Ӧтувья канму экзамен
Ӧтувья канму экзамен (рочӧн Единый государственный экзамен, ЕГЭ ) — Российскӧй Федерацияын шӧрӧт велӧтчаніннэзын — школаэзын, лицейезын да гимназияэзын — шӧрӧт тшупӧта ӧтувья велӧтан сьӧрті школа помалан канму аттестация чулӧтан форма[1]. Лоӧ ӧттшӧтш школа помалан экзаменӧн да вуззээзӧ пыран экзаменӧн. 2013 воӧдз сія вӧлі сідзжӧ и шӧрӧт тодиль велӧтчаніннэзӧ пыран экзаменӧн, но велӧтчӧм йылісь виль законісь сія вӧлі кыровтӧм. Экзамен чулӧтікӧ Россия пасьта сетсьӧны ӧткодь заданнёэз да уджжес донъяссьӧны ӧткодь методдэзӧн.
2009 восянь ЕГЭ лоӧ школа помалан экзаменнэзлӧн дзик ӧтік формаӧн да вуззэзӧ пыран экзаменнэзлӧн ӧтка формаӧн, позьӧ гижны ЕГЭ и мӧдікпырся. ЕГЭ чулӧтсьӧ роч кыв, математика, иностраннӧй кыввез (английскӧй, немецкӧй, французскӧй, испанскӧй, китайскӧй), физика, химия, биология, география, литература, история, обществознаннё, информатика сьӧрті[2][3].
2015 воын математика сьӧрті экзамен вӧлі юкӧм базовӧй да профильнӧй тшупӧттэз вылӧ[4]. Математика сьӧрті базовӧй тшупӧтсӧ колӧ сдайтны сэтшӧм выпускниккезлӧ, кӧдна озӧ кӧсйӧ велӧтчыны одзлань вылісь тшупӧта велӧтдчаніннэзын, мед босьтны аттестат, нето нылӧ, кинлӧн пыран экзаменнэз коласын абу «Математика» предмет. Профильнӧй тшупӧт колӧ сдайтны выпускниккезлӧ, кӧдна кӧсйӧны велӧдчыны одзлань вуззэзын, кытӧн пыран экзаменнэз коласын эм «Математика» предмет.
2016 во арӧн Комсомольск-на-Амуре карись велӧтчиссез сдайтісӧ Россия пасьтся тшупӧтын китайскӧй кыв сьӧрті пробнӧй ЕГЭ. 2019 восянь Российскӧй Федерацияын вӧлі пыртӧм китайскӧй кыв сьӧрті ЕГЭ[5].
2024 во одзгожум 6 лунӧ ЛДПР, КПРФ да СРЗП фракцияэзісь депутаттэз пыртісӧ Государственнӧй Думаӧ ЕГЭ-сянь кидтчӧм йылісь да традиционнӧй госэкзаменнэз дынӧ бертӧм йылісь законопроект. [6]
ЕГЭ аркмӧтӧм
ЕГЭ пыртӧм кузя медоддза экспериментыс вӧлі чулӧтӧм 2001 воӧ Чувашия, Марий Эл, Якутия республикаэзын, а сідзжӧ Самара да Ростов областтезын кыкьямыс велӧтчан дисциплина сьӧрті[7]. 2002 воын экспериментсӧ чулӧтісӧ ни странаись 16 регионын[8]. 2003 воын экспериментнас вӧлі кутӧм Российскӧй Федерацияись 47 субъект, а 2004 воын — странаись 65 регион. 2006 воын ЕГЭ-сӧ сдайтісӧ ни Россияись 79 регионын 950 сюрс мымда велӧтчись. 2008 воын сійӧ сдайтісӧ быдӧс регионнэзын миллионся унажык велӧтчись. Тодиль велӧтан предметтеза нимлёдз, кӧдна сьӧрті 2001—2008 воэзын чулӧтсис ЕГЭ, вынсьӧтіс быд регионыс ачыс.
ЕГЭ авторӧн вӧлі министр Владимир Филиппов, а керисьнас — Владимир Хлебников[9].
ЕГЭ чулӧтӧмсӧ аркмӧтӧ Рособрнадзор ӧтлаын регионнэзісь органнэзкӧт, кӧдна видзӧтӧны велӧтан сьӧрын[10].
2023 во арпом 17 лунӧ Рособрнадзор юралісь юӧртіс, мый 2026 во кежӧ системаэсӧ, кӧдна йитӧмӧсь ЕГЭ чулӧтӧмкӧт, вуджӧтасӧ отечественнӧй программнӧй панасӧ[11].
2023 во арпом 29 лунӧ Рособрнадзор юралісь Анзор Музаев висьталіс, мый ЕГЭ-сӧ оз позь вуджӧтны онлайн форматӧ локтан 5-10 воэзӧ [12].
Бланккез
- Пасйӧтан бланк колӧ экзамен сдайтісьӧс пасйӧм понда.
- Очакыввез понда №1 бланкӧ гижӧны A и B блоккезісь уджжес сьӧрті очакыввез.
- Уна вочакыв сетӧм понда колӧ босьтны очакыввез №2 бланк; оз кӧ тырмы гижан местаыс, сетсьӧ очакыввез №2 содтӧд бланк.
Быдӧс бланккеслӧн ыдждаыс 210 мм × 305 мм[13]:
Пасйӧтчан бланк
Очакыввез №1 бланк
Очакыввез №2 бланк
Очакыввез №2 содтӧт бланк
Бланкыс банӧ киння, позьӧ гижны и мӧдӧрбанас:
Очакыввез №2 бланклӧн мӧдӧрбаныс
Очакыввез №2 содтӧт бланклӧн мӧдӧрбаныс
Быдӧс ЕГЭ бланккесӧ колӧ тыртны тодиль правилоэз сьӧрті, мӧдінёж гижӧм очакыввес вермасӧ лыддиссьыны умӧля, да нійӧ пондасӧ лыддиссьыны неправильнӧй очакылӧн.
Ыстӧттэз
- ↑ Приказ Минобрнауки России от 26.12.2013 N 1400. legalacts.ru. Дата обращения: 5 апреля 2019. Архивировано 1 апреля 2019 года.
- ↑ Федеральный закон от 09.02.2007 N 17-ФЗ "О внесении изменений в Закон Российской Федерации "Об образовании" и Федеральный закон "О высшем и послевузовском профессиональном образовании" в части проведения единого государственного экзамена" (с изменениями и дополнениями) (утратил силу) | ГАРАНТ. base.garant.ru. Дата обращения: 5 апреля 2019. Архивировано 11 апреля 2019 года.
- ↑ Об утверждении сроков и единого расписания проведения ЕГЭ в 2009 году | Педагогическая периодика. Каталог публикаций. periodika.websib.ru. Дата обращения: 5 апреля 2019. Архивировано 17 июня 2019 года.
- ↑ ЕГЭ по математике разделят на базовый и профильный уровень (рус.), РИА Новости. Архивировано 13 ноября 2017 года. Дата обращения: 16 мая 2017.
- ↑ ЕГЭ по китайскому языку свидетельствует о возрастающем интересе к Китаю — министр науки и высшего образования РФ, «Синьхуа» (4 июня 2019). Дата обращения: 23 декабря 2022.
- ↑ В Госдуму внесли проект об отмене ЕГЭ (2024-06-06).
- ↑ Е.В.Мишукова. Единый государственный экзамен. Идея, сущность, принципы. bank.orenipk.ru (декабрь 2001). Дата обращения: 22 мая 2010. Архивировано из оригинала 18 октября 2018 года.
- ↑ Более половины школьников будут сдавать единый госэкзамен, Страна.RU (8 октября 2002). Архивировано 11 марта 2012 года. Дата обращения: 22 мая 2010.
- ↑ История Единого государственного экзамена в России. Дата обращения: 29 августа 2016. Архивировано 11 сентября 2016 года.
- ↑ Положение о Федеральной службе по надзору в сфере образования и науки — Постановление Правительства РФ от 17.06.2004 № 300. Дата обращения: 18 декабря 2011. Архивировано из оригинала 5 августа 2011 года.
- ↑ Рособрнадзор планирует перевести системы ЕГЭ на российское ПО к 2026 году. РБК (2023-11-17).
- ↑ В Рособрнадзоре исключили перевод ЕГЭ в онлайн-формат в ближайшие 5-10 лет. Росбалт (29 11 2023).
- ↑ Формы, описание и правила заполнения бланка регистрации и бланков ответов участников ЕГЭ