Силуанов Антон Германович

Босьтöм Рувикиись
Силуанов Антон Германович
Anton Siluanov (2019-09-25).jpg
Флаг
Российскӧй Федерациялӧн финанссэз министр
Флаг
 2011 во одзтӧв 16 лун
Правительство юралісь Владимир Путин
Виктор Зубков(к.у.к.)
Дмитрий Медведев
Михаил Мишустин
Андрей Белоусов (к.у.к.)
Михаил Мишустин
Президент Дмитрий Медведев
Владимир Путин
Одззася уджалісь Алексей Кудрин
к.у.к. 2011 во одзар 27 лун — одзтӧв 16 лун, 2012 во тулыспом 7—21 луннэ, 2018 во тулыспом 8—18 луннэз, 2020 во тӧвшӧр 15—21 луннэз, 2024 во тулыспом 7—13 луннэз
Флаг
Российскӧй Федерациялӧн правительство председатель вежлісь — Российскӧй Федерация финанссэз министр
Флаг
2018 во тулыспом 18 лун — 2020 во тӧвшӧр 15 лун
Правительство юралісь Дмитрий Медведев
Михаил Мишустин
Президент Владимир Путин
Одззася уджалісь постыс аркмӧтӧм,
Игорь Шувалов кыдз Российскӧй Федерациялӧн правительство председатель медодзза вежлісь
Одзлань уджалісь постыс дугдӧтӧм,
Андрей Белоусов кыдз Российскӧй Федерациялӧн правительство председатель медодзза вежлісь
к.у.к. 2020 во тӧвшӧр 15—21 луннэз
Чужӧм 1963 во тулысшӧр 12 лун(1963-04-12) (63 года)
Ай Герман Михайлович Силуанов[d]
Партия Ӧтласа Россия
Велӧтчӧм Московскӧй финансовӧй институт
Учёнӧй степень экономика доктор (2012)
Профессия финансист
Удж финанссэз, политика
Донтан пассэз
Военнӧй кысйӧт
Званнё Действительный государственный советник РФ 1 класса (Минобороны)г.png
Российскӧй Федерациялӧн 1 класса действительнӧй государственнӧй советник
Уджаланін
Логотип РУВИКИ.Медиа Медиафайлы на РУВИКИ.Медиа


Силуанов Антон Германович (1963 во тулысшӧр 12 лун, Москва) — российскӧй государственнӧй деятель, экономист. Российскӧй Федерациялӧн министр 2011 восянь[lower-alpha 1], Российскӧй Федерациялӧн Опастӧмалӧм Советӧ пырись (2011 восянь). Российскӧй Федерация правительство председатель вежлісь, Российскӧй Федерациялӧн финанссэз министр 2018—2020 воэзӧ[lower-alpha 2]. Российскӧй Федерациялӧн 1 класса действительнӧй государственнӧй советник (2012).

Олантуй

G20 канмуэзлӧн уджалан совещаннё одзын, 2011 во арпом лун. Дмитрий Медведев, Антон Силуанов, Сергей Сторчак, Аркадий Дворкович.

Антон Силуанов чужис 1963 во тулысшӧр 12 лунӧ Москваын финансисттэз Герман Михайлович да Янина Николаевна Силуановвез семьяын.

1985 воӧ Силуановыс помаліс Москва финансовӧй институт «финанссэз да кредит» специальность сьӧрті.

1985 во гожумпомсянь 1987 во одзтулысӧдз — экономист «Гипрорыбаын», РСФСР финанссэз министерствоын старшӧй экономист.

1987 во одзтулыссянь 1989 во тулыспомӧдз кысъяліс Советскӧй Армияын.

1989 во тулыспомсянь 1992 во тӧвшӧрӧдз — РСФСР финанссэз министерствоын ведущӧй экономист, 1 категорияа экономист, подотдел юралісьлӧн вежлісь, консультант.

1992 во тӧвпомянь 1997 во аршӧрӧдз Силуановыс — бюджетӧн веськӧтлан юкӧтӧн юралісьлӧн вежлісь, бюджетӧн веськӧтлан департаментлӧн юралісьӧс вежись — Российскӧй Федерация финанссэз министерство юкӧтӧн юраоісь, бюджетӧн веськӧтлан департаментлӧн юралісьӧс вежлісь[1].

1994 воӧ Силуановыс дорйис экономика кандидат диссертация (рочӧн темаыс «Бюджетная политика государства в условиях перехода к рыночным отношениям: На примере Российской Федерации»)[2].

1997 во аршӧрсянь 2003 во гожумшӧрӧдз — Российскӧй Федерация финанссэз министерствоись макроэкономическӧй политика да банковскӧй удж департаментӧн юралісь.

2001 во одзтулыс 22 лунсянь — Российскӧй Федерация финанссэз министерстволӧн коллегияӧ пырись.

2003 во гожумшӧрсянь 2004 во тулыспомӧдз — Российскӧй Федерация финаннсэз министрлӧн вежлісь.

2004 во тулыспомсянь 2005 во одзтӧв 12 лунӧдз — Российскӧй Федерация финанссэз министерстволӧн бюджет йитӧттэз департаментлӧн директор.

2005 во одзтӧв 12 лунсянь — Российскӧй Федерация финанссэз министрӧс вежлісь.

2011 во одзар 27 лунсянь — Российскӧй Федерация финанссэз министрлісь удж керись.

2011 во одзтӧв 16 лунсянь Силуановыс вӧлі пуктӧм Российскӧй Федерация финанссэ министрӧн[3] да пыртӧм Российскӧй Федерация Опастӧмалӧм Советӧ[4].

2012 воӧ Силуановыс дорйис экономика доктор диссертация (темаыс рочӧн «Межбюджетные отношения в условиях развития федерализма в России». Официальнӧй оппоненттэс — экономика доктор, профессор А. А. Аганбегян, экономика доктор С. Г. Синельников-Мурылёв да экономика доктор, профессор Л. Н. Лыкова. Юралан организацияыс — Экономика высшӧй школа[5].

2013 во тӧвшӧрсянь — РФ Правительство дынся Финансовӧй университетісь финансово-экономическӧй факультет декан.

2015 во тӧвшӧрӧ Силуановыс вӧлі вӧзйӧм РФ правительствоӧн Сбербанк вӧджжӧтан советӧ[6].

2016 во тӧвпомӧ муніс «Ӧтласа Россия» партиялӧн высшӧй советісь (вӧлі сыӧ пырисьӧн 2012 восянь).

2017 во тулысшӧрӧ Силуановыс вӧлі пуктӧм ВТБ банк вӧджжӧтан совет юралісьӧн[7].

2018 во тулыспом 18 лунӧ Российскӧй Федерациялӧн президент Владимир Путин указӧн вӧлі пуктӧм Российскӧй Федерация правительстволӧн председатель медодзза вежалісьӧн — Российскӧй Федерация финанссэз министрӧн[8].

Дмитрий Медведев мӧдӧдзза правительство отставка бӧрын, 2020 во тӧвшӧрӧ, кольччис финанссэз министр постӧ, но медодзза вице-премьер постсис вӧлі ыстӧм[9].

2024 во тулыспом 14 лунӧ Госдума вились бурсьӧтіс сійӧ Российскӧй Федерация финанссэз министр постӧ[10], сія жӧ лунӧ РФ президент кырымпасаліс сы пуктӧм йылісь указ[11].

2025 во тулыспом 15 лунӧ РФ президент указ сьӧрті вӧлі пыртӧм Россия наукаэза академиялӧн видзӧтан советӧ[12].

Нёджӧввез да отиродзся позиция

2018 воӧ Силуанов вӧлі Россияын пенсионнӧй реформа медыджыт дорйись. Эта решеннёыс чужтіс уна отирлісь недолыт, кӧдӧ содтіс эта законопроектлӧн видзчисьтӧг мыччисьӧмыс да тэрмасьӧмыс, кӧр сія вӧлі лэбтӧм футболісь мир чемпионат (ЧМ) одзын. Силуановлӧн висьталӧмыс сы йылісь, мый реформа пондӧтӧмыс «случайнӧя» ӧтлаасис ЧМ пондӧтчӧмкӧт, сы йылісь паськыт общественнӧй «обсуждение», а сёрӧнжык сы йылісь, мый пенсионнӧй система вежсьӧммез вылӧ отирыслӧн сьӧкыт реакцияыс вӧлі «видзчисьтӧм», россиянаӧс падмӧтісӧ[13].

Кыдз РФ-ись финанссэзлӧн министр, Силуанов лоӧ главнӧй критикӧн да тормозӧн ВСМ Москва — Казань перыт кӧрттуй магистраль строитӧм проектлӧ[14][15].

2019 во тулысшӧрӧ Силуанов висьталіс, мый школьнӧй велӧтӧмӧ колӧ пыртны асшӧр удж лӧсьӧтӧм йылісь пропаганда[16].

2019 воӧ Силуанов чорыта сускисис ВТБ-ись юралісь Костинлӧн вӧзйӧмись чинтыны вотсӧ учӧт доходдэза россияна понда, а сідзжӧ учӧт да шӧр бизнеслӧн предприяттёэз понда[17].

2020 воӧ Силуанов шуис, мый Россияын удж понда вотлӧн сьӧкытаыс вывті ыджыт. Закон сьӧрті Россияын уджсетісьлӧ колӧ вештыны сотрудник понда удждонсянь 30 % ыждаӧсь страхуйтан взноссэз. Ныись 22 % мунӧ РФ Пенсионнӧй фондӧ, 5,1 % — медицинскӧй страхуйтӧмӧ, 2,9 % — социальнӧй страхуйтӧмӧ. Эшӧ 13 % видзсьӧны уджалісь удждонісь. Сы ыжда воттэс кузя аркмӧ, мый Россияын сайӧвтсьӧ удждоныс (сетсьӧ «конверттэзын») лоӧ быдӧс валӧвӧй внутренньӧй продукт (ВВП) 13 %-ӧдз. Удж вылӧ ӧтласа вот ставкаыс Россияын лыддиссьӧ мирын медыджыттэзісь ӧтікӧн, сія аркмӧтӧ шӧркодь предприятиеэзлӧн коммерческӧй прибылись 36,6 %. Ордсьӧтан туялӧм мыччаліс, что Казахстанын удж вылӧ вот ставкаыс только 10,1 %, США-ын — 9,8 %, Канадаын — 12,7 %, Германияын — 21,5 %, Великобританияын — 12 %. Россияись правительстволӧн вотсӧ чинтыны абутӧмлун сьӧм овмӧс министр Силуанов объяснитіс полӧммезӧн, медбы не балансируйтны федеральнӧй бюджетсӧ, да РФ-ись Пенсионнӧй фондын «осьта» аркмӧтан перспективаӧн[18].

Семья

Айыс — Герман Михайлович Силуанов (чуж. 1937), 1961 воӧ помаліс Московскӧй государственнӧй экономическӧй институтісь «Финанссэз» факультет, кытӧн велӧтчан воэзӧ вӧлі факультетлӧн комсомольскӧй организацияись секретарьӧс вежлісьӧн. Герман вӧлі куим выпускник коласісь ӧтік, кӧдӧ институт помалӧм бӧрын колисӧ Москваӧ, ыстісӧ уджавны СССР КГБ-ӧ. Сэтчин сія уджаліс недыр, да факультетлӧн декан Раиса Васильевна Гужкова протекция сьӧрті сійӧ вуджӧтісӧ СССР финанссэз министерствоӧ сы айка, Иван Васильевич Гужков, кипод увтӧ промышленность финансириуйтӧм управленнёӧ. Вӧлі комсомольскӧй активистӧн, финанссэз министерствоын стенгазета редколлегияӧ пырисьӧн[19]. 1991 во кежӧ лоис РСФСР финанссэз министерствоись юкӧт юралісьӧн[20], 1996 воӧ вӧлі РФ финанссэз министерстволӧн кредит да сьӧм бергӧтлӧм департаментӧн веськӧтлісьӧс вежлісьӧн, 1996 воӧ муніс пенсия вылӧ. Недыр мыйись этӧ департаментсӧ ӧтлаӧтісӧ мӧдіккӧт, кӧда уджаліс макроэкономикалӧн политикаӧн, сідз аркмис макроэкономикалӧн да банккезлӧн виль департамент, кӧдӧн и пондіс юравны Антон Силуанов.

Мамыс — Янина Николаевна Силуанова (чуж.1936), уджаліс «Финансы и статистика» издательствоын, сэсся уджаліс РФ финассэз министерство дынся государственнӧй университетісь редакционно-издательскӧй юкӧтын.

Воныс — Всеволод (чуж. 1976), уджалӧ РФ финанссэз министерствоын[21][22].

Гӧтыра, но 2016 воӧ Силуановыс инь йылісь информацияыс ӧшис сы декларацияись[23].

Зон Глеб (чуж. 1999), РФ Правительство дынся Финансовӧй университетын студент, помаліс Том политиккез школа, байкер[21][22][24].

Зон Алексей. 2023 восянь — «Аэрофлотісь» региональнӧй зорӧтӧм департментӧн юралісь[25].

Ас олӧм

Антон Силуанов гӧняйтӧ мотоцикллэзӧн, чериалӧ, ӧктӧ грампластинкаэз. Тӧдӧ немецкӧй кыв[22].

Донтан пассэз

  • «Чужанінӧ пуктӧм удж понда» III тшупӧта орден (2013)[26];
  • «Чужанінӧ пуктӧм удж понда» IV тшупӧта орден (2011)[27];
  • «Чужанінӧ пуктӧм удж понда» I тшупӧта орденлӧн медаль (2007)[28];
  • Российскӧй Федерация Президентсянь Почётнӧй грамота (2010)[29];
  • Российскӧй Федерация Президентсянь аттьӧалан (2002, 2012)[30][31];
  • Российскӧй Федерация финанссэз министерствосянь Почётнӧй грамота (2001);
  • Российскӧй Федерация финанссэз министерствосянь аттьӧалан (2002);
  • «Ойвыв Кӧдзув» орден (Саха)[32].
  • «Дуслык» орден (Татарстан, 2015)[33];
  • «Чечня Республикаӧ пуктӧм удж понда» медаль (2008)[34];
  • «Карелия Республикаӧ пуктӧм удж понда» медаль (2020)[35];
  • «100 во Финансовӧй университетлӧ» касьтылан медаль (эзысь) (2019);
  • «105 во Финансовӧй университетлӧ» касьтылан медаль (2024)[36].

Публикацияэз

  • Межбюджетные отношения в условиях развития федерализма в России. — М.: Дело, 2011. — 295 с. : ил., табл.; ISBN 978-5-7749-0660-4

Пасйӧттэз

  1. ↑ С 16 декабря 2011 года; исполняющий обязанности с 27 сентября по 16 декабря 2011 года, с 8 по 12 мая 2012 года, с 8 по 18 мая 2018 года и с 15 по 21 января 2020 года.
  2. ↑ С 18 мая 2018 по 15 января 2020, исполняющий обязанности с 15 по 21 января 2020.
  1. ↑ Постановление Совета Министров РСФСР от 08.11.1991 № 594.
  2. ↑ Силуанов, Алексей Германович. Бюджетная политика государства в условиях перехода крыночным отношениям: На примере Российской Федерации: диссертация … кандидата экономических наук : 08.00.10. — Москва, 1994. — 139 с.
  3. ↑ Медведев назначил Антона Силуанова министром финансов / РИА Новости.
  4. ↑ Указ Президента Российской Федерации от 16 декабря 2011 года № 1630.
  5. ↑ НЭБ - Национальная электронная библиотека рус..
  6. ↑ «Ведомости»: Силуанов и Улюкаев войдут в набсоветы Сбербанка и ВТБ.
  7. ↑ Ведомости. Медведев утвердил директиву об избрании Силуанова председателем наблюдательного совета ВТБ (6 Тулысшӧр 2017). Дата обращения: 24 Одзар 2025.
  8. ↑ Kremlin.ru. Рабочая встреча с Председателем Правительства Дмитрием Медведевымрус.. Архивировано 30 Аршӧр 2020 года.
  9. ↑ Правительство РФ подало в отставку.
  10. ↑ Госдума утвердила Силуанова на должность главы Минфина (14.05.2024).
  11. ↑ Президент подписал указы о назначении членов Правительства Российской Федерации и директоров служб (2024-05-14).
  12. ↑ Указ Президента Российской Федерации от 15.05.2025 № 318 "О попечительском совете Российской академии наук".
  13. ↑ Протесты ушли на пенсию, Коммерсантъ (30 Гожумшӧр 2018). Дата обращения: 24 Одзар 2025.
  14. ↑ Силуанов скептически относится к проекту высокоскоростной магистрали Москва - Казань. ТАСС (2018-12-25). Видзӧтӧм 25 Одзтӧв 2018.
  15. ↑ Коммерсантъ, 28 января 2019. Минфин тормозит высокоскоростные магистрали.
  16. ↑ Силуанов предложил ввести в школах курс по пропаганде создания бизнеса. РИА Новости (20190419T1112+0300Z). Видзӧтӧм 22 Тулысшӧр 2019.
  17. ↑ Матиас Брюггманн Ведущий банкир России Андрей Костин: «Все боятся санкций». Handelsblatt (2019-11-18). Видзӧтӧм 21 Тӧвпом 2020.
  18. ↑ Силуанов назвал «запредельной» налоговую нагрузку на труд. Когда будет возможно снижение страховых взносов и за чей счёт. Росбизнесконсалтинг (2020-02-20). Видзӧтӧм 21 Тӧвпом 2020.
  19. ↑ Раевский В. А. На перекрёстке и до него / С. Ю. Иванченко, Н. И. Кротов. — Москва: АНО "Экономическая летопись", 2013. — С. 34, 46-47. — 317 с. — ISBN 978-5-903388-27-1.
  20. ↑ Постановление Совета Министров РСФСР от 08.11.1991 № 594.
  21. ↑ 1 2 Силуанов, Антон Германович. Министр финансов РФ. ТАСС (2017).
  22. ↑ 1 2 3 Силуанов, Антон. Министр финансов РФ. Lenta.ru (2013-01-01).
  23. ↑ Из декларации Силуанова исчезла информация о супруге. РБК (2016-04-15).
  24. ↑ 18-летний сын министра финансов Силуанова попал в ДТП на мотоцикле. КП (2017-09-04).
  25. ↑ Песков прокомментировал назначение сына Силуанова в департамент "Аэрофлота", РИА Новости. Дата обращения: 24 Одзар 2025.
  26. ↑ Указ Президента Российской Федерации от 15 апреля 2013 года № 359 «О награждении орденом „За заслуги перед Отечеством“ III степени Силуанова А. Г.». Архивируйтӧм первоисточник сьӧрті 22 Гожумшӧр 2013. Видзӧтӧм 16 Тулысшӧр 2013.
  27. ↑ Указ Президента Российской Федерации от 02.02.2011 г. № 128, Президент России. Дата обращения: 24 Одзар 2025.
  28. ↑ Указ Президента Российской Федерации от 13 апреля 2007 года № 476 «О награждении медалью ордена „За заслуги перед Отечеством“ I степени Силуанова А. Г.». Архивируйтӧм первоисточник сьӧрті 10 Одзгожум 2015. Видзӧтӧм 24 Одзгожум 2013.
  29. ↑ Распоряжение Президента Российской Федерации от 18 ноября 2010 года № 784-рп «О награждении Почетной грамотой Президента Российской Федерации».
  30. ↑ Распоряжение Президента Российской Федерации от 1 сентября 2012 года № 401-рп «О поощрении работников Министерства финансов Российской Федерации».
  31. ↑ Распоряжение Президента Российской Федерации от 6 сентября 2002 года № 411-рп «О поощрении сотрудников Министерства финансов Российской Федерации»
  32. ↑ Министр финансов Антон Силуанов награждён высшим орденом Якутии «Полярная звезда». Архивируйтӧм первоисточник сьӧрті 10 Одзгожум 2015. Видзӧтӧм 14 Арпом 2013.
  33. ↑ Антон Силуанов награждён орденом «Дуслык».
  34. ↑ Указ от 24.11.2008 г № 379 О награждении медалью «За заслуги перед Чеченской Республикой» Силуанова А.Г - chechnya-gov.ru.
  35. ↑ Указ Главы Республики Карелия от 08.06.2020 № 58 ∙ Официальное опубликование правовых актов рус..
  36. ↑ Силуанов Антон Германович рус.. www.fa.ru. Видзӧтӧм 1 Аршӧр 2025.

Ыстӧттэз

Босьтӧма "https://koi.ruwiki.ru/w/index.php?title=Силуанов_Антон_Германович&oldid=215854"-ись