Фальков Валерий Николаевич

Босьтöм Рувикиись
Фальков Валерий Николаевич
Valery Falkov govru.png
Флаг
Российскӧй Федерациялӧн велӧтӧм да наука министр
Флаг
 2020 во тӧвшӧр 21 лун
(у. к. 2024 во тулыспом 7—13 луннэз)
Правительство юралісь Михаил Мишустин
Андрей Белоусов (у. к.)
Михаил Мишустин
Президент Владимир Путин
Одззася уджалісь Михаил Котюков
Флаг
Тюмень канмуся университетлӧн ректор
(у.к. 2012 во аршӧр — 2013 во одзтулыс 21 лун)
Флаг
2013 во одзтулыс 21 лун — 2020 во тӧвшӧр 21 лун
Одззася уджалісь Геннадий Чеботарёв
Одзлань уджалісь Иван Романчук
Флаг
Тюменскӧй областнӧй думаись депутат
Флаг
2016 во одзар 18 лун — 2020 во тӧвшӧр 21 лун
Флаг
Тюмень карся думаись депутат
Флаг
2013 — 2016

Чужӧм 1978 во аршӧр 18 лун
Тюмень, РСФСР, СССР
Партия Ӧтласа Россия
Велӧтчӧм Тюмень канмуся университет
Учёнӧй степень юриспруденция кандидат, доцент
Профессия юрист
Удж политик
Туялан удж
Туялан удж юриспруденция
Уджаланін Российскӧй Федерациялӧн велӧтӧм да наука министерство
Логотип РУВИКИ.Медиа Медиафайлы на РУВИКИ.Медиа

Фальков Валерий Николаевич (1978 во аршӧр 18 лун, Тюмень[d]) — российскӧй государственнӧй деятель, Российскӧй Федерациялӧн велӧтӧм да наука сьӧрті министр 2020 во тӧвшӧр 21 лунсянь (у. к. 2024 во тулыспом 7—13 луннэз). Юрист.

Одзжык — Тюмень канмуся университетлӧн ректор (2013—2020).

Велӧтчӧм[вильмӧтны | править код]

Помаліс Новоселезнёвскӧй шӧрӧт школа Казанское посадын (Тюмень областись Казанскӧй район).

1995 воӧ пырис велӧтчыны Тюмень канму университетӧ рус. юридическӧй факультетӧ, 2000 воӧ помаліс РАН канму да право институт «юриспруденция» специальность сьӧрті. Сы бӧрын пырис велӧтчыны аспирантураӧ, 2003 во тулыспомӧ помаліс сійӧ да дорйис юриспруденция кандидат диссертация (темаыс рочӧн «Совершенствование правового регулирования предвыборной агитации в Российской Федерации» Г. Н. Чеботарёв кипод увтын[1].

Туялан да административнӧй удж[вильмӧтны | править код]

2003—2007 воэзӧ Фальковыс — Тюмень канмуся университетісь конституционнӧй да муниципальнӧй право кафедра юралісьлӧн вежлісь, 2007 воӧ сылӧ вӧлі сетӧм дкафедра доцент званнё.

2007 во одзтулыссянь арпомӧдз — Тюмень канмуся университетісь Канму да право институт директорлӧн вежлісь велӧтӧм сьӧрті.

2007—2011 воэзӧ Фальков — ТюмГУ проректор содтӧт велӧтӧм да филиаллэз сьӧрті, 2011 восянь 2012 во одзтулысӧдз — ТюмГУ Право, экономика да юралӧм институт директор.

2009—2011 воэзӧ Фальковыс вӧлі бӧрйывлӧм Тюмень областись том туяліссез да специалисттэз совет председательӧн (2011 воӧ Советыс вӧлі шуӧм Россияын медэффективнӧйезісь ӧтікӧн).

2012 во аршӧрсянь 2013 во тулысшӧрӧдз Фальковыс — Тюмень канмуся университетісь ректорлісь удж керись. 2013 во одзтулыс 2013 воӧ вӧлі бӧрйӧм Тюмень канмуся университет ректорӧн. 2018 во тулысшӧр 17 лунӧ Фальковыс вӧлі пуктӧм ТюмГУ ректорӧн Российскӧй Федерация велӧтӧм да наука министерство дынся аттестационнӧй комиссияӧн[2], уджаліс пост вылас 2020 воӧдз.

2015 во тулысшӧр 30 лунӧ Фальков вӧлі бӧрйӧм Тюмень областись вуззэзлӧн ректоррез совет председательӧн. Российскӧй Федерацияись вуззэзлӧн юридическӧй велӧтӧм сьӧрті учебно-методическӧй ӧтувлӧн президиумӧ пырись.

Фальков курируйтіс «Тюмень регионлӧн перспектива: виль индустрияэз да кадра потенциал» велӧтан программа, кӧдӧ пондӧтіс Москваись управленнёлӧн школа «Сколково» Тюменскӧй областьлӧн губернатор тшӧктӧм сьӧрті Тюмень канмуся университеткӧт ӧтлаын.

2020 во тӧвшӧр 21 лунӧ Фальковыс вӧлі пуктӧм Михаил Мишустинлӧн правительствоӧ Российскӧй Федерациялӧн велӧтӧм да наука сьӧрті министрӧн.

2024 во тулыспом 14 лунӧ Валерий Фальков вились пуктӧм Госдумаӧн оссийскӧй Федерациялӧн велӧтӧм да наука сьӧрті министрӧн[3], сія жӧ лунӧ РФ президент гижсис сы пуктӧм йылісь указӧ[4].

Общественнӧй удж[вильмӧтны | править код]

Сы могись, медбы Тюменскӧй регионын лӧсьӧтны енбиа челядьӧс кошшан да зорӧтӧмын отсалан система, вӧлі школьниккез понда «Менделеев» унапрофиля регионкостся олимпиадалӧн инициаторӧн да организаторӧн, 2011 во.

2012 во одзтулыссянь лоӧ «Россияись юристтэзлӧн ассоциация» ӧтйӧза организациялӧн регион юкӧтӧн юралісьӧс вежлісьӧн, ассоциациялӧн Тюмень карса юкӧтӧн юралісьӧн.

2006 восянь 2013 воӧдз — Тюмень область бӧрйан комиссияись решайтан голос правоа член.

2013 восянь 2016 воӧдз — Тюмень кар думаись VI созывись депутат, «Ӧтласа Россия» рус. партиялӧн региональнӧй политическӧй советӧ пырись, Тюмень кар думаись кар строитӧм да му йитӧттэз сьӧрті пырся комиссияӧн юралісь. 2016 во одзар 18 лунсянь 2020 во тӧвшӧр 21 лунӧдз — Тюменскӧй областнӧй думаись депутат ӧтік мандата № 17 бӧрйисян округ сьӧрті.

2020 воӧ пырис уджалан группаӧ, кӧда лӧсьӧтіс РФ Конституцияӧ вежсьӧммез пыртӧм йылісь вӧзйӧммез[5].

«Тобольск и быдӧс Сибирь» альманахлӧн редакционнӧй советӧн юралісь.

Гражданаӧс правовӧя велӧтӧм сьӧрті Тюменскӧй областьын «Осьта право школа» проектлӧн инициатор.

2014 восянь пырӧ РФ Президент патронат увтын веськӧтлан кадррезлӧн резервӧ.

2015 одзгожумсянь пырис Тюменскӧй областьын кадррез колӧм сьӧрті мониторинг да прогноз керан экспертнӧй советӧ .

2018 во одзтӧв 25 лунсянь пырис Российскӧй Федерациялӧн Президент дынся Наука да велӧтӧм сьӧрті советӧ[6].

2024 во одзтӧв 27 лунӧ «История сьӧрті велӧтан ведомствокостса комиссиялӧн юалӧммез» Российскӧй Федерацияись президентлӧн 2024. 12. 27 лунся № 1120 указ сьӧрті вӧлі пыртӧм История сьӧрті велӧтан ведомствокостса комиссиялӧн президиумӧ[7].

2025 во тулыспом 15 лунӧ РФ президент указ сьӧрті пыртӧм РАН вӧджжӧтан советӧ[8].

Донтан пассэз

[вильмӧтны | править код]
  • Российскӧй Федерациялӧн велӧтӧм министерствосянь Почётнӧй грамота (2003)
  • Тюмень область губернаторсянь Почётнӧй грамота (2008)
  • Тюмень область губернаторсянь аттьӧалан (2008)
  • Тюмень область думасянь Почёта морос пас (2009)
  • Тюмень областьын «Вося юрист — 2014» юридическӧй премиялӧн лауреат
  • Уральскӧй федеральнӧй округын РФ президентлӧн тырвына представительсянь аттьӧалан (2015)
  • Тюмень область Велӧтӧм да наука департаментсянь аттьӧалан (2015)
  • Российскӧй Федерациялӧн Федеральнӧй Собраннё Федерация Совет председательсянь аттьӧалан (2017).