Перем мортпӧлӧс тӧдӧм да педагогика сьӧрті канмуся университет

Перем мортпӧлӧс тӧдӧм да педагогика сьӧрті канмуся университет
(ПГГПУ)
Йӧзкостся ним	Perm State Humanitarian and Pedagogical University
Одзза ним рочӧн	Пермский институт народного образования (1919—1921) Пермский педагогический институт (1921—1922) Педагогический факультет Пермского государственного университета (1922—1930) Пермский индустриально-педагогический институт (1930—1940) Молотовский индустриально-педагогический институт (1940—1957) Пермский государственный педагогический университет (1957—1994)
Аркмӧтӧм	1919 во аршӧр 2 лун
Тип	канмуся
Ректор	Егоров Константин Борисович
Студенттэз	5500-ся унажык (2025 воӧ)
Бакалавриат	эм
Магистратура	эм
Аспирантура	эм
Иналӧм	Российскӧй Федерация, Перем
Кампус	карся
Гижӧм адрес	614990, Перем кар, Сибирскӧй ул., 24 к.
Сайт	pspu.ru
Медиафайлы на РУВИКИ.Медиа

Перем мортпӧлӧс тӧдӧм да педагогика сьӧрті канмуся университет (рочӧн Пермский государственный гуманитарно-педагогический университет, дженыта ПГГПУ) — Перемын уджалана вылісь тшупӧта велӧтчанін. Осьтӧм 1921 воӧ. 2012 воӧдз шусис Перем педагогика сьӧрті университет (рочӧн Пермский государственный педагогический университет, дженыта — ПГПУ).

Аркмӧтісьыс — Российскӧй Федерациялӧн велӧтӧм сьӧрті министерство.

Быдса нимыс рочӧн — Федеральное государственное бюджетное образовательное учреждение высшего образования «Пермский государственный гуманитарно-педагогический университет».

История

1916 воӧ Перемын оссис Императорскӧй Петроградскӧй университетлӧн филиал, кӧда чожа лоис асуджалана Фребелевскӧй институтӧн. Велӧтчаніныслӧ вӧлі сетӧм губернскӧй земскӧй управалӧн Сибирскӧй улица вывся керку, кӧда лэбтӧм архитектор Валериан Волошинов проект сьӧрті.

1919 во аршӧр 2 лунӧ вӧлі аркмӧтӧм Перем отир велӧтӧм сьӧрті институт (рочӧн Пермский институт народного образования, дженыта ИНО), кӧда уджаліс учительскӧй семинария керкуын Кунгурскӧй да Торговӧй улицаэз туйвежын (ӧні Комсомольскӧй проспект да Советскӧй улица). Фребелевскӧй институт вӧлі пӧдналӧм, а студенттэс вуджӧтӧмӧсь велӧтчыны ИНО-ӧ.

1921 во одзар 9 лунӧ Перем отир велӧтӧм сьӧрті институтыс вӧлі реорганизуйтӧм Перем педагогика институтӧ. Ректорнас вӧлі пуктӧм Владимир Покровский. Медодзза наборӧ пырисӧ 220 студент, да велӧтіссез коллективӧ — 49 морт. Велӧтчанін структураӧ пырисӧ: 3 факультет — педагогика, школьно-инструкторскӧй, школаӧдз велӧтӧм сьӧрті; 4 юкӧт — педагогика, отирпӧлӧс да литература тӧдӧм, гӧгӧртӧдӧм-география, физика-математика; школа дынся уджаліссезӧс лӧсьӧтӧм сьӧрті секцияэз; методическӧй кабинеттэз. Сідзжӧ институт дынын вӧлі осьтӧм педагогика техникум, кӧда вӧлі аркмӧтӧма 4 во велӧтчӧм понда, структураын кык отделениеӧн — школьнӧйӧн да дошкольнӧйӧн.

Губернскӧй земскӧй управалӧн керку, кӧдаын уджалісӧ педфак да Перем канму университетлӧн правленнё.

1922 воӧ велӧтчаніныс вӧлі пыртӧм Перем канмуся университетӧ кыдз педагогика факультет.

1930 во аршӧр 15 лунӧ педагогика факультетыс вӧлі реорганизуйтӧм Перем индустрия да педагогика институтӧ. Сылӧ вӧлі сетӧм 24-ӧт керку Сибирскӧй улица вылын. Велӧтчанінӧ пырисӧ 10 юкӧт: педагогика, школаодзся, школася, литература, история, физика-математика, экономика, биология, химия, география.

1940 восянь, кӧр Перемыслӧн нимыс вӧлі вежӧм Молотов кар вылӧ, велӧтчаніныс лоис Молотов индустрия да педагогика институтӧн да шусис сідз 1957 воӧдз, кӧр кар нимыс вӧлі вежӧм важ вылӧ.

Великӧй Отечественнӧй война коста медшӧр корпусас уджаліс госпиталь. Сы кадӧ велӧтчанінас сідзжӧ велӧтісӧ медсестраэзӧс.

1946 воӧ оссис визирсайся кыввез тӧдӧм сьӧрті факультет, 1949 воӧ — физическӧй воспитаннё сьӧрті.

1971 воӧ институтыс вӧлі ошкӧм РСФСР Медвылісь Совет Президиумсянь Почётнӧй грамотаӧн.

1994 во гожумшӧр 27 лунӧ РФ велӧтчан министерство № 290 приказ сьӧрті институтыслӧ вӧлі сетӧм университет да сія пондіс шусьны Перем педагогика сьӧрті канмуся университетӧн (ПГПУ).

2012 во тулыспом 25 лунӧ Велӧтӧм да наука министерство тшӧктӧмӧн ниымс вӧлі вежӧм — Перем мортпӧлӧс тӧдӧм да педагогика сьӧрті канмуся университет (ПГГПУ).

2019 восянь ректорнас уджалӧ история кандидат, доцент Константин Егоров.

Структура

2025 во кежӧ велӧтчанін структураӧ пырӧны 13 факультет, 29 кафедра, школа, НИИ, центррез, лабораторияэз, фундаментальнӧй библиотека, пресс-служба.

Велӧтӧмыс чулӧтсьӧ шӧрӧт, бакалавриат, магистратура, аспирантура программаэз сьӧрті, дополнительного профессионального образования и переподготовки.

Факультеттэз

• Математика факультет
• Роч филология факультет (коми-роч юкӧтӧн)
• Физическӧй культура факультет
• Одз велӧтӧм методика да педагогика факультет
• Челядь психология да педагогика факультет
• Гӧгӧртӧдӧм факультет
• Визирсайся кыввез тӧдӧм факультет
• Физика факультет
• История факультет
• Шылад факультет
• Психология факультет
• Информатика да экономика факультет
• Право да социально-педагогическӧй велӧтӧм сьӧрті факультет

Кафедраэз

• Вылісь математика да математика велӧтан методика кафедра
• Ӧтласа кывтӧдӧм, роч да коми-пермяцкӧй кыввез да кыввез велӧтан методика кафедра
• Теория, литературалӧн история да литература велӧтан методика кафедра
• Физическӧй воспитание кафедра
• Спорт дисциплинаэз да адаптивнӧй физкультура кафедра
• Физическӧй культура да туризм теория да методика кафедра
• Учӧт школьниккезӧс велӧтан да быдтан теория да технология кафедра
• Школаӧдзся педагогика да психология кафедра
• Специальнӧй педагогика да психология кафедра
• Логопедия да коммуникационнӧй технология кафедра
• Анатомия, физиология, химия да олан опастӧмалӧм кафедраэз
• Биология да география кафедра
• Английскӧй кыв, филология да вуджӧтчан кафедра
• Йӧз кыв велӧтан методика кафедра
• Романо-германскӧй кыввез да культураэз костся коммуникация кафедра
• Физика да технология кафедра
• Россия да ӧтласа история, археология кафедра
• РАН УРО Пермскӧй федеральнӧй исследовательскӧй шӧринлӧн базӧвӧй кафедра
• Культурология кафедра
• Вокально-хоровӧй да инструментальнӧй исполнительство кафедра
• Теоретическӧй да прикладнӧй психология кафедра
• Олӧм психология кафедра
• Прикладнӧй информатика, юӧртан системаэз да технологияэз кафедра
• Экономика кафедра
• Информатика да пырся технология кафедра
• Юридическӧй дисциплинаэз да право велӧтан методика кафедра
• Социальнӧй педагогика кафедра
• Педагогика да психология кафедра
• Философия да отипӧлӧс тӧдӧм кафедра

Шӧрӧт велӧтӧм

• «Лицей Пермского педагогического» нима шӧрӧт школа

Туялан институт

• А. М. Белавин нима археология да антропология туялан институт

Центррез

• Универсальнӧй педагогика компетенцияэзлӧн технопарк
• Профессиональнӧй демонстрационнӧй экзаменнэз центр
• В. С. Мерлин нима педагогическӧй технопарк «Кванториум»
• Инклюзивнӧй велӧтчан центр
• «Открытый университет» нима профильнӧй велӧтчан центр
• «Научный парк» велӧтан да мыччалан центр
• Педагогикаын уджаліссезлӧ отслан туялӧм да методика сьӧрті центр
• Копируйтан-унаӧтан центр
• «Пушкин-центр» нима роч кыв вылын осьта велӧтан центр
• Лунвыв Африка канмуэзын роч кыв вылын осьта велӧтчан центр
• «Родительский университет» психолого-педагогическӧй консультация сетан центр
• А. А. Фридман нима туялӧм коллаборация керку (содтӧт велӧтӧм центр)
• «Полиглот-Профи» мӧдік кыв вылын велӧтан центр
• Абитуриенттэзкӧт уджалан центр
• Велӧтӧмлӧн качество независимӧя донъялан центр
• «Шлыки» агробиостанция
• Прикамье отирлӧн этнолингвистика центр
• Медвиль роч литература центр
• Сёрни патология центр
• Немецкӧй кыв центр
• «Робототехника школа» велӧтан ресурс центр
• Психология центр
• Психология факультетлӧн ресурснӧй центр
• «Музыкальный лицей» велӧтан центр

Лабораторияэз

• Археологическӧй трасология, антропология да экспериментальнӧй археология лаборатория
• Общеобразовательнӧй шӧр школаын математикаӧ велӧтӧмсӧ методика сьӧрті нуӧтан лаборатория
• Физическӧй культура факультетлӧн научно-практическӧй лаборатория
• Школаӧдз челядьӧс социальнӧя зорӧтан лаборатория
• Школаӧдз челядьӧс психофизическӧя зорӧтан лаборатория
• Биотехнология да биосистемаэзлӧн структурно-функциональнӧй организация лаборатория
• Быдмассэзлӧн да лихенизируйтӧм тшаккезлӧн биоразнообразие да экология лаборатория
• Вӧрпиэз физиологическӧй экология лаборатория
• Вибрационнӧй гидромеханика лаборатория
• В. С. Мерлин нима морт психология лаборатория
• Велӧтчан психология да медиапсихология лаборатория
• ЦОР да педагогическӧй проектируйтӧмлӧн лаборатория
• Педагогическӧй удж вынсьӧтӧм веськӧтлан лаборатория
• Челядькӧт да томпӧлӧскӧт уджалан социально-педагогическӧй технологияэза лаборатория

Музейез

• Пермскӧй Приуралье археология да этнография музей
• ПГГПУ-лӧн история музей
• Вычислительнӧй математикалӧн «Цифровӧй эволюция» музей
• Зоологическӧй музей
• Ботаника музей
• Гербарий

Студенталӧм

Овмӧтчӧм

2025 во кеж велӧтчаніныслӧн эмӧсь 3 общежиттё (№ 2, 3, 4), кӧднаын вермӧны овны 915 морт:

Общежиттё ним	Адрес
Общежиттё № 2	Перем, Советскӧй ул., 62 к.
Общежиттё № 3	Перем, Семченко нима ул., 13 к.
Общежиттё № 4	Перем, 25-ӧт Октяб нима ул., 37 к.

Студент чукӧррез

Велӧтчанінас уджалӧны студент чукӧррез:

• Студент клуб
• Студенттэзлӧн профсоюз
• Студенттезлӧн туялан чукӧр
• Том туяліссезлӧн совет
• «Учитель» спортклуб
• Студотряддэзлӧн штаб
• «Волонтёры просвещения» волонтёр отряд
• «Я ГОРЖУСЬ» патриотика клуб
• Волонтёр отряддэз
• «Движение первых» РДДМ увтісь юкӧт
• «lovt.» нима медиацентр
• ПГГПУ оригинальнӧй жанра коллектив
• «Кай» чукӧр (коми)
• ПГГПУ театр чукӧр
• «Лампа» нима сьылан коллектив
• КВН
• «Вечер пятницы» нима ӧнняся хореография театр
• Иньпӧлӧс хор
• «Поющие сердцем» кипонкывья сьылан ансамбль

Спорт

2025 воӧ университетлӧн спортивнӧй материально-техническӧй базаӧ пырӧны физкультура да лысин бурмӧтан комплекс, «Ляды» спорткомплекс, 3 спортзал.

Уджалӧны мини-футбол, волейбол, баскетбол, гандбол, аэробика, кокнит атлетика, лызьӧн котрасьӧм, учӧт теннис сьӧрті сборнӧй командаэз.

Периодика

Университетас лэдзӧны эттшӧм туялан периодика:

• «Гуманитарные исследования. Педагогика и психология». Петӧ 2020 восянь быд квартал.
• «Гуманитарные исследования. История и филология». Аркмӧтӧм 2021 воӧ, петӧ быд квартал.
• «Вестник ПГГПУ. Серия: психологические и педагогические науки». Интернется туялан журнал, петӧ 2013 восянь кыкись вонас.
• «Вестник ПГГПУ. Серия: физико-математические и естественные науки». Интернется туялан журнал, петӧ 2013 восянь ӧтпырись-кыкись вонас.
• «Вестник ПГГПУ. Серия: гуманитарные и общественные науки». Интернется туялан журнал, петӧ 2013 восянь кыкись вонас. Публикуйтӧ статьяэз культурология, литература, история, археология, социология, философия, онтология да гносеология сьӧрті.
• «Вестник ПГГПУ. Серия: ИКТ в образовании». Интернется туялан журнал, петӧ 2005 восянь ӧтпырись вонас. Публикуйтӧ материаллэз велӧтӧмын виртуальнӧй юӧртан ресурссэзлӧ, компьютернӧй технологияэзлӧ.

Йӧзкостся ӧтуджалӧм

ПГГПУ-лӧн уджыс йӧзкостся ёртасьӧмын веськӧвтӧм йӧз канмуэз, йӧзкостя организацияэзкӧт да велӧтчаніннэзкӧт договоррез вылӧ, роч кыв да культура мирпасьта популяризация вылӧ, академическӧй мобильность программаэз реализация вылӧ.

Мӧдік канмуэзісь гражданаӧс велӧтӧм понда уджалӧ одзвывті лӧсьӧтан факультет.

2025 воӧ велӧтчаніныслӧн эмӧсь договоррез да соглашеннёэз 4 канмуись 14 велӧтчанінкӧт да компанияэзкӧт, ны лыдын:

• Ахмет Байтурсынов нима Костанай регионся университет (Казахстан, Костанай)
• Л. Н. Гумилёв нима Евразияся национальнӧй университет (Казахстан, Астана)
• А. Ж. Мырсабеков нима Ош мортпӧлӧс тӧдӧм да педагогика сьӧрті институт (Киргизия, Ош)
• А. А. Кулешов нима Могилёв канмуся университет (Белоруссия, Могилёв)
• Полесскӧй канмуся университет (Белоруссия, Пинск)
• Монголия канмуся велӧтӧм университет (Монголия, Улан-Батор)

Рейтинг

Приволжскӧй федеральнӧй округлӧн вуззэзлӧн 2025 воӧ аналитическӧй агентство RAEX-ӧн чулӧтӧм локальнӧй рейтинг сьӧрті Перем мортпӧлӧс тӧдӧм да педагогика сьӧрті канмуся университет сулалӧ 26-ӧт позицияын.

2025 воӧ Интерфакс национальнӧй ӧтласа рейтингын велӧтчаніныс вӧлі 299—301 местаын.

Юраліссез

Велӧтчаніннас берся воэзӧ юралісӧ:

• Стойчев Степан Антонович (1930—1931)
• Красильщик Зинаида Исааковна (1932)
• Козырев Александр Васильевич (1932—1935)
• Погожев Поликарп Георгиевич (1935—1937)
• Павлюченков Виктор Степанович (1937—1943)
• Алексеев Михаил Иванович (1943—1944)
• Чумаков Сергей Яковлевич (1944—1948)
• Маханёк Константин Семёнович (1948—1953)
• Турченко Сергей Игнатьевич (1953—1955)
• Дедов Гавриил Иванович (1955—1958)
• Чумаков Сергей Яковлевич (1959—1979)
• Капцугович Игорь Севастьянович (1979—2001)
• Колесников Андрей Константинович (2001—2019)
• Егоров Константин Борисович (2019 — ӧнӧдз)

Юралӧм

2025 воӧ велӧтчаніннас веськӧтлӧны:

• Ректор — Егоров Константин Борисович
• Велӧтан удж да информатизация сьӧрті проректор — Лизунова Лариса Рейновна
• Научно-методическӧй удж да академическӧй йитӧттэз сьӧрті проректор — Сарапулов Алексей Николаевич
• Воспитательнӧй удж да томпӧлӧс политика сьӧрті проректор — Чащинов Евгений Николаевич
• Содтӧт велӧтӧм институтлӧн директор — Красноборова Наталья Александровна
• Ректорлӧн советник — Матвеев Евгений Вячеславович

Гора нима велӧтіссез

• Борис Вишневский, антрополог да археолог, географ, этнограф. География доктор, Роч Америка туялісь.
• Георгий Воронов, эколог, биогеограф. География доктор, профессор. Российскӧй Федерациялӧн Заслуженнӧй эколог, Российскӧй Федерациялӧн медвылісь профессиональнӧй велӧтӧмын почётнӧй уджалісь, Перем канму университетлӧн заслуженнӧй профессор. «Басеги» да «Вишерский» вӧрва дозиратайніннэз аркмӧтісь.
• Мария Генкель, лингвист, диалетолог да сёрни стилистика сьӧрті специалист.
• Иван Каиров, педагогика туялісь, педагогика доктор, профессор (1929), РСФСР педагогика наукаэзлӧн академияӧ пырись (1944), СССР педагогика наукаэзлӧн академияӧ пырись (1967). Социалистическӧй Уджын Герой (1963).
• Андрей Козлов, антрополог, медицинскӧй антропология сьӧрті специалист. Биология доктор (2004), медицина кандидат (1986).
• Николай Козлов, химия доктор, ораганическӧй катализ туялісь. РСФСР наука да техникаын Заслуженнӧй уджалісь (1965), БССР Госпремиялӧн лауреат, БССР наукаэз акадмияӧ пырись (1966), БССР АН физико-органическӧй химия туялан институтлӧн директор (1967).
• Анна Нюркаева, историк-балканист, Сербия история сьӧрті специалист. История доктор (1980), профессор, Российскӧй Федерациялӧн медвылісь профессиональнӧй велӧтӧмын почётнӧй уджалісь.
• Анатолий Пономарёв, ботаник, профессор. Ботаникаын антэкология аркмӧтісь.
• Василий Сиротенко, историк, антика туялісь да медиевист. История доктор (1973), профессор (1974), Перем канму университетісь важ мир да шӧрӧт сёвоэз история кафедралӧн медодзза юралісь.

Гора нима помаліссез

• Владимир Аликин, спортсмен, биатлонист, тренер. Олимпийскӧй чемпион (1980 — зарни медаль 4x7,5 км эстафетаын, эзысь медаль 10 км спринтын). СССР-лӧн спортын Заслуженнӧй мастер(1980). Россиялӧн Заслуженнӧй тренер.
• Татьяна Барамзина, снайпер и телефонистка, Великӧй Отечественнӧй войнаын участник, Советскӧй Союзлӧн Герой (1945, кулӧм бӧрын). Ефрейтор.
• Агата Будрина, искусство туялісь, гортладор история туялісь да музейын уджалісь, Российскӧй Федерация культураын Заслуженнӧй уджалісь, Российскӧй Федерация художниккез союзӧ пырись.
• Александр Букирев, ихтиолог, биология кандидат профессор, Перем канму университетлӧн ректор (1939—1941 да 1946—1951), биология факультетлӧн декан (1955—1956).
• Светлана Высокова, спортсмен, йи вылӧт котрасись, 2006 вося Олимпиадаын бронза медалист, Россия спортын заслуженнӧй мастер (2006), Российлӧн йӧзкостся класса спортмастер.
• Иван Дергачёв, литература туялісь, филология доктор, профессор. СССР гижиссез союзӧ пырись. РСФСР культураын Заслуженнӧй уджалісь (1974).
• Вера Крымская, методика туялісь, РСФСР школаын Заслуженнӧй велӧтісь (1947), РСФСР педагогика наукаэзлӧн академияӧ пырись (1950), педагогика кандидат.
• Павел Лебедев, ботаник, биология доктор, профессор, Урал морфология сьӧрті школа аркмӧтісь.
• Александр Петров, Госдума VI, VII да VIII созыввезісь депутат, Словакиялӧн почётнӧй консул Екатеринбургын.
• Владимир Попов, историк, история доктор (1973), профессор, РСФСР наукаын заслуженнӧй уджалісь (1986).
• Павел Садырин, спортсмен, футболист, тренер. СССР спортын мастер, РСФСР-лӧн заслуженнӧй тренер (1985), Российскӧй Федерация физическӧй культураын заслуженнӧй уджалісь (1993).
• Людмила Сахарова, балерина, балетмейстер, хореограф да балет педагог. СССР-лӧн Народнӧй артистка (1986). М. И. Глинка нима РСФСР Госпремия лауреат (1977).
• Наталья Томилова, спортсменка, лызя спортивнӧя ориентируйтчӧм сьӧрті кыкись мир чемпион (2002, 2007), Европа чемпионаттэзын унаись призёр.
• Елена Шумкова, опера сьылісь, П. И. Чайковский нима Перем опера да балет театрын солист. Сьылӧ колоратурнӧй сопраноӧн.

Пасйӧттэз

Литература

• Капцугович И. С. Биографический словарь: профессора и преподаватели Пермского государственного педагогического университета (1921—2003). — Пермь: Книжный мир, 2003. — 472 с.
• Капцугович И. С. Пермский педагогический в судьбах людей: документально-публицистический очерк. Кн. 1-3. — Пермь: Книжный мир, 2006—2011.
• Капцугович И. С. У истоков. Историко-публицистический очерк высшего педагогического образования на Урале. — Пермь: Книжный мир, 2014. — 261 с.

Ыстӧттэз

• Пермский педагогический