Фальков Валерий Николаевич (1978 воаршӧр 18 лун, Тюмень[d]) — российскӧй государственнӧй деятель, Российскӧй Федерациялӧн велӧтӧм да наука сьӧрті министр 2020 во тӧвшӧр 21 лунсянь (у. к. 2024 во тулыспом 7—13 луннэз). Юрист.
Одзжык — Тюмень канмуся университетлӧн ректор (2013—2020).
Помаліс Новоселезнёвскӧй шӧрӧт школа Казанское посадын (Тюмень областись Казанскӧй район).
1995 воӧ пырис велӧтчыны Тюмень канму университетӧ (перм.рус. юридическӧй факультетӧ, 2000 воӧ помаліс РАН канму да право институт «юриспруденция» специальность сьӧрті. Сы бӧрын пырис велӧтчыны аспирантураӧ, 2003 во тулыспомӧ помаліс сійӧ да дорйис юриспруденция кандидат диссертация (темаыс рочӧн «Совершенствование правового регулирования предвыборной агитации в Российской Федерации» Г. Н. Чеботарёв кипод увтын[1].
2003—2007 воэзӧ Фальковыс — Тюмень канмуся университетісь конституционнӧй да муниципальнӧй право кафедра юралісьлӧн вежлісь, 2007 воӧ сылӧ вӧлі сетӧм дкафедра доцент званнё.
2007 во одзтулыссянь арпомӧдз — Тюмень канмуся университетісь Канму да право институт директорлӧн вежлісь велӧтӧм сьӧрті.
2007—2011 воэзӧ Фальков — ТюмГУ проректор содтӧт велӧтӧм да филиаллэз сьӧрті, 2011 восянь 2012 во одзтулысӧдз — ТюмГУ Право, экономика да юралӧм институт директор.
2009—2011 воэзӧ Фальковыс вӧлі бӧрйывлӧм Тюмень областись том туяліссез да специалисттэз совет председательӧн (2011 воӧ Советыс вӧлі шуӧм Россияын медэффективнӧйезісь ӧтікӧн).
2012 во аршӧрсянь 2013 во тулысшӧрӧдз Фальковыс — Тюмень канмуся университетісь ректорлісь удж керись. 2013 во одзтулыс 2013 воӧ вӧлі бӧрйӧм Тюмень канмуся университет ректорӧн. 2018 во тулысшӧр 17 лунӧ Фальковыс вӧлі пуктӧм ТюмГУ ректорӧн Российскӧй Федерация велӧтӧм да наука министерство дынся аттестационнӧй комиссияӧн[2], уджаліс пост вылас 2020 воӧдз.
2015 во тулысшӧр 30 лунӧ Фальков вӧлі бӧрйӧм Тюмень областись вуззэзлӧн ректоррез совет председательӧн. Российскӧй Федерацияись вуззэзлӧн юридическӧй велӧтӧм сьӧрті учебно-методическӧй ӧтувлӧн президиумӧ пырись.
Фальков курируйтіс «Тюмень регионлӧн перспектива: виль индустрияэз да кадра потенциал» велӧтан программа, кӧдӧ пондӧтіс Москваись управленнёлӧн школа «Сколково» Тюменскӧй областьлӧн губернатор тшӧктӧм сьӧрті Тюмень канмуся университеткӧт ӧтлаын.
2020 во тӧвшӧр 21 лунӧ Фальковыс вӧлі пуктӧм Михаил Мишустинлӧн правительствоӧ Российскӧй Федерациялӧн велӧтӧм да наука сьӧрті министрӧн.
2024 во тулыспом 14 лунӧ Валерий Фальков вились пуктӧм Госдумаӧн оссийскӧй Федерациялӧн велӧтӧм да наука сьӧрті министрӧн[3], сія жӧ лунӧ РФ президент гижсис сы пуктӧм йылісь указӧ[4].
2012 во одзтулыссянь лоӧ «Россияись юристтэзлӧн ассоциация» ӧтйӧза организациялӧн регион юкӧтӧн юралісьӧс вежлісьӧн, ассоциациялӧн Тюмень карса юкӧтӧн юралісьӧн.
2006 восянь 2013 воӧдз — Тюмень область бӧрйан комиссияись решайтан голос правоа член.
2013 восянь 2016 воӧдз — Тюмень кар думаись VI созывись депутат, «Ӧтласа Россия» (перм.рус. партиялӧн региональнӧй политическӧй советӧ пырись, Тюмень кар думаись кар строитӧм да му йитӧттэз сьӧрті пырся комиссияӧн юралісь. 2016 во одзар 18 лунсянь 2020 во тӧвшӧр 21 лунӧдз — Тюменскӧй областнӧй думаись депутат ӧтік мандата № 17 бӧрйисян округ сьӧрті.