Удмурт отир

Босьтöм Рувикиись

Экспертиза РАН

Logo-ran.pngLogo-ran-black.png
Чулӧтӧм экспертиза
Россиялӧн наукаэз академияӧн
Унажык
Aprove.svg

РНА-лӧн экспертиза

Arrow-Right.png
Logo-ran.png
Чулӧтӧм экспертиза
Россиялӧн наукаэз академияӧн
Унажык
Удмурттэз
Ӧння кадся асним удмурт (лунвыв диалект),
удморт (ойвыв диалект)
Отир лыд 581 000
Олӧмин

 Российскӧй Федерация:
386465 (2021 во) (0.26%)[1], 552299 (2010 во) (0.38%)[2], 636906 (2002 во)[3][4]
(0.4 %)

 Казахстан:
5824 (перепись 2009 г.)[5] 1989 воын ортчытэм лыдъян-чотанъя Казахстанын 15 855 удмуртъёс вал[6]
 Украина:
4712 (2001 воын ортчытэм лыдъян-чотан)[7]

Узбекистан Узбекистан:
4200 (2020 во)[8]

 Таджикистан:
635 (1989 во)[9]

Туркменистан Туркменистан:
600 (2020 во) [8]

Молдова Молдова:
600 (2020 во) [8]

Беларусь Белоруссия:
481 (2020 во)[10]

Соединённые Штаты Америки США:
400 (2015 во)[11]

Кыргызстан Кыргызстан:
300 (2020 во)[8]

Грузия Грузия:
209 (1989 во)[9]

Латвия Латвия:
197 (2023 во)[12]

Эстония Эстония:
180 (2021 во)[13]

Азербайджан Азербайджан:
165 (1989 во)[9]

Литва Литва:
71 (2011 во)[14]

Армения Армения:
34 (1989 во)[9]
Кыв удмурт кыв, роч кыв
Религия православнӧй, гортся эскӧм
Пырӧ финн-йӧгра йӧззэз
Ӧтувтырья отир коми, перем комиэз, мари
Этногруппаэз бесермяна
Вужжез пермяна
Логотип РУВИКИ.Медиа Медиафайлы на РУВИКИ.Медиа

Удмурттэз (удм. удмурт, удморт[15], у. л. удмуртъёс; рочӧн удмурты, важ роч ним — вотяки́, отяки, воть, отяцкая чудь) — финн-йӧгра йӧз. Медматісь ӧткывья йӧззэз — комиэз (пермяккез да зыряна), пырӧны ӧтлаын финн-йӧгра кыв котырись перем увтырӧ.

Гижалӧм

Удмурттэз олӧны Россиялӧн европа ладорын, Кама да Ватка юэз коласын. Медунаӧн олӧны Удмуртияын, лоӧны сія регионын вуж отирӧн. Сідзжӧ удмурт диаспораыс олӧ Башкортостанын, Киров областьын, Пермскӧй крайын да мӧдік регионнэзын[16].

Удмурттэс кывныс сьӧрті янсалӧны куим ыджыт чукорӧ: лунвыв, ойвыв да шӧрся. Торйӧн видзсьӧ бесермяна диалект. Кыв сьӧрті киння, нія группаэслӧн эмӧсь ассяматоррез материальнӧй культураын[17].

Антопологическӧя удмурттэс аркмӧтӧны финн-йӧгра кывья йӧззэз котырын ассяма торья тип — вятско-камскӧй, кӧда аркмӧм европеоиднӧй да монголоиднӧй расаэзісь. Европеоиднӧй чужӧмбан ассяматоррез киння, удмурттэс коласын уна гӧрд юрсиа отир.

Медшӧр религия — православнӧй, кӧдаын видзсьӧ важ удмурт эскӧм ассяма посаддэзӧт. 2021 вося Россияпасьтся отирлыддьӧм сьӧрті, Россияын олісӧ 386 465 удмурт морт[18].

Этноним

«Удмурт» кыв аркмӧм йылісь эмӧсь берся гипотеза. С. К. Белых да В. В. Напольских версия сьӧрті, кылыс локтӧм иран кылісь — (ant(a)-mart(a), мый вужӧтсьӧ кыдз «визир дорын, дорын олісь морт»[19][20].

Зыряна да вотяккез традиционнӧй паськӧмын. 1862 в.

Мӧдік версия сьӧрті, «удмурт» кылыс аркмӧм кык компонентісь: -уд- (тӧдтӧм семантикаа) да -мурт «морт, айпӧв» (сы кузя мукӧд туяліссез сы вежӧртасӧн лыддьны «уд увтырись морт; уд морт»).

Одзза роч кывья нимыс — вотяки́ (отяки, воть) — аркмӧм сія жӧ кыввуж дынӧ -уд-, кыдз и асним удмурт (но мари кыв пыр, кӧдаын «удмуртыс» о́до)[20].

Тюрк кыввезын удмурт отирсӧ шуӧны «ар». XIV сёвося роч кывья юӧра ӧшмӧссэзын касьтывсьӧны «аряне, арские люди». Документтэс сьӧрті, ар отирыс, ны ӧксуэз (арские князья) фиксируйтӧмӧсь Кама кывтытын — Казань да Улісь Чепца дынын. Ныын гижӧм арскӧй да каринскӧй (чепецкӧй) татара йылісь, кӧдна петісӧ Волга Булгариялӧн асторья шӧринісь Арск карись да олісӧ Казань канмуын. Ӧшмӧссэзас веськыта абу гижӧм, мый удмурттэз вӧлісӧ ар отир коласын[21].

Удмурттэз йылісь медодзза казьтылӧм пантасьӧ араб путешественник Абу-Хамид аль-Гарнати уджжезын (XII сёво). Литератураын «удмурт», «удморт» аснимыс пантасьӧ дзир XVIII сёвосянь.

Антропология

Антропологическӧй характеристика сьӧрті удмурттэзӧс лыддьӧны уральскӧй учӧт расалӧн субуральскӧй (вятско-камскӧй) типӧн. Эта типлӧн тӧдчанаӧсь европеоид ассяматоррез учӧт монголоид ассямаӧн. Сійӧ сідзжӧ мыччалӧны Удмуртияись рытвыв-лунвыв районнэзын да ойвыв-рытвыв Татарстанын, кытӧн чайтана удмурттэзлӧн чужанін, шойнаэзісь адззӧм юрлыэз краниологическӧй параметррез сьӧрті XVII—XIX сёвоэзся туялӧм[22]. Медвачкисяна ны антропологическӧй комплекс вылӧ лоӧны коми-пермяккез.

Ӧтудмурт фонісь торьяссьӧ сідз шуана шӧрӧт чепца группа, кӧдалӧн мыгӧрыс вачкисьӧ асыввывся балтийскӧй типкӧт (карелаэзкӧт, ижораэзкӧт да коми-зырянакӧт), кӧда важын вӧлі паськалӧм Европаын. Чайтсьӧ, мый сія аркмис чепецкӧй культура отирлӧн ойвыв удмурттэзӧ пырӧм кузя[22].

Ӧння лунвыв удмурттэзлӧн характернӧй европеоиднӧй мыгӧрыс лоӧ уралоид сораса. Айморттэзлӧ ассямаӧн лоӧ шӧркодь мыгӧр, суббрахикефальнӧй формаа ыджыт юрлы, кузьмӧса шӧрӧт паськытаа чужӧм, ӧмдадь шӧрӧт паськытаыс тӧдчӧмӧн ыджытжык кымӧс паськытаысся, паськыт ныр, шӧрӧт кызаа тырппез, шӧрӧт пигментация юрсиын да синнэзын, ыджыт процент гӧрд юрсиа морттэзлӧн. Удмурт этнослӧн мирын медыджыт «гӧрд юрси сьӧрті индекс». Гӧрд юрсиа морттэз лыд сьӧрті удмурттэз унажыкӧсь кельттэзся. Тошыс шӧркодь, син гӧгӧрся ассяматоррез кыдз европеоиддэзлӧн, кӧр сингуыс мымдакӧ векнитжык, эпикантусыс овлӧ шоча, чужӧм бура профилируйтӧм, абу тӧдчана анласа, но паськыт, нырыс бура мыччисьӧм, ныр чангыльтӧмыс мыччисьӧ айморттэзлӧн кыдз учӧт тенденция.

Инькаэзын бура тыдалӧ европеоид типлӧн чинӧм субуральскӧй (уралоид) ассяматоррез кузя, кӧдна лоӧны характернӧйезӧн Волга да Камадорын оліссезлӧ: мыгӧрлӧн, юрлӧн да чужӧмлӧн чинӧм, тӧдчанажык чужӧм кусінь визь сьӧрті, чужӧм формалӧн вежсьӧм увладорӧ, юрси сьӧдӧтӧм, форма сьӧрті зэлыт юрсиэзлӧн, эпикантуслӧн да ныр чангыльтӧмлӧн содӧм, чужӧм профилируйтӧмлӧн тӧдчана чинӧм, да сідзжӧ анлассэзлӧн ыждӧм да нырвуж лапмӧм[23].

История

Волга-Урал регионын удмурттэзлӧн олан ареал. 2010 вося Россияпасьтся отирлыддьӧм сьӧрті.

Удмурт этнослӧн формируйтчӧмыс пондӧтчӧ миян эраӧдз І-ІІ сюрс воэз гӧгӧр, чайтана, мый территорияыс, кытӧн аркмис удмурттэзлӧн ӧтласа котыр, вӧлі лунвыв Камадор да ӧння кадся Татарстанісь ойвыв-рытвыв районнэз, Киров областись лунвыв-асыввыв районнэз да Удмуртияись лунвыв-рытвыв районнэз[24]. Сы йылісь висьталӧ медваж, XVI сёво одзжык аркмӧм удмурт увтыррезлӧн история (Дурга, Дӧкъя, Джикъя, Какся, Можга, Омга, Пельга, Пурга, Салья, Сӧръя, Сюра, Тукля, Уча, Чабъя, Чола, Шудья, Эгра, Юмья)[25], кӧдна олӧмась Волга да Камадорын. Да сідзжӧ удмурт кылын эмӧсь протославяна кылісь босьтӧм кывторрез, кӧдна мыччалӧны протославяна отиркӧт топыт йитӧттэз, кӧдна колисӧ Кама кывтын Именьково археологическӧй культуралісь памятниккез (IV—VII св.).

Миян эрася II сюрс во пондӧтчикӧ удмурттэзлӧн ӧтік тор пырӧм торья топыт йитӧттэзӧ булгаракӧт, да сідз пондӧм аркмыны бесермяна этно-сословнӧй группа. Сія тӧдчана удмурт кылӧ булгара кылісь пырӧм кыторрезӧт. Булгария кипод увтын олісь Ару му йылісь гижис араб путешественник Абу Хамид аль-Гарнати, кӧр сія вӧлі Булгарияын 1135—1136 вося толӧн[26]. Но эмӧсь и одзжык гижӧм ӧшмӧссэз, кӧднаын гижӧм эта этнополитическӧй аркмӧм йылісь. Хазара каган Иосифлӧн 960-ӧт воэзся гижӧтын отир лыдын, кӧдна олӧны «Итиль ю дорын», касьтывсьӧ и «ар» нима йӧз[27]. Ар му йылісь касьтывлӧны и 1379—1380 воэзся роч летописсез. 1469 вося летописьын Вотяк му йылісь гижӧма кыдз Казан канмулӧн торья му йылісь[28]. Булгария монголлэзӧн вермӧм бӧрын удмурттэз одзлань колонизируйтісӧ Ватка да Кама юэзлӧн бассейн пытшкся районнэз. Вӧр массиввез гӧрӧм понда му босьтӧмыс муніс Кильмезь, Вала, Умяк, Тойма, Иж юэзӧт да ны вожжез пӧлӧн, унажыксӧ ойланьӧ да ойвыв-асывланьӧ.

XV сёво мӧд джынсянь пондӧтчӧ аркмыны удмурттэзлӧн территориальнӧй группа «ватка» (мӧднёж шуны, удмурттэз, кӧдна олӧмась Ватка ю пӧлӧн; ватка удмурттэз), кӧдӧ аркмӧтісӧ Улісь Ватка увтыррез — Дурга, Сюра, Чабья да Чола. Удмурттэзкӧт ӧтлаын Ваткаӧ вуджис и бесермяналӧн тор. Мукӧд историккез висьталӧны, мый 1462 воӧ Иван ІІІ сетіс Мангытскӧй юрталӧн Нукус кипод увтісь петӧм Кара-беклӧ Вятка да Слободскӧй каррез дынын поместье, да кипод увтӧ тшӧктіс босьтны отирӧс «визир сайись» (сія кадӧ сэтшӧмӧн вӧлі Казан канмулӧн Арскӧй ладорыс)[29].

XVI сёво пондӧтчикӧ пондӧтчӧ Чепца ю бассейнісь му овмӧтӧм, кӧда сы вотӧдз кык сёво бӧрті Чепецкӧй археологическӧй культуралӧн медбӧрья оланіннэз (IX—XIV веккез) кольӧм бӧрын вӧлі оланаинтӧм[30]. Чепца колонизируйтӧмын участвуйтісӧ бесермянакӧт «ватка» удмурттэз, кӧдна мунісӧ юыс катытӧ, да «калмез» удмурттэз, кӧдна вуджисӧ Вылісь да Шӧрӧт Чепцаӧ Кильмезь бассейнісь. Кольччӧм грамотаэз сьӧрті, эта процесслӧ отсалӧмась сыӧн интересуйтчӧм каринскӧй княззез — Кара-беклӧн потомоккез, кӧдналӧ XVI сёво пондӧтчикӧ Иван ІІІ сетӧм «Чепцасӧ сы петансянь да ва ӧмӧдз»[31].

Роч канмуӧ, Ватка мусӧ ӧтлаӧтӧмӧн, ойвывся удмурттэз пырисӧ XV сёво помын (1489 во), сія кадӧ, кӧр удмурттэзлӧн лунвыв юкӧныс — аррес, Арскӧй му — XVI сёво шӧрӧдз мынтіс вот булгаралӧ. XVI сёвоӧ Казан канмуись Ваткаӧ пондӧтчӧны мунны лунвыв удмурттэз. Удмурт муэз пырисӧ Роч канмуӧ Казань усьӧм бӧрын 1552 воӧ[32]. Казан канму Роч канмукӧт ӧтлаӧтӧм бӧрын тӧдчис удмурттэзлӧн миграциялӧн эшӧ ӧтік веськӧв — Буйск-Танып юэз коласся муэз (башкир муэз).

Ӧння кадӧ удмурттэзлӧн олан картаыс аркмис дзир ХVІІІ сёво пондӧтчикӧ. 1780 воӧ Вятскӧй да торйӧн Казанскӧй да Свияжскӧй провинцияэзісь вӧлі аркмӧтӧм Вятскӧй наместничество, 1796 восянь — Вятскӧй губерния. Эта кадсянь удмурт отирлӧн ыджытжык юкӧныс пондіс овны ӧтік административнӧй ӧтса пытшкын. Вятскӧй губернияын удмурттэз компактнӧя олісӧ Елабуга, Глазов, Сарапул, Малмыж, Уржум да Вятскӧй уезддэзын.

1897 воӧ Россияпасьтся отирлыддьӧм сьӧрті удмурттэз (чужан кыв — вотяцкӧй) олісӧ эттшӧм губернияэзын:[33]

Губерния Айморт Иньморт Быдӧссӧ
Вятскӧй 185515 192378 377893
Уфимскӧй 11457 11050 22507
Казанскӧй 4892 4787 9679
Пермскӧй 3304 3201 6505
Самарскӧй 1028 1090 2118
Мӧдік губернияэз 2179 89 2268
Быдӧссӧ империяын 208375 212595 420970

Ны коласісь карын олӧмась 2245 морт (нето 0,53 % быдӧс отир лыдсис)[33].

РСФСР ВЦИК-лӧн 1920 вося арпом 4 лунся декретӧн[34] вӧлі аркмӧтӧм Вотскӧй автономнӧй область. Сыӧ пырисӧ Сарапул, Воткинск, Елабуга, Бондюга, Кизнер районнэз. Вотскӧй автономия сайӧ кольччисӧ 100 сюрс удмурт[32].

ВЦИК Президиумлӧн 1932 вося тӧвшӧр 1 лунся постановленнё сьӧрті[35] Вотскӧй автономнӧй областьсӧ вӧлі шуӧм Удмуртскӧй автономнӧй областьӧн. 1934 во одзтӧв 28 лунӧ ВЦИК Президиумлӧн постановленнё сьӧрті Удмуртскӧй автономнӧй область лоис Удмуртскӧй Автономнӧй Советскӧй Социалистическӧй Республикаӧн (УАССР)[35]. УАССР Медвулісь Советлӧн 1991 во аршӧр 11 лунся постановленнё сьӧрті Удмуртскӧй Автономнӧй Сӧветскӧй Социалистическӧй Республикасӧ вӧлі шуӧм Удмурт Республикаӧн[36].

Кыв да гижан

Быдса статья: Удмурт кыв

Удмурт кыв (роч кывкӧт ӧтлаын) лоӧ Удмуртияын канму кылӧн. 1932 воӧдз официальнӧй нимыс вӧлі вотяцкӧй нето вотскӧй кыв. Удмурт кылӧн баитіссез быдӧнныс кык кывьяӧсь. Сідзжӧ эмӧсь удмурт-татара кык кывья да нельки удмурт-татара-роч куим кывья отир.

Ӧння кадся литературнӧй кылыс аркмітӧм ойвыв да лунвыв, да сідзжӧ бесермяна диалекттэз сорасаӧн, кӧдаӧ сідзжӧ босьтӧмӧсь шӧрся диалекттэзісь ассяматоррез. Быдӧс диалекттэс ӧтамӧдныс дынісь невна торьясьӧны — унажыксӧ фонетикаын; нія ӧтамӧдныслӧ вежӧртанаӧсь.

Мӧдік перем кыввезісь удмурт кыв торьяссьӧ кывлӧн медбӧрья слог вылын удареннёӧн, кадакыв морфологиялӧн ассямаӧн да кадакыввезлӧн кык джендан формаӧн. Ӧння литературнӧй удмурт кылын 15 падеж: 8 субъектно-объектнӧй (синтаксическӧй) да 7 локальнӧй. Падежжез сьӧрті вежсьӧны быдӧс эманиммез, но одушевленнӧй эманиммес локльнӧй падеж формаэзын озӧ баитсьӧ[37]. Удмурт кывлісь фонетикасӧ торйӧтӧ шыэзлӧн ятнӧя шуӧм. Сія кокньӧтӧ велӧтны кывсӧ. Фонема системаас 7 гласнӧйысь да 26 согласнӧй шыэз (роч кылісь босьтӧммесӧ лыддьытӧг).

Гижан зорамӧм сьӧрті удмурт кыв пырӧ важ гижан кыввез лыдӧ[38]. Ӧнняся гижан кывлӧн подулын куйлӧ графическӧй система, кӧдӧ 1897-ӧт воӧ босьтісӧ Казанскӧй издательствоэз. Сія вӧлі аркмӧтӧм модернизируйтӧм роч алфавитісь, кӧдаӧ вӧлісӧ содтӧмӧсь диакритикаэза глиффез (босьтӧмӧсь Ильминский гижанісь)[39]. Ф ф, Х х, Ц ц, Щ щ шыпасcэз удмурт шыпаскудӧ вӧлісӧ пыртӧмӧсь 1930-ӧт воэзӧ да бурсьӧтӧмӧсь кыв сьӧрті конференция коста 1937 воӧ. Сэксянь шыпаскудыс эз вежсьы, тодиляссис дзир орфографияыс[40].

Удмурт шыпаскудас 38 шыпас — роч алфавитісь 33 шыпас да вит «умлаут» диакритика паса шыпас: ӝ /d͡ʒ/, ӟ /d͡ʑ/, ӥ /i/, ӧ /ɘ/, ӵ /t͡ʃ/.

Антропонимика

Удмурт увтыррезлӧн ниммез аркмӧтан медодззаись вӧлі формулируйтӧм 1880-ӧт воэзӧ. XIX сёвоӧ удмурт туялісь Г. Е. Верещагин чайтіс, мый увтыр нимыс аркмӧ «увтыр важын олісь аркмӧтісь сьӧрті», кӧдалӧн нимыс нето нимкодьыс лоӧ сы увтыр нимӧн[41].

Ӧння кадӧ удмурт кылын эмӧсь эттшӧм увтыр ниммез аркмӧтан виззез:

1) важ ним дынӧ «выжы» кыв содтӧмӧн — увтыр (Гондыр выжы, Алексей выжы);

2) важ ним дынӧ содтӧмӧн «пи» кыв — пи, пиян (Быдыпи, Андрейпи);

3) важ ним дынӧ содтӧмӧн нето увтыр ним дынӧ содтӧмӧн, кӧда аркмӧтӧма мӧдік пример сьӧрті, уна лыда лыдпасыс -ос (-ёс) (Гондыръёс, Быдыпиос);

4) ӧтласа перем кылын вӧлісӧ куим мымда уна лыд мыччалан пом, ны коласісь ӧтік -а ӧнӧдз эм коми-пермяцкӧй кылын кыдз ӧтлаӧтана суффикс, удмурт кылын сія абу кольччӧм. Чайтсьӧ, мый сідз аркмисӧ Юбер-а, Удэг-а. да с.о. увтыр ниммез[41].

Удмурт культура

Традиционнӧй удж да кипода удж

Удмурттэз унажыксӧ вӧдісӧ му да пода. Кӧдзлісӧ рудзӧг, шогді, зӧр, ид, гречка, анькытш, проса, полба, пыш, шабді. Видзисӧ вӧввез, мӧссэз, порссез, баляэз, гортся кайез. Карч видзӧмыс вӧлі учӧткодь. Гортын сёйӧм понда быдтісӧ капуста, огурцыэз, калига, кушман. Традиционнӧй уджӧн лыддисисӧ: вӧралӧм, чери кыйӧм, ма шедтӧм. Ыджыт отсӧтӧн дыр кад сьӧрна вӧлі ӧктісьӧм (быдберся ягӧд, турун, вуж)[42].

Удмурттэзлӧн сідзжӧ вӧлісӧ зоралӧмӧсь: вӧр кералӧм да вӧр заптӧм, сир шедтӧм, шом шедтӧм, пу керӧтӧм, пизь изӧм, туйдӧтӧм. Удж вылӧ ветлӧм (отходный промысел) эз вӧв паськыт. XVIII сёвосянь Удмуртияын аркмис металлургия да металл керӧтан промышленность. Вӧлісӧ строитӧмӧсь Ижевскӧй, Воткинскӧй да мӧдік заводдэз.

Иньморт уджжезӧн лыддисисӧ: печкӧм, гӧрдззисьӧм, кыйсьӧм, серӧтӧм. Семья понда дӧрасӧ быдсӧн керлісӧ кипон, мымдакӧ дӧрасис муніс вузалӧм понда. XIX сёво помын — XX сёво понын гортдӧра керӧм лоис кипода уджӧн. Эмӧсь свидетельствоэз, мый «вотскӧй сукман да сера дӧра» сы вӧснита, рӧм мич да донтӧм сьӧрті эзӧ тӧд конкуренттэз[43].

ХІХ сёвоӧ аркмисӧ отиркостся искусстволӧн сэтшӧм виддэз, кыдз серӧтчӧм, сера кыйсьӧм (ковёррез, джодждӧра, шебрас), пу лӧсйӧм, кыйсьӧм, бан керӧтӧм. Серӧтчисӧ дӧрасӧ гаруса суниссэзӧн, ермӧг да хлопок суниссэзӧн, мишураӧн. Орнаментыс — геометрическӧй. Ойвыв удмурттэзлӧн чочком фон вылын унажыксӧ вӧлісӧ гӧрд, мурӧма да сьӧд рӧммез. Лунвыв отирлӧн — тюрккез кузя дӧра серӧтӧмыс вӧлі полихромнӧйжык.

XIX сёвоӧ дӧра серӧтӧмсӧ вежис сера кыйсьӧм. Сера кыйсьӧнас уджалӧны ӧнӧдз. Гӧрдззӧны чӧрӧссэз, носкиэз, кеписсез, юрвевттэз.

Удмурт культураын паськалӧм родня да ордчча олісь отсӧт (удм. веме). Вемеӧ (помечӧ) корисӧ, кӧр коліс уна лыда уджалісь киэзлӧн кооперация ыб вылын уджалӧмын, керкуэз лэбтӧмын да мӧдік уджжез коста. Веме помассис ӧтласа сёйӧмӧн.

Традиционнӧй удмуртскӧй обществолӧн основнӧй социальнӧй торӧн вӧлі поземельскӧй ордчча община (удм. сосед). Общинаын сулалісӧ родственнӧй семьяэзлӧн кынымкӧ объединеннё. Унажыксӧ олӧмась ыджыт, янсӧтчытӧм семьяэзӧн, кӧдналӧн вӧлӧмась ӧтласа имущество, му пай, нуӧтӧмась ӧтласа хозяйство и олӧмась ӧтік усадьбаын. Торйӧтчӧм семьяэз XIX век шӧрӧдз овмӧтчӧмась родовӧй усадьба гӧгӧр, артмӧтӧмась оланінлісь чукӧра планируйтӧм либо родственнӧй поззэз (удм. бӧляк, иськавин). Сэк жӧ кольччисӧ ӧтласа хозяйстволӧн мукӧд элементтэз — бӧляка ыббез, гумлаэз, пывсяннэз.

XIX веклӧн мӧд джынсянь правительственнӧй индӧттэз сьӧрті вӧлі пыртӧма улица планируйтӧм, кӧда дырни рӧдвужлӧ коліс овмӧтчыны ордчӧн, керны улица. Историческӧя лӧсьӧтӧм посёлок типпезӧн удмурттэзлӧн вӧлісӧ деревняэз, посаддэз, починкаэз. Сулалісӧ цепочкаӧн ключчез дынын да поснит юэз пӧлӧн, мый вӧлі важнӧйӧн мельничаэз строитӧм понда[42]. Удмурттэзлӧн вӧлӧма оланін бӧрйӧм понда специальнӧй обряд. Эта понда шаман (удм. туно) или жрец (удм. вӧсясьӧм) бӧрйисӧ рыжӧй либо чочком ӧш, кӧдалӧн сюррез вылас крепитісӧ вежа кӧш (удм. сюмык) и лэдзлісӧ, кытчӧ сія сувтліс — сэтчин и строитчис деревняыс. Сэтшӧм жӧ обряд керисӧ и вежаин бӧрйикӧ[44].

Вотяк иньморт. XVIII сёво пом.
Фёдор Солнцев. Вотяк иньморт. 1838 во

Оланін да олӧм

Удмурттэз усадьба вылын керкуэз сулалісӧ П-кодьӧн, аркмӧтісӧ ыджыт осьта карта (удм. гидкуазь). Ӧтӧр ладорыс вӧлі пӧдналӧм воротаэзӧн да потшшезӧн. Воротаэзлӧн конструктивнӧй подувнас вӧлісӧ муӧ сюйӧм ыджыт столббез, кӧдна вылӧ ӧшлісӧ пӧввез, кӧдна вевттисьлісӧ кык дора вевтӧн. Аслас монументальность вылӧ видзӧттӧг, воротаэс эзӧ вӧлӧ керӧмӧсь, мед изолируйтны горт олансӧ ӧтӧрсянь. Эта йылісь висьталӧ сія, что воротаэз вылын абу иганнэз.

Гортыс удмурттэзлӧн лоӧ: керку (этӧ кык жырья керку, кӧда керӧм керкуись (удм. корка) да посӧдзись (удм. корказь), ӧтік- нето кык сувда карта (удм. кенос), нянь да сёян видзан амбар (удм. ю кенос), гид (удм. гидкуа), пывсян (удм. мунчо), джоджув (удм. йӧгу), пес да хозяйственнӧй инвентарь видзан лабаз (удм. липет ул, лапас). Быд гортын вӧлі аслас культовӧй кола (удм. куа, куала), кытӧн кеймисисӧ.

XIX сёво помӧдз удмуртскӧй керкуэз керисӧ фундаменттэзтӧг. Сирӧн мавтӧм медодзза керсӧ тэчлісӧ веськыта грунт вылӧ. Абу вӧлӧмась тшын петаніннэз, мӧднёж шуны, вӧлісӧ тшын керкуэз (удм. ӵын корка). Вевдӧрыс сэтшӧм керкуэз вылын куйліс пелькеррез вылын. Сэтшӧм конструктивнӧй уджтасыс осталіс лэбтыны керкусӧ кӧрттуввезтӧг да кокнита вежны конструкциялісь сісьмӧм торрез. Удмурттэзлӧн оланін XIX сёво помын — XX сёво понын вӧлі тшупӧм типа керкуӧн. Керку подыс вӧлісӧ керӧм пожумись керрез вылын, кӧднӧ сувтӧтлісӧ пельӧссэз увтӧ да медодзза кер шӧрӧ. Ӧтласа изъя нето кирпичнӧй фундамент вылын керкуэз пондісӧ лэбтыны XX сёво пондӧтчикӧ эмбура крестьяна.

Тшупсисӧ удмурт мастеррес пытшкӧсаӧн. Тупьялісӧ керкостсӧ нитшӧн да торкӧн. Эттшӧм керку лэбтӧмыс дыр эз пуксьы. Керкуэс быдлаын вӧлісӧ ӧтік сувдаӧсь. Удмуртия ойвыв да шӧрись торрезын строитчисӧ вылынжык муддьӧттэз вылӧ. Джоджулас (удм. гульбеч) керкуыс пӧлӧн вӧлі керӧм муйӧр: ӧтӧрын сія эз вӧв тӧдчана. Джоджсӧ да вевтсӧ тэчисӧ пыран ыбӧссянь паныт. Удмурттэз чайтӧмын торья места босьтіс мамкер (удм. мумыкор). Эта кывлӧн медодзза торыс «мумы» кыв удмурт кыв вылӧ вуджӧтӧмӧн лоӧ мам, мӧдыс — «кор» — кер. Мумыкор увтӧ пуктӧны вурун да эзысь сьӧм, медбы мамкерыслӧ вӧлі кокнит видзны ас вылас ыджыт сьӧкытсӧ. Эмӧсь уна эскӧммез, кӧдна йитӧмӧсь мумыкорлӧн магическӧй нето дорьян вынкӧт, кӧдна олӧны ӧнӧдз. Сідз, керкуын юрбитны позьӧ только гӧрд пельӧссянь мамкерӧдз. Эм обычай, кӧр рекрут тувьялӧ мамкерыс бердӧ ермӧг ленточкаа эзысь деньга (удм. туг), медбы мамыс сійӧ видзис[45].

Керку вевтыс (удм. липет) вӧлі кык дора, пелькеррес вылын. Вевт материалӧн вӧлі пӧв. Быдберся горт жыррез вевдӧртісӧ идзасӧн да симӧтӧн. Ӧті кык неыджыд ӧшын, кӧднӧ пӧднавлісӧ ӧшын вевтӧн, керлісӧ орддча кык керӧ вӧлісӧ тшупӧсӧсь кыза джынви да петавлісӧ картаӧ. Удмурт тшын керкуэзын ассмаын вӧлі сія, мый сы ӧшыннэс вӧлісӧ керӧмӧсь симметричнӧя. Ӧшын вевта киння керлісӧ ӧшын дора ӧшыннэз. Нійӧ вевттьылісӧ пороз жовдогӧн, а то и сідз рузумӧн. Вӧлісӧ веськыт ӧшын пӧданнэз. Кӧдзыт кадӧой кежас ӧшыннэсӧ тупьявлісӧ ӧтӧрсянь идзас шебрасӧн. Пыранінысь веськыланьын вӧлі вартӧм гор (удм. гур), лунвыв районнэзын — пытшка пӧртӧн, ойвыв районнэзын — ожегӧн (удм. уӵог) да ӧшӧтӧм пӧртӧн[46].

Керкуас саяс пӧлӧн вӧлісӧ полаттэз, кӧдна вылӧ кайлӧмась ыбӧс дорся содӧт. Увтын пӧлӧн лӧсьӧтчисӧ ыджыт паськыт лабиччез, ны весьтын ӧшалісӧ джаджжез. Пельӧссэзӧ лӧсьӧтлісӧ узяннэз, сёрӧнжык нійӧ вежисӧ пуовӧй кроваттез. Мебельыс вӧлі ӧддьӧн етша: пызан, улӧс, шочыника дозмук шкап[47]. Ӧтса джек (удм. пукон) керкуын лыддисис хозяиныслӧн и семьяись мукӧд членнэзлӧ эз туй пукавны сы вылын. Пызан (удм. ӝӧк) вӧлі овмӧс бур олӧмлӧн ассяма символӧн и символизируйтіс семья, сідз кыдз ӧтлаӧтіс ас гӧгӧр быдӧннысӧ. Сійӧн пызан вылас пыр сулаліс совдоз да куйліс нянь човпан.

Керку пытшкыс эзӧ вӧв янсӧтӧм. Но торья пельӧссэз, обычай сьӧрті, крепитлісӧ семьяись гӧтыра морттэздынӧ. Ойвыв удмурттэзлӧн керкуыс эз янсӧтчывлы айпӧв да иньпӧв пельӧссэз вылӧ; лунвыв удмурттэзлӧн — горби одзыс шусис инька джын (удм. кышно пал) да айпӧввезлӧ эз позь татчӧ пыравны.

Керку ыбӧсыслӧн (удм. ӧс) вӧлі магическӧй тӧдчӧт. Ой кежӧ ыбӧссэсӧ пӧдналӧмӧн удмурттэз шыасьлісӧ еннэз дынӧ корӧмӧн видзны керкусӧ кортӧм гӧссезсянь, сэрпӧсь выннэз да шогӧттэзсянь. Важся кадӧ, гӧг да ыбӧс вежӧртассэз ӧткодялӧмӧн, шогмӧм кагалісь гӧгсӧ керавлісӧ ыбӧс дорын. Ӧння кадӧдз удмурт, кӧр лӧсьӧтчӧ мунны ылісь туйӧ, вуджӧ ыбӧссӧ, шыасьӧ Инмар, Куазь, Кылчин дынӧ да корӧ нылісь бур туй. Чорыта видзсьӧ веритӧм: ыбӧс сайсянь нем оз позь босьтны да сетны одзӧсӧн. Ыбӧс вуджӧм бӧрын оз позь тальччыны сы вылӧ. Эз позь вартны ыбӧснас, сійӧ колӧ пӧднавны вынтӧг, гортӧг[45].

Керкуэз ӧтӧрсянь эзӧ вӧлӧ мичӧтӧмӧсь. Мукӧд тшупӧм керкуас керрес эзӧ вӧлӧ ӧтыждаӧсь, нійӧ эзӧ орӧтлӧ; ӧшын синнэс эзӧ мичӧтӧ не лӧсйӧмӧн, не серӧн. Сы дырни посӧдз видзан керресӧ (удм. кеноса) баситісӧ кужӧмӧн. Ӧддьӧн паськалӧм мичӧтан видӧн вӧлі радз, кӧда аркмӧтіс ромба сер. Лӧсйӧм ӧшынсиннэз да воротаэс лоисӧ XX векӧ.

Удмурттэзлӧн ӧтік важся жырӧн лыддьӧны посӧдз (удм. кенос). Аслас конструктивнӧй, а ӧддьӧнжык функциональнӧй ассяматоррез сьӧрті сія жырыс ӧткодь скандинавскӧй йӧззэзкӧт, мый висьталӧ удмурттэз важжезлӧн ныкӧт йитӧттэз йылісь важын ни[48]. Аслас историческӧй зорамӧм коста кенос вежсис медъетша. Посӧдзыс вӧлі кыдз видзанінӧн, сідз и гожумся узьланінӧн. Медбы видзсьыны вӧрпасянь да васянь, сія лэбтісӧ пос вылӧ. Туяліссез сьӧрті, сідз аркмия кык сувда кенос. Сы сьӧрті, кыным гозъя вӧлісӧ семьяас, кеноссӧ янсӧтлісӧ керрезӧн нето ӧнасӧн. Ӧтік нето кык стена пӧлӧн сувтӧтлісӧ пуовӧй узяннэз, кӧдна вевттисьлісӧ ӧннэзӧн; мӧдік стенаэз пӧлӧн ӧшалісӧ паськӧм понда потшшез. Кеносыс лыддисис инькаэзлӧн жырӧн. Сэтӧн видзсьӧмась быдкодь видзанторсӧ, кӧда йитсьӧм инька уджкӧт: кыйсян, печканнэз да с. о. Айморттэзлӧ эз позь овны кеносас иньыс лэдзтӧг.

Кола (удм. куа, куала) — ассяма жыр, джоджтӧм, вевттьытӧм да ӧшынтӧм. Сэтшӧм жырыс вӧлі быд гортын, сія вӧлі гожумся комӧн да кеймисянінӧн. XIV—XV сёвоэзӧдз куала вӧлі удмурттэзлӧн пырся оланін. Куала шӧрын иззэзісь вӧлі тэчӧм биодз, кӧда вевдӧрын ӧшаліс пӧрт. Пӧлӧн сулалісӧ лабиччез, шульга пельӧсас да ыбӧс дынын — пызаннэз. Одзза пельӧсас вӧлі сувтӧтӧм енджадж — вӧршуд да козиннэз понда доз. Лунвыв удмурттэзлӧн вӧвлісӧ куаэз сёян-юан видзанӧн.

Национальнӧй паськӧм да мичӧтаннэз

Удмуртскӧй национальнӧй паськӧм лоӧ этносыслӧн ассяма символлэз коласісь ӧтікӧн. Сійӧ лыддьӧны бур дорйӧмӧн морт понда. Традиционнӧй комплектлӧн торья элементтэз петӧмӧсь быдкодь факторрезсянь: пӧв, семейнӧй статус, волыд, религиознӧй видзӧтӧммез. Удмурттэзлӧн традиционнӧй паськӧмыслӧн историяыс кузь: медодззаись сы йылісь касьтывсьӧ 1726 воӧ. Территория сьӧрті торйӧтӧны ойвыв да лунвыв удмурттэзлісь паськӧм комплекттэз. Этна муэзын быд олісьлӧн вӧлӧма не ӧтік комплект: быдлуння, нето уджалан, вежалуння да обрядовӧй паськӧм. Медбӧрья костюммезӧ пыртісӧ дзебсян да гӧтрасян паськӧм.

Ойвыв удмурт инька паськӧм — перем отирлӧн медодзза паськӧм виддэз коласісь ӧтік, сія аркмӧма осьта кафтанісь (удм. шортдэрем), йӧрнӧсісь (удм. дэрем нето пестросаес). Ассис нимсӧ «пестросаес» босьтіс соссэз кузя. Сысянь, мый ачыс йӧрнӧсыс вурӧм чочком дӧраись туника кодьӧн, кӧдалӧн соссэс вурӧмӧсь гӧрд-чочком ӧктӧмӧн кыйӧм техникаын. Йӧрнӧслӧн голя осьтаыс кузьмӧса, дорыс кузяыс вурӧм гӧрд-чочком виззя дӧра, мукӧд коста сэтчӧ пыртӧмӧсь ӧктӧмӧн кыйӧмись элементтэз. Комплектлӧн содтӧтӧн лоӧны моростӧм запон (удм. азькышет) да аппликативнӧй мороскышӧт (удм. муресазь)[49]. Йӧрнӧссӧ новйисӧ ӧтлаын кафтанӧн. Сія вӧлі вурӧм сідз жӧ, кыдз и йӧрнӧсыс, нёль пельӧса лажмытик викӧджӧн да дженытик соссэза, кӧдна вылын пельпон вылас вӧлі кузьмӧса осьта, кӧда пыр тыдаліс йӧрнӧсыслӧн бура серӧтӧм сос. Дорресӧ, сикӧджжесӧ, шортдэрем бӧрыс мичӧтлісӧ серӧтӧмӧн, мукӧдпырся вурлісӧ бусыэз, поснит сьӧм, каури шоркытшшез; серӧтӧмыс сьӧрті керлісӧ кумач тор.

Инькалӧн паськӧмын быд гозын вӧлісӧ серӧтӧм мороскышӧтлӧн аслас вариант (удм. кабачи), кӧда вӧлі 20×30 см ыжда нёль пельӧса дӧра тор, кӧда быдсӧн вӧлі серӧтӧм ермӧгӧн. Кабачи кышавлісӧ йӧрнӧс вевдӧрӧ, мороссӧ вевттьӧмӧн. ХІХ сёво помын мороскышӧттэз туйӧ пондісӧ новйыны аппликативнӧй мороскышӧттэз (удм. муресазь), кӧднӧ вурлісӧ уна рӧма дӧра торрезісь да серӧтісӧ. Мукӧд коста нійӧ мичӧтлісӧ сьӧмӧн да киззезӧн.

Ойвыв удмурт инь пырся паськӧмӧн вӧлісӧ моростӧм одздӧра (удм. азькышет). Нійӧ баситісӧ кружеваэзӧн, тесёмкаэзӧн, серӧтӧмӧн. Быд луннэзӧ йиасьлісӧ дзир запоннас, а вежалуннэзӧ кышавлісӧ сера йи, кӧда бердӧ ӧшӧтлісӧ чышкӧт нето чышьян (удм. урдэс кышет).

Нывка юр вылын новйисӧ дӧраись вурӧм вевт, кӧда вӧлі мичӧтӧм кумачӧн да сьӧмӧн (удм. такъя). 10-12 вося нывкаэз кышавлісӧ гӧгрӧса такъя (удм. котрес такъя), 14-15 восяэз — кузьмӧсаӧ (удм. кузялэс такъя). Ичмоньыс гӧтрасьӧм костас кышавліс кыкнан такъясӧ. Такъя киння нывкаэз новйисӧ кумачись нето дӧраись вурӧм юркӧртӧттэз, кӧдна вӧлісӧ мичӧтӧмӧсь лентаэзӧн, а сідзжӧ чочком дӧраись да ситецись чышьянннэз, вежалуннэз коста — кашемирись да ермӧгись. Инькаэз юркӧртӧттэз да чышьяннэз киння, новйисӧ юр чышкӧт (удм. весяк кышет, йыр котыр), кӧдалӧн доррес вӧлісӧ мичӧтӧмӧсь серӧтӧмӧн да гӧрд кыйӧмӧн[50].

Гожумся кафтаныскӧт торьялӧмӧн, тӧвсясӧ вурисӧ радзза дӧраись (удм. кильӧм шортдэрем), торья мышкаӧ, косас кӧрӧмӧн да кузь пытшка соссэза. Кафтаныс вевдӧрӧ пасьтавлісӧ моростӧм запон, новйӧм коста сы дынӧ содтывлісӧ нійӧ жӧ элементтэз, кыдз и гожумся паськӧм, мороскышӧт да кусінь чышьян киння. Тӧвнас новйисӧ нёль пельӧса чышьянэз, кӧдна вӧлісӧ вурӧмӧсь гортся дӧраись. Тӧвся быдлуння пась, кӧда керӧма баля кучикись, унажыксӧ вӧлі веж рӧма. Вежалунняыс вӧлі вевдӧртӧм дӧраӧн нето вӧлі сьӧд рӧма.

Лунвыв удмурт иньморт паськӧм комплексас пырисӧ: йӧрнӧс (удм. шортдэрем), одздӧра (удм. айшет), мороскышӧт (удм. кыкрак), кузь банісь керӧм юркытш (удм. айшон), юр чышкӧт (удм. чалма), юркӧртӧт (удм. йыркерттэт), чышьян-вевтисян (удм. сюлык), гожумся паськӧм — вӧснитик нойись нето плисісь (удм. дӥсь), состӧм кафтан (удм. саестэм), шӧрдӧраись кафтан (удм. зыбын), дукӧс (удм. дукес), пась (удм. пась)[46]. Ойвыв удмуртскӧй традиционнӧй инь йӧрнӧс лунвыв удмурттэзлӧн XIX сёво помын — XX сёво понын, вурсьывліс пестредись, вӧлі кык кунлӧса, паськыт соссэза, кӧдна вӧлісӧ векнялісӧ киэз бердӧдз, неыджыт сувтса сикӧдж.

Мороскышӧт (удм. муресшет, мурескышет нето кыкрак) не сідз кыдз ойвыв удмурттэзлӧн кабачи, кышавлісӧ йӧрнӧс увтӧ, веськыта морос вылас. Йӧрнӧс увтас вурлісӧ кӧрӧм (удм. сӧзул, итэт, карта) 12-15 см кузя, а сы да соссэз коласын — сера визь. Инькаэзлӧн одздӧраэз (ашшет, айшет), неӧткодьӧсь ойвыв удмурттэзкӧт, вурӧмась вылын моросаӧсь, дор бердас вурӧм кӧрӧм[49].

XVIII—XIX сёвоэзся иньморт мичӧтаннэз коласын унажыксӧ вӧлісӧ металлісь керӧмӧсь: эзысь сьӧммез (ӧддьӧнжык царскӧй руббез да поснит эзысь), жетоннэз, быдкодь бляхаэз, киззез, металлическӧй моллез да ӧшӧтаннэз. Дона эзысь мичӧтанннэз сё воэз сьӧрна видзсьӧмась кыдз семейнӧй донатор. Тӧдчӧмӧн етшажык вӧлісӧ бисерись керӧм мичӧтаннэз да моллез.

Удмурт нывкаэз мичӧтісӧ ассиныс чикиссезнысӧ чикисьмичӧн. Сія вӧлі керӧм дӧра нето лента векнит тор, кӧда вылӧ вурлісӧ жетоннэз нето сьӧм. Чикисьмичыс дорас вӧлі металлісь пластинка да сійӧ кышӧтлісӧ такъя бердӧ бӧрас. Пелькытшшез (удм. угы) унажыксӧ вӧлісӧ поснит эзысь сьӧмись. Тшӧка увтас вӧлі гезок, кӧда ӧтлаӧтіс пелькытшшесӧ. Киэзаныс инькаэз новйисӧ металлическӧй браслеттэз (удм. поскес) да кикытшез (удм. суйпос). Поскес да суйпосыс пантасьлісӧ кык видаӧсь: паськытӧсь, кытчӧ пыртӧмась уна рӧма иззэз, да векнитӧсь, кӧдна быдсӧн вӧлісӧ мичмӧтӧмӧсь быдмассэз орнаментӧн керӧм гаггезӧн. Голя мичмӧтаннэз коласісь новйисӧ качек да лага. Качек — голясӧ топыта кытшӧвтӧм визь, кӧда вурӧм поснит сьӧмись да бусысэз да чочком шоркыттшезісь. Инькаэс сідзжӧ новйисӧ ыджыт эзысь сьӧмись ӧктӧм сикӧдж, кӧдалӧн ӧтласа доныс вӧлі 40 рубӧдз, сія вевттис голясӧ да мороссӧ косви. Вӧлі паськалӧм перна понда гӧйтан (удм. кироскал), кӧда вӧлі керӧм кыдз гезок, кӧда бердӧ вурӧмӧсь ыджыт эзысь сьӧммез, поснитик бисерз да ны бердӧ шӧрас ӧшӧтӧм ыргӧн перна. Эта мичотанлісь аркмӧмсӧ йитӧны удмурттэзлісь христианствоӧ пырӧм кадӧн. Христианизация вотӧдз перна туйӧ кироскал вылас новйисӧ вӧршуд пас (удм. дэмдор). Эта жетоннэз вӧлісӧ увтыр эмблемаӧн, кытчӧ инькаыс вӧлі пырӧм. Инькаморт мичӧтаннэз коласын торья группаӧн лоӧны унапӧлӧс гӧйтаннэз, кӧднӧ новйӧны шульга пельпон пыр веськыт ки увтӧ — камали (эызсь сьӧмись пельпон мичӧтан). Лунвыв удмурттэзлӧн — бутьмар (мый ӧння вуджӧтӧмӧн лоӧ лента сы вылӧ вурӧм эзысь сьӧмӧн, кӧдӧ кышӧтӧны пельпон сайӧ). Бутьмар керӧм кык торись, кӧднаись ӧтыс мунӧ мышк кузя, мӧдыс — морос кузя. Торрес помассьӧны кыттшезӧн. Ӧтік кытшыс вурӧм шульга пельпон вылын, мӧдыс — веськыт ки увтын косас. Одзланься торыс керӧм кык визьӧ вурӧм сьӧмӧн.

Удмурт инькаэз кӧмавлісӧ чӧрӧссэз (удм. чуглэс). Нійӧ вурлісӧ кыз чочком нето унарӧма дӧраэзісь нето гӧрдззисӧ вурун шӧртіст нето кыз суниссэзись. Чӧрӧссэсӧ кок бердӧ вонявлісӧ пидзӧссэз увтын. Тӧвнас чӧрӧссэз увтӧ кышавлісӧ вурунісь нето гӧнісь керӧм нямӧттэз, а гожумнас — дӧраись. Чӧрӧс вевдӧрӧттяс инькаэз каттисӧ коккезнысӧ чочком дӧраись керӧм нямӧттэзӧн (удм. бинялтон), кӧдна эзӧ локтӧ пидзӧсви да колисӧ осьтаӧн вевдӧр торсӧ. Удмурттэзлӧн медпаськалӧм кӧмкӧтӧн лыддисисӧ нинкӧммез (удм. кут). Роч нинкӧммезісь нія торьялісӧ формаӧн да кыйӧмӧн да нырныс вӧлі ёся. Воннесӧ кыйлісӧ чочком шабді да сьӧд вурун суниссэзісь, содтывлісӧ бурси[49].

Удмурттэзлӧн айморт национальнӧй паськӧмыс вӧлі роч паськӧм кодь. Сія вӧлі чочком да сёрӧнжык унарӧма дӧра йӧрнӧс пидзӧсви, кӧдӧ йиавлісӧ сера йиӧн нето ременьӧн. Айморт йӧрнӧс вывся серрэс мыччалісӧ, кытшӧм удж сія керӧ. Вежалуннэзӧн да юрбитӧм понда кышавлісӧ паськыт унарӧма кыйӧм кушак (удм. путо) да паськыт оськӧла вешьян, кӧдӧ вурлывлісӧ лӧз-чочком виззя дӧраись. Тӧвнас айпӧплӧсыс новйис кафтаннэз, кӧдналӧн вежалуння вариантыс вӧлі вурӧм коссянь кӧрӧмӧмн, да быдлунняыс — кӧрӧмтӧмӧсь, но костуяӧсь. Юр вылын новйисӧ нойись вурӧм цилиндрическӧй формаа колпак. XIX сёво паськалісӧ гынісь шляпаэз. Тӧвнас новйисӧ баля кучикись керӧм шапкаэз (удм. изьы), кӧмкӧтісь — нямӧттэз (удм. бинялтон), нинкӧммез, сапоггез, гынкӧммез. Сапоггес лыддисисӧ вежалуння кӧмкӧтӧн, нійӧ кӧмавлісӧ гожумся кадӧ, тӧвнас — гынкоккез[43].

Сёян-юан

Сёйӧмын удмурттэз ӧтлаӧтӧны яя да быдмассэза сёян. Ыджыт отсӧтӧн дыр кад сьӧрна вӧлі ӧктӧм (ягӧд, турун, вуж), кӧдналӧн ӧнӧдз тӧдчана места удмурттэз сёян-юанын. Шыддэсӧ (удм. шыд) пуӧны быдкодьӧсь: няньӧн, тшакӧн, шыдӧсӧн, капустаӧн, черива, шӧмашыд, шӧмашыд курытвужӧн да кушманӧн. Йӧла продукттэзісь сёйӧны унажыксӧ пӧжӧм йӧв, шӧмйӧв да рись. Яйсӧ ӧддьӧнжык радейтӧны пӧжӧмӧ, пуӧмӧ, да сідзжӧ сёйӧны студень (удм. куалекьясь) да вира кишкаэз (удм. виртырем). Типичнӧй сёянӧн лоӧны пельняннез, кольть табаннез зыретэн табань да перепеччез — парӧга шаньгаэз рудзӧг пизись, блиннэз (удм. мильым). Юаннэзісь популярнӧйӧсь гӧрд кушманісь квас (сюкась), морссэз, сур (сур), масур (мусур), аскур (кумышка), чужва (варсень вина, ойвыв районнэзын).

Духовнӧй культура

Вежалуннэз да ны чулӧтӧм

Тӧдчана роль удмурттэз оланын орсісӧ календарно-обрядовӧй вежалуннэз. Нійӧ порйӧтлісӧ отир костын, кӧднаӧ унаись участвуйтіс быдӧс деревняыс, да мыччалісӧ отир творчество: кывбуралӧм, сьылан-йӧктан, кипода уджа да театральнӧй. Нія орсісӧ кыдз гажӧтчан роль, но и олан пырья сувтӧтӧм, велӧтісӧ отирлӧн эстетика видзӧттэзӧ, морально-этическӧй нормаэзӧ да культурно-идеологическӧй доннэзӧ.

Календарнӧй обряддэз да удмурт отирлӧн вежалуннэз аркмисӧ ны овмӧс сьӧрті удж сьӧрті: вӧралӧм, чери кыйӧм да му уджалӧм, топыта йитӧмӧн волшебнӧй керӧмкӧт, эскомкӧт, кеймӧмӧн да сьыланкыввезӧн.

Тулысся-гожумся обряддэзлӧн подув вылын куйлӧ мувӧдитӧм кежӧ лӧсьӧтчӧм да нійӧ нуӧтӧм понда буркыв корӧм. Ыджыт лун (удм. Быдӧй лун, Великтэм) мыччалӧ тулыс пондӧтчӧм да ыб вылӧ медодзза петӧм. Сыбӧрся лунсӧ пӧрйӧтісӧ кыдз гӧр вежалун, кӧдзны пондӧтчӧм (удм. Кизьӧн потӧн, Кизьӧн потӧн, Гера потӧн, Акашка, Акайка). Гӧрӧм да кӧдзӧм помалан (удм. Гырон быдтон, Ю Вӧсь, Бусы Вӧсь) да Стрӧча (удм. Куар басьтон, Куар вӧсян, Трочинь) колӧ видзӧтны кыдз ӧтласа мыччӧтэз, кӧдна ӧтлаасьӧмась кӧдзӧм помалӧм да одзланься тырдоз пыдди обряддэз. Этна вежалуннэс вӧлісӧ гожумся шонді сувтчан луннэз пондӧтчикӧ[51].

Арся-тӧвся луннэз, унажыксӧ, йитсьӧны дзимлялӧм карч да сю понда аттьӧалӧмӧн да одзлань бур олӧм корӧмкӧт. Арся обряддэз пондӧтчан лунӧн вӧлі Иллялун (удм. Виль). Сія символизируйтіс виль карч воӧм. Мӧдлунас Илля бӧрсянь петавлісӧ ытшкисьны. Помаліс календарнӧй обряддэзлісь вося циклсӧ арся праздник (удм. Сылӧн юан).

Удмурттэзлӧн календарнӧй обрядлӧн тӧвся цикл пондӧтчис тӧвся шонді сувтчан луннэзӧ (удм. Вожодыр), кӧдна вайӧны мортлӧ быдберся шоггез. Сійӧ лыддисӧ табуированнӧй периодӧн, кӧда коста эз позь уджавны, керны кучик да песласьны. Христианскӧй эскӧм кузя вынсялісӧ Розосво да Виль во вежалунся цикллӧн элементтэз, кӧднаӧн пондіс шусьыны период Розосвосянь Крещеннёӧдз[51].

Тӧвся праздниккез йитӧмӧсь гортся обряддэзкӧт, шуам: касьтісян (удм. йыр-пыд сётон) нето тулысся да арся касьтісяннэз (удм. тулыс/сьӧлӧм кисьтӧм).

Масленичаӧ ысласьӧм (удм. Вӧй, Вӧйдыр, Вӧй пыран-потон, Вӧй келян, Масленча), лымын туплясьӧм, сёйӧм, кулӧммезӧс касьтылӧм (вошшӧтӧм) мыччалісӧ кузь да сьӧкыт тӧвся кадлісь пом, тулыслісь локтӧм.

Фольклор

Традиционнӧй культураись отир чайтӧм сьӧрті озӧ юксьӧ жанррез да петӧны кыдз паськыта (калык ӧнер — кужӧм, калык тодон- тӧдӧм, калык визь — вежӧр), сідз и векнитжыка (калык кылос — кывбур, калык кылбурет — сьылан-кывбур).

Удмурт отир оланын отиркостся кывбуралӧмлӧн рольыс да формаэс бура тыдалӧны ӧтік вужся терминнэз этимологияын: мадь, мадькыл, мадиськон. Мо вуж, кӧда вежӧртас «висьтасьны, висьтасьны, ошкыны, сьывны, тӧдны, висьтавны гусясӧ» эм дзир быд финн-йӧгра кылын да сылӧн важынся вежӧртасыс «велӧтны, висьтасьны олӧмсӧ, тӧдны мирсӧ».

Важ эскӧм сьӧрті, кыв (удм. кыл) вӧлі асторья вынӧн. Удмурттэз гортся нето семья оланын быд оськӧв дырни шыасьлісӧ еннэз дынӧ, медбы корны нылісь отсӧт. Сійӧн обряд керӧм коста нето быдкодь удж пондӧтӧм одзын (медодзза карч да ягӧд ӧктӧм, ю вуджӧтӧм, веськӧтӧм, ва ӧктӧм, му дзимлясьӧм, пода вашӧтӧм да с. о.) шувлісӧ кӧрткыввез (удм. тункыл), чукӧстчӧммез, кӧрткыввез, вашкӧтчӧммез, шыасьӧммез да с.о.

Горт понда кӧрткыввес матынӧсь тункыввез дынӧ (удм. куриськон, туно), тӧдіссезлӧ (удм. пеллясь). Паськыта кӧрткывьясьӧны бурдӧткыввезӧн (удм. пельлян кыл), кӧрткыввезӧн (удм. кыжкыл), радейтӧм понда. Торьяссьӧны горт понда кӧрткыввез — нійӧ керлісӧ семья да ӧтласа кеймӧм пӧрись нето жрец кипод увтын[52].

Удмурттэзлӧн обряда поэзияыс торьясьӧ уна сьылан жанррезӧ. Ойвыв удмурттэз торйӧтӧны шыладас кык вид: крезь — мелодия, кывтӧм сьыланкыв да мадь — кыввеза сьыланкыв, сюжетнӧй. Обряда сьыланыс лоӧ ассяма пасӧн, ритуальнӧй вежалунлӧн символӧн.

Уна сьыланнэз (удм. гур) кольччисӧ лунвыв удмурттэзлӧн. Ойвыв Удмуртияын паськалӧмась сьыланкыввез - э, ялэ, я, яй, дон шӧркылӧн нето торья кывтэчассэзӧн.

Удмурттэзлӧн, кыдз финн-йӧгра отирлӧн, сьыланкыввезлӧн эм импровизация традиция. Торья семья оланын драматическӧй ситуацияэз (нывлӧн гортісь мунӧм, матісь мортлӧн кулӧм, солдаттэзӧ кольлалӧм) аркмӧтісӧ сьыланкыввезлісь ассяма жанр — келян гур (бӧрдан, герьян). Торья группаӧ пырӧны орсан да йӧктан сьыланнэз песняэз.

Удмурттэзлӧн фольклорлӧн абу обрядовӧй юкӧныс петкӧтсьӧ гижӧттэзӧн, кӧдна пырӧны несказочнӧй (разнӧй пересказзэз, былинаэз, быль) да сказочнӧй прозаӧ. Нія быдкодь вӧрпа йылісь сказкаэз, волшебнӧйез да новеллаэз. Быдтӧм да велӧтӧм могись удмурт отирлӧн ӧксьӧма быдса жанр чукӧр, кытӧн кывлӧн эм велӧтан функция — приметаэз, велӧтан веританнэз да табуэз, поговоркаэз да пословицаэз, афоризммез, быдкодь кывворрезӧн орсаннэз. Челядь творчестволӧн ассяма вид петкӧтлӧны нерсяннэз да лоӧны орсан фольклорлӧн торрезӧн.

Удмурт фольклор лоӧ удмурт культуралӧн торйӧтчытӧм торрезӧн да лоӧ художественнӧй литература аркмӧтӧм понда подулӧн.

Литература

Удмурт литература пырӧ томжык литератураэз лыдӧ да, кыдз висьталӧны мукӧд туяліссез, сія зорамис ӧддьӧн перыта. Петер Домокош периодизация сьӧрті, удмурт литература зорамис этшшӧм этаппезӧт:

  • 1767—1889 воэз — удмурт литература аркмӧтӧм понда аркмӧм гӧгӧртас;
  • 1889—1918 воэз — оригинальнӧй удмурт литературалӧн вужжез;
  • 1918—1938 воэз — удмурт литературалӧн аркман кадколаст;
  • 1938—1956 воэз — тоталитарнӧй режимлӧн литература;
  • 1957 восянь — отиркостся олан демократизируйтан кадся литература[53].

Медодзза удмурт кывья кывбурӧн лоӧны роч тексттэз вуджӧтӧм Екатерина ІІ-лӧ вежалуналӧм сылӧн Казаньӧ локтӧм пыдди 1767 воӧ Вениамин Пуцек-Григорович кипод увтын да 1778 воӧ Казаньын наместничество осьтӧм дырни.

Быль удмурт литературалӧн чужан воӧн лыддьӧны 1889 во, да осьтана гижӧтӧн — медодзза удмуртскӧй туялісь Григорий Верещагинлісь этнографо-социолого-историческӧй удж «Вятскӧй губерняись Сарапульскӧй уездлӧн вотяккез», торйӧн кӧ, онмӧсьтан сьыланкыв «Чагыр, чагыр, дыдыке» («Руду, руду, дудіок»)[54].

Медодзза поэтическӧй гижӧт удмурт кыв вылын — Михаил Можгинлӧн баллада «Беглӧй» — вӧлі лэдзӧма 1910 воӧ.

Кедр Митрейлӧн (Дмитрий Иванович Корепановлӧн) медодзза кывбура трагедия — «Эш-Терек» петіс 1915 воӧ.

Медодзза роман удмурт кыв вылын «Секыт зібет» («Сьӧкыт иго») сія жӧ авторлӧн петіс 1929 воӧ.

1930—1950 воэзӧ муніс литературалӧн быд жанр активнӧя зоралӧм. Петӧны виль ниммез (П. Блинов, А. Лужанин, Т. Архипов, М. Коновалов, И. Гаврилов, Ф. Кедров). Медшӧр темаӧн лоӧ социализм строитӧм да виль мортӧс быдтӧм.

1950—1980 воэзӧ удмурт гижиссез творчествоын ыджыт места босьтӧ йӧз коласын йитӧттэз тема. Петӧны приключенческӧй да детективнӧй повесттез. Торьясьӧ инь лирикалӧн юкӧн.

1990—2000 воэзӧ удмурт литература зорӧтан юкӧнӧн лоӧ документально-художественнӧй, мемуарно-биографическӧй проза. Эта кадӧ авторрез творчествоын (Н.Куликов, А.Волков, В.Шибанов, Л.Емельянов) торйӧтчӧны виль веськӧввез: этнофутуризм, религиозно-христианскӧй веськӧв, «масс» литературалӧн эстетика[55].

Челядь понда удмурт литература аркмӧтісьӧн шуӧны Кузебай Гердӧс (Кузьма Павлович Чайников, 1898—1937), кӧдӧ 1920 воэзӧ паськыта тӧдісӧ кыдз енбиа поэтӧс, прозаикӧс, фольклористӧс, драматургӧс, вуджӧтісьӧс. Сія йӧзӧтіс 80 мымда кывбур да 50-ся унажык висьт, кытӧн челядьлӧ кивыв кыв вылын мыччалӧм социальнӧй гӧгӧртас да чужанму вӧрвалӧн мич[56].

Театр

Театр Удмуртияын культураын ӧтік важся да медбура зорамӧм юкӧн. Республикаыс — чужанін ыджыт композитор Пётр Ильич Чайковскийлӧн да СССР-ись народнӧй артистка Ольга Леонардовна Книппер-Чеховалӧн.

Театральнӧй искусство Удмуртияын петкӧтлӧны:

  • Удмурт Республикалӧн канмуся роч драматическӧй театр,
  • Удмурт Республикалӧн П. И. Чайковский нима канмуся опера да балет театр (1958 восянь),
  • Удмурт Республикалӧн канмуся национальнӧй театр (1931 восянь),
  • Удмурт Республикалӧн канмуся акань театр (1935 восянь),
  • Удмурт канмуся фольклор сьылан да йӧктан театр «Айкай» (1990 восянь),
  • Муниципальнӧй томпӧлӧс «Том морт» театр (1991 восянь),
  • Сарапул драма театр (1911 восянь),
  • Глазов драма театр «Парафраз» (1983 восянь),
  • Ижевск карса том видзӧтісьлӧн театр,
  • «Точка» нима театр,
  • «Птица» нима театр (1988 восянь),
  • Челядь понда «Балаганчик» нима театр (1991 восянь),
  • Челядь понда интерактивнӧй театр «7 диво» (2014 восянь).

Удмурт отирлӧн историяын медодзза чужан кывья спектакль Л. Н. Толстойлӧн «Сіясянь быдӧс качествоэз» пьеса сьӧрті вӧлі сувтӧтӧм 1918 во гожумпом 2 лунӧ Глазов уездісь Ягошур посадын. Сія — медодзза асуджалана театр, кытӧн режиссёррезӧн да артисттэзӧн, кӧдна орсісӧ одзись роллез, вӧлісӧ велӧтіссез. Удмуртиялӧн драма театр вӧлі осьтӧм 1931 воӧ. 1996 восянь нимыс лоис Удмурт Республикалӧн канмуся национальнӧй театр[57].

1961 воӧ петіс медодзза удмуртскӧй опера — Г. А. Корепановлӧн «Наталь». 1962 воӧ вӧлі лӧсьӧтӧм медодзза удмуртскӧй балет «Италмас», кӧдалӧн автор Г. М. Корепанов-Камский[58].

Велӧтӧм

Удмурттэз коласын роч да вичку славяна кывья велӧтӧмыслӧн паськалӧмыс вӧлі йитӧм христианизируйтчӧм процессӧн, кӧда пондӧтчис XVІІІ сёво понын[59]. Удмурттэзӧс христианизируйтӧмкӧт ӧтлаын зорамис удмурт (вотскӧй) кыв: аркмисӧ виль функциональнӧй стиллез, содіс лексика. Велӧтчӧм отирын паськаліс идея, мый челядьсӧ колӧ велӧтны чужан кыв вылын. ХІХ сёво помӧ — ХХ сёво понӧ паськаліс удмуртскӧй велӧтіссезлӧн удж — медодзза удмуртскӧй педагоггезлӧн, туляіссезлӧн да литераторрезлӧн Г. Е. Верещагинлӧн, К. А. Андреевлӧн, И. В. Васильевлӧн, И. С. Михеевлӧн да мӧдіккезлӧн. Миссионерскӧй школаэз йылісь 1902 вося ведомостьын гижӧм ӧкмыс удмурт да квать сора велӧтчанін. Быдсӧн жӧ Вятскӧй губернияись куим уездын миссионерскӧй школаэзын велӧтчисӧ 359 удмурт кага[60].

Советскӧй правительство сувтӧтіс отир велӧтӧм понда виль стратегия, кӧдалӧн ӧтік аспект — канмуын олісь етша лыда йӧзӧс велӧтӧм. РСФСР-лӧн велӧтӧм сьӧрті Наркоматӧн вӧлі лӧсьӧтӧм медодзза документтэз коласын вӧлі 1918 во аршӧр 31 лунся постановленнё — «Национальнӧй меньшинствоэзлӧн школаэз йылісь», кӧдаын декларируйтсис РСФСР-ын национальносттезлӧн позьӧт организуйтны велӧтӧм чужан кыв вылын быдӧс велӧтан тшупӧттэзӧт — одзсянь вылісь школаӧдз[60].

1920 во кежӧ удмурт муэзын (Сарапульскӧй, Елабужскӧй, Глазовскӧй, Малмыжскӧй уезддэзын) вӧлісӧ осьтӧмӧсь 176 удмурт школа. Лӧсьӧтӧмӧсь удмурт челядь понда велӧтчан небӧггез, лэдзӧмась «Букварь», «Книга для чтения», «Грамматика удмуртского языка» нима небӧггез. Но 40 %-ӧдз школа волыда челядь кольччис велӧтчӧмись ӧтӧрӧ, 500 сюрс удмурт эзӧ тӧдӧ грамота, кольччисӧ ӧддьӧн етша велӧтӧмын уджаліссез. Удмурт кыв велӧтіссезӧс велӧтӧм понда 1920 воэзӧ оссисӧ педтехникуммез Ижевскын, Можгаын, Глазовын, Виль Мултанын, а быд уездын организуйтсисӧ кадкостся педагогическӧй курссэз.

1941—1942 велӧтчан воӧ Удмуртия пасьта вӧлісӧ 330 удмурт одз школа (ныын 1338 класс), небыдса шӧрӧт школаэз — 52 (348 класс), шӧрӧт школаэз — 4 (45 класс). Одз классын велӧтӧмыс вӧлі быдсӧн удмурт кывья, мӧдік классын — чужан да роч кыв вылын, 9-10-ӧт классын — дзир рочӧн. Войнабӧрся кадӧ национальнӧй школалӧн уджалан сфераыс одзлань векняммис, да 1950 во кежӧ Удмуртияын эз кольччы ӧтік удмуртскӧй шӧрӧт школа[60][61].

1980—1990 воэз коста канмуын вежсисӧ социально-экономическӧй приоритеттэз. Тӧдчана вежсьӧммез керсисӧ и велӧтчан системаын: пондӧтчӧ чужан кыввезлӧн да культураэзлӧн публичнӧй роль бергӧтӧм, нійӧ велӧтчан сфераӧ бертӧтӧм. Кыв да велӧтан политикаын медшӧр законодательнӧй акттэзӧн лоисӧ «РСФСР-ись йӧззэзлӧн кыввез йылісь» (1991) да «Велӧтӧм йылісь» (1992) федеральнӧй законнэз. «Велӧтчӧм йылісь» закон гарантируйтіс Российскӧй Федерациялӧн быд гражданинлӧ позьӧт босьтны подув велӧтӧм чужан кывйӧн. Удмурт кыв велӧтан национальнӧй велӧтчаніннэзлӧн лыд 1990 воэзӧ пыр содіс, локтіс пикӧдз (425) 1997—1998 велӧтан воӧ. 2012—2013 велӧтан воӧ уджалісӧ 251 национальнӧй школа, кытӧн удмурт кыв велӧтісӧ 16 189 велӧтчись. Унажыкыс ны коласісь — 231 (92 %) — вӧлісӧ деревенскӧй районнэзын; ныын велӧтчисӧ 14 611 велӧтчись (90,3 %). Удмуртия каррезын удмурт кывсӧ велӧтісӧ 20 школаын (1578 велӧтчись), ны коласісь 553 — Кузебай Герд нима гимназияын Ижевскын да 45 — Республиканскӧй лицей-интернатын Италмасын[60].

Религия

Удмурт эскӧм йылісь медодзза дженыт гижӧттэз петісӧ ХVІІІ сёвосянь. Христианскӧй эскӧмӧ пырттӧдз удмурттэзлӧн вӧлі языческӧй эскӧм, кӧдалӧ характернӧйӧсь уна быдкодь еннэз. Удмуртскӧй еннэзлӧн ӧтласа лыдыс вӧлі 40 мымда, быдӧнныс нія корисӧ ас дынӧ лӧсялана вовлісьӧм, ны понда керсисӧ быдкодь обряддэз, кеймӧммез, козин сетан ритуаллэз[47].

Медыджыт еннэз коласын тӧдӧны Инмарӧс, Кылдысинӧс (Му-Кылчин) да Квазьӧс (Куазь), а лёкӧн лыддиссьӧ Керемет нето Шайтан. Важ удмурт еннэзлӧн триадаыс ас пытшкас янсӧтліс тыдалана мирыслӧн куим тор:

1) югыт сӧстӧм енӧж да сы югӧр югыт;

2) му да сыын оліссез;

3) быдӧс, мый эм енӧж да му коласын[62].

Асланыс еннэзкӧт удмурттэз юксьывлісӧ быдӧсӧн, мый нылӧн вӧлі, мыйлӧн вӧлі реальнӧй нето символическӧй дон. Енлӧ козьналӧм коста вирсӧ, лыэсӧ, пода яйторсӧ сотлісӧ, медбы Ен казяліс тшынсӧ, тӧдіс кеймӧм да корӧм йылісь, Кылдысинлӧ дзеблісӧ — «козьнавлісӧ» муӧ, Куазьлӧ — пода кучиксӧ ӧшӧтлісӧ кӧз вылӧ[63].

Паськыта лоис тӧдса 1894 вося дело, кӧда сьӧрті Важ Мултан деревняись удмурттэзӧс мыжйисӧ мортӧс козинӧн сетӧмын, кӧдӧ сёрӧнжык шуисӧ Мултанскӧйӧн. Ыджыт роль сыын орсіс В. Г. Короленко, кӧда мырсис суд процесслӧн бур бӧртас понда. Мултанскӧй дело йылісь публикацияэс йӧзӧтӧмӧсь «Русское богатство» лист бок вылын, кӧдалӧн корреспондентӧн, а сыбӧрын редакторӧн вӧлі В. Г. Короленко[64].

Виль религия да роч отиркӧт ордччӧн олӧм пӧртіс жагӧника ӧтамӧдӧ пыран процесс, сысянь мыччисисӧ религиознӧй синкретизмлӧн тодиль синбаннэз: Вежа Микола ӧтлаасьӧ удмурт Нюлесмурткӧт, Кылчин лоӧ ангелӧн да с.о.

Демография

Удмурттэзлӧн ӧддьӧн зоралӧм демографическӧй культура. Традиционнӧй нормаэз сьӧрті лыддиссисӧ абу позянаӧн челядь вийӧм, вир соралаӧм, унаись гӧтрасьӧм, вушйисьӧм, аборт, контрацепция, гӧтрасьтӧм, янсӧтчӧм, челядьтӧм олӧм. Социумыс вӧлі ориентируйтӧм уна челядя семья вылӧ[65].

Удмурттэз сьӧрті, гӧтыра олӧм — мортлӧн натура состояннё да нельки сылӧн долг. Гӧтрасян волыдыс вежласис 16-17 да 20-22 воэз коласын. Нывкаэз пыр петавлісӧ айкаэзся пӧрисьжыкӧсь[66]. Торья случайез, кӧр удмурттэз гӧтрасьлісӧ мӧдік национальностя йӧзкӧт, гижалӧмась эшӧ ХVІІІ сёво пондӧтчикӧ. Ӧддьӧн уна отирӧн христианствоӧ пырӧм бӧрын сора гӧтрасьӧммез лоиса унажык, да и ХІХ сёвоӧ нія пантасьлісӧ ни быд волостьын.

Удмурттэз олӧмась ыджыт семьяэзӧн. Ӧтік керкуын олісӧ неӧтік гозъя. Ыджыт янсӧтчытӧм семьяэз коласын пантасьлісӧ и ӧддьӧн уна лыда семейнӧй коллективвез. 1885 вося семейнӧй списоккез сьӧрті Сарапул уездлӧн Сосновка деревняись С. Семёновлӧн семьяас вӧлісӧ 33 айморт да 38 иньморт, олісӧ 19 гозъя (Кировскӧй областьлӧн государственнӧй архив (ГАКО). Ф.176. Оп. 1. Д. 2779. 6, л. 46об.-5).

Удмурттэзлӧн демографическӧй да асвидзӧм культураын тодиль элементӧн вӧлі отиркостся медицина. Сія тыртіс морт да вӧрва, нылӧн коласся йитӧт, морт да социум коласын коммуникациялісь функция. Религиозно-мифологическӧй, «иррациональнӧй» бурдӧтчан методдэз олісӧ паськыта да вӧлісӧ пыр актуальнӧйӧсь. Быдӧнныс тӧдӧны К. Юнглісь теоретическӧй положеннё сы йылісь, мый традиционнӧй обряддэз, эскӧммез, ритуаллэз сія я мӧдік культураын орсӧны не сымда религиознӧй, мымда психопрофилактическӧй функция, кӧда видзӧ этнослісь психика дзоньӧн[65].

Сьӧкыткодь климатическӧй гӧгӧртас, сьӧкыт мувӧдитан, социально-экономическӧй да социально-политическӧй сьӧкыт гӧгӧртас джендӧтісӧ удмурттэзлісь оландырсӧ, унажыксӧ 50-60 воӧдз.

XX—XXI сёвоэзся демографическӧй олӧмлӧн культура вежсис умӧльланьӧ, кӧть и кынымкӧ донъялан ориентир да чайтӧм кольччисӧ, ӧддьӧнжык деревняэзын.

2023 вося тӧвшӧр-тулысшӧр кадкост сьӧрна Удмуртияын оліссезлӧн лыдыс чиніс кык сюрсся унажык морт вылӧ. Росстатлӧн 2023 во тӧвшӧрся юӧр сьӧрті, Удмуртия Республикаын титульнӧй нацияын оліссезлӧн лыдыс лоис 299 874 морт, 2010 воӧ нійӧ лыддисӧ 410,584 сюрс морт[67].

2022 вося тӧвшӧр-тулысшӧр кадкост сьӧрті республикаын кулан лыдыс чиніс 11,4 % вылӧ (быдсӧн Россия пасьта — 17,9 % вылӧ, ПФО-ын — 14,2 % вылӧ). Отирлӧн кулан ӧтласа коэффициент лоис 1000 морт вылӧ 12,6 кулӧм.

2023 воӧ нёль тӧлісьӧн Удмуртия Республикаын вӧлі регистрируйтӧм 1706 гӧтрасьӧм да 1842 янсӧтчӧм. Регистрируйтӧм гӧтрасьӧммезлӧн лыдыс 2022 вося сія жӧ кадкост сьӧрті чиніс 3,7 %-ӧн, янсӧтчӧммезлӧн лыдыс — содіс 10 %-ӧн[68].

Удмурт кылӧн баитіссезлӧн лыдыс чинӧ. ЮНЕСКО-лӧн юӧр сьӧрті, кылыс вермас ӧшны.

Пасйӧттэз

  1. ↑ Национальный состав населения Российской Федерации согласно переписи населения 2021 года. rosstat.gov.ru. Видзӧтӧм 28 Тӧвпом 2026.
  2. ↑ 1 2 3 4 5 6 7 8 9 10 11 12 13 14 15 16 17 18 19 20 Официальный сайт Всероссийской переписи населения 2010 года. Информационные материалы об окончательных итогах Всероссийской переписи населения 2010 года рус.. gks.ru. Видзӧтӧм 29 Тӧвшӧр 2026.
  3. ↑ 1 2 3 4 5 6 7 8 Всероссийская перепись населения 2002 года рус.. perepis2002.ru. Видзӧтӧм 29 Тӧвшӧр 2026.
  4. ↑ 1989 воын ортчытэм лыдъян-чотанъя РСФСР-ын 714 833 удмуртъёс но бесермянъёс вал ([1] Архивная копия от 26 Аршӧр 2019 на Wayback Machine)
  5. ↑ Агентство Республики Казахстан по статистике. Перепись 2009 рус.. stat.kz/p. Видзӧтӧм 29 Тӧвшӧр 2026.
  6. ↑ Всесоюзная перепись населения 1989 года.Национальный состав населения по республикам СССР рус.. Демоскоп. Видзӧтӧм 14 Гожумпом 2025.
  7. ↑ Всеукраїнський перепис населення 2001.Русская версия. Результаты. Национальность и родной язык рус.. Государственный комитет статистики Украины. Видзӧтӧм 29 Тӧвшӧр 2026.
  8. ↑ 1 2 3 4 The Udmurt people group is reported in 6 countries англ.. joshuaproject.net. Видзӧтӧм 29 Тӧвшӧр 2026.
  9. ↑ 1 2 3 4 Всесоюзная перепись населения 1989 года.Национальный состав населения по республикам СССР рус.. Демоскоп. Видзӧтӧм 29 Тӧвшӧр 2026.
  10. ↑ Национальный состав населения Республики Беларусь рус.. Уполномоченный по делам религий и национальностей. Видзӧтӧм 29 Тӧвшӧр 2026.
  11. ↑ Национальный состав регионов России рус.. www.gks.ru (12.01.2012). Видзӧтӧм 29 Тӧвшӧр 2026.
  12. ↑ Latvijas iedzīvotāju sadalījums pēc nacionālā sastāva un valstiskās piederības рус.. pmlp.gov.lv. Видзӧтӧм 14 Гожумпом 2025.
  13. ↑ Нас еление по этнической принадлежности, родному языку, гражданству, полу, возрастной группе и месту проживания (район поселения) рус.. Statistics Estonia. Видзӧтӧм 29 Тӧвшӧр 2026.
  14. ↑ Lietuvos Respublikos 2011 metų visuotinio gyventojų ir būstų surašymo rezultatai рус.. web.stat.gov.lt. Видзӧтӧм 29 Тӧвшӧр 2026.
  15. ↑ Максимов С. А. Самоназвания удмуртов и бесермян, их варианты, названия соседних народов в языке удмуртов и бесермян // Linguistica Uralica. XLIV.. — 2008. — Вып. 2.
  16. ↑ Кто такие удмурты? | Официальный сайт Администрации посёлка Понтонный, МО Понтонный. Дата обращения: 15 Тӧвшӧр 2026.
  17. ↑ Удмурты - Министерство национальной политики УР, Министерство национальной политики УР (4 Одзтӧв 2020). Дата обращения: 15 Тӧвшӧр 2026.
  18. ↑ Люди с Вятки. Национальный акцент (2016-11-14). Видзӧтӧм 28 Тӧвпом 2026.
  19. ↑ Белых С. К., Напольских В. В. Этноним удмурт: исчерпаны ли альтернативы?. Удмуртология. Видзӧтӧм 28 Тӧвпом 2026.
  20. ↑ 1 2 Сахарных Д. М. Названия удмуртов: происхождение и семантика. Academia.edu. Видзӧтӧм 28 Тӧвпом 2026.
  21. ↑ Удмурты. Образовательные и межкультурные программы «Финно-угорский мир». Видзӧтӧм 28 Тӧвпом 2026.
  22. ↑ 1 2 Широбоков И. Г. К антропологии пермских народов XVII-XIX вв. (краниологические данные) // Ежегодник финно-угорских исследований. — 2014. — № 3.
  23. ↑ Парамонова А. В. Изменение внешности коренного населения Удмуртии в период с XVII-XVIII вв. До современности (по результатам реконструкции лица по черепу) // Вестник Московского университета. Серия 23. Антропология. — 2011. — № 1.
  24. ↑ Владимир Чураков К исследованию этнической истории удмуртов. Удмуртология. Видзӧтӧм 28 Тӧвпом 2026.
  25. ↑ Чураков В. С. Расселение удмуртов в Вятско-Камском регионе в X–XVI вв // Иднакар: методы историко-культурной реконструкции. — 2007. — № 2 (2).
  26. ↑ Чураков В. С. К проблеме расселения пермских народов в конце I – первой половине II тыс. н. э. // Иднакар: методы историко-культурной реконструкции. — 2008. — № 1 (3).
  27. ↑ Коковцов П. К. Еврейско-хазарская переписка в X веке / Акад. наук СССР. — Ленинград: изд. и тип. изд-ва Акад. наук СССР, 1932. — 134 с.
  28. ↑ Т. XXV (Московский летописный свод конца XV в.). Полное собрание русских летописей. Видзӧтӧм 28 Тӧвпом 2026.
  29. ↑ Чураков В. С. Об обстоятельствах появления каринских арских князей на Вятке. Удмуртология. Видзӧтӧм 26 Тӧвпом 2026.
  30. ↑ Документы по истории Удмуртии XV-XVII веков / Сост. д-р ист. наук П.Н. Луппов; Удмурт. науч.-исслед. ин-т истории, экономики, литературы и языка при Совете Министров Удмурт. АССР. — Ижевск: Удмурт. кн. изд-во, 1958. — 419 с.
  31. ↑ Проблемы аграрной истории Удмуртии / Удм. ин-т истории, яз. и лит. Урал. отд-ния АН СССР; [Редкол.: В. Е. Владыкин, Н. П. Лигенко (отв. редакторы) и др.]. — Ижевск: Удм. ин-т истории, яз. и лит, 1988. — 173 с.
  32. ↑ 1 2 Финно-угорские народы России: генезис и развитие : учеб. пособие / АФУН РФ, НИИГН при Правительстве РМ; [под ред. В. А. Юрчёнкова]. — Саранск, 2011. — 224 с. — ISBN 978-5-7493-1567-7.
  33. ↑ 1 2 Первая всеобщая перепись населения Российской Империи 1897 г. Распределение населения по родному языку, губерниям и областям. Демоскоп Weekly. Справочник статистических показателей. Видзӧтӧм 28 Тӧвпом 2026.
  34. ↑ Декрет Всероссийского центрального исполнительного комитета и Совета народных комиссаров об образовании Автономной Области Вотякского (Удмуртского) Народа. 4 ноября 1920 г.. Электронная библиотека исторических документов. Видзӧтӧм 28 Тӧвпом 2026.
  35. ↑ 1 2 Страничка истории. 28 декабря 1934 года. О преобразовании Удмуртской автономной области в Удмуртскую Автономную Советскую Социалистическую Республику. Информационно-аналитическоe управление Администрации города Ижевска (2021-12-28). Видзӧтӧм 28 Тӧвпом 2026.
  36. ↑ Удмуртия в зеркале 20-го столетия. Историческая хроника. Архивы Удмуртии. Видзӧтӧм 28 Тӧвпом 2026.
  37. ↑ Изучение удмуртского языка. Лекция четвёртая. Удмуртология. Видзӧтӧм 28 Тӧвпом 2026.
  38. ↑ Основы финно-угорского языкознания (вопросы происхождения и развития финно-угорских языков) / Институт языкознания АН СССР. — М.: Наука, 1974. — 483 с.
  39. ↑ Д. М. Сахарных О периодизации истории удмуртской письменности. Удмуртология. Видзӧтӧм 28 Тӧвпом 2026.
  40. ↑ И. В. Тараканов. Удмуртский язык: становление и развитие. — Ижевск: Удмуртия, 2007. — С. 76—84. — 288 с.
  41. ↑ 1 2 Чураков В. С. К проблеме определения жизни основателей старейших удмуртских родов-выжы // Вестник Челябинского государственного университета. — 2013. — № 36 (327).
  42. ↑ 1 2 Удмурты, вотяки. Хронос. Видзӧтӧм 28 Тӧвпом 2026.
  43. ↑ 1 2 Печникова О. В. Традиционный удмуртский костюм // Вестник науки. — 2020. — № 7 (28).
  44. ↑ Владыкин В. Е. Религиозно-мифологическая картина мира удмуртов : (опыт реконструкции традиционного мировоззрения дореволюционного удмуртского общества) : автореферат дис. ... доктора исторических наук : 07.00.07 / МГУ им. М. В. Ломоносова. — Москва, 1991.
  45. ↑ 1 2 Виноградов С. Н. Кладезь удмуртской философии и магии : [статьи об обычаях, традициях, мировоззрении удмуртов] / авт. предисл. В. Е. Владыкин. — Ижевск: Инвожо, 2010. — 146 с.
  46. ↑ 1 2 В. Е. Владыкин, Л. С. Христолюбова. Этнография удмуртов : учебное пособие по краеведению. — Ижевск: Удмуртия, 1997. — С. 73. — 245 с. — ISBN 5-7659-0594-3.
  47. ↑ 1 2 Волкова Л. А. Земледельческая культура удмуртов (вторая половина XIX - начало ХХ в.) / Рос. акад. наук, Ур. отд-ние, Удмурт. ин-т истории, языка и лит., М-во образования Рос. Федерации, Глаз. гос. пед. ин-т им. В. Г. Короленко. — Ижевск: УИИЯЛ, 2003. — С. 307—324. — 385 с. — ISBN 5-7691-1462-2.
  48. ↑ Шкляев Г. К. Традиционные поселения и жилища / Г. К. Шкляев // Удмурты : ист.-этногр. очерки. — Ижевск, 1993
  49. ↑ 1 2 3 Лебедева С. Х. Удмуртская народная одежда. — Ижевск: Удмуртия, 2008. — С. 9—18. — 39 с. — ISBN 978-5-7659-0463-3.
  50. ↑ Удмурты : историко-этнографические очерки / Рос. акад. наук, Урал. отд-ние, Удмурт. ин-т истории, яз. и лит. ; [науч. ред. В. В. Пименов]. — Ижевск: Удмуртский институт истории, языка и литературы Уральского отделения РАН, 1993. — С. 125—141. — 388 с. — ISBN 5-7691-0367-1.
  51. ↑ 1 2 Владыкин В. Е. Этнография удмуртов : учебное пособие по краеведению / В. Е. Владыкин, Л. С. Христолюбова. - 2-е изд., перераб. и доп. — Ижевск: Удмуртия, 1997. — С. 97—106. — 245 с. — ISBN 5-7659-0594-3.
  52. ↑ Культура Удмуртии. Национальная библиотека республики Татарстан. Видзӧтӧм 28 Тӧвпом 2026.
  53. ↑ Дмитрий Метелев, Альбина Малых Удмуртская литература. Литература народов России. Видзӧтӧм 28 Тӧвпом 2026.
  54. ↑ Домокош Петер. История удмуртской литературы / перевод с венгерского В. Васовчик. — Ижевск: Удмуртия, 1993. — С. 175—178. — 445 с.
  55. ↑ Зайцева Т. И. Удмуртская проза второй половины XX-начала XXI века: человек и мир, эволюция, особенности художественного воплощения / автореферат диссертации на соискание ученой степени д. филол. н., специальность 10.01.02. — Саранск, 2009.
  56. ↑ Кузебай Герд. Министерство культуры Удмуртской Республики. Видзӧтӧм 28 Тӧвпом 2026.
  57. ↑ Кондрашкина Е. А. Проблемы функционирования удмуртского языка в Удмуртской республике // Sciences of Europe. — 2020. — № 48—5 (48).
  58. ↑ История театрального и музыкального искусства Удмуртии. Видзӧтӧм 28 Тӧвпом 2026.
  59. ↑ Законы о начальных и средних школах 1864 г.. Музей истории Российских реформ имени П. А. Столыпина. Видзӧтӧм 28 Тӧвпом 2026.
  60. ↑ 1 2 3 4 О.И. Васильева, В.С. Воронцов. Национальная школа в Удмуртии: история и современность // Ежегодник финно-угорских исследований. — 2013.
  61. ↑ Васильева Г. Н. История и перспективы развития национального образования в Удмуртской Республике : дис. ... канд. пед. наук : 13.00.01. — Ижевск, 2006. — 199 с.
  62. ↑ Никольский Е. В. Специфика удмуртского политеизма: первобытная религия и инородные влияния // Церковно-исторический альманах «ХРОНОС». — 2017. — № 4.
  63. ↑ Владыкин В. Е. Удмурт оскон : вашкала куриськонъёс, вӧсяськонъёс, статьяос = Удмуртская вера : древние молитвы-заклинания, статьи / [авт. предисл. С. Н. Виноградов] ; сост. В. Е. Владыкин, С. Н. Виноградов. — Ижевск: Удмуртия, 2010. — С. 20. — 198 с.
  64. ↑ Сенюткина О. Н. В. Г. Короленко и Мултанское дело // Историко-культурное наследие народов Урало-Поволжья. — 2021. — № 2 (11).
  65. ↑ 1 2 Никитина Г. А. Демографическое поведение удмуртов в конце XIX - начале XX века // Институты развития демографической системы общества : V Уральский демографический форум (г. Екатеринбург, 5-6 июня 2014 г.) : сборник материалов. — Екатеринбург, 2014. — С. 314—320.
  66. ↑ Верещагин Г. Е. Собрание сочинений / : в 6 томах ; Т. 1 : Вотяки Сосновского края / Г. Е. Верещагин ; под ред. В. М. Ванюшева ; Рос. акад. наук, Урал. отд-ние, Удмурт. ин-т истории, яз. и лит. ; [редкол.: Ванюшев В. М и др ; отв. за вып. Никитина Н. Г. ; слово к читателю: Ванюшев В. М. ; послесл.: Ванюшев В. М., Никитина Г. А. ; примеч.: Ванюшев В. М., Владыкина Т. Г., Гришкина М. В., Долганова Л. Н.]. - Ижевск : Удмуртский институт истории, языка и литературы Уральского отделения Российской академии наук, 1995. - 258, [1] с. : ил. - Библиогр. в подстроч. примеч. - (Серия "Памятники культуры"). - Том подгот. по изд.: Гр. Верещагин. Вотяки Сосновского края // Записки Императорского Русского географического общества по отделению этнографии.- СПб.: Типогр. М-ва внутрен. дел, 1886. Т. 14, вып. 2. - 218 с. — ISBN 5-7691-0418-Х.
  67. ↑ Не хочу быть удмуртом: больше 100 тысяч жителей республики сменили национальность. Удм.Инфо (2023-01-11). Видзӧтӧм 28 Тӧвпом 2026.
  68. ↑ О демографической ситуации в Удмуртской Республике за январь – апрель 2023 года. Муниципальное образование "Муниципальный округ Малопургинский район Удмуртской Республики" (2023-06-30). Видзӧтӧм 28 Тӧвпом 2026.

Литература

Ыстӧттэз

Босьтӧма "https://koi.ruwiki.ru/w/index.php?title=Удмурт_отир&oldid=215932"-ись