Ботева Елена Васильевна

Ботева Елена Васильевна
Чужан лун:	1930 во гожумпом 30 лун(1930-08-30)
Чужанін:	Юсьва, Коми-Пермяцкöй автономнöй округ[d], Уральская область[d], РСФСР[d], СССР[d]
Кулан лун:	2007 во одзар 27 лун(2007-09-27) (77 лет)
Куланін:	Перем, Российскӧй Федерация
Канму	Российскӧй Федерация
Удж	велӧтісь

Ботева Елена Васильевна (1930 -2007) - коми кыв туялісь, педагогика наукаэз сьӧрті кандидат,перем коми кыв велӧтан методика сьӧрті специалист.

Олантуй

Е.В.Ботев чужис август 30 лунӧ 1930 воӧ Коми кытшын Юсьва районісь Юсьва посадын. 1937 воын аймамыс вуджисӧ овны Верх-Юсьва посадӧ. Велӧтчис Кудымкарын 1 №-а школаын, кӧдӧ помаліс 1949 воын. Этія жӧ воӧ пырис велӧтчыны Кудымкарись учительскӧй институтӧ роч кыв да литература юкӧтӧ. Велӧтчӧм помалӧм бӧрын 1951-1952 годдэзӧ уджаліс Белоевоын шӧрӧт школаын. 1952 воӧ Коми окроно ыстіс том специалистӧс велӧтчыны Сыктывкарӧ Коми пединститутӧ.1955 воын помаліс Коми пединститутісь историко-филологическӧй факультет, коми кыв да литература юкӧт.1955-1958 воэзын уджаліс велӧтіссезлісь удж бурсьӧтан Коми-Пермяцкӧй институтын перем коми кыв кафедра вылын методистӧн. 1958 воӧ пырис велӧтчыны РСФСР-са педагогика наукаэз академиялӧн очнӧй аспирантураӧ. Научнӧй веськӧтлісьнас вӧлі филология наукаэз сьӧрті доктор,профессор В.И. Лыткин . 1962 воын дорйис " Методика изучения морфологии в 5-м классе в условиях иньвенского диалекта" тема сьӧрті диссертация. 1961 восянь уджаліс Пермскӧй педагогика институтын.Уджавны пондӧтчис ассистентӧн, 1964 воӧ Елена Васильевналӧ сетісӧ доцент званнё.

Туялан удж

Туялан уджыс йитчӧма перем коми кыв школаын велӧтан методикаӧн. Е.В.Ботева вӧлі ӧтікӧн вуззэзлӧ перем коми кыв сьӧрті учебник гижиссез коласын.Лӧсьӧтіс перем коми кыв сьӧрті 5-6 классэз понда велӧтчан небӧггэз. Уджаліс перем коми кыв сьӧрті школаын уджалан программэз вылын.

Ошканпассэз

• "Отличник народного просвещения РСФСР" пас

• "Ветеран труда" медаль

• "Отличник народного просвещения" пас

Наука уджжез

• Методика изучения морфологии коми-пермяцкого языка в условиях иньвенского диалекта:автореф.дисс...канд. пед.наук.-Кудымкар,1961.-20

• Коми-пермяцкий язык: введение, фонетика,лексика и морфология: учебник для высших учебных заведений/ Баталова Р.М.,Ботева Е.В.,Гантман А.С.,Гуляев Е.С. и др.- Кудымкар,1962.-340с.

• Суффиксы субъективной оценки существительных коми-пермяцкого языка// Совещание по вопросам исторической грамматики и исторической диалектологии финно-угорских языков: Тез.док.-М.,1959.- С.56-58

• Суффиксы субъективной оценки существительных современного коми-пермяцкого языка // Вопросы финно-угорского языкознания.К 70-летию со дня рождения члена-корреспондента АН СССР Д.В.Бубриха. М.-Л.,1962.-С.229-235

Ӧшмӧссэз

Исследователи коми языка:Биобиблиографический указатель.-Сыктывкар:ООО "Анбур",2017.-352с.

Ыстісьӧммез

https://www.komi-permarchiv.ru/index.php?page=eto-zhizn-i-eto-radost