Коми-роч юкӧт
| Коми-роч юкӧт | |
|---|---|
| Перем мортпӧлӧс тӧдӧм да педагогика сьӧрті канмуся университет | |
 | |
| Аркмӧтан во | 1955 |
| Юралісь | Лобанова Алевтина Степановна |
| Иналӧм |
 Российскӧй Федерация: Перем, Сибирскӧй ул., 24 к. |
Перем мортпӧлӧс тӧдӧм да педагогика сьӧрті канмуся университетісь коми-роч юкӧт (рочӧн Коми-пермяцко-русское отделение филологического факультета Пермского государственного гуманитарно-педагогического университета) — ӧтка вылісь тшупӧта велӧтчанін, кӧдӧ велӧтӧ коми-пермяцкӧй кыв да литература велӧтіссезӧс[1][2]. Уджалӧ Перем мортпӧлӧс тӧдӧм да педагогика сьӧрті канмуся университетісь филология факультетын.
История
Перем мортпӧлӧс тӧдӧм да педагогика сьӧрті канмуся университетын коми-роч юкӧт вӧлі осьтӧм 1955 воӧ Антонина Кривощёкова-Гантман инициатива сьӧрті. Велӧтчӧмыс муніс «коми-пермяцкӧй кыв да литература велӧтісь, роч кыв да литература велӧтісь» специальность сьӧрті вит во сьӧрна. 1960 воӧ юкӧтыс лэдзис медодзза помаліссезӧс[3].
1961 воӧ петіс Мария Ожеговалӧн монография (рочӧн «Устно-поэтическое творчество коми-пермяцкого народа»), 1962 воӧ петіс медодзза вузовскӧй велӧтан небӧг «Коми-пермяцкӧй кыв» (В. И. Лыткин кипод увтын).
1985 восянь коми кыв сьӧрті пыран экзаменыс чулӧтсьӧ Кудымкарын.
2003 воӧ филология факультет вылын вӧлі осьтӧм Коми-пермяцкӧй кыв, история да традиционнӧй культура туялан институт, кӧдӧн сы аркмӧтӧмсянь ӧнӧдз юралӧ Алевтина Лобанова[4].
2024 во кеж коми-роч юкӧтсӧ помалісӧ 1017 морт[3].
Велӧтчӧм
Коми-роч юкӧтӧ пыриссез сетӧны ЕГЭ роч кыв да обществознаннё сьӧрті, коми кыв сьӧрті чулӧтсьӧ сёрниа экзамен. Велӧтӧмыс мунӧ «Чужан кыв да литература» специалитет программаӧт куим профиль сьӧрті — роч кыв, одзшколася велӧтӧм, английскӧй кыв[5].
Юкӧт дынся чукӧррез
- 1970—1980 воэзӧ уджаліс фольклорнӧй ансамбль «Парма»
- «Кай» чукӧр (2023)
Гора нима велӧтіссез
- Елена Ботева, педагогика кадидат, коми-пермяцкӧй кыв велӧтан методикаэзлӧн автор
- Антонина Кривощёкова-Гантман, филология кандидат, диалектолог
- Мария Ожегова, филология кандидат, коми-пермяцкӧй литература да фольклор сьӧрті специалист
Гора нима помаліссез
- Ольга Аксёнова, филология кандидат, топониммез туялісь
- Нина Исаева-Бадина, роч кыв да литература велӧтісь, гижись
- Людмила Гуляева, коми кыв велӧтісь, гижись
- Василий Козлов, роч кыв да литература велӧтісь, гижись
- Василий Кольчурин, журналист, гижись
- Елена Коньшина, журналист, гижись, «Пармалӧн гижиссез» чукӧрлӧн юралісь
- Алевтина Лобанова, филология кандидат, коми-роч юкӧтӧн юралісь
- Надежда Мальцева, педагогика кандидат, гижись
- Леонид Никитин, журналист, гижись
- Вера Пахорукова, филология доктор, литература туялісь, Сыктывкар канму университетісь коми литература да фольклор кафедрася профессор, Коми Республикалӧн Заслуженнӧй уджалісь
- Лариса Пономарёва, филология кандидат, коми кыв лексика туялісь
- Ольга Попова, филология кадидат, фольклор туялісь
- Римма Попова, филология кандидат, Сыктывкар канму университетын велӧтісь, доцент
- Людмила Ратегова, редактор, небӧглэдзись
- Зинаида Тудвасева, педагогика кандидат, коми-пермяцкӧй кыв велӧтан методикаэзлӧн автор
- Любовь Утева, филология кандидат, коми кыв лексика туялісь
Пасйӧттэз
- ↑ В ПГГПУ вручили дипломы выпускникам коми-пермяцко-русского отделения. Вести-Пермь (2025-07-16). Видзӧтӧм 4 Одзар 2025.
- ↑ Состоялось выездное родительское собрание. Министерство по делам Коми-Пермяцкого округа Пермского края (2023-12-21). Видзӧтӧм 4 Одзар 2025.
- ↑ 1 2 Алевтина Лобанова. 70 лет назад при Пермском педагогическом институте открыто коми-пермяцкое отделение по подготовке учителей родного и русского языков, Иньвенский край (19 Одзар 2024). Дата обращения: 4 Одзар 2025.
- ↑ Научно-исследовательский институт языка, истории и традиционной культуры коми-пермяцкого народа. Пермский государственный гуманитарно-педагогический университет. Видзӧтӧм 4 Одзар 2025.
- ↑ Родной язык и литература и профиль по выбору (Русский язык / Начальное образование/ Иностранный язык). Пермский государственный гуманитарно-педагогический университет. Видзӧтӧм 4 Одзар 2025.