Гайна (посёлок)

Гайна
	Посёлок
Гайна
	Гайны
	Герб
	60°18′13″ с. ш. 54°20′13″ в. д.HGЯO
Канму	Россия
Федерация субъект	Пермскӧй край
Муниципальнӧй округ	Гайнскӧй
История да география
Медодзза касьтылӧм	1579
Посёлок	1996 восянь
кар типа посёлок	; 1963-1998
Йӧз
Отир	3869 чел. (2021 во);
Цифра идентификаторъяс
Телефон код	+7 34245
	619650
Код ОКАТО	57114000001
Код ОКТМО	57513000101
Прочее
	Гайна Москва

Гайна (рочӧн Гайны) — Коми-Пермяцкӧй округын посёлок, Гайнскӧй муниципальнӧй округлӧн центр.

География

Гайнаыс иналӧ Пермскӧй край рыт-ойвылын, Коми-Пермяцкӧй округ ойвылын, Кама ю веськыт вадорын.

Медматын карыс — Кудымкар — 156 км ылынаын лунвылын. Перемӧдз — 357 км.

История

Археологическӧй материаллэз сьӧрті, посад местас отирыс олӧмась ни IV сёвоӧ (ломоватовскӧй да родановскӧй культураэзісь Пыштайн археология памятниккез чукӧр)^[2]. Гайна важся карыс датируйтӧм XII ‒ XIV сёвоэзӧн^[2].

Официальнӧя посад аркмӧтан кадӧн лыдиссьӧ 1579 во. Сэк Гайналӧн погост йылісь медодззаись вӧлі гижӧм И. И. Яхонтовлӧн писцовӧй книгаын. Сія кадӧ Гайна погостын вӧлӧмась гӧрись крестьяналӧн 17 горт да 4 кольӧм гӧрас, а сідзжӧ 16 вӧра вӧдж.

Кайсаровлӧн 1623 вося перепись сьӧрті Гайнаын вӧлӧмась гӧрись крестьяналӧн 18 керку, 3 бобыльскӧй керку да 6 овтӧмӧсь, оліссес «мунісӧ тӧдтӧг кытчӧ». Погостын вӧлі Первушка Васильевлӧн дорсянін.

1819 воӧ Гайнын вӧлӧма куим прихода вичку: Гайнскӧй, Монастырскӧй, Чажеговскӧй. Этна приходдэз гӧгӧрын 26 поснит посадму.

1820 воӧ 127 хозяйствоись небӧм нянь вылын олӧмась 69 горт, дзир ӧтік гортын вӧлӧма вузалӧм понда нянь. 1874 во аршӧр 11 лунӧ Пермскӧй губернияись Чердынскӧй уезд вӧлі янсӧтӧм 9 муниципальнӧй участок вылӧ, ны коласісь ӧтікӧ пырисӧ Гайнскӧй, Аннинскӧй да Пятигорскӧй волосттез.

1879 воӧ Гайна посадын вӧлӧмась 119 горт, олӧмась 362 айморт да 349 инькаморт.

1926 восянь Гайны посад — Коми-Пермяцкӧй национальнӧй округ Гайнскӧй районлӧн центр. 1926 вося отир лыддьӧм сьӧрті Гайнын вӧлӧмась 263 горт. Оліссес вӧлісӧ 1051 морт, ны коласісь 508 айморт, 543 инькаморт; роччез — 1008, пермяккез — 39. Уджалісӧ одзшкола, больница, ветеринарнӧй пункт, телефон да почта^[3].

Гайна посад статусыс вӧлӧма 1963 воӧдз. Пермскӧй облисполкомлӧн 1963 во тӧвшӧр 2 лунся № 3 постановленнёӧн Гайны посадлӧ вӧлі сетӧм кар типа посёлок статус, 1998 восянь — посёлок.

2004—2019 воэзӧ посёлокыс вӧлі Гайнскӧй муниципальнӧй районісь Гайнскӧй сельскӧй поселеннёлӧн центрӧн, 2019 восянь лоӧ Пермскӧй крайлӧн Гайнскӧй муниципальнӧй округлӧн центрӧн.

Этимология

Посад нимыслӧн этимологияыс абу бура тӧдса. И. Я. Кривощёков висьталӧм сьӧрті, XIX сёвоӧ гайнса асьныс шуӧмась посад нимнысӧ аркмӧмӧн роч диалектнӧй кылісь гайно — «ур поз». Эм сэтшӧм легенда: кӧр епископ Стефан Пермскӧй, кӧда пыртіс пермяккезӧс вичкуӧ, кывтіс пыжӧн Гайна дынӧт, гайнса мӧдӧмась нерны сійӧ да корӧмась пешлыны ур яй, мый кузя сёрӧнжык нійӧ пондісӧ шуны рочӧн «векшееддэзӧн» (роч диалектнӧй векша — «ур»).

А. С. Кривощёкова-Гантман, А. К. Матвеев да Е. М. Поспелов петкӧтӧны Гайна топонимсӧ башкиррезлӧн да удмурттэзлӧн гайна увтыррез нимись^[4].

Отир

Численность населения
2021^[5]
3869

1000

2000

3000

4000

2021

Национальнӧй состав

Национальносттез	1926^[3]		2002^[6]
Национальносттез	лыд	%	лыд	%
Быдӧссӧ	1051	100	4507	100
роччез	1008	95,90	3065	68
комиэз	39	3,71	1262	28
мӧдіккез	4	0,38	180	4

Cоциальнӧй сфера

Велӧтӧм[вильмӧтны | править код]

Лесокамск небыдса школа (рочӧн МБОУ «Лесокамская основная общеобразовательная школа»)^[7]
Гайна шӧрӧт школа (рочӧн МБОУ «Гайнская средняя общеобразовательная школа»)^[8]
2 челядьсад
«Гармония» челядь понда искусствоӧ велӧтан школа (рочӧн МБУ ДО "Детская школа искусств «Гармония»)

Лысин видзан[вильмӧтны | править код]

Гайна ЦРБ (ГБУЗ ПК «Северная БКПО» юкӧт)^[9]

Культура[вильмӧтны | править код]

Культура керку (рочӧн ММБУК «Культурно-методическӧй центр»)
А. Я. Созонов нима Гайна гортладор туялана музей (рочӧн МБУК «Гайнский краеведческий музей имени А. Я. Созонова»)
Шӧр библиотека (рочӧн МБУК «Гайнская межпоселенческая районная центральная библиотека»)

Гайнаись гора нима отир

Анатолий Григорьев (1903—1986), советскӧй скульптор-монументалист.
Александр Созонов (1925—1944), Советскӧй Союзлӧн Герой.
Максим Меламедов (чуж. 1990), театральнӧй режиссёр.

Сингажӧтаннэз

10 км ылынаын важ места Пернаяг, кытӧн быд во чулӧтьсӧ «Пера мы вылын» фестиваль.
Великӧй Отечественнӧй войнаын вийсьӧм гайнасалӧ монумент, Советскӧй Союзлӧн Геройлӧ А. Я. Созоновлӧ бюст.

Ыстӧттэз

Пасйӧттэз

↑ https://rosstat.gov.ru/storage/mediabank/Tom1_tab-5_VPN-2020.xlsx
↑ ¹ ² Памятники рус..
↑ ¹ ² Населённые пункты Уральской области. Том V-й Коми-Пермяцкий округ. — Свердловск, 1928.
↑ Матвеев, А. К. Географические названия Урала: Топонимический словарь / А. К. Матвеев — Екатеринбург: ИД «Сократ», 2008. — С. 71-72. — 352 с.
↑ https://rosstat.gov.ru/storage/mediabank/Tom1_tab-5_VPN-2020.xlsx.
↑ Коряков Ю.Б. База данных "Этно-языковой состав населённых пунктов России".
↑ МБОУ "Лесокамская основная общеобразовательная школа" (МБОУ "Лесокамочка").
↑ Сведения об образовательной организации (ru-RU).
↑ Гайнская ЦРБ - ГБУЗ ПК «Северная БКПО», ГБУЗ ПК «Северная БКПО». Дата обращения: 23 Тулыспом 2025.

[_a52c0e625b0def47-1] ttps://rosstat.gov.ru/storage/mediabank/Tom1_tab-5_VPN-2020.xlsx

[:0-2] ¹ ² Памятники рус..

[per26-3] ¹ ² Населённые пункты Уральской области. Том V-й Коми-Пермяцкий округ. — Свердловск, 1928.

[4] Матвеев, А. К. Географические названия Урала: Топонимический словарь / А. К. Матвеев — Екатеринбург: ИД «Сократ», 2008. — С. 71-72. — 352 с.

[5] ttps://rosstat.gov.ru/storage/mediabank/Tom1_tab-5_VPN-2020.xlsx.

[6] Коряков Ю.Б. База данных "Этно-языковой состав населённых пунктов России".

[7] МБОУ "Лесокамская основная общеобразовательная школа" (МБОУ "Лесокамочка").

[8] Сведения об образовательной организации (ru-RU).

[9] Гайнская ЦРБ - ГБУЗ ПК «Северная БКПО», ГБУЗ ПК «Северная БКПО». Дата обращения: 23 Тулыспом 2025.

[1]

[2]

[3]

[4]

[5]

[6]

[7]

[8]

[9]