Мальцева Надежда Александровна

Мальцева Надежда Александровна
Чужан лун:	1953 во гожумшӧр 28 лун(1953-07-28) (73 года)
Чужанін:	Кӧч посад
Канму	СССР[d]  Российскӧй Федерация
Удж	туялісь

Мальцева Надежда Александровна (1953 во гожумшӧр 28 лун, Кӧч посад) — коми фольклор туялісь, гижись, педагогика сьӧрті кандидат.

Олантуй

Чужис 1953 во гожумшӧр 28 лунӧ Кӧчын. 1970 воӧ помаліс Кӧчись шӧрӧт школа. 1976 воӧ помаліс Пермскӧй пединститут филология факультется коми-роч юкӧт рекомендацияӧн велӧтчыны аспирантураын.

1976 восянь пондіс уджавны Велӧтіссезлісь удж бурсьӧтана Коми-Пермяцкӧй институтын методистӧн, роч кыв да литература кабинет юралісьӧн, педагогика кафедра юралісьӧн. Ӧткоста уджаліс велӧтісьӧн Кудымкарись школаэзын, Кудымкарскӧй педагогической училищеын, Кудымкарскӧй лесотехникумын, Кудымкарскӧй институтын (УдГУ филиал).

2000 воӧ дорйис канидатскӧй диссертация педагогика сьӧрті («Изучение коми-пермяцкого фольклора в русской школе в диалоге национальных культур»).

2005 восянь уджаліс Коми наука шӧринісь коми-пермяцкӧй юкӧтын. Ӧткӧста 2008—2012 воэзӧ уджаліс Кудымкарскӧй институтісь директор наука сьӧрті вежлісьӧн. 2014 воӧ коми юкӧтсӧ вуджӧтісӧ Перемись научнӧй центрӧ. Н. А. Мальцева уджаліс сыын 2016 во одзтӧв 31 лунӧдз. Пенсия одзын уджаліс велӧтісьӧн Кудымкарскӧй педколледжын. Петіс пенсия вылас 2019 во одзтӧлӧ.

Туялан да гижан удж

Туялӧ коми фольклор, этнография. Гижис 100-ся унажык статья да туялан удж. Гижӧ комиӧн челядь понда дженыт проза.

Медтӧдчана небӧггез

• Коми-пермяцкие писатели: Биографический справочник для образовательных учреждений. В 2 ч. Часть II. / Авт.-сост.: Н. А. Мальцева. — Кудымкар, 2006.

• «Орсам, велалам, зоралам = Играем, учимся, растём»: из коми-пермяцкого фольклора". — Кудымкар, 2008. — 48 с.

• «Боба тэ, боба, кытчö тэ ветлін? = Боба ты, боба, куда ты ходил?»: Детский фольклор коми-пермяков": сборник фольклорных текстов и комментарии. — Санкт-Петербург : Издательство «Маматов», 2015. — 398 с.

Увтыр

Айыслӧн сойыс — Любовь Грибова, история туялісь.

Пасйӧттэз