Коми-зыряна

Босьтöм Рувикиись

Экспертиза РАН

Logo-ran.pngLogo-ran-black.png
Чулӧтӧм экспертиза
Россиялӧн наукаэз академияӧн
Унажык
Aprove.svg

РНА-лӧн экспертиза

Arrow-Right.png
Logo-ran.png
Чулӧтӧм экспертиза
Россиялӧн наукаэз академияӧн
Унажык
Learning.svg

Б. Н. Ельцин нима библиотекалӧн материаллэз

Arrow-Right.png
Library.png
Эта статьяыс гижӧм
Б. Н. Ельцин нима Президентскӧй библиотека фонддэзісь материаллэзӧн
Унажык
Коми
Ӧння кадся асним кз. коми морт, коми войтыр, комияс[1]
Отир лыд 350 000 (2021 вося отирлыддьӧм сьӧрті)
Олӧмин

 Российскӧй Федерация:
143 516 (2021 во)[2], 228 235 (2010 во)[3], 293 406 (2002 во)[4]

    •  Коми Республика:
        202 348 (2010 во)[3], 256 464 (2002 во)[4]
    • Ямал Яран автономнӧй округ Ямал Яран автономнӧй округ:
        5141 (2010 во)[3], 6177 (2002 во)[4]
    • Яран автономнӧй округ Яран автономнӧй округ:
        3623 (2010 во)[3], 4510 (2002 во)[4]
    • Ханты-Манси автономнӧй округ — Йӧграму Ханты-Манси автономнӧй округ — Йӧграму:
        2364 (2010 во)[3], 3081 (2002 во)[4]
    • Мурманск область Мурманск область:
        1649 (2010 год)[3], 2177 (2002 во)[4]
    •  Санкт-Петербург:
        1072 (2010 год)[3],  1455 (2002 во)[4]
    • Тюмень область Тюмень область (ХМАО да ЯЯАО-тӧг):
         964 (2010 во)[3],  1 297 (2002 во)
      (ХМАО да ЯЯАО-ӧн: 8469, 2010 во; 10555, 2002 во)
    • Архангельск область Архангельск область(ЯАО-тӧг):
         960 (2010 во), 1235 (2002 во)
      (ЯАО-ӧн: 4583, 2010 во; 5745, 2002 во)
    •  Москва:
         565 (2010 во),   734 (2002 во)[4]
    • Москва область Москва область:
         541 (2010 во)[3],   708 (2002 во)[4]
    •  Краснодарскӧй край:
         502 (2010 во)[3],   684 (2002 во)[4]
    • Ленинград область Ленинград область:
         456 (2010 во)[3],   669 (2002 во)[4]
    •  Свердловск область:
         445 (2010 во)[3],   629 (2002 во)[4]
    • Омск область Омск область:
         403 (2010 во)[3],   708 (2002 во)[4]
    •  Пермскӧй край:
         356 (2010 во)[3],  1 181 (2002 во)[4]
    • Вологда область Вологда область:
         295 (2010 во)[3],   367 (2002 во)[4]
    •  Нижегородскӧй область:
         258 (2010 во)[3],   532 (2002 во)[4]
    • Иваново область Иваново область:
         267 (2010 во)[3],   191 (2002 во)[4]
    •  Карелия:
         182 (2010 во)[3],   282 (2002 во)[4]
    • Новгород область Новгорода область:
        123 (2010 во)[3],   150 (2002 во)[4]

 Украина:
1545 (2001 во)[5]
 Латвия:
194 (2023 вося арталӧм)

 Эстония:
89 (2021 вося отирлыддьӧм)[6]
Кыв коми, роч
Религия православие (одзжык сідзжӧ бурсьылысь нима эскӧм), староверрез, традиционнӧй эскӧммез
Раса европеоид расаись асыввыся балтика тип[7]
Пырӧ финн-йӧгра
Ӧтувтырья отир перем комиэз, удмурттэз
Вужжез пермяна, заволочье чудь, печора
Логотип РУВИКИ.Медиа Медиафайлы на РУВИКИ.Медиа

Коми (коми-зыряна, коми йӧз, важмӧм нимныс — зыряна; кз. коми; асним — комияс[1], коми морт, коми войтыр[8], у. л. — комияс; рочӧн Коми (народ)) — финн-йӧгра кывья отир (перем увтырись), олӧ Россияын унажыксӧ Эжва, Печора да Кама юэз пӧлӧн, Коми Республикалӧн вужотир[9]. Сідзжӧ зыряна олӧны Пермскӧй крйын, Мурманск областьын, Ханты-Манси да Ямал Яран автономнӧй округгезын.

Коми-зыряна — ыджыт этногруппа, кытчӧ пырӧны вылісь эжваса, емваса, изьватас, печораса, лузса, сыктывса да удораса[10]. Быд групааыс сёрнитӧ ас диалектӧн.

Зыряна киння коми отирас пырӧны перем комиэз, кӧдна сёрнитӧны перем коми кылӧн, да ёдзваса комиэз, кӧдналӧн эм асласныс кыв. Нія олӧны унажыксӧ Пермскӧй крайын. Куимнан йӧзыс финн-йӧгра кывьяӧсь да матісьӧс.

Зыряна да вотяккез традиционнӧй паськӧмӧн. 1862 во

Этнониммезлӧн аркмӧм

Коми этнонимыс аркмӧм йылісь эмӧсь уна версияэз. Ныись торйӧн тодилялӧны кыкӧ:

  • Кама ю нимись, сідз коми морт кывтэчас вежӧртасӧн лоӧ «Кама пӧлӧн олісь»[11];
  • этнонимсӧ ӧткодялӧны венг. hím, манс. хум «айморт, морт» кыввезӧн[12].

Коми кылыс, кӧда эм кыкнан коми йӧзыс ниммезын, лоӧ аснимӧн, пермяккез да зыряна — роч кывья экзониммез[13]. Кыкнан экзонимыс пырисӧ важ роч кылас балтика дорся финн кылісь да ны вежӧртасӧн вӧлі весь нима важ йӧзсянь асыввывся ладорын олісь перем кывья отир:

  • зырь, зырянин ← syrjä «визир»;
  • пермь, пермяк ← perä maa «бӧрся му».

Зыряна нимыс сырьяне, серьяне формаын медодззаись пантасьӧ Ыджыт Перемся Степан олӧм йылісь небӧгын (XV сёво), да 1570-ӧт воэзӧ «зырянин» экзонимыс лякасьӧ ӧння кадся зыряна отир бердӧ, ӧтласа «перем», «пермь» нимыс, кӧда медодззаись пантасьӧ медваж тӧдса «Повесть временных лет» нима летопись списокын (XII сёво пон), ӧшӧ[11].

Коми йӧзӧн олана территория Россияын

Паськалӧм да лыд

Россияын коми отирись унажыкыс (202,3 сюрс морт (2010 во)[3], 256,5 сюрс (2002 во)[14], традиционнӧя олӧны Коми Республикаын, кытӧн нія аркмӧтӧны 23,7 % быдӧс олісьпӧлӧсісь (65,1 % (556 сюрс мымда) — роччез). Республикаись деревняэзын коми отирлӧн процентыс каррезын оліссезся ыджытжык.

Быдӧссӧ Россия пасьта коми-зыряна вӧлісӧ 228 сюрс мымда морт 2010 воӧ[3] да 293 сюрс морт 2002 воӧ[14]. Коми-зыряна неыджыт анклаввезӧн да сорӧн олӧны Архангельск, Мурманск, Киров, Омск да мӧдік РФ областтезын.

Коми кывйӧн сёрнитіссез Россияын абу уна — чужан кылӧн коми кывсӧ шуисӧ коми этносісь дзир 169 сюрс морт (2002 во)[14].

Украинаын, 2001 вося отирлыддьӧм сьӧрті, олісӧ 1545 коми-зыряна, кӧдна коласісь чужан кылӧн коми кывсӧ шуисӧ 330 морт (Украинаын быдӧс коми отирись невна 1/5-ся унажык), украинскӧй кыв — 127 морт (8%-ся унажык), мӧдіккез — унажыксӧ роч кыв[5].

Коми-зыряна да коми-пермяккезлӧн паськалӧм

Коми отирлӧн ӧтласа лыдыс (коми-зыряна ӧтлаын коми-пермяккезкӧт да коми-язьвинсакӧт, кӧдна унажыксӧ олӧны Пермскӧй крайын) мирын лоӧ 400 сюрс морт мымда.

Коми отирлӧн пай Россия районнэзын да каррезын (2010 вося отирлыддьӧм сьӧрті)

Мыччалӧмӧсь муниципалитеттэз, кӧднаын олісьпӧлӧс лыдын коми отирлӧн пайыс 5 %-ся унажык:

Коми отирлӧн пай Россия районнэзын да каррезын
муниципальнӧй район, карся округ РФ-лӧн субъект коми отирлӧн %
Изьва МР Коми Республика 88,5
Кулӧмдін МР Коми Республика 75,8
Кӧрткерӧс МР Коми Республика 66,5
Сыктыв МР Коми Республика 64,2
Лузадор МР Коми Республика 54,8
Сыктывдін МР Коми Республика 45,7
Удора МР Коми Республика 43,8
Койгорт МР Коми Республика 35,3
Емдін МР Коми Республика 26,2
Мылдін МР Коми Республика 25,6
Сыктывкар КО Коми Республика 25
Шурышкар МР Ямал Яран АО 17,9
Княжпогост МР Коми Республика 16,5
Ускар КО Коми Республика 13,8
Печора МР Коми Республика 12,7
Инта КО Коми Республика 10,4
Заполярнӧй МР Ямал Яран АО 10,4
Ловозеро МР Мурманск область 10,2
Вуктыл МР Коми Республика 10
Сӧснагорт МР Коми Республика 8,6
Уква КО Коми Республика 7,4
Нарьян-Мар КО Яран АО 7
Приуральскӧй МР Ямал Яран АО 6,8
Берёзовскӧй МР Ханты-Манси АО 5,2
Чилимдін МР Коми Республика 5
Коми Республикалӧн дӧрапас
Коми-зыряналӧн ареал. 2010 вося Дӧсроссияся отирлыддьӧм сьӧрті.

Этногенез да этническӧй история

Археологгез да этнологгез тодилялӧны эттшӧм ӧтамӧднысӧ вежана археологическӧй культураэзісь лёдз, кӧда вайӧтӧ ӧння кадся коми-зыряна культураӧдз:

  • неолит:
    • волосово культура;
  • бронза кад:
    • приказанскӧй культура (миян эраӧдзся XVI—IX сёвоэз);
  • кӧрт кад:

Медодззаись комиэзлісь (финн-перемса этнолингвистическӧй ӧткотырлісь) важжесӧ туяліссес адззӧны миян эраӧдз 2-ӧт сюрсвоӧн Ока да Кама ваӧммез дынын. Сёрӧнжык важ перемса важжез паськалӧны ойланьӧ, Камадорӧ.

Миян эраӧдз 1-а сюрсвоӧн (кӧрт кад) ӧння Коми Республика муэзӧ локтӧны перем важкылӧн сёрнитіссез. Миян эрася IV—VIII сёвоэзӧн Россиялӧн Европа ладорся асыв-ойвылын (ӧння коми отирлӧн олӧмин) аркмӧ ванвисдін культура. Миян эрася 1-а сюрсво шӧрӧн Шӧрӧт Камадорын важ перем кывья ӧткотыр юксис коми да удмурт вылӧ. Ӧтік тор муніс Эжва дорӧ, кытӧн сорласис ванвисдін культураись отиркӧт. Емва дорын да Эжва кывтытын медшӧр элементӧн, тыдалӧ, лоисӧ ванвисдінса, да Сыктылын да Эжва катытын унажыкыс вӧлі Камадорись локтӧм отир. Ӧтлаын олӧм бӧрын аркмис емва культура (IX—XIV свз.), кӧда лӧсялӧ важгижӧттэзісь Эжва Перемкӧт.

Прото-коми увтыррезлӧн одзланься зоралӧм сьӧрті аркмис емва культура (IX—XIV свз.), кӧда вӧлі йитчӧм родановскӧй культуракӧт. Прото-комиэзлӧн вӧлісӧ вузасян да культура йитӧттэз балтикадорся финн кывья отиркӧт, булгаракӧт  (перм.рус., Рочмукӧт да иран кывья степьын олісь йӧззэзкӧт. Емва культура медбӧрья периодын сы вылӧ тӧдчанаӧн вӧлісӧ лунвывсянь ордчча оліссез. Медбӧрья периодас чулалӧ асыввывся славяналӧн важ роч культуралӧн ыджыт тӧдчӧтӧм.

Рочму вынсялӧмкӧт XII сёвоӧ Перемыс пырӧ Новгород республика кипод увтӧ. XIII сёвосянь пондӧтчӧ тӧдчана славянскӧй (новгород да ойвывся роч, мӧднёж шуны, суздальса, да сыбӧрын ростовса) колонизация, кӧда коста олісьпӧлӧс кӧть и вӧлі воталӧм, да бура одзлань зорӧтіс культура. Сійӧ бура мыччалӧ археология — сія кадӧ мылькйӧ дзебсяныс жагӧника вежсьӧ христиана мозӧн, уна еналӧм, кыдз зыряналӧн медшӧр эскӧм, олӧ ӧткоста православиекӧт, да зыряна олӧмӧ пыр уна новация.

XIV сёво пондӧтчикӧн Эжвадорся му сюрис Москва кипод увтӧ. Чайтсьӧ, мый XIV—XV сёвоэзӧ Перемлӧн епископ вӧлі сюзеренӧн коми муэзын[15].

XV—XVI сёвоэзӧ, славяна-роч Ойвылӧ овмӧтчӧм коста, коми этномассив вешсис асыввывланьӧ. Коми йӧз колисӧ Ву  (перм.рус., Пинега, Эжва кывтыт, Виледь, Яренга, Луз кывтыт муэз.

Зыряна лоисӧ медодзза финн-йӧгра йӧзӧн, кӧда пырис Москва кипод увтӧ[16], сія чулаліс сэтшӧма, мый Г. С. Лыткин арталіс: "вежӧртытӧг весь юасян ассит: кӧр зыряна му вуджис Ыджыт Новгород кипод увтісь Москва увтӧ? "[17].

Сы кадсянь XX сёво понӧдз комиэзлӧн этническӧй му дугдывтӧг паськаліс.

XVI—XVII сёвоэзӧ комиэз овмӧтчисӧ Эжва катытӧ, да XVIII—XIX сёвоэзӧ — Печора да Изьва дорӧ.

Матігӧгӧрса этноссэзкӧт ӧтолӧм коста комиэз лыдӧ пырисӧ вепссэзлӧн, роччезлӧн, яран да манси ассимилируйтӧм группаэз. Сія тӧдчӧ отир вывтыр да коми культуралӧн торья компоненттэзын, да вайӧтіс коми торья этнолокальнӧй группаэз аркмӧмӧдз.

XVI—XVII сёвоэзӧ коми территорияын вӧлісӧ тӧдсаӧсь мымдакӧ административнӧй юкӧн — волосьт да му: Удора волость, Глотов слобода, Емва му, Сыктыв му, Ужга волость да мӧдіккез. XVII сёвоӧ комиэз чукӧртчисӧСольвычегодскӧй, Яренскӧй да Пустозерскӧй уезддэзын. Коми муись петӧм йӧз вӧлісӧ Сибырын аркмӧтӧм унажык карлӧ подув пуктіссез да оліссез лыдын.

Коми-зыряна этнос формируйтчӧм помассис XVII—XVIII сёвоэзӧ[18]. XVIII—XIX сёвоэзӧ комиэз олісӧ Вологда губерниялӧн Усть-Сысольскӧй да Яренскӧй уезддэзын. XVIII—XIX сёвоэз медодзза джынын комиэс активнӧя овмӧтчисӧ ордчча Архангельскӧй губернияись Мезенскӧй уездӧ. XIX сёвоӧ тӧдчана лыдӧн коми-зыряна да коми-пермяккез овмӧтчисӧ Алтайӧ. 1870-ӧт воэз пондӧтчикӧн комиэс аркмӧтісӧ ӧння Омск область территорияын унакодь оланаин. XIX сёво шӧрсянь изьватас ыджыд лыдӧн овмӧтчисӧ Из сайӧ. 1880 воэз шӧрын изьватас кӧрвӧдитісь группа вердасму тырмытӧм кузя мунісӧ овны Кола кӧджӧ. XVIII сёвосянь ыджыд роль комиэзлӧн пондісӧ орсны ветлан промыселлэз. Коми-пермяккезлӧн вӧлі зорамӧм тшупсян уджжез понда ветлӧм мӧдік регионнэзӧ, шуам, Из сайӧ. Коми-зыряна сьӧм шедтӧм понда ветлывлісӧ Сибирӧ нето Роч Ойвывся уезддэзӧ, уджӧн вӧлісӧ гынкок керӧм, дорсян удж да мӧдік кипода удж[19].

Коми отирлӧн лыд Россияын XVIII сёвося ревизияэз сьӧрті[20]:

Во (ревизия) Сюрс морт
1719 (1-а ревизия) 41,6
1745 (2-а ревизия) 43,7
1763 (3-ӧт ревизия) 44,0
1782 (4-ӧт ревизия) 47,2
1795 (5-ӧт ревизия) 52,4

1865 вося юӧррез сьӧрті, кӧдна йӧзӧтӧмӧсь «Российскӧй империяын олісь йӧззэзлӧн анбурья нимлёдзын», коми-зыряналӧн ӧтувья лыдыс 120 сюрс морт оліс Архангельск губерниялӧн Мезенскӧй уездын, Вологда губерниялӧн Усть-Сысольскӧй да Яренскӧй уезддэзын, да сідзжӧ паськӧтӧмӧн Сольвычегодскӧй уездісь посаддэзын[21].

1897 вося Дӧсроссияся отирлыддьӧм сьӧрті комиэз (чужан кыв — зыряна) олісӧ эттшӧм губернияэзын:[22]

Губерния Айпӧлӧс Иньпӧлӧс Быдӧссӧ
Вологда 52762 62204 114966
Архангельскӧй (Кардор) 11058 12201 23259
Тобольскӧй 3609 3474 7083
Пермскӧй 3290 1184 4474
Мӧдік губернияэзын 2316 1520 3836
Быдӧссӧ империя пасьта 73035 80583 153618

Ны коласісь каррезын олісӧ дӧс отир лыдісь 4%-ся унажык (6340 морт)[23].

1921 во гожумпом 22 лунӧ РСФСР-ын вӧлі аркмӧтӧм Коми (Зыряна) автономнӧй область, кӧдалӧн шӧриннас вӧлі Усть-Сысольск, мый пуктіс коми отирлӧн национальнӧй автономиялӧ подув[24]. Сыӧ пырисӧ Архангельскӧй губернияись Печора уездлӧн ыджытжык тор, Северо-Двинскӧй губернияись быдсӧн Усть-Сысольскӧй да Яренск уездлӧн ыджытжык тор. Аркмӧттӧн автономиялӧн ыждаыс вӧлі 375 сюрс км2 мымда, а оліссезлӧн лыдыс вӧлі 179,8-180 сюрс морт[25]. 1926 вося Дӧссоюзся отирлыддьӧм сьӧрті (1938 вося лыддьӧмись даннӧйезӧ вежсьӧммез пыртӧмӧн), Коми АССР-ын оліссезлӧн ӧтласа лыдыс вӧлі 224,9 сюрс морт[26], ны коласісь коми-зыряна вӧлісӧ 92,2 % .

1929 воӧ коми-зыряналӧн автономнӧй область пырис Севернӧй крайӧ, да 1936 вося арпомӧн автономнӧй областьыс вӧлі пӧртӧм Коми АССР-ӧ РСФСР-ын. 1959 вося отирлыддьӧм сьӧрті, СССР-ын коми-зыряналӧн лыдыс вӧлі 287 сюрс 27 морт[27].

1990 во арпом 23 лунӧ Коми АССР вӧлі пӧртӧм Коми Советскӧй Социалистическӧй Республикаӧ (Коми ССР)[28], да 1992 восянь — Коми Республика.

Этнографическӧй группаэз

Юкӧны эттшӧм этнографическӧй группаэз: вылісь эжваса, улісь эжваса, вишерса, емваса, изьватас, печораса, луздорса, сыктывса, удораса. Комиэзлӧн локальнӧй этнографическӧй группаэз видзсисӧ XX сёво понӧдз. Культураын медыджыт ассямаыс вӧлі удорасаэзлӧн — Ву да Мозын  (перм.рус. катытын олісь отирлӧн, изьватаслӧн — Печора кывтытын олісь отирлӧн, луздорсаэзлӧн — Луз да Летка катытын олісь отирлӧн.

Антропология да генетика

Брокгауз да Ефронлӧн энциклопедия кывкудын, кӧда петіс XIX сёво помын — XX сёво понын, эттшӧма гижӧм коми-зыряна йылісь:[29]

Зырянаыс шӧрӧт мыгӧра, удораса киння, кӧдна ыджыт мыгӧраӧсь; лысинныс вына да веськыт; финн тип абу тӧдчана ны чужӧммезын; юрсиыс унажыкыслӧн сьӧд, руд да мурӧма синнэзаӧсь; шочажык пантасьӧны чочком юрсиа да лӧз синъя морттэз.

Коми йӧзӧс паськыта соматологическӧя туяліс Н. Н. Чебоксаров ХХ сёвося медодзза джын помын. Туялӧмыс мыччаліс, мый сублапоноиднӧй вятско-камскӧй антропологическӧй типыс унажык кыдз коми-зыряналӧн, сідз и коми-пермяккезлӧн, мый матыстіс нійӧ удмурттэзкӧт да финн-волга отирлӧн мукӧд группаэзкӧт. Зыряналӧн, сы паныт, вӧлісӧ сідзжӧ фиксируйтӧмӧсь чочком саридзся да асыввыв балтика типпез, унажык ойвывя да рытвывся этнографическӧй группаэзлӧн, да сідзжӧ уральскӧй тип ой-рытвывся группаэзлӧн, мый вежӧртӧтсьӧ яран, ханты да манси отиркӧт контакттэзӧн[30].

1980-ӧт воэзся В. И. Хартановичлӧн краниологическӧй туялӧм мыччаліс, мый коми-зыряналӧ характернӧйжык торья европеоиднӧй краниологическӧй тип, кӧда матынжык кареллэзлӧн краниотип дынӧ, абу коми-пермяккезлӧн дынӧ[31]. Коми-пермяккезісь да удмурттэзісь торьялӧмӧн, коми-зыряналӧн краниологическӧй типыс асыввыв балтика кодь, ӧткодь кареллэзкӧт, ижора да чепцашӧрся удмурттэзкӧт. Коми-зыряналӧ зэв матын родановскӧй культураа оліссезлӧн антропологическӧй комплекс, мый йитӧм миян эрася II сюрсво шӧрын Эжвасянь Кама катытӧ крестьянаӧн овмӧтчӧмӧн[7].

ДНШ

Вӧлісӧ чулӧтӧмӧсь Коми Республикаись коми-зыряналісь куим Y-ДНШ (кӧда вуджӧ веськыта айкокпӧлӧт) туялӧм, ныись ӧтік вӧлі дзир I гаплогруппа сьӧрті. Сідз тырви вӧлісӧ чулӧтӧмӧсь кык туялӧм.

  • Komi Tambets 2004[32]

Total 94 — I — 5,3 %, N1b-P43 — 12,8 %, N1c-Tat — 22,3 %, R1a — 33 %, R1b — 16 %, мӧдіккез — 10,6 %.

  • Komi Rootsi 2004

Total 110 — I1a — 3,6 %, I1b — 0,9 %, мӧдік гаплогруппаэз — 95,5 %.

  • Komi Izhemski KOI Malyarchuk 2009

Total 54 — N1b 17 % (унажык гаплотиппез петӧны кыдз N1b), N1c1 — 52 %, R1a1 — 30 %, мӧдіккез — 2 %.

  • Komi Priluzski KOP Malyarchuk 2009

Total 49 — N1b 14 % (унажык гаплотиппез петӧны кыдз N1b), N1c1 — 50 %, R1a1 — 33 %, мӧдіккез — 6 %.

Сідзжӧ вӧлісӧ туялӧмӧсь коми-зыряна, кӧдна сёвоэз сьӧрна олӧны ЯЯАО-ын. Колӧ тодилявны, мый туялӧм чукӧрлӧн ыждаыс вель учӧт — дзир 28 морт. Результаттэз:

  • Komi YNAO Karafet 2002 Rootsi 2007, Total 28 — N1b-P43 — 35,7 %, N1c — 50 %, мӧдіккез — 14,3 %.

Результаттэз озӧ ӧддьӧн торьяссьӧ, босьтны ко тӧдвылӧ, мый торьясьӧмыс, кыдз петӧ, унажыксӧ тӧдчана быдкодь муэзісь коми-зыряна коласын.

Комиэзлісь адззисӧ V (0,6 %), U5b1b1 (1,8 %), H1 (2,1 %), D5 (1,8 %), Z (1,8 %) митохондриальнӧй гаплогруппаэз.

Кыв

Быдса статья: Коми (зыряна) кыв

Коми-зыряна сёрнитӧны комиӧн зыряна моз, кылыс пырӧ урал кывья котырись финн-йӧгра группа перем увтырӧ. Медматісь кыввезӧн лоӧны перем коми да ёдзваса коми кыввез, да сідзжӧ удмурт кыв.

Коми-зыряна кылас эмӧсь дас диалект: сыктывкардынся, улісь эжвася, вылісь эжвася, сыктывшӧрся, вылісь сыктывся, емвася, луза-леткася, изьватас, печорася да удорася.

Коми диалекттэз торйӧтӧмын медшӧр критерийӧн лоӧ «Л» шы пӧдана слогын шуӧм, сы сьӧрті юксьӧны куим тип: эла (Сыктыв да Печора катыт), вэ-эла (Эжва) и элтӧм диалекттэз (Изьва, Печора шӧр да кывтыт, Уса)[33].

1918 воӧ литературнӧй кыв туйӧ вӧлі босьтӧм сыктывкардынся диалект, кӧда лоӧ улісь эжвася, вылісь эжвася да сыктывся диалекттэз коласся сёрнитанӧн[34].

Автономнӧй областьын 1920-ӧт воэз шӧрсянь чулӧтӧм «зырянизация» («комизация») политика сьӧрті 1927 во кежӧ коми кыв вылӧ вӧлісӧ вуджӧтӧмӧсь быдӧс I тшупӧта коми школаэз (1924-25 велӧтчан во пом кежӧ сэтшӧммезӧн вӧлісӧ 217 школа 230-ись). 1930-ӧт воэзся мӧд джыннас вӧлі помалӧмкодь вылынажык типа школаэз чужан кывйӧн велӧтӧм вылӧ вуджӧтӧм. Аркмис педагогическӧй кадррез лӧсьӧтан зоралӧм система[35]. 1958 вося «Велӧтӧм йылісь» СССР-лӧн закон сетіс абу роч национальностя челядьлӧн аймамлӧ позьӧс бӧрйыны челядьныс понда велӧтан кыв, сы кузя чиніс коми кывйӧн велӧтан школаэзлӧн пай. Сэк жӧ пондіс чинны национальнӧй кывйӧн велӧтӧмыс, кыдз чужан кыв вылын — 1972 во кежӧ велӧтӧмыс чулаліс дзир одзшколаын, медодзза куим классын. 1980-ӧт воэз пондӧтчикӧ коми кыв вӧлі велӧтан кывйӧн 30 мымда школаын. 1970-1980-ӧт воэзӧ коми кывсӧ кыдз торья предмет велӧтісь челядьлӧн лыдыс чиніс 25 сюрссянь 15 сюрс мортӧдз[36].

Коми кывсӧ Коми Республикаын каналан кыввез коласісь ӧтікӧн лыддьӧм кузя сійӧ пондісӧ велӧтны ӧддьӧнжык. 1990 восянь 1999 воӧдз республикаса ӧтвелӧтан школаэзын коми кыв велӧтіссезлӧн лыдыс содіс 13 % вылӧ. 1999—2000 велӧтчан воӧ коми кывсӧ, кыдз чужан кыв, велӧтісӧ 16 сюрсся унажык велӧтчись 161 школаын[37].

Культура

Коми литература, кыдз коми кывйӧн гижан художествоа творчество, чужис ХІХ сёвося медодзза джынын[38]. Коми литературалӧ подув пуктісьӧн лоис поэт Иван Куратов[39]. Паськыта зорамис коми литература Октябрьскӧй революция бӧрын.

1961 воӧ Коми шылада театр мыччаліс медодзза национальнӧй коми балет «Яг-Морт»[40].

Шылад орсаннэз

  • Пӧльтан: куим-чипсан, чипсан[41].
  • Чеплялан: сигудӧк.
  • Бедья: сигудӧк.
  • Ныран: гудӧк (гармонняэз: двухрядка венскӧй, однорядка роч стройӧн, 7 клавишаа веськыт клавиатураын да 2 шульгаын, хромка).

Пасйӧттэз

  1. ↑ 1 2 Ко́ми-зыря́нский язы́к рус..
  2. ↑ Национальный состав населения Российской Федерации согласно переписи населения 2021 года. Видзӧтӧм 14 Гожумшӧр 2026.
  3. ↑ 1 2 3 4 5 6 7 8 9 10 11 12 13 14 15 16 17 18 19 20 21 Итоги Всероссийской переписи населения 2010 года в отношении демографических и социально-экономических характеристик отдельных национальностей. Видзӧтӧм 14 Гожумшӧр 2026.
  4. ↑ 1 2 3 4 5 6 7 8 9 10 11 12 13 14 15 16 17 18 19 Всероссийская перепись населения 2002 года. Видзӧтӧм 14 Гожумшӧр 2026.
  5. ↑ 1 2 Всеукраинская перепись населения 2001 года. Распределение населения по национальности и родному языку. Государственный комитет статистики Украины. Видзӧтӧм 14 Гожумшӧр 2026.
  6. ↑ RL21442: Population by ethnic nationality, mother tongue, citizenship, sex, age group and place of residence (settlement region), 31 december 2021. Statistical database. Видзӧтӧм 14 Гожумшӧр 2026.
  7. ↑ 1 2 Широбоков И. Г. Материалы к антропологии пермских народов XVII-XIX вв. (краниологические данные) // Ежегодник финно-угорских исследований. Вып. 3. Ижевск: Изд-во УдГУ, 2014. С. 80-98.
  8. ↑ БРЭ. Видзӧтӧм 9 Гожумшӧр 2026.
  9. ↑ Коми / И. Л. Жеребцов, Н. Д. Конаков, В. Э. Шарапов; Н. И. Жуланова (устное творчество) // Большая российская энциклопедия [Электронный ресурс]. — 2004.
  10. ↑ Коми. Этноатлас: народы и народности, населяющие Красноярский край. Видзӧтӧм 9 Гожумшӧр 2026.
  11. ↑ 1 2 Коми-зыряне. Энциклопедия уральских мифологий. Видзӧтӧм 9 Гожумшӧр 2026.
  12. ↑ Uralonet. Research Institute for Linguistics, HAS. Видзӧтӧм 9 Гожумшӧр 2026.
  13. ↑ Истомин Ф. Зыряне. Видзӧтӧм 9 Гожумшӧр 2026.
  14. ↑ 1 2 3 Игорь Жеребцов Тысячелетие народа Коми: человек и климат. ИнКоми (2006-10-21). Видзӧтӧм 9 Гожумшӧр 2026.
  15. ↑ Финно-угорские народы России: генезис и развитие (Учебное пособие). — Саранск: НИИ гуманитарных наук при Правительстве Республики Мордовия, 2011. — С. 156. — 220 с.
  16. ↑ Коми-зыряне. Ураловед (2017-04-20). Видзӧтӧм 9 Гожумшӧр 2026.
  17. ↑ Ульянов Н. И. Очерки истории народа коми-зырян. — Москва, Ленинград: Партийное издательство, 1932. — С. 59.
  18. ↑ История Коми с древнейших времён до современности. — ООО «Анбур», 2011. — Т. 1. — С. 54. — ISBN 978-5-91669-053-8.
  19. ↑ Финно-угорские народы: генезис и развитие (Учебное пособие). — Саранск: НИИ гуманитарных наук при Правительстве Республики Мордовия, 2011. — С. 175—176. — 220 с.
  20. ↑ Финно-угорские народы: генезис и развитие. — Саранск, 2011. — С. 173—174. — 220 с.
  21. ↑ Алфавитный список народов, обитающих в Российской империи. Демоскоп. Видзӧтӧм 9 Гожумшӧр 2026.
  22. ↑ Первая всеобщая перепись населения Российской Империи 1897 г. / Распределение населения по родному языку, губерниям и областям. Демоскоп Weekly. Видзӧтӧм 9 Гожумшӧр 2026.
  23. ↑ Брюханова Е. А. Межархивная база данных по документам переписи 1897 года: разработка структуры и особенности заполнения // Историческая информатика. — 2017-04. — Т. 4, вып. 4. — С. 1–10.
  24. ↑ История Коми с древнейших времён до конца XX века. — Коми книжное издательство, 2004. — Т. 2. — С. 289—290. — ISBN 5-7555-0802-X.
  25. ↑ М. Ю. Кудинова, В. Р. Черных, Е. В. Немалова Агропромышленный комплекс Республики Коми: история и современность. Статистический сборник. Федеральная служба государственной статистики Территориальный орган Федеральной службы государственной статистики по Республике Коми (2011). Видзӧтӧм 9 Гожумшӧр 2026.
  26. ↑ Безносова Н. П. Численность населения Коми автономной области в 1926 году: проблема отсутствия единства данных в источниках и историографии // Известия Коми научного центра УРО РАН. — 2017. — № 4 (32).
  27. ↑ Всесоюзная перепись населения 1959 года. Национальный состав населения по республикам СССР. Демоскоп. Видзӧтӧм 9 Гожумшӧр 2026.
  28. ↑ История Коми с древнейших времён до современности. — ООО «Анбур», 2011. — Т. 1. — С. 524. — ISBN 978-5-91669-053-8.
  29. ↑ Коми-зыряна // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.
  30. ↑ Чебоксаров Н. Н. Этногенез коми по данным антропологии // Советская этнография, №2. — 1946.
  31. ↑ Хартанович В. И. Новые материалы к краниологии коми-зырян // Новые коллекции и исследования по антропологии и археологии. — Наука, 1991.
  32. ↑ Kristiina Tambets [https://генофонд.рф/library/papers/Tambets2004.pdf The Western and Eastern Roots of the Saami — the Story of Genetic “Outliers” Told by Mitochondrial DNA and Y Chromosomes]. Генофонд.рф. Видзӧтӧм 9 Гожумшӧр 2026.
  33. ↑ Ракин А. Коми язык // Республика Коми: Энциклопедия. — Сыктывкар: Коми книжное издательство, 1966. — Т. I. — С. 173.
  34. ↑ Лыткин В. И. Коми-зырянский язык // Языки народов СССР. Т. 3: Финно-угорские и самодийские языки. — М.: Наука, 1966. — С. 282.
  35. ↑ Финно-угорские народы: диалектика жизненных ценностей. Учебное пособие / Под ред. П.Н. Тултаева. — Саранск: НИИ Гуманитарных наук при Правительстве республики Мордовия, 2013. — С. 124. — 195 с.
  36. ↑ Финно-угорские народы России: диалектика жизненных ценностей / Под ред. П.Н. Тултаева. — Саранск: НИИ Гуманитарных Наук при Правительстве Республики Мордовия, 2013. — С. 131—133. — 195 с.
  37. ↑ Финно-угорские народы России: диалектика жизненных ценностей. Учебное пособие. / Под ред. П.Н. Тултаева. — Саранск: НИИ Гуманитарных наук при Правительстве Республики Мордовия, 2013. — С. 134. — 195 с.
  38. ↑ Кузнецова Т. Л. Изучение истории и поэтики коми литературы // Известия Коми научного центра УРО РАН. — 2020. — № 2 (42).
  39. ↑ Лимеров П. Ф. И. А. Куратов первый поэт коми народа: очерк жизни и творчества // Вестник Удмуртского университета. Серия «История и филология». — 2014. — № 4.
  40. ↑ Яг-Морт. Академический театр оперы и балета Республики Коми. Видзӧтӧм 9 Гожумшӧр 2026.
  41. ↑ Коми йӧзкостса шылада ворсанъяс (Коми национальные музыкальные инструменты). Централизованная библиотечная система г. Сыктывкар. Видзӧтӧм 14 Гожумшӧр 2026.

Литература

Ыстӧттэз

Босьтӧма "https://koi.ruwiki.ru/w/index.php?title=Коми-зыряна&oldid=218854"-ись