Михаил Лихачёв нима Коми-Пермяцкӧй национальнӧй библиотека

Босьтöм Рувикиись
Михаил Лихачёв нима Коми-Пермяцкӧй национальнӧй библиотека
Культурно-деловой центр в городе Кудымкаре.jpg
59°00′59″ с. ш. 54°39′20″ в. д.HGЯO
Канму  Российскӧй Федерация
Адрес Кудымкар, Октябрьлӧ 50 во нима ул., 12 к.
Аркмӧтӧм 1901 во
Мӧдік информация
Директор Югова Валентина Ивановна
Веб-сайт kpolibrary.ru

Михаил Лихачёв нима Коми-Пермяцкӧй национальнӧй библиотека (рочӧн Коми-Пермяцкая центральная национальная библиотека имени М. П. Лихачёва) — Коми-Пермяцкӧй округлӧн медшӧр библиотека, уджалӧ Кудымкарын.

Юралан организацияыс — Пермскӧй крайлӧн культура министерство[1]. Быдса нимыс рочӧн — Государственное краевое бюджетное учреждение культуры «Коми-Пермяцкая центральная национальная библиотека им. М. П. Лихачёва», дженыта — ГКБУК «КПЦНБ».

История

Библиотекаыс вӧлі аркмӧтӧм 1901 воӧ Перемся экономика зорӧтан чукӧр сьӧмӧн чукӧрас пыриссез Иван Остроумов да Всеволод Владимирский вӧзйӧм сьӧрті. Нія мӧдісӧ аркмӧтны библиотекасӧ да сетны сылӧ чукӧрлісь медодзза юралісьлісь Александр Рейнботлісь  (перм.рус.ним. Сы понда 1898 воӧ нія юӧртчисӧ Соликамскӧй земскӧй управаӧ корӧмӧн тӧдчӧтны, кытӧн Соликамскӧй уездын медколана библиотека. Управаыс пуктіс осьтны сійӧ Кудымкарын, сідз кыдз ӧткӧ — Кудымкарыс Соликамскӧй уездын «пермяцкӧй крайлӧн центр», мӧдкӧ — волостнӧй сход бура панталіс сэтшӧм вӧзйӧмсӧ, библиотекасӧ чайтісӧ остӧтӧн отирӧс велӧтӧмын. Куим во сьӧрна библиотекаыс вӧлі осьтӧм Кудымкарын Строгановвезлӧн  (перм.рус.Иньвенскӧй дача правленнё керкуын. Сы понда Перемся экономика зорӧтан чукӧр сетіс 250 руб да одзлань небӧггез небӧм понда да удждон вештӧм понда сетліс 100 руб быд во[2][3].

1905 во кежӧ библиотекаас вӧлі ӧктӧм 863 небӧга фонд, лыддьӧтіссез лыдыс — 360 морт[2].

1925 воӧ, Коми-Пермяцкӧй национальнӧй округ аркмӧтӧм бӧрын, Кудымкарись библиотекаыс лоис окружнӧй статуса[3].

1934 воӧ библиотека понда вӧлі натодиль лэбтӧм торья керку[3].

1937 воӧ небӧг фондісь вӧлісӧ торйӧтӧмӧсь ветлан юкӧт да челядь понда юкӧт, кӧда 1949 воӧ лоис челядь понда торья библиотекаӧн (ӧння кадӧ — Питю Ӧньӧ нима Коми-Пермяцкӧй челядь понда библиотека)[2].

1966 воӧ Коми-Пермяцкӧй окружнӧй библиотекалӧ вӧлі сетӧм коми гижись Михаил Лихачёвлӧн ним[2][3].

1991 воӧ библиотекаыс вуджис сы кадӧ лэбтӧм Кудымкарскӧй КДЦ керкуӧ, кытӧн ӧнӧдз уджалӧ.

1993 воӧ библиотекаын вӧлі осьтӧм гортладор туялана юкӧт[3].

2007 воӧ Пермскӧй крайлӧн губернаторлӧн 2007 во арпом 27 лунся № 100 указ сьӧрті да Пермскӧй крайись эмбурӧн веськӧтлан агентство 2007 во одзтӧв 19 лунся № 2102 приказ сьӧрті «М. П. Лихачёв нима Коми-Пермяцкӧй окружнӧй центральнӧй библиотека» лоис край статуса культура учрежденнёӧн — «М. П. Лихачёв Коми-Пермяцкӧй центральнӧй национальнӧй библиотека»[2].

Уджалӧм

Питю Ӧньӧ нима челядь понда библиотека

Библиотекаыс Коми-Пермяцкӧй округын документтэзлӧн универсальнӧй собраннёлӧн медшӧр видзанін, кӧда видзӧ тиражируйтӧм документтэзлісь организованнӧй фонд. Сідзжӧ гортладор туялана да коми-пермяцкӧй литература паськӧтан, муниципальнӧй библиотекаэзлӧн методическӧй да юӧртан центр.

2022 во тӧвшӧр 1 лун кежӧ фондас пырӧны 139 747 экз. Коми кывья юкӧтын — 4569 небӧг да периодика тор, гортладор туялӧм сьӧрті коллекцияын — 14570 видзантор.

Библиотекаыслӧн эм кык филиал:

  • Питю Ӧньӧ нима Коми-Пермяцкӧй челядь понда библиотека (Кудымкар, Октябрьлӧ 50 во нима ул., 25 к.)[4];
  • Юринын филиал (Кудымкар, Быстрый, Кузнецов нима ул., 9 к.)[5].

Библиотекаыс чулӧтӧ уна быдберся мероприяттё — выставкаэз, пантасьӧммез, акцияэз, да сідзжӧ «Коми-пермяцкӧй кыв сьӧрті ӧтласа диктант».

Юраліссез да директоррез

  • 1939—1941 — Нохрин Георгий Иванович
  • 1941—1942 — Киришева З.
  • 1943—1944 — Сибирская Нона Алексеевна
  • 1944—1946 — Сысолетина Парасковья Артемьевна
  • 1946—1949 — Бушманова Зинаида Ивановна
  • 1949 — Машенцева Полина Ивановна
  • 1950 — Торлопова Апполинария Николаевна
  • 1951—1952 — Лукина Е.
  • 1952—1964 — Тупицина Екатерина Романовна
  • 1964—1967 — Айбабина Дора Васильевна
  • 1967—1971 — Бормотов Николай Макарович
  • 1971—1972 — Хозяшева Валентина Степановна
  • 1972—1975 — Айбабина Дора Васильевна
  • 1976—2015 — Гордеева Галина Семёновна
  • 2015 восянь — Югова Валентина Ивановна

Пасйӧттэз

  1. ↑ Сведения об учреждении. Коми-Пермяцкая центральная национальная библиотека им. М. П. Лихачёва. Видзӧтӧм 10 Одзар 2025.
  2. ↑ 1 2 3 4 5 История библиотеки. Коми-Пермяцкая центральная национальная библиотека им. М. П. Лихачёва. Видзӧтӧм 10 Одзар 2025.
  3. ↑ 1 2 3 4 5 Фонд № Р-308 // Государственное краевое бюджетное учреждение культуры "Коми-Пермяцкая центральная национальная библиотека им. М. П. Лихачёва". Коми-Пермяцкий окружной государственный архив. Видзӧтӧм 10 Одзар 2025.
  4. ↑ Коми-Пермяцкая детская библиотека им. А. Н. Зубова // История библиотеки. Коми-Пермяцкая центральная национальная библиотека им. М. П. Лихачёва. Видзӧтӧм 10 Одзар 2025.
  5. ↑ Юринская библиотека-филиал. Коми-Пермяцкая центральная национальная библиотека им. М. П. Лихачёва. Видзӧтӧм 10 Одзар 2025.

Ыстӧттэз

Босьтӧма "https://koi.ruwiki.ru/w/index.php?title=Михаил_Лихачёв_нима_Коми-Пермяцкӧй_национальнӧй_библиотека&oldid=207024"-ись