Ливвиккез

Кареллэз-ливвиккез
Кареллэз-ливвиккез
Отир лыд	19 000
Олӧмин	Россия
Кыв	ливвик кыв, роч кыв
Религия	православнӧй
Пырӧ	кареллэзӧ
Ӧтувтырья отир	кареллэз, вепссэз, людиккез, ливвез

РНА-лӧн экспертиза

Чулӧтӧм экспертиза
Россиялӧн наукаэз академияӧн

Унажык

Кареллэзлӧн национальнӧй дӧрапас

Ливвиккез, кареллэз-ливвиккез (ливв. liygiläzet, рочӧн ливвики, сідзжӧ карелы-ливвики да олонецкие карелы) — ӧтік куим ыджыт субэтносісь (людиккез да кареллэз киння) карел этнос составын. Сідзжӧ, кыдз людиккезлӧн субэтнос (карел. lyydilaizet), тӧдчӧмӧн торьяссьӧ культура да кыв сьӧрті (дзик алфавит сьӧрті) кареллэзісь. Ливвиккез унажыксӧ олӧны Олонецкӧй Карелияын, Ладога дорся асыввыв да ойвылын^[1]^[2].

История да аркмӧм

Ливвиккезлӧн этногенез, кыдз и быдӧс карел отирлӧн, ӧнӧдз абу бура тӧдмалӧм. Ӧтувтӧм чайтӧм сьӧрті, субэтносыс аркмис шӧрӧт кад костася корела да весь контакт дырйи, чайтсьӧ, мӧдік компонентыс вӧлі превалируйтана, мый и аркмӧтіс медбӧрын ливвик кывлісь да культуралісь ассямасӧ. Мукӧд юӧра ӧшмӧссэзын вӧлісӧ видзӧтӧмӧсь ливвиккезлӧн балтикадорся отирісь петӧм йылісь версияэз, сідз кыдз нылӧн аснимныс карел кыв вылын (карел. livvikoi) дзир ӧткодь ливвиккез аснимкӧт^[3]^[4]. Вермас лоны, мымдакӧ лив отир одз шӧр севӧэзӧ мигрируйтісӧ Ладога дорӧ да сорласисӧ корела отиркӧт, но колисӧ тӧдвылӧ ассиныс торья. Д. В. Бубрих тӧдчӧтіс, мый шӧрӧт сёвоэзся материальнӧй культуралӧн памятниккез мыччалӧны дзир лунвывсянь отир миграция йылісь, кӧдна автохтоннӧй кареллэзкӧт ӧтлаын аркмӧтісӧ ливвиккезлісь субэтнос.

Медодзза гижӧм ливвиккез йылісь касьтылӧмыс керӧм VI сёвоӧ: Иорданлӧн (перм.рус. «Геттэз аркмӧм да ны керӧм йылісь» небӧгын гижӧм Балтика дорся финнпӧлӧс кывья йӧӧзэз йылісь, кӧднӧ пыртіс ас кипод увтӧ готтэзлӧн юралісь Германрих. Унажык туяліссез (Ю. Коскинен, К. Мюлленгофф, В. Томашек да мӧдіккез) чайтӧны, мый эта нимлёдзсӧ Иорданыс вӧлі босьтӧм миянӧдз локтытӧм итинерарияись. Нимлёдзас меря да мордвакӧт тшӧтш гижӧм отир, кӧдна шусьӧны «Thiudos in Aunxis»", мӧднёж шуны, Ф. Браун сьӧрті, «олонецкӧй чудь» (унажык карел да мӧдік балтика бердся финн кыввезӧн ӧння кадӧдз Олонец тыыс шусьӧ «Aunus», лӧсялана падежас «Aunuksis»).

Ливвиккез юркарӧн одз шӧрӧт сёвоэз кадсянь вӧлі Олонец кар; крепость лэбтан кад абу тӧдса, медодз гижӧм юӧра ӧшмӧссэзын Олонец йылісь касьтывсьӧ Новгородлӧн князь Святослав Ольговичлӧн уставнӧй грамотаын, кӧда 1137 воӧ волі сетӧм Софийскӧй соборлӧ воттэз вежӧм йылісь Новгород епархия понда. Ливвиккезлӧн муыс пырліс Карел муӧ, Новгород мулӧн (перм.рус. Онего дорся пятинаӧ. Новгород мукӧт ӧтлаын ливвиккез пырисӧ Иван ІІІ дырни Москва канмуӧ, Олонецись крепость вӧлі капитальнӧя лӧсьӧтӧм 1649 воӧ. 1773 воӧ Екатерина II аркмӧтіс Новгород наместничество составын Олонец область, кытчӧ пырисӧ ливвиккезлӧн быдӧс муэз да кӧда юркарӧн 1782 воӧдз вӧлі Олонец.

1812 вося Отечественнӧй война коста лоисӧ паськыта тӧдсаӧсь олонецкӧй лыйсиссез — ливвиккезлӧн асъюралана ополченнё, кӧда вӧлі аркмӧтӧм профессиональнӧй вӧраліссезісь да тышкасьӧм егеррез моз яна стройын.

XX сёвоись куимӧт торӧдз унакодь ливвиккез олісӧ Финляндияын, сэтчин нія видзсисӧ ас кыв да культура бердӧ, но ӧння кадӧ финскӧй туяліссез шуӧмӧн нія быдсӧн ни ассимилируйтӧмӧсь да пырӧмӧсь финн этносӧ.

Кыв

Ливвик кывлӧн аркмӧмыс ӧнӧдз абу бура тӧдмалӧм, кыдз и абу тӧдса ливвиккезлӧн чужанін; сія пырӧ финн-йӧгра группаись балтика-финн кыввожӧ да классифицируйтсьӧ кыдз агглютинативнӧй кыв. Кылас эмӧсь важ вепс кылісь уна босьтӧм кыввез, а сідзжӧ рытвыв-балтикадорся лексикалӧн от, кӧда абу мӧдік карел кыввезын. Ливвекезлӧн гижан кыв аркмӧм йылісь абу бура тӧдса, XIX сёвоӧ гижан кылыс вӧлі кириллицаа, 1930 воэзӧ вӧлі пыртӧм латиница.

Ливвик кывлӧн важмӧм алфавит

A a	B b	Č č	D d	Ǯ ǯ	E e	F f	G g
H h	I i	J j	K k	L l	M m	N n	O o
P p	R r	S s	Š š	Z z	Ž ž	T t	U u
V v	Ü ü	Ä ä	Ö ö	'

Ливвик кылын торйӧтсьӧны эттшӧм диалекттэз да субдиалекттэз: † — ӧшӧм диалекттэз

сямозеро †
тулемаярви
ведлозеро †
вителя †
салма (видлица)
коткатьярви
рыпушкала
неккула

Российскӧй лингвистикаын ливвик кылыс лыддисьӧ карел кывлӧн диалектӧн, да финн кыв туяліссез унажыксӧ лыддьӧны сійӧ торья кылӧн.

Пасйӧттэз

↑ Ливвики, не людики. Республика. Видзӧтӧм 26 Тӧвпом 2026.
↑ Манаков А. Г., Тетерина Н. К. Территориальное развитие прибалтийско-финских народов, разделенных государственными и административными границами (на примере карел, вепсов и сету) // Балтийский регион. — 2015. — № 1.
↑ Рывкина Г. В. «Словарь карельского языка» как источник по изучению традиционной культуры передвижения карелов-ливвиков // Ученые записки Петрозаводского государственного университета. — 2020. — № 2.
↑ Логинов К. К. Названия и самоназвания субэтнических групп и феномен «Субэтнической ми микрии» в Карелии и на некоторых сопредельных территориях // Вестник Санкт-Петербургского университета. История. — 2009. — № 4.

Литература

Финно-угры и балты в эпоху средневековья. Археология СССР. Под ред.: Рыбаков Б. А. — М., 1987 г.
Финны в Европе. В 2-х томах. — М., 1990 г.
Вага Т. В., Потахин С. Б. Особенности расселения и землепользования карелов-ливвиков // Н. М. Пржевальский и современное страноведение: Материалы международной научно-практической конференции. Часть II. Смоленск: Изд-во СГУ, 1999.
Бубрих Д. В. Догосударственный период истории балтийско-беломорского севера.
Браун Ф. А. Разыскания в области гото-славянских отношений. С-Пб., 1899.
Иордан. О происхождении и деяниях гетов. СПб., Алетейя, 1997.

Ыстӧттэз

[1] Ливвики, не людики. Республика. Видзӧтӧм 26 Тӧвпом 2026.

[2] Манаков А. Г., Тетерина Н. К. Территориальное развитие прибалтийско-финских народов, разделенных государственными и административными границами (на примере карел, вепсов и сету) // Балтийский регион. — 2015. — № 1.

[3] Рывкина Г. В. «Словарь карельского языка» как источник по изучению традиционной культуры передвижения карелов-ливвиков // Ученые записки Петрозаводского государственного университета. — 2020. — № 2.

[4] Логинов К. К. Названия и самоназвания субэтнических групп и феномен «Субэтнической ми микрии» в Карелии и на некоторых сопредельных территориях // Вестник Санкт-Петербургского университета. История. — 2009. — № 4.

[1]

[2]

[3]

[4]

Финн-йӧгра отир
Волгабердся финн кывьяӧсь	Йӧззэз мари керӧс мари вӧр мари асыввыв-видзвывся мари видз мари асыввывся мари ветлуга мари рытвыв-ойвывся мари украина чемериссэз Мордва каратайез мокша терюхана шокша эрзя Важ йӧззэз вяда меря мещера мурома буртассэз¹
Перем кывьяӧсь	Йӧззэз коми изьватас вылісь эжваса улісь эжваса емватас печораса луздорса сыктывса удораса перем коми иньвенса дзуздінса ёдзваса² удмурттэз бесермяна
Балтикадорся финн кывьяӧсь	Йӧззэз вепссэз водь кревинггез ижора кареллэз ливвиккез людиккез тверса кареллез финскӧй кареллэз ливвез сету финнэз ингерманландеццез савакот эвремейссэз квеннэз эсттэз выру Важ йӧззэз чудь сумь емь корела весь нарова
Саами	Йӧззэз саами сколттэз Норвегияись саами Россияись саами Финляндияись саами Швецияись саами
Ойвыв финн³	Важ йӧззэз биарммез емь тоймиччез заволочскӧй чудь
Йӧгра кывьяӧсь	Йӧззэз венгррез сэкей яссэз чанго маддяраббез манси ханты
¹ Буртассэз йылісь теорияыс дискуссионнӧй. ² Ёдз комиэз — отир, кӧдӧ торйӧтӧны коми-зырянаись да перем комиэзісь. ³ Ойвыв финн важ йӧззэз — сідзжӧ чайтан ӧткывья отир котыр.