Чернышенко Дмитрий Николаевич

Босьтöм Рувикиись
РУВИКИ-ын эмӧсь статьяэз мӧдік морттэз йылісь гижсянӧн Чернышенко.
Чернышенко Дмитрий Николаевич
Dmitry Chernyshenko official portrait (government.ru).jpg
Флаг
Российскӧй Федерация правительство юралісьлӧн вежлісь
Флаг
 2020 во тӧвшӧр 21 лун
(у.к.2024 во тулыспом 7—13 луннэз)
Правительство юралісь Михаил Мишустин
Андрей Белоусов (у.к.)
Михаил Мишустин
Президент Владимир Путин
Чужӧм 1968 во одзар 20 лун(1968-09-20) (56 лет)
Велӧтчӧм
Донтан пассэз
Сайт government.ru
Логотип РУВИКИ.Медиа Медиафайлы на РУВИКИ.Медиа


Чернышенко Дмитрий Николаевич (1968 во одзар 20 лун, Саратов, РСФСР, СССР) — российскӧй государственнӧй уджалісь, Российскӧй Федерация правительство юралісьлӧн вежлісь цифровӧй экономика да инновацияэз, связь, СМИ, культура, туризм да спорт сьӧрті 2020 во тӧвшӧр 21 лунсянь[1][2]. Волга федеральнӧй округ сьӧрті куратор 2021 во гожумшӧр 19 лунсянь[3].

2007—2014 воэзӧ — чулӧтӧмӧсь Сочиын XXII тӧвся Олимпиада да XI тӧвся Паралимпиада лӧсьӧтан комитетлӧн президент. 2014 во арпом 28 лунсянь — Континентальнӧй хоккейнӧй лигалӧн президент, правленнё юралісь. «Газпром-медиа Холдинг» генеральнӧй директор да правленнё юралісь. 2018 во аршӧр 20 лунсянь сідзжӧ юралӧ «ГПМ Развлекательное ТВ» субхолдингӧн[4][5].

2019 воӧ Чернышенко мӧдпыр пырис Variety500 нимлёдзӧ, кытчӧ США-ись изданнё Variety ӧктӧ 500 мирын медвына медиаперсона[6].

Олантуй

[вильмӧтны | править код]
МОК 119-ӧт сессия осьтан церемония вылын. Россиялӧн президент Владимир Путин шульгаладорын В. А. Фетисов, веськытладорсянь — И. К. Роднина да Д. Н. Чернышенко.
Гватемала, 2007 во гожумшӧр 3 лун
Дмитрий Чернышенко Ылісь Асывладорӧ уджалан визит коста, 2021 во

Дмитрий Чернышенко чужис 1968 во одзар 20 лунӧ Саратовын. Быдмис Майкопын да Сочиын[5][7].

Помаліс Московскӧй государственнӧй технология университет «Станкин» «автоматизируйтӧма проектирутӧм системаэз» (САПР) специальность сьӧрті инженер-системотехник квалификацияӧн. «Станкинас» велӧтчикас керис МММ реклама ролик понда графика, сы понда сылӧ сетісӧ сы медодзза гонорар 1500 доллар[8][5].

1989—1991 воэзӧ Чернышенко уджаліс программистӧн Copris&M Co («Коприс-энд-м ко») телекоммуникацияэз компанияын .

1989 воӧ ӧтлаын «Станкинісь» ӧтвелӧтчиссезкӧт аркмӧтіс компания «Информатика Маркетинг Сервис» (ИМС) — СССР-ын медодззаэза компьютернӧй графика студияэзісь ӧтік. 1991—1992 воэзӧ вӧлі ИМС компания генеральнӧй директор вежлісьӧн.

1992—1994 воэзӧ — СФТ реклама агентство директор (ИМС студияыс паськаліс СФТ («СФТ-Реклама») нима реклама студияӧдз.

1993 воӧ Чернышенкоыс лоис Media Arts реклама агентстволӧн ӧтаркмӧтісьӧн, сія вӧлі аркмӧтӧм ИМС-ісь да лоис Media Arts Group реклама холдингӧн. 1994 воӧ лоис арт-директорӧн, 1996 воӧ — Media Arts Group вице-президентӧн[8].

1998—2002 воэзӧ Чернышенкоыс вӧлі «ДТВ-МА» телевизионнӧй производственнӧй студия генеральнӧй директорӧн, студияыс аркмис, кӧр Media Arts Group холдингыс небис D’Arсy TV («Д’Арси ТелеВижн») реклама керан компания. «ДТВ-МА» клиенттэзӧн вӧлісӧ медыджыт мирапасьта тӧдса бренддэз да реклама агентствоэз. Студияыс вермис 30-ся унажык донтанпас российскӧй да мирпасьта фестиваллез вылын[9].

2002 воӧ Чернышенкоыс лоис Media Arts Group старшӧй вице-президентӧн да пондіс юравны Sportima компанияӧн, кӧда вӧлі аркмӧтӧм холдингас спортивнӧй маркетинг сьӧрті удж понда[8].

2005 во арпомӧ Чернышенкоыс пондіс юравны кампанияӧн, кӧдаӧн вермасисӧ Сочиын Олимпиада да Паралимпиада чулӧтӧм понда, лоис «Сочи-2014» лӧсьӧтан комитетлӧн генеральнӧй директорӧн[10].

2007—2014 воэзӧ — чулӧтӧмӧсь Сочиын XXII тӧвся Олимпиада да XI тӧвся Паралимпиада лӧсьӧтан комитетлӧн президент.[11][5].

2007 во одзар 26 лунсянь Чернышенкоыс пырис Российскӧй Федерация президент дынся физкульутра да спорт зорӧтан, Сочиын 2014 воӧ XXII тӧвся Олимпиада да XI тӧвся Паралимпиада лӧсьӧтан да чулӧтан Совет президиумӧ[12]. Медодзза воыс коста (2007 во одзар 26 лунсянь 2008 во одзар 5 лунӧдз) вӧлі советлӧн секретарьӧн[5].

2007 во арпом 12 лунсянь — ГК «Олимпстрой» вӧджжӧтан совет юралісьлӧн вежлісь[13].

2014 во аршӧрсянь одзтӧлӧдз Чернышенкоыс юраліс Volga Group инвестиционнӧй компанияӧн, кӧда веськӧтліс предприниматель Геннадий Тимченко активвезӧн[14].

2014 во арпом 28 лунсянь Чернышенкоыс — Континентальнӧй хоккейнӧй лигалӧн президент, правленнё юралісь[15].

2014 во одзтӧв 23 лунсянь — Россия хоккей федерация советӧ пырись.

2015 во тӧвшӧр 13 лунсянь Чернышенкоыс — «Газпром-медиа Холдинг» генеральнӧй директор да правленнё юралісь[16][5].

2016 восянь — Национальнӧй рекламнӧй альянс директоррез советлӧн юралісь[17]. ОАО «Российские железные дороги» директоррез советӧ пырись[18].

2020 во одзтӧв 21 лунсянь Чернышенкоыс вӧлі пуктӧм Российскӧй Федерация правительство юралісь вежлісьӧн[19] цифровӧй экономика да инновацияэз, связь, СМИ, культура, туризм да спорт сьӧрті. Курируйтӧ «Цифровӧй экономика», «Культура» нацпрограммаэз, да сідзжӧ «Демография» нацпроектісь «Спорт — норма жизни» нима федеральнӧй проект. Сы кипод увтын сідзжӧ СМИ-ын госполитика да инновационнӧй удж, связь сьӧрті тариффез регулируйтӧм да IT да связь сьӧрті госпрограммаэз оланӧ пыртӧм. Сы киння Чернышенкоыс кипод увтӧ пырӧны медыджыт спорт мероприяттёэз чулӧтӧм да религиознӧй организацияэзкӧт ӧтуджалӧм[1].

2024 во тулыспом 11 лунӧ Михаил Мишустин пыртіс Госдумаӧ виль правительстволісь нимлёдз, кытӧ вӧзйис Чернышекоыслісь кандидатурасӧ вице-премьер пост вылӧ[20]. Тулыспом 13 лунӧ Госдумаыс бурсьӧтіс сійӧ[21]. Тулыпом 14 лунӧ Россиялӧн президент гижис сы пуктӧм йылісь указ[22][5].

Чернышенкоыс кыввидза ӧтласа да шӧрӧт профессиональнӧй велӧтӧм, томпӧлӧс политика понда. Сія одзлань курируйтӧ: инновацияэза удж, отсӧт аркмӧтӧм мывкуд туялӧмлӧ. Чернышенкоыс лӧсьӧтӧ да видзӧ ас кипод увтын «Наука да университеттэз», «Велӧтӧм», «Туризм да гӧститӧм индустрия» нацпроекттэз. Координируйтӧ сэтшӧм министерствоэз да ведомствоэз:

  • Минобрнаука;
  • Велӧтӧм сьӧрті министерство;
  • Спорт министерство;
  • Строитӧ сьӧрті министерство («Туризм да гӧститӧм индустрия» нацпроектісь мероприяттёэз);
  • Экономика зорӧтан министерство (туризмын госполитика реализуйтӧм);
  • Минцифра (СМИ-ын госполитика реализуйтӧм);
  • Томпӧлӧс делоэз сьӧрті федеральнӧй агентство;
  • Национальносттез делоэз сьӧрті федеральнӧй агентство (религиознӧй организацияэзкӧт ӧтуджалӧм);
  • Велӧтӧм да наука вӧджжӧтан сьӧрті федеральнӧй служба[23].

2024 во одзар 23 лунӧ Чернышенкоыс вӧлі пуктӧм Российскӧй Федерация правительствосянь АНО «Институт развития интернета» вӧджжӧтан советӧ[24].

2025 во тӧвпом 11 лунӧ РФ правительство бурсьӧтіс Чернышенкосӧ «Физическӧй культура да спорт зорӧтӧм» (рочӧн «Развитие физической культуры и спорта») госпрограмма реализуйтан комиссия юралісьӧн[25].

Чернышенкоыс тӧдӧ английскӧй кыв[26].

Семьяыс

[вильмӧтны | править код]

Дмитрий Чернышенкоыс гӧтыра, эмӧсь кык ныв. Радейтӧ ысласьны керӧс лыззезӧн да вермасян искусство[5].

Санкцияэз

[вильмӧтны | править код]

Украинаын СВО чулӧтӧм кузя пыртӧм Евросоюз, Ыджыт Британия, США, Швейцария, Виль Зеландия санкционнӧй нимлёдззезӧ.

Донтан пассэз

[вильмӧтны | править код]
«Чужанінӧ пуктӧм удж понда» II тшупӧта орденӧн ошкӧм коста. 2014 во одзтулыс 24 лун
  • «Чужанінӧ пуктӧм удж понда» II тшупӧта орден (24.03.2014)[27].
  • Почёта орден (06.08.2007)[28].
  • Ёртасьӧм орден (23.05.2019)[29].
  • Российскӧй Федерация президентсянь аттьӧалан (30.05. 2018)[30].
  • «Россиялӧн спорт кӧдзуввез» национальнӧй премиялӧн лауреат (2008 во)[31].
конфессияэзся
  • Вежа Александр Невский нима II тшупӧта орден (06.12.2021)[32].
  • Вежа Сергий Радонежский нима II тшупӧта орден (08.08.2014)[33].
  • Вежа Сергий Радонежский нима III тшупӧта орден (30.01.2006)[34].
спортся
  • Олимпийскӧй зарниа орден (2014 во)[35].

Пасйӧттэз

[вильмӧтны | править код]
  1. ↑ 1 2 Мишустин распределил обязанности между своими заместителями рус.. РИА Новости (2020-01-28). Видзӧтӧм 29 Тӧвшӧр 2020.
  2. ↑ Правительство России переходит в статус и.о. до назначения нового состава рус..
  3. ↑ Михаил Мишустин назначил кураторов федеральных округов.
  4. ↑ «Газпром-медиа» сменил руководство развлекательного субхолдинга // Коммерсантъ. Архивировано 11 Аршӧр 2018 года.
  5. ↑ 1 2 3 4 5 6 7 8 Энциклопедия ТАСС, 2024. Чернышенко, Дмитрий Николаевич. Заместитель председателя правительства РФ
  6. ↑ viapiuser Dmitry Chernyshenko англ.. Variety (2018-08-28). Видзӧтӧм 9 Одзар 2019.
  7. ↑ Дмитрий Соколов. Как сбывались мечты главы «Газпром-Медиа» Дмитрия Чернышенко Собеседник № 37, 2015 год.
  8. ↑ 1 2 3 Ведомости «Все знали, что я из Сочи», - Дмитрий Чернышенко, гендиректор оргкомитета зимних Олимпийских игр Сочи-2014. www.vedomosti.ru (2007-10-25). Видзӧтӧм 9 Одзар 2019.
  9. ↑ Визитка компании DTV-MA - Sostav.ru. www.sostav.ru. Видзӧтӧм 27 Тулыспом 2019.
  10. ↑ Ярослав КОРОБАТОВ | Сайт «Комсомольской правды» Дмитрий Чернышенко, глава Заявочного комитета «Сочи-2014»: $12 миллиардов инвестиций окупятся через 5 лет рус.. KP.RU - сайт «Комсомольской правды» (2007-09-10). Видзӧтӧм 28 Тулыспом 2019.
  11. ↑ В России: Москва: Организационный комитет XXII Олимпийских зимних игр и XI Паралимпийских зимних игр 2014 года в г. Сочи (Москва) // ИА Спортком. sportcom.ru. Видзӧтӧм 9 Одзар 2019.
  12. ↑ Указ Президента Российской Федерации от 05.09.2008 г. № 1311 рус.. Президент России. Видзӧтӧм 9 Одзар 2019.
  13. ↑ Распоряжение Правительства Российской Федерации от 12 ноября 2007 года № 1604-р // tgost.ru. Дата обращения: 7 июня 2009. Архивировано из оригинала 23 февраля 2014 года.
  14. ↑ Кирилл Мельников, Анна Афанасьева Геннадий Тимченко подтянул олимпийский резерв. Volga Group возглавил Дмитрий Чернышенко. Коммерсантъ (2014-10-06).
  15. ↑ Совет Директоров КХЛ избрал Дмитрия Чернышенко новым Президентом лиги
  16. ↑ Дмитрий Чернышенко назначен на должность Председателя Правления ОАО «Газпром-Медиа Холдинг»
  17. ↑ Эксперты ТПП РФ: одна из основных задач рекламного рынка – продвижение положительного образа предпринимателя в информационном пространстве. tpprf.ru. Видзӧтӧм 28 Тулыспом 2019.
  18. ↑ Совет директоров ОАО «РЖД»
  19. ↑ Дмитрий Николаевич Чернышенко - Правительство России. government.ru. Видзӧтӧм 29 Тӧвшӧр 2020.
  20. ↑ О чем говорит новая конфигурация российского правительства (2024-05-11).
  21. ↑ Госдума утвердила Чернышенко заместителем председателя правительства (2023-05-13).
  22. ↑ Президент подписал указы о назначении членов Правительства Российской Федерации и директоров служб (2024-05-14).
  23. ↑ Михаил Мишустин утвердил распределение обязанностей между вице-премьерами (2024-05-17).
  24. ↑ Чернышенко назначили представителем РФ в набсовете Института развития интернета, TACC (23 Одзар 2024). Дата обращения: 23 Одзар 2024.
  25. ↑ Распоряжение Правительства Российской Федерации от 11.02.2025 № 292-р ∙ Официальное опубликование правовых актов рус..
  26. ↑ PwC Russia Video from Sochi 2014 President Dmitry Chernyshenko (2012-03-27). Видзӧтӧм 27 Тулыспом 2019.
  27. ↑ Награждённые государственными наградами Российской Федерации
  28. ↑ Фонд поддержки олимпийцев России. www.olympians.ru. Видзӧтӧм 9 Одзар 2019.
  29. ↑ Алексей Прокин Владимир Путин вручил государственные награды в Кремле рус.. НТВ. Видзӧтӧм 9 Одзар 2019.
  30. ↑ Распоряжение Президента Российской Федерации от 30 мая 2018 года № 131-рп «О поощрении»
  31. ↑ В Сочи прошло вручение премии «Спортивные звезды России» рус.. Газета.Ru. Видзӧтӧм 9 Одзар 2019.
  32. ↑ В день памяти благоверного князя Александра Невского Предстоятель Русской Церкви совершил Литургию в Храме Христа Спасителя в Москве (6 декабря 2021). Видзӧтӧм 1 Тӧвпом 2022.
  33. ↑ В праздник Успения Божией Матери Предстоятель Русской церкви совершил Литургию в Успенском соборе Московского Кремля (28 августа 2014). Видзӧтӧм 1 Тӧвпом 2022.
  34. ↑ Биография Дмитрия Чернышенко, РИА Новости (20.09.2023). Дата обращения: 6 Тулыспом 2024.
  35. ↑ IOC President says Thank You to Sochi, olympic.org (24 Тӧвпом 2014). Дата обращения: 3 Одзтулыс 2014.

Ыстӧттэз

[вильмӧтны | править код]
Босьтӧма "https://koi.ruwiki.ru/w/index.php?title=Чернышенко_Дмитрий_Николаевич&oldid=128195"-ись