Мокша отир

Босьтöм Рувикиись

Экспертиза РАН

Logo-ran.pngLogo-ran-black.png
Чулӧтӧм экспертиза
Россиялӧн наукаэз академияӧн
Унажык
Aprove.svg

РНА-лӧн экспертиза

Arrow-Right.png
Logo-ran.png
Чулӧтӧм экспертиза
Россиялӧн наукаэз академияӧн
Унажык
Мокша
Ӧння кадся асним мокша
Отир лыд 11801[1]
Олӧмин

 Российскӧй Федерация:
Кыв мокша кыв, роч кыв, татара кыв
Религия православнӧй, мокша отирлӧн традиционнӧй эскӧм, лютерана[2]
Пырӧ мордва
Ӧтувтырья отир эрзя, мари
Этногруппаэз каратайез
Вужжез мордва, мурома, буртассэз
Логотип РУВИКИ.Медиа Медиафайлы на РУВИКИ.Медиа

Мокша (мокш. мокшет; рочӧн мокшане) — мордва отирлӧн кык медыджыт этнос коласісь ӧтік (мӧдыс — эрзя). Мукӧдпырся торйӧтчӧ кыдз торья мордва йӧз эрзяэзкӧт ӧтлаын[3]. Мокшаэзлӧн чужан кыв — мокша кыв — финн-йӧгра кыввез коласісь ӧтік.

Историческӧя аркмӧм, мый мокша отирыс олӧ паськалӧмӧн Россия пасьта. Унажыкыс олӧны Мордовия пасьта, отирсис тор олӧ шӧр Россия регионнэзын, Волгадорын да Сибирын. Ыджыткодь мокша отирлӧн диаспораэз олӧны визир сайын: Эстонияын, Австралияын, США-ын.

Торйӧн видзӧны мокша отирӧс, кӧдна олӧны Татарстанісь Камскӧй-Устьинскӧй районын[4]. Сійӧ группасӧ шуӧны каратайезӧн. Ны ассяматорӧн лоӧ сёрнитан кыв — каратайес баитӧны татара кыв вылын мокша кыв сорӧн[5].

Унажыкыс Россияын олісь мокшаэс — православнӧй эскиссез, но эмӧсь нія, кӧдна лыддьӧны буржыкӧн ассиныс традиционнӧй религия (мокшень кой).

Этноним

Е. М. Поспелов топонимия кывчукӧр сьӧрті мокша нимсӧ кольӧм важ индоевропейскӧй Ока ю пӧлӧн олісь отир, кӧда баитӧм кыв вылын, кӧда ӧтвужья балт кыввезкӧт. Мокша гидроним вачкисяна индоевропейскӧй meksha кыввужкӧт, кӧда вежӧртасӧн лоӧ "кисьтӧм, визывтӧм[6]. Мӧдік версия сьӧрті, абу тӧдса, кытшӧм кылісь кольччис мокша гидроним, да сія лоӧ ӧння кадӧдз ӧшӧм ни тӧдтӧм финн-йӧгра кывлӧн реликтӧн[7]. Мокша отирыс шуисӧ сійӧ юсӧ Ю (фин. joki «ю»), мӧдік туяліссез касьтылӧны сійӧ кыдз Йов ю[8][9], мый оз петкӧт ю нимись мокша этнонимлісь аркман вариант. -кша кывпома гидрониммез унаӧсь Ока ю бассейнын: Лакша, Колакша, Селекша, Шумокша, Серокша, Шокша да мд., сійӧн нылісь вежӧртасыс петӧ финн-йӧгра кыввезісь[10]. Мокша топонимыс пантасьӧ Ока бассейнын и кыдз Клязьма районісь ты да ю ним[11]. Туяліссез чайтӧны, мый Мокша гидронимлӧ ӧтфинн кывья кадӧ пуксис апеллятив мокс (вариант мокш), кӧда вежӧртасӧн лоӧ «ва петан, вож, визыв, визывтан ва». Гидронимлісь славяна кыввезісь петкӧтӧмсӧ («уль», «вадӧм», «вазількья»; вдз. «Мокоша» — асыввывся славяналӧн тырдоз сетан иньпӧв ен) лыддьӧны абу ятнӧйӧн сы кузя, мыля эна муэзӧ славяна локтісӧ сёрӧнжык[12][10][13][14][15].

Морт антропология

Медодззаись мокша да эрзя антропологическӧй ассяма йылісь гижис немецкӧй туялісь-энциклопедист, вӧрва тӧдмалісь Пётр Симон Паллас (1773), кӧда сьӧрті чочком да гӧрда юрсиа мокшаэз вӧлісӧ етшажыкӧсь эрзяэзся, но и медбӧрьяэслӧн сідзжӧ вӧлі сьӧдкодь юрси[16]. 1912 воӧ петіс С. К. Кузнецовлӧн лекцияэза курс, кӧда мыччалӧ мокшаэзлісь да эрзяэзлісь антропологическӧй ассяматоррез, мокшаэзлӧн эмӧсь унажык антропологическӧй типпез. Эрзяэзкӧт ӧткодялӧмӧн, кӧдна унажыксӧ овлӧны чочком юрсиаӧсь, руд синмаӧсь да чочком кучика морттэз, мокшаэз коласын пантасьлӧны унажык сьӧд юрсиа да синма, сьӧдвира да вежвевья кучика отир[17].

К. Ю. Марк адззӧ субуральскӧй да ойвывпонтийскӧй тип мокшаэзын, эрзяын — сурскӧй тип, кӧда вачкисьӧ рытвыв-балтийскӧй тип вылӧ[18]. Антрополог Т. И. Алексеева чайтіс, мый мокшалӧн, эрзякӧт очапуктӧмӧн, тӧдчанажыка мыччисьӧны лунвыв европеоиддэзлӧн ассяматоррез, да эрзя отирсӧ сія пыртӧ ойвыв европеоиддэзӧ[19]. В. Е. Дерябин пасйис, мый мокшаэзлӧн эм асыввыв-европейскӧй подув, кӧда модифицируйтӧм понтийскӧй антропологическӧй компонентӧн неыджыт уралоида ассямаӧн[20].

Антропологическӧй даннӧйез сьӧрті, кӧдна вӧлісӧ йӧзӧтӧмӧсь РНА-лӧн А. А. Зубов редакция увтын лэдзасын (2000 во), мордва группаись этноссэз мыччалӧны дифференцируйтӧм расаэзлісь ассяматоррез. Эрзя отирсӧ классифицируйтӧны кыдз европеоид расалӧн чочкомсаридзся-балтика вариант кодя отирӧс. Этӧ антропологическӧй типыс лоӧ характернӧйӧн кыдз эрзялӧ, сідз и Балтика дорись финн кывья отирлӧ, да сідзжӧ коми-зыряналӧ. Мокша жӧ пырӧ уральскӧй расаись субуральскӧй субтипӧ[21]. Антропологическӧй анализ мыччалӧ эрзяэз да мокшаэз коласын торьялӧммез. Медыджыт торьялӧмыс сыын, мый эмӧсь содтӧт антропологическӧй компоненттэз, кӧдна тӧдчӧны мордвалӧн чочкомсаридзся-балтика подув вылӧ: эрзялӧн тӧдчӧ атлантическӧй антропологическӧй тип; мокшалӧн — ойвыв-понтийскӧй тип. Медодзза типыс мыччиссьӧ унажыксӧ эрзялӧн, мӧдыс — мокшалӧн, кӧть и кыкнан типыс эмӧсь кыкнан категория отирлӧн[22]. Мокшаэзлӧн антропогенез йитӧм европеоиднӧй антропологическӧй типпез сорлалӧмӧн, кытчӧ пырӧны и чочкомсаридзся, понтийскӧй да асыввыв-балтийскӧй типпез. Эта аркмӧтіс ны антропологическӧй видлӧн спецификасӧ уральскӧй расовӧй классификация сьӧрті[23].

Олӧмин

ХХ сёво пондӧтчикӧ, топонимия туялӧм вылӧ ыстісьӧмӧн, С. К. Кузнецов керис сэтшӧм кывкӧртӧт: «аслас историялӧн важ периодӧ мордва паськӧтчис ӧння губернияэзісь босьтӧм ыджыт отаинын: Казанскӧй, Нижегородскӧй, Пензенскӧй губерняэзлӧн тор, Рязанскӧй да Калужскӧй губернияэзлӧн тор, Симбирскӧй, Тамбовскӧй да Саратовскӧй губернияэзлӧн тор. Мордвалӧн мыччисьӧмыс Астрахань дынын позьӧ пуктыны сёрӧнжык кадӧ, да ӧння Уфимскӧй да Оренбургскӧй губернияэзын сія овмӧтчис XVI да унажыксӧ XVII сёвоезӧ». Мордва чужанінӧн лоӧ шӧрӧт Волгалӧн веськыт вадор, Ока да Сура веськыт вожжезлӧн бассейн. Мордва вештіс татісь финн кывья отирчукӧррез, да нія мунісӧ ойвылӧ[17].

Политика моггез шогья мордвалӧн олӧмин территорияыслӧн визирыс пыр вежсьывліс. Цна ю шӧрӧт визывтанінісь археологическӧй памятниккезлісь материаллэз да дзебсян обрядлӧн анализ позьӧтіс лыддьыны этническӧя ӧткодьӧн миян эрася VIII—XI сёвоэзся мокша отирлісь чукӧррез, кӧдна олісӧ Цна, Мокша, Вад юэз бассейнын[24]. Эта кадӧ мокшалӧн оланін вешшис ой-рытвылӧ, мый вермис лоны Хазарскӧй каганатсянь опас йитӧмӧн. Мокшалӧн археологическӧй памятниккез адззӧмӧсь унаӧн Мокша ю петан да шӧрӧт визывтанінын да юыс вожжес пӧлӧн. Дзир эта территорияыс (Мокшадор да Цна шӧрӧт визыв) VIII—X сёвоэз коста вӧлі мокша субэтнослӧн шӧр оланінӧн[25].

XI—XIII сёвоэзӧ мокша да эрзя пырӧны Киев Рочму да Волга Булгария кипод увтӧ. Этна канмуэз коласын тышкасьӧм, да сыбӧрся Рочмуын княжескӧй увтыртышккез вайӧтісӧ мордвасӧ опастӧм районнэзӧ: мокшасӧ — Мокша да Вад юэз коласӧ, эрзясӧ — Тёша ю бассейнӧ[26].

Российскӧй империя кад йылісь баитӧмӧн П. И. Мельников-Печерский гижліс, мый мокшаыс олӧм Тамбовскӧй губернияись ойвылын, Пензенскӧй губернияэзын рытвылын, Нижегородскӧй, да сідзжӧ Симбирскӧй да Саратовскӧй губернияэзісь кык посадмуын[27].

Ӧння кадӧ мокшаэс олӧны унажыксӧ Мордовия рытвылын (Инсар юсянь рытланьӧ). Мокша чукӧррез олӧны сідзжӧ Белинскӧй кар гӧгӧрын (кӧркӧся Чембар; Пенза областьлӧн лунвыв-рытвыв), Сура ю петанын (Пенза областьлӧн Пензенскӧй да Городищенскӧй районнэз), рытвыв-лунвылын Татарстанын (Тетюшскӧй район), Самара ю шульга вадорын да Ыджыт Иргиз ю петанінын (Самара область лунвыв да Оренбург область рытвылын), Бугуруслан кар гӧгӧрын (Оренбург областьлӧн ойвыв-рытвыв) да мӧдіклаын[28]. Пенза областьын мокшаэз олӧны унажыксӧ Мокшанскӧй, Наровчатскӧй, Белинскӧй да Шемышевскӧй районнэзын[29].

Лыд

1926 вося отирлыддьӧмись абу на йӧзӧтӧм архивнӧй уджалан материаллэз сьӧрті В. И. Козлов 1958 воӧ арталіс мокша да эрзя отирлісь лыдсӧ 1926 во кежӧ[30]:

Эрзя да мокша отирлӧн лыд 1926 воӧ
(сюрс морт)
Олӧмин Эрзя Мокша
Пензенскӧй губерния 104 274
Нижегородскӧй губерния 82 3
Ульяновскӧй губерния 178 1
Чувашскӧй АССР 24 -
Саратовскӧй губерния 121 34
Татарскӧй АССР 24 12
Самарскӧй губерния 210 42
Оренбургскӧй губерния 11 12
Башкирскӧй АССР 40 10
мӧдік районнэз 1 3
Быдӧссӧ Волга да Урал дорын 795 391
мӧдік районнэзын СССР пасьта (77) (77)
Быдӧссӧ СССР-ын 872 468

В. И. Козлов туялӧм сьӧрті 1926 воӧ эрзялӧн ӧтласа лыдыс вӧлі мокшаэзся кыкпӧв унажык; автор арталӧм сьӧрті эрзяэзлӧн лыдыс вӧлі ыджытжык мордва му сайын, сідз кыдз чужанінас мокшаэзлӧн лыдыс 1926 вӧлі невна етшажык эрзяэзся (237 да 297 сюрс морт).

1989 вося отир лыддьӧм сьӧрті, Мордовскӧй АССР-ын олісӧ 180 сюрс мокша, мӧдіккес олісӧ сы сайын, РСФСР шӧрись, Волгадорись да Сибирись быдкодь областтезын да республикаэзын.

2002 вося отир лыддьӧм сьӧрті, мокшаэзӧн вӧлісӧ лыддьӧмӧсь 49624 морт, мый лоӧ 5,9 % мордва лыдісь[31].

2010 вося отирлыддьӧм сьӧрті, мокшаэзӧн асьнысӧ шуисӧ 4767 морт (0,6 % мордва лыдісь)[32].

2010 вося отирлыддьӧм сьӧрті, Россияын мокша кывсӧ тӧдӧ 2025 морт[33].

Кыв да диалекттэз

Вдз. сідзжӧ: Мокша кыв

Мокша кылыс (мокшень кяль) — волгадорся финн группаись финн-йӧгра кыв, пырӧ урал кывья котырӧ. Медматісь кывнас лоӧ эрзя кыв, но фонетикаын, лексикаын да грамматикаын тӧдчана торьялӧмыс оз сет нылӧ вежӧртны ӧтамӧднысӧ. Мордовия Республикаын мокша кыв лоӧ официальнӧй кылӧн эрзя да роч кыввезкӧт ӧтлаын.

Мокша кывлӧн диалекттэз зэв унаӧсь, нылӧн ассямаыс тӧдчӧ лексикаын, кывлӧн морфологическӧй модельын да грамматика медшӧр структурнӧй элементтэзын. Ны подув сьӧрті мокша кылын торйӧтсьӧны вит диалект тип (диалект): центральнӧй, рытвыв, лунвыв-асыввыв, вуджан да сора, кӧдналӧн эмӧсь кыв ассяматоррез да сёрнитанін ареал:

  • I диалект тип (центральнӧй). Диалект, кӧда босьтӧм мокша гижан кыв понда да паськалӧ Мордовия Республикаись Атюрьевскӧй, Темниковскӧй, Ельниковскӧй, Краснослободскӧй, Старошайговскӧй районнэзын да мымдакӧ Ковылкинскӧй, Рузаевскӧй районнэзын.
  • II диалект тип (рытвывся) баитана Мордовияись Зубово-Полянскӧй районын да мымдакӧ Торбеевскӧй районын.
  • III диалект тип (лунвыв-асыввывся) паськалӧм Инсарскӧй, Кадошкинскӧй, мымдакӧ Ковылкинскӧй да Рузаевскӧй районнэзын.
  • IV диалект тип (вуджан) баитана Пенза областись Белинскӧй районын, мымдакӧ Мордовияись Торбеевскӧй да Ковылкинскӧй районнэзын.
  • V диалект тип (сора) паськалӧм Мордовия сайын (Нижегородскӧй, Пенза да Саратов областтэезын) ордччӧн эрзя кыв диалекттэзкӧт да изолируйтӧмӧн мӧдік кывья гӧгӧртасын[34].

Этногенез

Прамокшаэзлӧн да праэрзяэзлӧн этническӧй подулыс аркмис миян эрася II—IV сёвоэзӧ[35][36], кӧда подув вылын 1 сюрсво шӧрсянь аркмӧ ӧння мокшаэзлӧн этносыс Ока-Сура юэз коласся лунвыв юкӧнын[37], а эрзя — ойвылын.

XIX—XX сёвоэзӧ вӧлі гипотеза, кӧда сьӧрті мокшасӧ да быдсӧн мордвасӧ йитісӧ андрофаггезкӧт, но сэсся мӧдік туяліссез критикуйтісӧ сійӧ и ӧння кадӧ эта гипотезаыс лыддиссьӧ тӧдсьӧттӧмӧн[38][39][12][40]. Сія жӧ кадӧ этнограффэз, лингвисттэз, историккез да финнологгез коласын чужисӧ быдкодь видзӧттэз, мый важся кадӧ мокша да эрзя отир, кӧдна лоӧны мордвалӧн кык вожӧн, вӧлісӧ рытвыв финн отирӧн, кӧдна янсӧтчисӧ финнэз дынісь миян эрася III сёвося не сёрӧнжык, и кӧдна вылӧ быдкодь влияннё пуктісӧ ордча йӧззэз. Торйӧтӧны прафиннскӧй эпоха, кӧр эшӧ торйӧтчытӧм финн кывья отир чукӧррезлӧн пондіс аркмыны ассяма культура, а сідзжӧ мордовско-финскӧй период, кӧда коста аркмӧм мордвалӧн кыв да олӧмтас. Академик П. И. Кёппен шуӧмӧн Волга ю шӧрӧт визыв да сылӧн Ока да Сура вожжезлісь бассейн финн увтыррезлӧн чужанінӧн. Сідзжӧ мукӧд туяліссез тодилялӧны торья кадкост, кӧр мордва олісӧ ӧтлаын рытвыв финнэзкӧт[41][17].

Археологическӧй юӧра ӧшмӧссэз сьӧрті, финн-йӧгра кывья ӧтвутӧм чукӧррезлӧн одз историяыс пондӧтчӧ неолит кадӧ (миян эраӧдзся 5-3 сюрсво шӧрӧдз). Важся финн-йӧгра отирлӧн оланіныс вӧлі унажыксӧ Асыввыв Европа да Урал сайся вӧрья муэзын. Унажык туяліссез лыддьӧны важ финн кывья отирӧн неолит кадся культураэзісь отирчукӧррез, кӧдна тӧдсаӧсь ӧні сынансера керамика сьӧрті да кӧдна олісӧ лунвыв-асыввывся Финляндиясянь ойвыв-асыввывся Европаӧдз, а сідзжӧ волго-камскӧй культураэзісь отирчукӧррез, кӧдна олісӧ Волга да Кама дорын. Сура-Волга бассейнын бронза да одз кӧрт кадӧ (миян эраӧдзся 2-1 сюрсвоэзӧдз) торйӧтсьӧм городецкӧй культураись куим чукӧр: шӧрӧт-окася мокшаа; волгадорся суракатытся, кӧдаись одзлань мокшаэз да эрзяэз, да суракывтытся группа, кӧдӧ А. Х. Халиков тодяліс кыдз мари, мурома да финн кывья йӧзісь, кӧдна чужтісӧ чувашшезӧс.

Окадорся городецкӧй чукӧррез да локтӧм сёрпьяноборскӧй группаэз сорлалӧм подув вылын миян эрася II—IV сёвоэзӧ аркмӧтісӧ праэрзя да прамокша торйӧтӧмлӧ этническӧй подув[36]. Миян эрася медодзза сёвоэзӧ эта регионын олісь отир вӧлі йитӧм камадорись (пьяноборскӧй) да мӧдік отир чукӧррезкӧт. Важынсянь мордваыс вӧлі йитӧм иран кывья отиркӧт: скиффезкӧт, сарматтэзкӧт, аланнэзкӧт да мӧдіккезкӧт. Ражкинскӧй важ шойнаись дзебсяніннэзын вӧлісӧ адззӧмӧсь дзебан традицияэз, кӧднаын тӧдчӧны босьтӧм торрез да сарматтэзлӧн олӧмтас[42][43]. Рытвыв-иран кывья скифо-сарматскӧй отирчукӧррез ӧлісӧ мокша да эрзякӧт ордччӧн лунвывсянь, да ны коласын визирыс, чайтсьӧ, кыссис вӧр да степь визир кузя[23]. В. В. Ставицкий лыддьӧ, мый мокша да эрзя аркмӧтӧмӧ пуктісӧ пай городецкӧй культура, пьяноборскӧй да кара-абызскӧй культураэзісь отир, асыввыв-балт кывья отир да сарматтэз[44].

Унажык мордва кыв туяліссез, этнограффез да археологгез — А. П. Смирнов, Е. А. Алихова, М. Ф. Жиганов, В. И. Козлов уджжезаныс гижисӧ ӧтувья мордва котырлӧн олӧм йылісь, кӧдаын мокша да эрзя коласын торьялӧммез пондісӧ мыччисьны дзир миян эрася I сюрсво помын. Сы дырйи мӧдік туяліссез — П. Д. Степанов, М. Р. Полесских, В. В. Гришаков, К. И. Козлова чайтӧны, мый мордвалӧн кык ыджыт союз — мокшаэз да эрзяэз — олісӧ Ока шӧр бассейнын да Ока-Сура-Цна бассейн коласын миян эраӧдз медодзза сёвоэзӧ, асланыс аркмӧмсянь вӧлісӧ асторьяӧсь. Мокша аркмӧтан подулӧн лоис мордва отирчукӧрись лунвыв (суракатытся нето пензася) группа. Тӧдчанаӧн эта процессын вӧлісӧ сідзжӧ лоисӧ рязань-ока да асыввыв-балтийскӧй культураэзісь отир, кӧдна локтісӧ Мокша да Сура катытӧ миян эрася IV—V сёвоэзӧ[45].

Археология

Одз кӧрт кадся городецкӧй культура подув вылын, кӧдалӧн памятниккез адззӧмӧсь ыджыт территория вылын Донсянь рытланьын Самарскӧй Лукаӧдз асывланьын, Саратовскӧй вӧрья степь лунланьын да Нижегородскӧй веськыт вадӧрсянь ойланьын, миян эрася медодзза сёвоэзӧ Ока-Сура ю коласын пондӧтчис важ мордва культуралӧн генезис[46].

Археологическӧй материаллэз висьталӧны, мый Ока-Сура ваколасын лунвывся юкӧнын оліссез лоисӧ мокшаӧн, ойвылас — эрзяӧн. Протомокша да протоэрзя коласын зонаыс, чайтсьӧ, вӧлі Алатырь кузя да Мокша шӧрӧт визывлӧн веськыт вадор пӧлӧн[23].

Мордвалісь археологическӧй памятниккез туялісь М. Р. Полесских вӧдитчис протомокша терминӧн[47], кӧда памятниккезӧн сія лыддис селиксенскӧй типа важ шойнаэз, да протоэрзя терминӧн, кӧда мыччалӧны кошибеевскӧй типа важ шойнаэз. Миян эрася 1 сюрсво шӧрсянь аркмӧны важ мокша да важ эрзя культураэз. Полесскихыс мокшаӧ пыртіс армиевскӧй типа важ шойнаэз, эрзяӧ — Кузьминскӧй да Борковскӧй типа важ шойнаэз[37]. Селиксенскӧй важ шойна формируйтчӧмын торйӧтсьӧны кык хронологическӧй этап: миян эрася III—IV сёвоэз — одззася; V—VII сёвоэз — сёрся, мый ӧтлаасьӧ мокша аркмӧтӧмлӧн медозза этапӧн[48].

История

Медодзза гижӧм юӧррез мокша (Moxel) этноним йылісь тӧдсаӧсь XIII сёвося фламандскӧй путешественник Гильом де Рубрук гижӧттэзісь[28]. Мокша (Moxii) кыдз асторья отир да ны му (Moxia) йылісь баитсьӧ Иосафат Барбаро «Танаӧ ветлӧм» гижӧтын[49]. Касьмӧтӧм мокша йылісь Рашид ад-Дин «Кадкост гижӧттэз чукӧр» уджын (XIV сёво пон)[50], а сідзжӧ Роч канму сьӧрті документальнӧй ӧшмӧсын — Д. Пушечниковлӧн писцовӧй небӧгын[51]. XVIII сёвося роч историк Василий Татищевлӧн «Российскӧй история» историческӧй уджын мокшанас шусьӧмӧсь моксель да мош и лыддиссьӧны сармат отирӧн[52].

Важ период

Скиффезӧс вашӧтӧм сарматтэз босьтісӧ ас кипод увтӧ мокша увтыррезісь тор, но сідз кыдз вӧлісӧ етшалыдаӧсь эзӧ вермӧ ылӧ паськӧтчыны[53][54]. II да III сёвоэзӧ анттэз, славяна, мокша да эрзя лоисӧ Асыввыв Европаын медуналыда да вына отирӧн[55]. IV сёво пом кежӧ мокша отирлӧн ыджытжык юкӧныс ӧтлаасис гуннскӧй союзкӧт, участвуйтіс Остготскӧй империя паздӧмын 377 воӧ, а сыбӧрын муніс асывланьӧ да овмӧтчис Паннонияӧ. Гуннэзкӧт йитӧм тӧдсӧтсьӧ мокшанскӧй боевӧй доспеххезӧн, торйӧнжык битаэз да псалияэзӧн, кӧдна ӧткодьӧсь одз гуннскӧй боевӧй доспеххезкӧт[56]. Археологическӧй даннӧйез мыччалӧны, мый мокша муэзлӧн визирыс эз вежсьывлӧ IV да VIII сёвоэз костын. 450 воӧ мокша отирыс вӧлі союзын Волгадорся отиркӧт, кӧдна тӧдсаӧсь кыдз буртассез да кӧднӧ чайтӧны вӧлӧм аланнэзӧн[57][58].

Шӧрӧт сёвоэз

Археологическӧй даннӧйез сьӧрті, мокшалісь да эрзялісь шӧрӧт сёвоэзся историясӧ позьӧ янсӧтны этап вылӧ, кытӧн быд периодлӧ характернӧйӧсь материальнӧй культуралӧн да отирлӧн зоралан тенденцияэзлӧн уна ассяматоррез: 1) родовӧй стройлӧн помасян стадия (VIII—X сёвоэз); 2) одз канмукодь котыррезлӧн формируйтчӧм (XI—XIII сёвоэз); 3) Зарни Орда кипод увтын (XIII—XV сёвоэзлӧн мӧд джын); 4) Роч канму кипод увтын (XVI—XVIII сёвоэз)[25]. VIII—X сёвоэзӧ вӧлі тӧдчана влияннё хазаралӧн, кӧдналӧ мокша вештіс воттэз[59], да X сёвоӧ мездӧтчис Хазарскӧй каганат кипод увтісь[60].

Л. А. Воейков да П. В. Голубовский ыстісьӧны X сёвося арабскӧй гижиссезлӧн казьмӧттэз вылӧ, кӧднаын мокша отирыс шуӧм буртассэзӧн[61][62].

ІX сёвоӧ Буртас канму лоис Хазарскӧй каганатлӧн вассалӧн[63]. 965 воӧ, кыдз гижӧм Ибн-Хаукаль, киевскӧй князь Святослав Игоревич муніс тышкӧн хазарскӧй союзниккез вылӧ, босьтіс Саркел, Булгар да петіс Семендер дынӧ[64]. X сёво пондӧтчикӧ Волга дорся Булгариялӧн юралісь Алмуш ӧктіс аслас киэзӧ хазарскӧй вот ӧктӧм да вештӧм. Исламӧ пырӧм бӧрын сія босьтіс Багдадісь халиф Муктадирлісь отсӧт да Ока ю ваӧмын аркмӧтіс вузясян фактория[65]. Сы кузя 985 воӧ киевскӧй князь Владимир муніс тышкӧн Булгар кар вылӧ. 1006 воӧ князь Владимир да кан Алмуш кырымпасалісӧ вузасьӧм йылісь кывкӧртӧт да Волгадорын вӧлі гижсьӧм «пырся мир» понда, сія кыссис 80 во сьӧрна[66]. 1120 воӧ вились аркмис Ока ю воӧм да эрзяэзлӧн Обран ош дорйисянін понда тышк[67]. 1220 воӧ владимирскӧй князь Юрий Всеволодович пондӧтіс тышк Ошель вылӧ да корис чинтны булгаралісь влияннёсӧ Пургас волость вылӧ, кӧдакӧт нія вӧлісӧ союзын. 1221 воӧ Обран ошсӧ сотісӧ владимирскӧй княззез, да юыс кывтытын лӧсьӧтісӧ Нижньӧн Новгород кар. Пургас да Пуреш вӧлісӧ пырс тышкын, Пургасыс видзис надея болгарскӧй эмир отсӧт вылӧ, да Пуреш вӧлі князь Юрий дор[68]. 1229 воӧ булгаррез петісӧ тышкӧн Пуреш паныт, но кӧр тӧдісӧ Пургас волость владимирскӧй княззезӧн грабитӧм йылісь, бергӧтчисӧ бӧр. 1230 воӧ Пургас бӧра босьтіс кытшӧ Нижньӧй Новгородсӧ, но вӧлі вашӧтӧм, да сыбӧрын Пурешыслӧн Атямас нима зон половеццезкӧт ӧтлаын пондӧтіс Пургас волость вылӧ тышк[69].

Рашид ад-Дин шуӧм сьӧрті, 1236 во одзар 4 лунӧ Джучилӧн зоннэз Бату, Орду да Берке, Угедей-ханлӧн Кадан зон, Чагатайлӧн нучӧк Бури да Чингиз-ханлӧн Кулькан зон юӧртісӧ мокшаэзлӧ, буртассэзлӧ да эрзяэзлӧ паныт тышк, быдыс ны коласісь сулаліс туман юрын. Тышкыс помассис 1237 во гожумпом 23 лунӧ мокшаэз сетчӧмӧн Сьӧд вӧр дорся бойын неылын Рязань княжествокӧт визир дынісь[70][71][72]. Мокша да монголлэз коласын вӧлі арталӧм военнӧй союз, кӧда сьӧрті Пурешлӧ аслас войскоэзкӧт кыдз союзниклӧ да вассаллӧ ковсис ӧтлаасьны монголлэзкӧт рытланься тышк понда.

1241 во пондӧтчикӧ монгольскӧй войско вуджис Карпаттэз да пырис Польшаӧ. Роджер Бэкон аслас Opus majus уджын касьтылӧ[73], мый мокшаэз мунісӧ монгольскӧй войскоэз одзын да участвуйтісӧ Люблин да Завихост босьтӧмын. Бенедикт Поляклӧн гижӧм сьӧрті, мокшанскӧй войско ӧштіс уна отир Сандомир босьтӧм коста тӧвпомнас да Краков босьтӧм коста сія жӧ вося одзтулыснас.

Гийом де Рубруклӧн да Роджер Бэконлӧн гижӧм сьӧрті, мокшаэз гусьӧн сёрнитчисӧ немеццезкӧт да богемсакӧт да видзчисисӧ, кӧр туяс вуджны ны дорӧ, сідз кыдз ны отсӧтӧн мӧдісӧ мездӧтчыны Батукӧт союзсис[74].

Чайтана, мый тулысшӧр 8 лунӧ Пуреш гусьӧн пантасис Генрих Благочестивӧйкӧт да юӧртіс монголлэз асывся выступленнё йылісь да аслас намереннё йылісь вуджны силезеццез дорӧ[75]. Сія жӧ лунӧ Пуреш юӧртіс Субэдэйлӧ, мый сылӧн воиннэс мыдзисӧ да асывнас петны тышкӧ озӧ вермӧ. Субэдэй тӧдіс гуся сёрнитчӧммес йылісь да тшӧктіс Пуреш войсколӧ сетны оружие да мунны шоччисьны, но ойнас сы тшкӧтӧм сьӧрті Пурешсӧ да сы войскоись тор, кӧда узис, вӧлісӧ вийӧмӧсь, мӧддэс пышшисӧ[76].

Виль кад

XVI-XIX-ӧт сёвоэзӧ мокша да эрзя муэз пырисӧ Роч канмуӧ, мый аркмӧтіс отир оланын вежсьӧм. Пондӧтчис христианизация: отирсӧ пондісӧ пыртны православнӧй эскӧмӧ, вынсяліс роч культура, чулӧтсис русификация, вежсис овмӧсӧн юралӧм, лоисӧ виль правилоэз да видзӧтан формаэз. Канму пыртіс сьӧма да натуральнӧй воттэз, мӧднёж шуны, быдкодь формаа воттэз. Вӧлісӧ вильмӧтӧм мутор сетӧм окыт[77], мый кузя отирыс мунісӧ овны Самарскӧй, Уфимскӧй, Оренбургскӧй да мӧдік губернияэзӧ[78][79][17].

Генетика туялӧм

О. П. Балановский туялӧм бӧрын торйӧтіс генетическӧй ылына сьӧрті нёль медшӧр типа картаэз — «асыввыв европа», «ойвыв-асыввыв», «ойвыв-балканскӧй», «лунвыв-балканскӧй», кытчӧ пырисӧ Европаись славянскӧй, балтийскӧй, мукӧд финн-йӧгра да мӧдік йӧззэз, но мокшаэзлӧн ылына картаэз озӧ пырӧ некытшӧм типӧ, мый туялісьыс шуӧмӧн мыччалӧ мокшалісь генетическӧй ассяма. Финн-йӧгра йӧззэзлӧн генофондыс популяция костын ӧддьӧн берся да популяция пытшкын ӧткодь кодь[80].

Европаись генфонддэзлӧн дендрограмма вывся мтДНШ гаплогруппаэз тшӧкыта даннӧйез

Митохондриальнӧй ДНШ анализ понда вӧлісӧ босьтӧмӧсь 16 гаплогруппа сьӧрті даннӧйез— A, C, D, H, HV, I, J, K, T, U2, U3, U4, U5a, U5b, V, W. Анализыс мыччаліс финн-йӧгра популяцияэзлӧн (тшӧтш и мокша да эрзя отирлӧн) генофонддэзлӧн тӧдчана торьясьӧм Европаись эттшӧм генофонддэзсянь — Роч Ойвылын оліссезсянь[81], норвеггезянь, немеццезсянь да мӧдік герман кывья отирсянь, да сідзжӧ ирландеццезсянь, славянасянь (роччез, белоруссэз, украинеццез, чеххез, словаккез, поляккез, словенена да босниеццез), балттэзсянь, венгррезсянь да шведдэзсянь. Быдӧс рытланься да асывланься финн кывья отир (эстонеццез киння) — финнэз, кареллэз, мари, коми, мокша да эрзя пырисӧ торья кластеррезӧ, кӧдна лоисӧ генетическӧя ылынжыкӧсь быдӧс европейскӧй митохондриальнӧй массивыс дынісь, ны лыдын и ойвывся роч популяцияэз да мӧдік славяна[81][80].

Y-хромосомаэзлӧн гаплогруппаэз сьӧрті мокшаэзлӧн генетическӧй ландшафтыс висьталӧ ны генофондлӧн ыджыт ассяма йылісь, сідз кыдз сія босьтӧ Волга шӧрӧт визывтанінісь неыджыт тор веськыт вадӧрын. Y-хромосомаэзлӧн гаплогруппаэз сьӧрті чулӧтӧм анализ мыччалӧ мокшалӧн генетическӧй тӧдчана торьялӧм кыдз славяна да мӧдік ордчча отирлӧн генофондісь, сідз и эрзялӧн генофондісь[82], кӧть нія и матынӧсь географическӧя ӧтамӧдкӧт[80]; Y-хромосомаэзлӧн 15 гаплогруппа тшӧкыта йылісь даннӧйез мыччалісӧ, мый мокшалӧн да эрзянлӧн популяцияэс озӧ пырӧ ӧтік кластерӧ[82].

Мордовияись Старошайговскӧй районісь мокшаэз гаплогруппаэз сьӧрті Y-хромосомаэзлӧн популяционнӧй генетическӧй даннӧйез: R1a — 26,5 %, J2 — nd (20,5 %), N3 (TAT) — 16,9 %, R1b — 13,3 %, I1 — 12 %, I2b — 4,8 %, N2 (P43) — 2,4 %, I2 — 2,4 %, K*(M9) — 1,2 %[83]. Митохондриальнӧй ДНШ гаплогруппаэз сьӧрті: H — 41,5 %, U5 — 18,9 %, T — 7,6 %, U2 — 5,7 %, J — 5,7 %, V — 5,7 %, U4 — 3,8 %, I — 3,8 %, T1 — 1,9 %, R — 1,9 %, D — 1,9 %, мӧдікӧсь — 1,9 %[84].

Erzya-Moksha-Mescher Family Tree DNA мокшанскӧй генетическӧй проектісь Y-хромосома даннӧйез гаплогруппаэз сьӧрті: R1a — 29 %, J2b — 19 %, J2a — 14 %, G2a — 14 %, N1c — 9 %, E1b — 5 %, R1b — 5 %, J1 — 5 %[85].

Сословиеэз XIII—XVIII сёвоэзӧ

Быдберся юӧр ӧшмӧссэз анализируйтікӧ туяліссез торйӧтӧны мокша да эрзя (сія кадся документтэзын шусьӧны мордваӧн) коласісь социальнӧй группаэз: мордовскӧй мурзэз, мордовскӧй княззез, служилӧй мордва, полковӧй мурзэз, ясачнӧй мордва, тарханнэз, служилӧй мордваись казаккез, станичнӧй мордовскӧй мурзэз, младшӧй мордовскӧй мурзэз, дворецовӧй крестьяна, помещичӧй крестьяна, уджкостся крестьяна, канмуся крестьяна, ясачнӧй крестьяна, удельнӧй крестьяна[86][87][88][79]. Мордовскӧй аристократияӧ пырисӧ эрзя да мокша йӧззэзлӧн одзканмуэзлӧн юраліссез, да сідзжӧ служилӧй феодаллэзлӧн привилегирируйтӧм категория — княззэз, мурзаэз, служилӧй отир, казаккез[89].

Национальнӧй паськӧм

Мокша отирлӧн паськӧмыс вежласьӧ олан район сьӧрті: сы торрез да мичӧтан вермӧны тӧдчӧмӧн торьясьны. Традиционнӧй инькаморт паськӧмӧ пырӧны характернӧй элементтэз: туника кодь йӧрнӧс (панар, щам) пидзӧсӧдз кузь кунлӧсӧн да паськыт пиӧн (пов), сія серӧтӧм вурӧссэз пӧлӧн одзӧттис да бӧрӧттис, а сідзжӧ сикӧджӧт да соссэзӧт, Мордовияись Зубово-Полянскӧй районын да чембарскӧй мокшалӧн сідзжӧ серӧтӧны мышк. Комплектӧ сідзжӧ пырӧны вешьян (понкст), кӧда увдӧрас вурӧм кумачӧн, запон (запон, сапоня) мороса нето соса, дженытик кафтан (мушкас), кӧда мичӧтӧм кумачӧн нето гӧрд кыйӧмӧн, нямӧттэз (сьӧд нето гӧрд веж-виж-сьӧд виззя), сера сьӧд-чочком гӧрдззӧм чӧрӧссэз (цюлкат) да мича сапоггез, кӧдналӧн черрес ӧктӧмӧсь кӧрӧмӧн да каблукыс дорӧм ыргӧн туввезӧн.

Мичаторрес зэв унаӧсь: трапециякодь одза сюлгам мичӧтӧм бисерісь, моллезісь, сьӧмись, шыргуннэзісь керӧм везӧн; бусы (цифкс, тифкс, крганьпирф) нето бисерись ӧктӧм пелерина (комбоне); параа моросвывся (горожонь крганя, ярмак пилькс), мышквывся (фтала пула, копорь цёконе, пархци котф) да пельпонвывся (кичкор, крёскал) мичаторрез, кӧдна керӧмӧсь дӧраись да мичӧтӧмӧсь бисерӧн да сьӧмӧн; йи бердся кӧртӧттэз (сёкт, цёкт, каркс сёконят, каркс пет, килькштамат, ватракштат) да мд.

Айкаа мокша инькаэс йианыс сюйлісӧ квать мымда серӧтӧм чышкӧт (кеска руцят), чембар мокшаэз новйисӧ тодиль элемент — гушаконя.

Панга нима юрвевт керӧм кыдз лузсалӧн юркӧртӧт, одзыс чорыт нёльпельӧса да бӧрыс небыт, сы вевдӧрӧ кӧртавлісӧ тюрбан моз чышьян; кытӧнкӧ новйисӧ кика (сорока) юрвевт; Зубово-Полянскӧй районісь ойвыв-рытвылын чорыт одза (лосник) да бӧра (затилка) юрвевт вевдӧрӧ кӧртавлісӧ тюрбанӧн чочком чышьян (платенця, пря руця), кӧдалісь дорресӧ кӧртавлісӧ бантӧн кымӧс вылӧ.

Ичмоннезлӧн да том инькаэзлӧн юрвевт (златной) вӧлі зэв дона да мича; ХХ век пондӧтчикӧдз гӧтрасись нывкаэз новйисӧ юр выланыс вывланьӧ паськӧтӧм паськыт юркытш, кӧда вӧлі керӧм банісь (куйгор). 1930 воэзсянь мокша инькаэз новйӧны паськыт оборкаа (панчф) кокетка вылын платтё (нуло, сарапон) .

  • Национальнӧй костюма мокша инькаэз. XIX сёво. Мордва-мокша, Тамбов губерния, Темниковскӧй уезд, ХІХ сёво пом - ХХ сёво пон

    Национальнӧй костюма мокша инькаэз. XIX сёво. Мордва-мокша, Тамбов губерния, Темниковскӧй уезд, ХІХ сёво пом - ХХ сёво пон

  • Вежалунся костюм. Мокша. Пенза губерния

    Вежалунся костюм. Мокша. Пенза губерния

  • Ичмоньлӧн костюм. Морӧсвывся мичӧтаннэз. Мордва-мокша, Тамбов губерния, Темниковскӧй уезд, ХІХ сёво пом - ХХ сёво пон

    Ичмоньлӧн костюм. Морӧсвывся мичӧтаннэз. Мордва-мокша, Тамбов губерния, Темниковскӧй уезд, ХІХ сёво пом - ХХ сёво пон

  • Мокша национальнӧй паськӧмӧ пасьтасьӧм этнографическӧй ансамбль, одзас веськытладорас сулалан инька кӧмасьӧм традиционнӧй сапоггезӧ, кӧдналӧн кокчерыс ӧктӧм кӧрӧмӧн.

    Мокша национальнӧй паськӧмӧ пасьтасьӧм этнографическӧй ансамбль, одзас веськытладорас сулалан инька кӧмасьӧм традиционнӧй сапоггезӧ, кӧдналӧн кокчерыс ӧктӧм кӧрӧмӧн.

Гора нима отир

Пасйӧттэз

  1. ↑ Национальный состав населения Российской Федерации согласно переписи населения 2021 года.
  2. ↑ Ингерманландская Лютеранская церковь. Видзӧтӧм 11 Тӧвпом 2026.
  3. ↑ Pimenoff, Ville Nikolai Living on the Edge: Population Genetics of Finno-Ugric-speaking Humans in North Eurasia / Academic dissertation англ.. Department of Forensic Medicine University of Helsinki (2008). Видзӧтӧм 10 Тӧвпом 2026.
  4. ↑ Полубояров М. С. Древности Пензенского края в зеркале топонимики. — М.: Издательство ЗАО «Фон», 2010. — 224 с. — ISBN 5-89022-094-2.
  5. ↑ Усманов М. А. Заветная мечта Хусаина Фаизханова Повесть о жизни и деятельности. — Казань: Татарское книжное издательство, 1980. — 223 с.
  6. ↑ Поспелов Е. М. Географические названия мира: Топонимический словарь / Отв. ред. Р. А. Агеева. — 2-е изд. — М.: Русские словари: Астрель: АСТ, 2002. — С. 272. — 512 с. — 5000 экз. — ISBN 5-17-001389-2.
  7. ↑ Гордова Ю. Ю. Ареалы субстратной топонимии в Рязанской области: типы на - ша // Филологические науки. Вопросы теории и практики. — 2016. — № 3—1 (57).
  8. ↑ Цыганкин Д. В. Память, запечатленная в слове: Словарь географических названий Республики Мордовия. — Саранск, 2004. — 432 с.
  9. ↑ Ардеев И. Д. Фонетические процессы в древнем финно-угорском языке и их отражение в топонимии Волго-Окского междуречья / Рос. акад. наук. Ин-т языкознания. Пенз. гос. пед. ун-т им. В.Г. Белинского. — М.; Пенза: ПГПУ, 2002. — С. 33. — 206 с. — ISBN 5-94321-010-5.
  10. ↑ 1 2 Топонимический словарь Рязанской области / Под ред. А. А. Никольского; Ряз. гос. пед. ун-т им. С. А. Есенина. — 2-е изд., испр. и доп. — Рязань, 2004. — 296 с. — ISBN 5-88006-344-5.
  11. ↑ Смолицкая Г. П. Гидронимия бассейна Оки: Список рек и озёр. — М.: Наука, 1976. — 404 с.
  12. ↑ 1 2 Мокша // Этимологический словарь русского языка : в 4 т. / авт.-сост. М. Фасмер ; пер. с нем. и доп. чл.‑кор. АН СССР О. Н. Трубачёва, под ред. и с предисл. проф. Б. А. Ларина [т. I]. — Изд. 2-е, стер. — М. : Прогресс, 1986—1987.
  13. ↑ Никонов В. А. Краткий топонимический словарь. — М., 1966. — С. 272; Даль. — Т. 2. — С. 340.
  14. ↑ Бабурин А. В., Никольский А. А. Мокша (происхождение назв.) // Рязанская энциклопедия. — Т. 3. — С. 316.
  15. ↑ Смолицкая Г. П. Топонимический словарь Центральной России: Географические названия. — М.: Армада-пресс, 2002. — С. 208—209. — 416 с. — ISBN 5-309-00257-X.
  16. ↑ Паллас П.-С. Путешествия по разным провинциям Российской империи. Ч. I. — СПб., 1773. — С. 112.
  17. ↑ 1 2 3 4 Русская историческая географiя: Мордва: Курсъ лекцій, читанныхь в 1908—1909 уч. году въ Московскомъ Археологическомь Институте: [Вып. 1—2 / [соч.] С. К. Кузнецовымь]. — М.: Печатня А. И. Снегиревой: Тип. Пожидаева, 1912. — С. 73.
  18. ↑ Марк К. Ю. Этническая антропология мордвы // Вопросы этнической истории мордовского народа. — М., 1960. — С. 120—143.
  19. ↑ Алексеева Т. И. Антропологический состав населения Волго-Окского бассейна: Антропологический сборник. — М., 1956.
  20. ↑ Восточные славяне: Антропология и этническая история / Под ред. Т. И. Алексеевой. — М.: Научный мир, 2002.
  21. ↑ Антропология современных финно-угорских народов [Сб. ст.] / Рос. акад. наук, Ин-т этнологии и антропологии им. Н. Н. Миклухо-Маклая; Отв. ред. А. А. Зубов. — М.: ИЭА, 2000. — 266 с. — ISBN 5-201-13717-2.
  22. ↑ Абрамов В. К. Об эрзя-мокшанских различиях // Финно-угорский мир. — 2012. — № 1—2.
  23. ↑ 1 2 3 Мордовия: Энциклопедия: В 2 т. — Т. 2: М — Я / НИИГН при Правительстве РМ. — Саранск, 2004. — С. 5—21.
  24. ↑ Археологические открытия: 2016 год / Отв. ред. Н. В. Лопатин. — М.: Институт археологии РАН, 2018. — 520 с. — ISBN 978-5-94375-260-5.
  25. ↑ 1 2 Зеленеев Ю. А., Зеленцова О. В. Средневековая мордва по археологическим данным // Поволжская археология. — 2012. — № 1.
  26. ↑ Вихляев В. И. Расселение мордвы в III - начале XIII вв // Поволжская археология. — 2013. — № 2 (4).
  27. ↑ Мельников П. И. Очерки Мордвы. — М.: Директ Медиа, 2010, 1867. — ISBN 9785998943942.
  28. ↑ 1 2 БРЭ, 2017.
  29. ↑ Древние народы Пензенского края. PenzaNews. Видзӧтӧм 10 Тӧвпом 2026.
  30. ↑ Козлов В. И. Расселение мордвы — эрзи и мокши // Советская этнография. № 2. — 1958.
  31. ↑ Перечень имен народов, выделявшихся при разработке материалов Всесоюзных / Всероссийских переписей 1926 - 2002 гг., и их численность. 2002. Демоскоп. Видзӧтӧм 10 Тӧвпом 2026.
  32. ↑ Всероссийская перепись населения 2010 г.: Национальный состав населения Российской Федерации. Демоскоп. Видзӧтӧм 10 Тӧвпом 2026.
  33. ↑ Росстат Федеральная служба государственной статистики. — Население Российской Федерации по владению языками. Росстат. Видзӧтӧм 10 Тӧвпом 2026.
  34. ↑ Левина М. З. Из истории классификации диалектов мокшанского языка // Финно-угорский мир. — 2015. — № 3 (24).
  35. ↑ Сухорукова О. А. Этническая история России: учебное пособие. — Ч. I. . — М.: МГПУ, 2015. — 204 с.
  36. ↑ 1 2 Ситдиков А. Г. Введение в этногенез народов Поволжья и Приуралья. Часть I. Истоки этногенезафинских народов: учебно-методическое пособие для студентов, обучающихся по специальности «История». — Казань: Издательство Казанского государственного университета, 2008. — 33 с.
  37. ↑ 1 2 Вихляев В. И. Могильники мордвы III-V вв. И проблема единства древней культуры // Поволжская археология. — 2017. — № 1 (19).
  38. ↑ Kuussaari E. Suomen suvun tiet kuvaus Suomen sukukansojen kehityksestä sekä tuhatvuotisista vaelluksista ja valtataisteluista / kirj. Eero Kuussaari. — Helsinki: Suomen heimosoturien liitto, 1935. — 324 с.
  39. ↑ Бубрих Д. В. Можно ли отождествлять мордву с андрофагами Геродота? // Записки Мордовского научно-исследовательского института социальной культуры. № 3. — Саранск: 1941. — С. 31.
  40. ↑ Юрченков В. А. Начертание мордовской истории: Монография. — Саранск: НИИ гуманитарных наук при правительстве Республики Мордовия, 2012. — 612 с. — ISBN 978-5-900029-87-0.
  41. ↑ Thomsen, Vilhelm. Beröringer mellem de finske og de baltiske (litauisk-lettiske) sprog: en sproghistorisk undersøgelse. — Lunos, 1890. — 308 с.
  42. ↑ Смирнов К. Ф. Новые данные по сарматской культуре Северного Кавказа // Краткие сообщения Института истории материальной культуры. Вып. XXXII. — 1950. — С. 125.
  43. ↑ Синицын И. В. Памятники Нижнего Поволжья скифо-сарматского времени // Археологический сборник. Т. 1. — Саратов, 1956.
  44. ↑ Ставицкий В. В. Основные концепции этногенеза древней мордвы (историографический обзор) // Известия Самарского научного центра Российской академии наук. — 2009. — № 6—1.
  45. ↑ Корнишина Г. А. Этногенез мордвы. К истории изучения проблемы // Электронный научный журнал «Современные проблемы науки и образования». — 2006. — Вып. 1.
  46. ↑ Гришаков В. В., Седышев О. В. Основные тенденции генезиса археологических культур на территории мордовского края в раннем железном веке и на начальном этапе Великого переселения народов // Манускрипт. — 2017. — № 2 (76).
  47. ↑ Пензенский краевед и археолог Михаил Романович Полесских. Государственный архив Пензенской области. Видзӧтӧм 10 Тӧвпом 2026.
  48. ↑ Первушкин В. И. Селиксенский археологический район / Пензенская энциклопедия. — М.: Большая российская энциклопедия, 2001.
  49. ↑ Барбаро, Иосафат. Барбаро и Контарини о России : К истории итал.-рус. связей в XV в. / И. Барбаро, А. Контарини / Вступ. статьи, подгот. текста, пер. и коммент. Е. Ч. Скржинской ; АН СССР. Ин-т истории СССР. Ленингр. отд-ние. — Ленинград: Наука. Ленинградское отделение, 1971. — 273 с.
  50. ↑ «Он [Менгу-каан] провел там то лето, а после того, в такику-ил, в год курицы, соответствующий 634 году хиджры [4 сентября 1236 — 23 августа 1237 г.], сыновья Джучи — Бату, Орда и Берке, сын Угедей-каана — Кадан, внук Чагатая — Бури и сын Чингиз-хана — Кулкан занялись войною с мокшей, буртасами и арджанами и в короткое время завладели ими» / Рашид-ад-Дин «Сборник летописей» II.2, пер. Л. А. Хетагурова.
  51. ↑ Гераклитов А. А. Избранное: в 2 ч. / Редкол.: В. А. Юрченков (пред.) [и др.]; НИИ гуманитар. наук при Правительстве Республики Мордовия. — Саранск, 2011. — Ч. 1. — 464 с.
  52. ↑ Татищев В. Н. История Российская. — М.; Л. — Т. 1. — С. 209. — 314 с.
  53. ↑ Юрченков, 2007.
  54. ↑ Ахмедов И. Р. Псалии в начале эпохи великого переселения народов / Д. А. Сташенков. — Культуры Евразийских степей вт. пол. I тыс. н. э.: (из истории костюма), Т. 2. — Самара: Самарский областной историко-краеведческий музей им. П.В. Алабина, 2001. — С. 229. — 268 с. — ISBN 5-89716-026-0.
  55. ↑ Федорова М. В. Славяне, мордва и анты : (К вопросу о языковых связях). — Воронеж: Изд-во Воронеж. ун-та, 1976. — 86 с.
  56. ↑ Ахмедов И. Р. Псалии в начале эпохи великого переселения народов // Культуры Евразийских степей вт. пол. I тыс. н. э.: (из истории костюма) . — Т. 2 . — Самара, 2001 — С. 220—222.
  57. ↑ Афанасьев Г. Е. Буртасы // Исчезнувшие народы. — М., 1988. — С. 85—96.
  58. ↑ Афанасьев Г. Е. Этническая территория буртасов во второй половине VIII — начале Х века // СЭ. — 1984. — № 4 — С. 28—41.
  59. ↑ Артамонов М. И. История хазар. — Л.: Издательство Государственного Эрмитажа, 1962. — С. 98—99. — 385 с.
  60. ↑ Вихляев В. И. Мордва и Российское государство: начальные периоды взаимоотношений (X-XVI вв. ) // Гуманитарий: актуальные проблемы гуманитарной науки и образования. — 2012. — № 2.
  61. ↑ Воейков Л. А. Сборник материалов для описания Тамбовской губернии. — Санкт-Петербург: Тип. Имп. Акад. наук, 1872. — 192 с.
  62. ↑ Голубовский П. В. Болгары и Хазары, Восточные соседи Руси при Владимире Св.: Историко-этнографический очерк. — Киев: Типография Г. Т. Корчак-Новицкого, 1888. — 43 с.
  63. ↑ История Пензенского края / под редакцией профессора Г. Н. Белорыбкина. — Пенза, 1996.
  64. ↑ Калинина Т. М. Сведения Ибн Хаукаля о походах Руси времен Святослава // ДГ. М., 1976. С. 90—101.
  65. ↑ Юрченков, 2007, с. 89.
  66. ↑ Юрченков, 2007, с. 90.
  67. ↑ Юрченков, 2007, с. 93.
  68. ↑ Юрченков, 2007, с. 97—98.
  69. ↑ Костомаров Н. И. Русская история в жизнеописаниях её главнейших деятелей. Видзӧтӧм 11 Тӧвпом 2026.
  70. ↑ Лурье Я. С. Общерусские летописи XIV-XV вв. / АН СССР, Ин-т рус. литературы (Пушкинский дом). — Ленинград: Наука. Ленингр. отд-ние, 1976. — С. 49—55. — 283 с.
  71. ↑ Лурье Я. С. Летопись Тверская / Словарь книжников и книжности Древней Руси. — Вып. 2. (вторая половина XIV—XVI в.). — Ч. 2. — Л., 1989.. Видзӧтӧм 11 Тӧвпом 2026.
  72. ↑ Рашид-ад-Дин. Сборник летописей / Рашид-ад-дин ; Акад. наук СССР, Ин-т востоковедения / пер. с перс. Ю. П. Верховского ; примеч. Ю. П. Верховского и Б. И. Панкратова ; ред. проф. И. П. Петрушевского ; [отв. ред. акад. И. А. Орбели]. — Москва; Ленинград: Изд-во Акад. наук СССР, 946-1960, 1960. — Т. 2. — 248 с.
  73. ↑ Bacon, Roger. The "Opus majus" of Roger Baconангл. / edited, with introduction and analytical table by John Henry Bridges. — Williams and Norgate, 1900. — 568 p.
  74. ↑ Itinerarium fratris Willielmi de Rubruquis de ordine fratrum Minorum, Galli, Anno gratia 1253. ad partes Orientales.
  75. ↑ Путешествия в восточные страны Плано Карпини и Рубрука / Ред., вступ. статья и примеч. Н. П. Шастиной. — Москва: Географгиз, 1957. — 270 с.
  76. ↑ Мадуров Д. Ф. Волжские земли в истории и культуре России: Материалы Всероссийской научной конференции // Мадуров Д. Ф. События XIII века в истории эрзи и мокши, О сражении на Золотарёвском городище осенью 1237 г. / МГУ им. Н. П. Огарева и др.; редкол.: Н. П. Макаркин (гл.ред.) и др. — Саранск: тип. «Красный Октябрь», 2004. Ч. I — 264 с.
  77. ↑ Белицер В. Н., Котков К. А. Исследования по материальной культуре мордовского народа. — Академии наук СССР, 1963. — С. 79. — 253 с.
  78. ↑ ПСРЛ, 1914, с. 64-65
  79. ↑ 1 2 Смирнов И. Н. Мордва: Историко-этнографический очерк. — Казань: Типография Императорского Университета, 1895. — 291 с.
  80. ↑ 1 2 3 Балановский О. П. Генофонд Европы. — Москва: Товарищество научных изданий КМК, 2015. — 354 с. — ISBN 978-5-9907157-0-7.
  81. ↑ 1 2 Балановская Е. В., Пежемский Д. В., Романов А. Г., Баранова Е. Е., Ромашкина М. В., Агджоян А. Т., Балаганский А. Г., Евсеева И. В., Виллемс Р., Балановский О. П. Генофонд Русского Севера: славяне? Финны? Палеоевропейцы? // Вестник Московского университета. Серия 23. Антропология. — 2011. — № 3.
  82. ↑ 1 2 Олег Балановский Генетические взаимоотношения популяций Европы: три уровня. Генофонд.рф (2015-11-25). Видзӧтӧм 26 Тӧвпом 2026.
  83. ↑ Tambets et al.(2004), Moksha (Staroshaygovsky District of Mordovia) n=83
  84. ↑ Limborska et al. 2002, Moksha
  85. ↑ Генетический проект компании FamilyTree DNA «Эрзя-Мокша», таблица по гаплогруппам мокшан / Erzya-Moksha-Mescher DNA Project Y-DNA Chart, 2022
  86. ↑ Демидов А. Н. Служилая мордва в XVII-XVIII веках // Гуманитарий: актуальные проблемы гуманитарной науки и образования. — 2016. — № 2 (34).
  87. ↑ Заварюхин Н. В. Были ли у мордвы князья? На перекрестке мнений / отв. ред. Ю. Ф. Юшкин, В. А. Юрченков. — Саранск: Мордов. кн. изд-во, 1990. — С. 67—74. — 223 с. — ISBN 5-7595-0621-8.
  88. ↑ Гераклитов А. А. Материалы по истории мордвы : сборник выписок из печатных источников (X—XVIII вв.). — М. ; Л.: Соцэкгиз, 1931. — 124 с.
  89. ↑ Заварюхин Н. В. Мордовские князья // Мордовия. Энциклопедия: в 2 томах / Гл. ред. А. И. Сухарев. — Саранск, 2004. — Т. 2 (М—Я). — С. 38—39.

Литература

  • Мокша / Мокшин Н. Ф. // Большая российская энциклопедия [Электронный ресурс]. — 2017. — (Большая российская энциклопедия] : [в 35 т.] / гл. ред. Ю. С. Осипов ; 2004—2017).
  • Нижегородский сборник, Том 1 / Нижегородский губернский статистический комитет под редакций А. С. Гациского. — Типография Нижегородского губернского правления, 1867. — С. 220.
  • Риттих Александр Федерович. Матеріалы для этнографіи Россіи: Казанская губерния, ХIV-тая. — Тип. Казанскаго университета, 1870. — С. 217.
  • Семёнов Василий. Библиотека иностранных писателей о России. Том 1. — Типография III. Отделение Е. И. В. Собственной Канцелярии, 1836. — С. 155.
  • Юрченков В. А. Мордовский народ: вехи истории. — Саранск, 2007.
  • Brook, Kevin Alan. The Jews of Khazaria. 2nd ed. Rowman & Littlefield Publishers, Inc, 2010. ISBN 978-0-7425-4981-4
  • Minahan, James B. Encyclopedia of Stateless Nations: Ethnic and National Groups around the World, 2nd Edition: Ethnic and National Groups around the World. — ABC-CLIO, 2016. — С. 278. — 568 с.
  • Prichard, James Cowles. Researches Into the Physical History of Mankind, Том 3. — Sherwood, Gilbert & Piper, 1841. — 317 с.
  • Royal Anthropological Institute of Great Britain and Ireland. The Journal of the Anthropological Institute of Great Britain and Ireland, Том 3. — London: Trübner & Co, 1874. — С. 291.
  • The Folk-lore Journal, Том 7;Том 24 / Владелец оригинала: Гарвардский университет. — Great Britain: Published for for the Folk-lore Societ by ELLIOT STOCK, 62, PATERNOSTER ROW, 1889. — С. 66.

Мокша кывья периодика

  • Мокша (литературно-художественный и общественно-политический журнал)
  • Мокшень правда (сайт)
  • Якстерь тяштеня (детский журнал)

Ыстӧттэз

Босьтӧма "https://koi.ruwiki.ru/w/index.php?title=Мокша_отир&oldid=216097"-ись