Буртассэз

Босьтöм Рувикиись

Экспертиза РАН

Logo-ran.pngLogo-ran-black.png
Чулӧтӧм экспертиза
Россиялӧн наукаэз академияӧн
Унажык
Aprove.svg

РНА-лӧн экспертиза

Arrow-Right.png
Logo-ran.png
Чулӧтӧм экспертиза
Россиялӧн наукаэз академияӧн
Унажык

Буртассэз (рочӧн буртасы) — отир котыр, кӧда оліс Волга веськыт вадорся шӧрӧт визывтанінын. Медодззаись касьтывсьӧны арабскӧй авторрезӧн IX сёвоӧ, роч литературнӧй памятниккезын — XIII сёвосянь[1]. Буртассэзлӧн этническӧй вужжес абу тӧдсаӧсь. IX—X сёво пондӧтчикӧ вӧлісӧ Хазарскӧй каганат кипод увтын. Ассимилируйтӧмӧсь булгараӧн да мӧдік Волга дорын олісь йӧззэзӧн[1].

История

«Буртас» этнонимыс IX сёво понсянь касьтывсьӧ арабскӧй да персидскӧй географфез уджжезын (Ибн Руст, Ибн Хаукаль, Аль-Масуди да мӧд.) да и уна мӧдік история сьӧрті юӧра ӧшмӧссэзын[2].

Буртас нима йӧз олӧм V—XI сёвоэзӧ Волга ю кыкнан вадорын (Сызраньсянь Волгоградӧдз ӧння кадся Саратов, Ульяновск[3] да Пенза областтез территорияын)[4].

Буртассэз Хазарскӧй каганатлӧн доминируйтан сфераын (мыччалӧм лӧз рӧмӧн), ІX сёво пон.

VII—VIII сёвозӧ ны муэзӧт ойвылӧ мунісӧ булгара, кӧдна овмӧтчисӧ буртассэзлӧн ойвывся муэзӧ[5][6][3]. VII сёвоӧ буртассэз ӧктывлісӧ дас сюрс мымда верзьӧм воинӧс, кӧдна ветлісӧ тышккезӧн булгара да печенеггез вылӧ. VII сёво понӧ нія сюрисӧ Хазарскӧй каганат  (перм.рус. кипод увтӧ, да X сёво помын — Рочму кипод увтӧ[7].

XI сёвоӧ половеццез локтӧм бӧрын буртассэз ӧштісӧ ассиныс выннысӧ[7]. XI сёвоӧ мунісӧ ойвыв-рытвылӧ, Сура катыт бассейнӧ да мымдакӧ Мокша да Цна юэз дорӧ[7].

XII сёво пондӧтчикӧ роч летописьын касьтывсьӧны (мордва да черемиссэзкӧт ӧтлаын) кыдз киевскӧй княззезлӧн кипод увтся отир. 1380 воӧ буртассэз пырисӧ беклербек Мамай войскоэзӧ, кӧдна участвуйтісӧ Куликовскӧй битваын  (перм.рус.. XVI—XVII сёвоэзся актовӧй документтэзын нійӧ мыччалӧны кыдз Мордовия да мещера муэзӧ локтӧм отирӧс[2].

Пенза областись Городище кар дынын иналӧ Буртас важся кар[8]. Буртассэз пуктісӧ пай волгадорся йӧззэз этнокультурнӧй зорамӧмӧ: волга булгаррез, татара[9] (татара-мишара[10]), мордва, башкиррез да мд[11]. Мишаралӧн XVIII сёвоӧдз параллельнӧя вӧлі буртас этноним[12][7].

Роч юӧра ӧшмӧссэз буртассэз йылісь озӧ касьтывлӧ. «Рочму погибнитӧм йылісь кыв» гижӧтын нія шуӧмӧсь финн кывья Рочмукӧт ордччӧн олісь отирӧн. Роч летописьын буртассэз касьтывсьӧны Зарниа Ордаын оліссез коласын. Сідзжӧ Устюжскӧй летописьын нія касьтывсьӧны кыдз Мамай войскоись йӧз, Никоновскӧй летописьын 1396 воӧ вӧлӧмась Перемкӧт ордччӧн[4].

Аркмӧм йылісь теорияэз

Буртассэзӧн кылыс кольччӧ научнӧй дискуссияэз могӧн да быдкодь, овлӧ ӧтамӧдӧс кинньӧвтан, чайтӧммезӧн[13]. Историографияын эмӧсь эта этническӧй группа сьӧрті уна статьяэз[4].

Алан-ассэз

Персидскӧй хронист Рашид ад-Дин казьмӧтӧ буртассэсӧ ӧтлаын мокшакӧт (мухша) да эрзякӧт (арджа)[4]. Археолог Г. Е. Афанасьев ӧткодялӧ буртассэсӧ аланнэзкӧт. Иранскӧй версия дор видзись туяліссез реконстируйтӧны этноним «буртас» fard-as формаын (ас-новйӧтліссез)[14]. Арабскӧй юӧра ӧшмӧссэзын гижӧм, мый буртас кылыс абу ӧткодь булгара да хазара кыввезкӧт. Иранскӧй гипотезасӧ осьтісӧ О. И. Прицак, И. Г. Добродомов, да сійӧ дорйӧны В. В. Напольских, Д. С. Раевский да мд. Археология сьӧрті буртассэзлӧн памятниккез пырӧны салтовскӧй ареалӧ, кыдз и булгаррезлӧн памятниккез. Сідзжӧ казялӧмӧсь уна осетино-мордовскӧй параллеллез дзебсянтасын да костюмын[4]. Е. С. Галкина мыччалӧ, мый буртассэзлӧн вӧлӧма шойсотӧм да ӧткодялӧ сійӧ сарматтэз-аланалӧн вӧвлӧм сэтшӧм жӧ ритуаллэзкӧт[2].

Тюрк теория

Мукӧд туяліссез лыддьӧны буртассэсӧ тюрккезӧн[15] (И. Смирнов, С. М. Середонин, Ф. Ф. Чекалин, В. Вестберг, А. Х. Халиков, М. Г. Сафаргалиев, Ш. Бахтиев, С. Ромашов, Г. Н. Белорыбкин, М. Р. Полесских). Сэтшӧм чайтӧмыс аркмӧм сы кузя, мыля Тахир аль-Марвази да Гардизи гижӧтын тюрккез йылісь юкӧнын гижӧм буртассэз йылісь, а сідзжӧ сы йылісь, мый буртассэзлӧн религияыс ӧткодь огузззэзлӧн религиякӧт. М. Р. Полесских йитӧ буртассэсӧ гӧрд-мурӧма керамикаа оланаиннэзӧн. Сія мымдакӧ вачкисьӧ булгарскӧй вылӧ. Сія тодилявліс, мый буртассэз петісӧ ӧнняся Пенза область территорияын сы бӧрын, кыдз 965 воӧ великӧй князь Святослав Игоревич вермис тышкӧн Хазарскӧй каганатсӧ. М. Р. Полесскихлӧн (1952—1978 воэз) и Г. Н. Белорыбкинлӧн (1998—2000 воэз) экспедицияэз туялісӧ Золотарёвскӧй важся кар  (перм.рус.. Сы территория вылісь вӧлісӧ адззӧмӧсь верблюдлӧн лыэз. Сюрис я эта подаыс вузасян караванӧн, быдтісӧ я буртассэз асьныс верблюддэсӧ — тӧдтӧм[16].

Мордва (финн-йӧгра)

П. С. Савельев, Я. Маркварт, В. В. Бартольд, В. Ф. Минорский лыддьӧны буртассэсӧ мордвалӧн юкӧнӧн[4]. П. Голден ӧткодялӧ буртассэсӧ финн-йӧгра кывья массивкӧт, лыддьӧ мишара да мордва чужтіссезӧн. А. П. Новосельцев лыддьӧ буртассэсӧ Волгадорся финн кывья ӧшӧм йӧзӧн[4].

Теория йитӧ буртассэсӧ городецкӧй археологическӧй культура памятниккезӧн[7][17]. Буртассэзлісь археологическӧй памятниккез адззисӧ мордваэзлӧн овмӧтчан муэзісь. Но нія озӧ вачкисьӧ мордовскӧйез вылӧ[4].

Олӧмтас

Удж — пода видзӧм, мувӧдитӧм, вӧралӧм да мазаптӧм[1]. Марвази шуӧмӧн, сюра пода киння «нылӧн эмӧсь порссез». Порссез йылісь гижсьӧ медодз, мый характеризуйтӧ буртассэсӧ не кыдз номад-подавидзиссезӧс, а кыдз пукса оліся подавидзӧтіссезӧс, кӧдна олӧны вӧрья степь зонаись лунвылын, степькӧт визир дынын.

Вузасисӧ дона гӧнӧн. «Буртассэз муись вайӧны сьӧд руччезлісь кучиккез, — гижӧ Аль-Масуди, — нія меддонаӧсь. Ны коласын эмӧсь кынымкӧ вид: рудӧсь да чочкомӧсь, нія абу донажыкӧсь низь да кынь кучикся… Сьӧд гӧна руччес озӧ пантасьӧ эсся мирын, дзир эта муын да сыкӧт ордчча муэзын. Мӧдік неарабскӧй царрез вермасьӧны ӧтамӧд коласын этна кучиккезісь керӧм дона паськӧммезӧн да керӧны ныись юрвевттэз да пассез, сійӧн сьӧд кучиккес лыддиссьӧны меддонаэзӧн. Вайӧны нійӧ Баб-уль-Абвабӧ (ӧння кадся Дербент), Берда`а-ӧ (кар Кавказын) да Хорасанісь мӧдік канмуэзӧ. Нуӧтлӧны нійӧ славяна муэзісь ойвылӧ… а сыбӧрын нуӧтӧны Франция да Испания муэзӧ. Сэтчинсянь нуӧтӧны сьӧд да гӧрд руччезлісь дона кучиккесӧ Магрибӧ». Буртассэзлӧн дона гӧн экспортын руч кучик киння сідзжӧ вӧлісӧ тулан, сьӧдбӧж, низь, ур да мой кучиккез; быдӧс этна вӧрпиэс вермисӧ лоны дзир вӧрья степьын[1].

Ӧтласа юралісьныс эз вӧв, юралісӧ старейшинаэз[7]. Ӧтік юӧра ӧшмӧсын гижӧм, мый «нылӧн пуовӧй керкуэз, ныын олӧны тӧвнас, да колаэз, ныын олӧны гожумнас»[6].

Пасйӧттэз

  1. ↑ 1 2 3 4 Буртасы — история России до 1917 года рус.. russiahistory.ru. Видзӧтӧм 11 Тӧвпом 2026.
  2. ↑ 1 2 3 Афанасьев Г. Е. Буртасы. Большая российская энциклопедия. Видзӧтӧм 12 Тӧвпом 2026.
  3. ↑ 1 2 Смирнов А. П. К вопросу о буртасах // Краеведческие записки (Ульяновский областной краеведческий музей). — Ульяновск, 1958. — Вып. 2.
  4. ↑ 1 2 3 4 5 6 7 8 Пилипчук Я. В. Кем были буртасы? // Историческая этнология. — 2018. — № 2.
  5. ↑ Алихова А. Е. К вопросу о буртасах // Советская этнография. — 1949. — № 1.
  6. ↑ 1 2 Заходер Б. Н. Каспийский свод сведений о Восточной Европе. — М.: Изд-во вост. лит, 1962. — Т. 1. — 279 с.
  7. ↑ 1 2 3 4 5 6 Брасос — Веш. — М. : Советская энциклопедия, 1971. — 600 с. — (Большая советская энциклопедия#Третье издание / гл. ред. А. М. Прохоров ; 1969—1978, т. 4).
  8. ↑ Пензенская область. pn.triumph.ru. Видзӧтӧм 12 Тӧвпом 2026.
  9. ↑ Мокшин Н. Ф. Из истории мордовско-тюркских связей, 1994, с. 80.
  10. ↑ Мухамедова Р. Г. Татары-мишары: историко-этнографическое исследование, 1972, с. 16.
  11. ↑ Мажитов Н. А., Яминов А. Ф. Буртассэз // Башкирская энциклопедия / гл. ред. М. А. Ильгамов. — Уфа : ГАУН «Башкирская энциклопедия», 2015—2020. — ISBN 978-5-88185-306-8.
  12. ↑ Мухамедова Р. Г. Татары-мишари : историко-этнографическое исследование. — М.: Наука, 1972.
  13. ↑

    Кыксё во сьӧрнася буратссэзӧс туялӧм бӧрын туяліссез вӧзйисӧ уна гипотезаэз, кӧднӧ позьӧ юкны куим группаӧ: тюркскӧй, аланскӧй да мордовскӧй (медъетша паськалӧм). Буртасы // Ислам в центрально-европейской части России: энциклопедический словарь / Коллект. автор; сост. и отв. редактор Д. З. Хайретдинов. — М.: Издательский дом «Медина», 2009, С.55.
  14. ↑ Афанасьев Г. Е. Буртасы и лесостепной вариант салтово-маяцкой культуры // Советская этнография. — 1985. — № 3. — С. 164—169.
  15. ↑ Халиков, А. Х. К вопросу об этнической территории буртасов во второй половине VIII — начале Х вв // Советская этнография. — 1985. — № 5. — С. 161—164.
  16. ↑ Вячеслав Колесников. Путь из варяг в Булгары. Какие тайны хранят городища Пензенской области, АиФ-Пенза (12 Гожумпом 2022). Дата обращения: 13 Тӧвпом 2026.
  17. ↑ Новосельцев А. П. Хазарское государство и его роль в истории Восточной Европы и Кавказа / АН СССР, Отд-ние истории. — М.: Наука, 1990. — 261 с.

Литература

  • Алихова А. Е. К вопросу о буртасах // Советская этнография. — 1949. — № 1.
  • Афанасьев Г. Е. Буртасы // Исчезнувшие народы: Сборник статей (по материалам журнала «Природа») / Сост. С. С. Неретина; Под ред. П. И. Пучкова; Худож. оформл. Е. Л. Гольдина. — М.: Наука, 1988. — С. 85—96. — 176 с. — 25 000 экз. — ISBN 5-02-023568-7. (обл.)
  • Закиев М. З. Происхождение тюрков и татар. — Казань: Инсан, 2002. — 496 с. — ISBN 5-85840-317-4.
  • Заходер Б. Н. Каспийский свод сведений о Восточной Европе, т. 1. — М., 1962.
  • Смирнов А. П. К вопросу о буртасах // Краеведческие записки (Ульяновский областной краеведческий музей), в. 2. — Ульяновск: 1958.
  • Хайретдинов Д. З. Ислам в центрально-европейской части России: энциклопедический словарь / Коллект. автор; сост. и отв. редактор Д. З. Хайретдинов. — М.: Издательский дом «Медина», 2009. — 404 с., ил. — (Ислам в Российской Федерации; Вып. 4).
  • Мухамедова Р. Г. Татары-мишары: историко-этнографическое исследование. — М.: Наука, 1972. — 246 с. — ISBN 978-5-7761-1836-4.
  • Мокшин Н. Ф. №3. Из истории мордовско-тюркских связей // Этнографическое обозрение. — Саранск: Институт этнологии и антропологии имени Н. Н. Миклухо-Маклая РАН, 1994. — С. 75—86. — 175 с.
  • Мажитов Н. А., Яминов А. Ф. Буртассэз // Башкирская энциклопедия / гл. ред. М. А. Ильгамов. — Уфа : ГАУН «Башкирская энциклопедия», 2015—2020. — ISBN 978-5-88185-306-8.
Босьтӧма "https://koi.ruwiki.ru/w/index.php?title=Буртассэз&oldid=216025"-ись