Округ FM
| Округ FM | |
|---|---|
 | |
| Кар | Коми-Пермяцкöй округ |
| Канму |
 Российскӧй Федерация |
| Слоган | «Радио, которое объединяет» |
| Формат | информация да шылад |
| Тшӧкыта | 100,9 МГц — Кудымкар |
| Вын | 1 кВт |
| Уджалан кад | лункӧв сьӧрна |
| Уджалан зона | Коми-Пермяцкӧй округись Кудымкар МО, Юсьва МО, Юрла МО, Кӧчладор МО |
| Аркмӧтӧм | 2007 во одзар 7 лун |
| Аркмӧтісь | Надежда Боталова |
| Эмалісь | ООО «Окружная вещательная компания» |
| Юралісь | Надежда Боталова (директор—юралісь редактор) |
Округ FM — Коми-Пермяцкӧй округын лункӧв сьӧрна уджалана информация да шылада роч да коми кывья радиостанция. Эмалісьыс — ООО «Окружная вещательная компания», юралісьыс — Надежда Боталова.
Аркмӧтӧм да уджалӧм
Радиоыс оссис кыдз Пермскӧй крайись Союз FM радиолӧн вез партнёр 2007 воӧ, сы кадӧ шусис Союз FM-Кудымкар. Медодзза эфир луныс — 2007 во одзар 7 лун. Везъяс уджалікӧ Кудымкарись эфирӧ пырисӧ юӧррез да мӧдік информация программаэз. Уджалан сетканас вӧлі — 7.00-23.00 чассэзын медбӧрья 15 минута.
2010 восянь Союз FM радиоыс пӧднассис, Союз FM-Кудымкарлӧн редакцияыс вежис нимсӧ Округ FM вылӧ, босьтіс ас кипод увтӧ быдӧс лункӧв сьӧрна уджалан кадсӧ[1]. Уджалан сеткаыс кольччис одззаӧн — 7.00-22.00 чассэзӧ медбӧрья 15 минута сьӧрна мунӧны юӧррез да мӧдік баитан программаэз, реклама. Ны коласын шылад: унажыксӧ ӧння кадся роч кывья сьыланкыввез да мирпасьта хиттэз.
Берся воэзӧ радио редакцияас уджалісӧ Анастасия Хорошева, Татьяна Бражкина, Дмитрий Буланов, Екатерина Старикова, Константин Седегов, Илья Зубов, Наталья Караваева.
Аркмӧтомсянь ӧнӧдз радионас юралӧ Надежда Боталова[2].
Медтӧдчана программаэз да проекттэз
- 2008—2011 воэзӧ радиоыс чулӧтіс «Миян сьыланкыввез» хит-парад да концерттэз, кӧднаын участвуйтісӧ Коми-Пермяцкӧй округись сьыліссез да сьыланкыв гижиссез[3]. Ӧння кадӧдз мунӧ быдлунся 10 минута кузя передача «Миян сьыланкыввез».
- 2010 воӧ радио чулӧтіс «7 чудес Пармы» нима акция, кӧда сьӧрті Коми-Пермяцкӧй округын оліссез бӧрйисӧ Коми округись медмича сингажӧтаннэз.
- 2020 воӧ радиоредакцияыс чулӧтіс «Новая коми-пермяцкая песня» нима конкурс[4].
- 2023—2024 воэзӧ муніс Дина Браунлӧн «Театральные кентавры» нима программа.
Пасйӧттэз
- ↑ Константин Седегов. Радиостанции Округ ФМ 14 лет! Парма-новости (14.09.2021)
- ↑ Дмитрий Никитин. Пятилетию "Округ ФМ" посвящается ЖЖ Дмитрия Никитина (13.09.2012)
- ↑ Ирина Дульцева. В Коми-Пермяцком округе своя "Фабрика звёзд". Финно-угорский культурный центр РФ (29.05.2009)
- ↑ Гала-концерт «Новая коми-пермяцкая песня» видео