Сикорская Наталья Александровна
| Сикорская Наталья Александровна | |
|---|---|
 | |
| Чужан лун: | 1973 во одзтулыс 15 лун (53 года) |
| Чужанін: | |
| Канму | |
| Удж | кар юралісь, экономист |
Сикорская Наталья Александровна (1973 во одзтулыс 15 лун, Кудымкар, Коми-Пермяцкӧй автономнӧй округ, РСФСР, СССР) — Кудымкар карлӧн юралісь 2020 во одзтулыс 4 лунсянь, Кудымкар муниципальнӧй округлӧн юралісь 2022 восянь.
Олантуй
Чужис 1973 во одзтулыс 15 лунӧ Кудымкарын. 1990 воӧ помаліс шӧрӧт № 2 школа. 1995 воӧ помаліс Перем канму университетісь экономика факультет «экономист» квалификацияӧн[1].
Медодзза уджаланіннас вӧлі Кудымкарись нефтебаза, уджаліс кассир-бухгалтерӧн.
1996—1999 воэзӧ уджаліс Кудымкар вӧртехникумын спецдисциплинаэз велӧтісьӧн[1].
1999 воӧ уджаліс Кудымкарись ГДРСП-ын инженер-экономистӧн да ӧткӧста вӧлі УдГУ Кудымкар филиалын велӧтісьӧн.
2000—2007 воэзӧ уджаліс Коми-Пермяцкӧй округ сьӧрті удж инспекцияын кыдз юралісь бухгалтер, сэсся госинспектор.
2005 воӧ помаліс Волго-Вятскӧй государственнӧй службы академия «юриспруденция» визьӧт[1].
2007—2008 воэзӧ уджаліс Коми-Пермяцкӧй округ администрацияын берся посттэзын: финаннсэз сьӧрті департаментын консультантӧн, финотделісь планируйртӧм сьӧрті сектор юралісьӧн.
2009 во тӧвшӧр 11 лунсянь уджаліс Кудымкар администрацияын: велӧтӧм управленнёын юралісь бухгалтерӧн, экономическӧй прозноз специалистӧн, экономика зорӧтӧм управленнёы инвестиционнӧй политика, анализ да прогноз юкӧт юралісьӧн, инфраструктура да ЖКХ управленнёын промышленнӧсть зорӧтӧм юкӧтӧн юралісьӧн, сэсся быдсӧн управленнё юралісьӧн.
2015 во тулыспом 1 лунсянь Кудымкар юралісьлӧн вежлісь[1].
2020 во одзутулыс 4 лунӧ вӧлі бӧрйӧм Кудымкар карся думаӧн Кудымкар юралісьӧн — кар администрация юралісьӧн[2][3].
2022 во арпом 16 лунӧ, Кудымкар да Кудымкар район Кудымкар муниципальнӧй округӧ ӧтлаӧтӧм бӧрын, вӧлі бӧрйӧм Кудымкар муниципальнӧй округ юралісьӧн[4].
Ас пыдди олӧм
Олӧ Кудымкарын.
2025 во тӧвшӧрсянь бӧра олӧ нывкася гижсяннас — Сикорская. Сэтчӧдз вӧлі Стоянова[5].
Пасйӧттэз
- ↑ 1 2 3 4 Глава муниципального округа — глава администрации Кудымкарского муниципального округа. Сикорская Наталья Александровна. Кудымкарский муниципальный округ Пермского края (видзӧтан кад 04.04.2025)
- ↑ Глава Кудымкарского муниципального округа — глава администрации Кудымкарского муниципального округа Пермского края Сикорская (Стоянова) Наталья Александровна Территориальная избирательная комиссия Кудымкарского муниципального округа (видзӧтан кад 04.04.2025)
- ↑ Анна Яркова. Что обещает новый мэр, и кто стоит за её избранием Парма-Новости 13.03.2020 (видзӧтан кад 04.04.2025)
- ↑ Руководитель Кудымкара стала главой Кудымкарского муниципального округа Коммерсант-Прикамье, 15.11.2022. (видзӧтан кад 04.04.2025)
- ↑ Яна Яновская. В округе выбирают глав Парма-новости 02.02.2025 (видзӧтан кад 04.04.2025)