Савельев Геннадий Петрович

Савельев Геннадий Петрович
Савельев Геннадий Петрович
Чужан лун:	1945 во арпом 11 лун (79 лет)
Чужанін:	Корчовня, Йӧг посадму, Кудымкар район, Коми-Пермяцкöй автономнöй округ[d], Пермскӧй область[d], РСФСР[d], СССР[d];
Удж	политик
Донтан пассэз

Савельев Геннадий Петрович (1945 во арпом 11 лун, Корчёвня) — Коми-Пермяцкӧй автономнӧй округлӧн юралісь (2000-2005).

Олантуй

Чужис 1945 во арпом 11 лунӧ Корчёвняын^[1]. Помаліс Корчёвняись шӧрӧт школа. Уджаліс «Сельхозтехника» Ёгваись юкӧтын токарьӧн. 3 во сьӧрна кысъяліс армияын. 1969 восянь велӧтчис Пермскӧй педагогическӧй институтын физкультура факультет вылын. Велӧтчиккоста уджаліс Корчёвняись «Правда» колхозын спортинструкторӧн да методистӧн, Корчёвня школаын физкультура велӧтісьӧн.

1974-1988 воэзӧ уджаліс Гайнскӧй районын: «Гайнский» совхозісь парткӧм секретарьӧн, директораліс Гайныись шӧрӧт школаӧн, юраліс «Гайнское» ПО-ӧн. 1985 воӧ помаліс Пермскӧй сельхозинститутісь экономика факультет.

1990-ӧт воэзӧ локтіс овны Кудымкарӧ. Юраліс строительнӧй организацияэзӧн, кӧдна лэбтісӧ школа-гимназия №3 керку да мӧдік объекттэз. Директораліс «Кудымкаргражданстрой» трестісь кирпичнӧй заводӧн. 1992 воӧ лоис Коми-Пермяцкӧй автономнӧй округ администрацияись экономика комитет юралісьӧн. 1993-1998 воэзӧ уджаліс КПАО администрация юралісьлӧн медодзза вежлісьӧн.

1995 воӧ баллотируйтчис Коми-Пермяцкӧй ӧтікмандата №216 округ сьӧрті Российскӧй Федерация Государственнӧй Думаӧ. Сійӧ вермис Анна Власова. 1997 во одзтӧв 14 лунӧ вӧлі бӧрйӧм Пермскӧй область Законодательнӧй Собраннёӧ Кудымкарскӧй №40 округ сьӧрті депутатӧн. Заксобраннёас пырис бюджет на бюджеткиння фонддэз сьӧрті комитетӧ, вӧлі бӧрйӧм комитетісь председатель вежлісьӧн.

2000 во одзтӧлӧ вермис Коми-Пермяцкӧй автономнӧй округӧн юралісь бӧрйӧмын, сійӧ бӧрйисӧ 44%-ӧн.

Г. П. Савельев КПАО-ӧн юралікӧ вӧлі лӧсьӧтӧм округ да Пермскӧй область ӧтлаӧтӧм виль Пермскӧй край нима федерация субъектӧ^[2]^[3]. 2005 во одзтӧлӧ Г. Савельев дугдіс юравны Коми округӧн, сідз кыдз вӧлі аркмӧтӧм Пермскӧй край.

Олӧ Кудымкарын.

Донтан пассэз

«За доблестный труд. В ознаменование 100-летия со дня рождения В. И. Ленина» (1970)
«В память 200-летия Минюста России» (2002)
Юбилейный знак «Министерство иностранных дел Российской Федерации. 200 лет» (2002)
Орден Почета (2005)^[4]

Пасйӧттэз

↑ [Савельев Геннадий Петрович] Гордость Пармы : [биографический справочник]. — Кудымкар : Коми-Пермяцкое книжное издательство, 2008. — 568 с. — С. 155.
↑ Дан старт переговорному процессу по объединению Коми-Пермяцкого автономного округа и Пермской области. ИА REGNUM (4 июля 2002).
↑ Игры патриотов: как Коми округ предлагал Трутневу переехать в Кудымкар. Парма-Новости
↑ Указ Президента Российской Федерации от 14 ноября 2005 года № 1307 «О награждении орденом Почёта Савельева Г. П.»

[1] [Савельев Геннадий Петрович] Гордость Пармы : [биографический справочник]. — Кудымкар : Коми-Пермяцкое книжное издательство, 2008. — 568 с. — С. 155.

[2] Дан старт переговорному процессу по объединению Коми-Пермяцкого автономного округа и Пермской области. ИА REGNUM (4 июля 2002).

[3] Игры патриотов: как Коми округ предлагал Трутневу переехать в Кудымкар. Парма-Новости

[4] Указ Президента Российской Федерации от 14 ноября 2005 года № 1307 «О награждении орденом Почёта Савельева Г. П.»

[1]

[2]

[3]

[4]