, Кудымкар, Коми-Пермяцкӧй автономнӧй округ) — Коми-Пермяцкӧй округись велӧтан да культура организациязын юралісь, партийнӧй функционер, ӧння кадся коми кыв шыпаскуд аркмӧтісь, Коми-Пермяцкӧй окрисполкомлӧн председатель.
Олантуй
Чужис 1904 во тӧвшӧр 31 лунӧ (важмоза тӧвшӧр 18 лунӧ) Крохалёваын[1]. Помаліс вичкудынся куимкласса школа.
Пондӧтчис уджавны 1919 во гожумпомын Крохалёвскӧй волисполкомын делопроизводительӧн, сэсся юраліс Крохалёваись почта пунктӧн, кӧдзыс ссуда видзанінӧн.
1922—1923 воэзын юраліс Крохалёвскӧй волисполкомись му юкӧтӧн. 1924 воын помаліс Верхне-Камскӧй совпартшкола да вӧлі бӧрйӧм Дӧйӧг сельсовет председательӧн. 1925 во тулысшӧрсянь 1926 во арпомӧдз юраліс Крохалёваись изба-читальняӧн.
1926 во тулысшӧрӧ пырис ВКП(б)-ӧ[2].
1926 арпомсянь 1928 гожумпомӧдз уджаліс советскӧй торговӧй служащӧйез профсоюзын. Во сьӧрна председателяліс Юсьва райоын, сэсся вуджис окружнӧй комитетӧ ответсекӧн да инструкторӧн.
1928 во одзарсянь 1930 во гожумпӧдз велӧтчис Перемын II тшупӧта совпартшколаын. Сы помалӧм бӧрын 1931 во одзарӧдз юраліс Купросісь крестьяна тӧмпӧлӧс школаӧн.
1931 во одзарсянь 1932 во тӧвпомӧдз юраліс Коми-Пермяцкӧй окружнӧй велӧтіссез профсоюзӧн, сэсся 1933 во тулыспомӧдз — профсоюззэз школаӧн.
1933 во тулыспомӧ вӧлі пуктӧм Учпедгизісь коми-пермяцкӧй секция юралісьӧн. 1935 во гожумшӧрсянь 1937 во одзарӧдз юраліс Коми-Пермяцкӧй окружнӧй издательствоӧн. Сы кадӧ уджаліс коми-пермяцкӧй алфавит сьӧрті спецкомиссияын ӧтлаын Анна Мошегова да Анна Споровакӧт[3][4].
1937 во одзарсянь уджаліс окрисполком председательӧн. 1938 во тӧвпомсянь юраліс Коми-Пермяцкӧй окружнӧй вузасян юкӧтӧн. 1939 во тӧвпомӧ вӧлі пуктӧм окрисполком ответственнӧй секретарьӧн. 1939 во одзтӧвсянь 1941 во тулыспомӧдз —окрисполком председательлӧн вежлісь.
1941 во тулыспомӧ вӧлі пуктӧм КПСС Коми-Пермяцкӧй окружкомись пропаганда сьӧрті секретарьӧн.
1951 во тулысшӧрсянь 1960 во гожумпомӧдз, пенсия одзын, директораліс Кудымкарись кооперативнӧй школаӧн.
Куліс 1981 во арпом 1 лунӧ Кудымкарын.
Туялан удж
Пенсия вылын овтӧн туяліс Гражданскӧй война история да одз советскӧй кад Коми-Пермяцкӧй округын. Гижис статьяэз.
- «Сергей Тихонович Боталов», 1958.
- «Коммунист с 1912 года», 1966.
- «Славный путь», 1975.
- «Комиссар», 1975.
- «О современном коми-пермяцком алфавите», 1975.[4]
Донтан пассэз
- 1946 — «За доблестный труд в Великой Отечественной войне 1941—1945 годы» нима медаль[1].
- 1970 — «За доблестный труд. В ознаменовании 100-летия со дня рождения В. И. Ленина» нима медаль[1].
Пасйӧттэз
- ↑ 1 2 3 Виртуальная выставка документов «Верный своим убеждениям». К 110-летию со дня рождения Якимова Василия Ильича Коми-Пермяцкий окружной государственный архив
- ↑ [Якимов Василий Ильич] База данных «Партийные и советские руководители Пермской (Молотовской) области. 1921–1991 гг.» Пермский государственный архив социально-политической истории
- ↑ Личный фонд Якимова Василия Ильича (1904-1981), ответственного советского и партийного работника, создателя коми-пермяцкого алфавита, краеведа Коми-Пермяцкий окружной государственный архив
- ↑ 1 2 75 лет коми-пермяцкому алфавиту на русской графической основе Коми-Пермяцкий окружной государственный архив