Климович Александр Алексеевич
| Климович Александр Алексеевич | |
|---|---|
 | |
| Чужан лун: | 1948 во тӧвшӧр 11 лун (78 лет) |
| Чужанін: | |
| Удж | политик, инженер |
Климович Александр Алексеевич (1948 во тӧвшӧр 11 лун, Ферма, Кӧчладор район, Коми-Пермяцкӧй национальнӧй округ) — Кудымкарлӧн юралісь (1988—2011).
Олантуй
Чужис 1948 во тӧвшӧр 11 лунӧ Кӧчладор районісь Ферма посёлокын. Велӧтчис Кӧч школаын. Кутчис уджавны 1966 воӧ Кудымкарись шӧрӧт №5 школаын физкультура велӧтісьӧн. 1968—1970 воэзӧ уджаліс слесарьӧн да водительӧн Кудымкарись АТП-ын[1].
1970 — 1974 воэзӧ велӧтчис Перемись Д. Н. Прянишников нима сельскохозяйственнӧй институтын. Помалӧм бӧрын уджаліс Транссельхозтехника» трестын эксплуатация сьӧрті инженерӧн[2].
1974 во аршӧрсянь 1975 во арпомӧдз кысъяліс Советскӧй Армияын. Демобилизацияыс бӧрын 1979 во тулысшӧрӧдз уджаліс Коми-Пермяцкӧй окрпотребсоюзын АТК сьӧрті инженерӧн, сэсся 1983 воӧдз Кудымкарись ПАТП-ын юралісь инженерӧн.
1983 во одзарсянь 1984 во одзтулысӧдз уджаліс Коми-Пермяцкӧй КПСС окружкомись промышленно-транспортнӧй юкӧтын инстуркторӧн. 1984 во одзтулыссянь 1988 во арпомӧдз юраліс «Перммелиорация» Коми-Пермяцкӧй 10-ӧт ПМК-ӧн.
Сы кадӧ, 1985 воӧ, вӧлі бӧрйӧм депутатӧн окружнӧй народнӧй депутаттэз Советӧ, 1987 воӧ — Кудымкарскӧй народнӧй депутаттэз Советӧ.
1988 во арпомӧ вӧлі бӧрйӧм Кудымкарскӧй горисполком председательӧн. 1988 —1990 воэзӧ вӧлі КПСС окружкомись членӧн, да горком бюроись членӧн. 1990—1991 воэзӧ вӧлі Кудымкарскӧй народнӧй депутаттэз Советын депутатӧн[3].
1992 во тӧвшӧр 20 лунся Кудымкар Администрация постановленнёӧн пуктӧм Кудымкар администрация юралісьӧн.
1993— 1996 воэзын вӧлі бӧрйӧм Коми-Пермяцкӧй окружнӧй Законодательнӧй Собраннё I созывӧ депутатӧн.
2005 воӧ вӧлі бӧрйӧм быдӧс отирӧн Кудымкар юралісьӧн. Юраліс Кудымкарнас 2011 воӧдз[4].
2011 восянь пенсия вылын. Олӧ Кудымкарын.
Донтан пассэз
- 1988 — «За преобразование Нечерноземья РСФСР» медаль
- 1996 — Орден Почёта
- 1999 — «За заслуги в развитии физической культуры» почёта пас
- 2003 — «За заслуги в проведении Всероссийской переписи населения» медаль
Пасйӧттэз
- ↑ [Климович Александр Алексеевич] Гордость Пармы: Биографический справочник. – Кудымкар: Коми-Пермяцкое книжное издательство, 2008. – С. 84
- ↑ [Климович Александр Алексеевич] База данных База данных «Лидеры Прикамья» Пермский государственный архив социально-политической истории
- ↑ Архивная коллекция А.А. Климовича, председателя Кудымкарского городского исполнительного комитета, главы администрации г. Кудымкара, главы муниципального образования "Городской округ - город Кудымкар" Архивы Прикамья
- ↑ [Александр Климович] Бизнес-класс