Давыдов Сергей Фёдорович
| Давыдов Сергей Фёдорович | |
|---|---|
 | |
| Чужан лун: | 1884 во аршӧр 3 лун |
| Чужанін: | |
| Кулан лун: | 1962 во |
| Куланін: | |
| Удж | партийный деятель |
Давыдов Сергей Фёдорович (1884 во аршӧр 3 лун, Майкар, Соликамскӧй уезд, Пермскӧй губерния — 1962 во, Кудымкар, Коми-Пермяцкӧй национальнӧй округ) — партийнӧй фукционер, Коми-Пермяцкӧй окрисполкомлӧн медодзза председатель, Ямало-Ненецкӧй окрисполкомлӧн председатель, Салехард горисполкомлӧн председатель.
Олантуй
Чужис 1884 во аршӧр 3 лунӧ Майкарын[1]. Аймамыс вӧдитісӧ му, нылӧн вӧлі куим десятина кӧдзанму[1]. Айыс Октябрьскӧй революцияӧдз керӧтіс пуись быдберся Майкар кӧрткерӧтан завод понда. Зонкаыс отсаліс айыслӧ. Помаліс Майкарись одзшкола[2].
1900—1906 воэзӧ уджаліс Майкарись кӧрткерӧтан заводын[2]. 1906 воӧ вӧлі босьтӧм царскӧй армияӧ. Кысъяліс Иркутскын 6-ӧт сибирскӧй сапёрнӧй батальонісь военно-телеграфнӧй ротаын телеграфистӧн[1]. Армияас кысъялікӧ велӧтчис кыкьямыстӧлісся телеграфисттэз курссэз вылын да лоис ефрейторӧн. Демобилизуйтчис 1909 воӧ да бертіс Майкарас.
1910—1914 воэзӧ уджаліс Майкар кӧрткерӧтан заводас кӧртсылӧтісьӧн, экспедиторӧн, продинспекторӧн[2].
1914—1918 воэзӧ, Медодзза мировӧй война коста, кысъяліс Российскӧй Императорскӧй армияын[2].
1918 воӧ пырис ВКП(б)-ӧ. 1918 воӧ тӧвпомсянь одзтӧлӧдз вӧлі Майкарись уджалісь да крестьяна депутаттэз советлӧн председательӧн. 1919 воӧ тӧвшӧрсянь одзтӧлӧдз инспектораліс продотрядӧн, сэсся 1921 во тулыспомӧдз уджаліс уезднӧй продкомиссарӧн[2].
1921 во тулыспомсянь 1922 во одзарӧдз вӧлі Усоллё уисполкомлӧн председательӧн[2].
1922 во одзарсянь 1923 во одзгожумӧдз уджаліс Пермскӧй губисполкомын инструкторӧн[2].
1923—1925 воэзӧ вӧлі Усоллё уисполкомлӧн председательӧн да Верхне-Камскӧй окрисполкомлӧн председатель вежлісьӧн[2].
1925 во тулысшӧр 3 лунӧ вӧлі пуктӧм аркмӧтӧм Коми-Пермяцкӧй национальнӧй округ окрисполком[3] председательӧн[2][4]. Юраліс окрисполкомнас 1929 во одзтулыс 7 лунӧдз[4].
Сэсся вӧлі ыстӧм уджавны Тобольскӧ. 1930 во гожумпомӧдз вӧлі Тобольскӧй окрисполком председатель вежлісьӧн, сэсся 1933 во одзтӧлӧдз председателяліс Тобольскӧй райисполкомӧн. 1934 во тӧвшӧрӧ вӧлі пуктӧм Ямало-Ненецкӧй окрисполком председательӧн. 1935—1938 воэзӧ юраліс Салехард горисполкомӧн. 1938—1943 воэзӧ юраліс Салехардісь стройконтораӧн. 1943—1946 воэзӧ вӧлі Ямало-Ненецкӧй окрисполком председатель вежлісьӧн[2][1].
1946 воӧ бертіс Кудымкарӧ да 1953 воӧдз, пенсия вылӧ петтӧдз, уджаліс Кудымкар горисполком председатель вежлісьӧн[2].
Куліс 1962 воӧ. Дзебӧм Кудымкарын[5].
Пасйӧттэз
- ↑ 1 2 3 4 Ефрейтор царской армии. «ПК» № от 1 июля 2015. Интернет-версия газеты «Полярный круг», г. Салехард
- ↑ 1 2 3 4 5 6 7 8 9 10 11 [Давыдов Сергей Федорович] База данных «Лидеры Прикамья» ГКБУ «Пермский государственный архив социально-политической истории»
- ↑ Каменских М. С. Первый национальный: коми-пермяки в национальной политике России в ХХ — начале XXI века / М. С. Каменских. — СПб.: Маматов, 2021. — 312 с. : ил. — С. 43.
- ↑ 1 2 Председатели окрисполкома Коми-Пермяцкого автономного округа ГКБУ «Коми-Пермяцкий окружной государственный архив»
- ↑ Фотография. Похороны Сергея Фёдоровича Давыдова в г. Кудымкаре. ГКБУК «Коми-Пермяцкий краеведческий музей им. П. И. Субботина-Пермяка»