Четин Иван Васильевич
| Четин Иван Васильевич | |
|---|---|
 | |
|
| |
 Коми-Пермяцкӧй автономнӧй округлӧн Законодательнӧй собраннё председатель
 |
|
| 1994 во тулысшӧр 11 лун — 2001 одзтӧв 9 лун | |
| Одззася уджалісь | постыс аркмӧтӧм |
| Одзлань уджалісь | Валерий Ваньков |
 Российскӧй Федерациялӧн Федеральнӧй Собраннё Федерация Советісь член
 |
|
| 1996 во тӧвшӧр — 2001 во тулыспом 3 лун | |
| Одзлань уджалісь |
вильмоза формируйтӧм; Леонид Сухотерин |
|
Коми-Пермяцкӧй автономнӧй округ исполкомлӧн председатель
|
|
| 1986 — 1991 | |
| Одззася уджалісь | Александр Дягилев |
| Одзлань уджалісь | постыс пӧдналӧм |
|
|
|
| Чужӧм |
1941 во аршӧр 31 лун Пешнигорт |
| Кулӧм | 2020 во тӧвпом 2 лун |
| Партия | КПСС |
Четин Иван Васильевич (1941 во аршӧр 31 лун, Пешнигорт, Кудымкар район, Коми-Пермяцкӧй национальнӧй округ, РСФСР, СССР — 2020 во тӧвпом 11 лун, Кудымкар, Коми-Пермяцкӧй округ, Пермскӧй край, РФ) — советскӧй кадся партийнӧй функционер да российскӧй государственнӧй уджалісь, Коми-Пермяцкӧй окрисполкомлӧн председатель, Коми-Пермяцкӧй автономнӧй округ Законодательнӧй Собраннёлӧн председатель.
Олантуй
Чужис 1941 во аршӧр 31 лунӧ Пешнигортын[1]. 1947—1949 воэзӧ быдмис Пешнигортісь детдомын. 1956 воӧ помаліс Пешнигортісь сизимкласса школы. Велӧтчис Кудымкарын вӧртехникумын. Помалӧмыс бӧрсянь одзлань велӧтчис Свердловскись Уральскӧй лесотехническӧй институтын. Помаліс 1965 воӧ кыдз инженер-технолог.
1965—1968 воэзӧ юраліс Велва ЛПХ-ись Савина вӧрпунктӧн. 1967 воӧ пырис КПСС-ӧ. 1968—1970 воэзӧ уджаліс «Комипермлес» комбинатісь Юрла ЛПХ-ын производственно-техническӧй юкӧт юралісьӧн. 1970—1972 воэзӧ вӧлі юралісь инженерӧн Гайна районісь Сёйва ЛПХ-ын, сэсся 1973 воӧдз директораліс Гайна районісь Берёзова ЛПХ-ӧн[2].
1973 воӧ вӧлі пуктӧм Гайна райкомись мӧдӧдзза секретарьӧн. Уджаліс сэтӧн 1977 воӧдз. Сія жӧ воӧ помаліс КПСС ЦК дынся Высшӧй партийнӧй школа.
1977—1979 воэзӧ юраліс Коми-Пермяцкӧй окружнӧй отир контроля комитетӧн.
1980 во гожумпомсянь 1984 во арпомӧдз вӧлі Кудымкарись горисполком предсдетальӧн[3]. Сэсся 1986 воӧдз вӧлі Коми-Пермяцкӧй окружкомись мӧдӧдзза секретарьӧн.
1986 во гожумшӧрсянь 1991 во одзтӧлӧдз — Коми-Пермяцкӧй окрисполкомлӧн председатель.
1990 во одзтулысӧ вӧлі бӧрйӧм РСФСР народнӧй депутатӧн Коми-Пермяцкӧй автономнӧй округсянь (рочӧн национально-территориальный избирательный округ №160). Медодзза съезд вылас вӧлі бӧрйӧм РСФСР Верховнӧй Советісь членӧн.
1990—1994 воэзӧ — Коми-Пермяцкӧй автономнӧй округись народнӧй депутаттэз Советлӧн председатель.
1994—2002 воэзӧ — Коми-Пермяцкӧй автономнӧй округ I да II созыввезісь Законодательнӧй Собраннёлӧн председатель.
1996—2001 воэзӧ — Российскӧй Федерация Федеральнӧй Собраннёись Федерация Советын член (сы кадся постыс сьӧрті, кыдз Заксобраннёлӧн председатель)[4]. Пырис Федерация, федеративнӧй договор да региональнӧй политика сьӧрті комитетӧ[5].
Куліс 2020 во тӧвпом 11 лунӧ Кудымкарын. Дзебӧм Кудымкарын.
Донтан пассэз
- Орден «За заслуги перед Отечеством» II степени (1998)[6].
- «За доблестный труд. В ознаменование 100-летия со дня рождения Владимира Ильича Ленина» медаль[1].
- «Москвалӧ 850 во» медаль[1].
Пасйӧттэз
- ↑ 1 2 3 [Четин Иван Васильевич] Гордость Пармы : [биографический справочник]. — Кудымкар : Коми-Пермяцкое книжное издательство, 2008. — 568 с. — С. 189-190.
- ↑ [Четин Иван Васильевич] База данных «Лидеры Прикамья» // Пермский государственный архив социально-политической истории
- ↑ Руководители города Кудымкара с 1937 года по настоящее время, Администрация городского округа Кудымкар
- ↑ [Четин Иван Васильевич] Состав Совета Федерации Федерального Собрания Российской Федерации Совет Федерации Федерального Собрания Российской Федерации
- ↑ Четин Иван Васильевич, Совет Федерации Федерального Собрания Российской Федерации
- ↑ Указ Президента Российской Федерации от 15 января 1998 года № 38 «О награждении государственными наградами Российской Федерации»