Цивилёв Сергей Евгеньевич

Босьтöм Рувикиись
Цивилёв Сергей Евгеньевич
Sergey Tsivilyov (2019-08-22).jpg
Флаг
Российскӧй Федерациялӧн энергетика сьӧрті министр
Флаг
 2024 во тулыспом 14 лун
Правительство юралісь Михаил Мишустин
Президент Владимир Путин
Одззася уджалісь Николай Шульгинов
Флаг
Кемеровскӧй областьлӧн губернатор
Флаг
2018 во одзар 17 лун — 2024 во тулыспом 14 лун
(к.у.т. 2018 во тулысшӧр 1 лун — одзар 17 лун)
Президент Владимир Путин
Одззася уджалісь Аман Тулеев
Одзлань уджалісь Илья Середюк (к.у.т)
Флаг
Кемеровскӧй областьлӧн губернатор вежлісь
Флаг
2018 во одзтулыс 2 лун — тулысшӧр 1 лун
Губернатор Аман Тулеев
Чужӧм 1961 во одзар 21 лун(1961-09-21) (64 года)
Ай Евгений Семёнович Цивилёв
Мам Дина Васильевна Цивилёва
Инька Анна Цивилёва (1972)
Челядь Антон да Никита зоннэз
Партия КПСС (1991 воӧдз)
Ӧтласа Россия
Велӧтчӧм 1. ЧВВМУ
2. СПбГЭУ
Профессия военнослужащӧй, экономист
Удж канму уджалісь
Донтан пассэз

Российскӧй Федерация субъекттэзлӧн донтан пассэз:

Сайт minenergo.gov.ru/ministr…
Военнӧй кысйӧт
Кысъялӧм воэз 1978—1994
Киндор  СССР →
 Российскӧй Федерация
Войскаэз род Флаг Советского ВМФ ВМФ СССР→
Флаг ВМФ России ВМФ России
Званнё
Капитан 3-го ранга ВМФ СССР
3 ранга капитан
Логотип РУВИКИ.Медиа Медиафайлы на РУВИКИ.Медиа


Цивилёв Сергей Евгеньевич (1961 во одзар 21 лун, Мариуполь[d], Донецк область[d]) — российскӧй государственнӧй деятель, Российскӧй Федерациялӧн энергетика сьӧрті министр 2024 во тулыспом 14 лунсянь[1].

Одзжык — Кемеровскӧй областьлӧн губернатор 2018 во одзар 17 лунсянь (Кемеровскӧй область губернаторлісь кадкостся удж керись 2018 во тулысшӧр 1 лунсянь одзар 17 лунӧдз)[2]. «Ӧтласа Россия» партиялӧн Высшӧй совет бюроӧ пырись[3].

Олантуй

Сергей Цивилёв чужис 1961 во одзар 21 лунӧ Сталинскӧй областись Жданов карын. Чужӧмыс бӧрын Цивилёввес семьяыс мунісӧ овны Кардор областись Котлас карӧ, 10 во бӧрті, 1971 воӧ, мунісӧ овны Харьковскӧй областись Чугуев карӧ. Айыс, Евгений Семёнович, уджаліс мебельнӧй фабрикаын керӧтӧм сьӧрті вежлісьӧн. Мамыс, Дина Васильевна, уджаліс магазин юралісьӧн сія жӧ карын[4].

Велӧтчӧм

1983 воӧ Цивилёвыс помаліс Севастополись П. С. Нахимов нима Черноморскӧй высшӧй военно-морскӧй училище «Корабллезлӧн вооруженнё» специальност сьӧрті, квалификацияыс — высшӧй военно-специальнӧй велӧтан тшупӧта офицер, инженер-электромеханик. ЧВВМУ помалӧм бӧрын кысъяліс Ойвывся флотын.

1999 воӧ помаліс Санкт-Петербургись экономика да финаннсэз государственнӧй университет «Финанссэз да кредит» специальность сьӧрті, квалификацияыс — экономист.

Удж

1994 воӧдз Цивилёвыс кысъяліс СССР да РФ ВС-ся Ойвывся флотын, сылӧн куимӧт ранга капитан воинскӧй званнё.

1995—1996 воэзын юраліс «Аэрофлот» банкись Санкт-Петербургскӧй филиалын опастӧмалӧм службаӧн.

1997—2012 воэзын юраліс Петербургись «Нортэк» юридическӧй компанияӧн.

2007 воӧ лоис «Ленэкспоинвест» компания пая аркмӧтісьӧн. Сія компанияыс лэбтіс «Ленэкспо» виль комплекс, сыын чулӧтьсӧ быдвося Петербургскӧй экономическӧй форум. Мӧд пая аркмӧтісьнас лоис Виктор Хмарин, Владимир Путинлӧн ӧтвелӧтчись, кӧдакӧт сія ӧтлаын велӧтчис вермасьӧмӧ. Сы кадӧ Хмариныс компанияэс вӧлісӧ «Газпром» понда оборудованнё медыджыт сетіссезӧн. Куимӧт пая аркмӧтісьнас лоис Ленгорисполкомлӧн кӧркӧся юралісь Владимир Ходырев.

2010 восянь Цивилёвыс уджаліс горнодобывающӧй сфераӧ инвестируйтӧмын.

2012—2013 воэзӧ — ООО «Колмар» директоррез совет председательлӧн вежлісь. 2018 во одзтулыс 2 лунӧдз Сергей да Анна Цивилёввес юралісӧ «Kolmar Sales and Logistics» нима швейцарскӧй компанияӧн.

2014 восянь — «Колмар» компаниялӧн генеральный директор да сы 70 % акцияэз эмалісь (30 %-нас Volga Group пырйӧт эмалӧ Геннадий Тимченко[5]). ООО «Колмар» — изшом шедтан предприяттёэз, трейдинг да логистика сьӧрті организацияэзісь комплекс, кӧдна уджалӧны Саха Республикаын Нерюнгри район шедтанмуэзісь изшом керӧтӧмын.

2018 во одзтулыс 2 лунсянь — Кемеровскӧй областьлӧн губернатор вежлісь промышленность, транспорт да потребительскӧй рынок сьӧрті[6].

2018 во одзтулыс 25 лунӧ Кемеровоас сотчис «Зимняя вишня» нима порйӧтчан центр. Сыын вийсисӧ 60 морт. 2018 во одзтуылс 27 лунӧ Кемеровоын олісь отир петісӧ стихийнӧй митинг вылӧ, кӧда вылын корисӧ мунны уджись Кемеровскӧй областись губернаторӧс Аман Тулеевӧс да Кемерово карись администрация, туявны сотчӧмсӧ да петкӧтны судӧ. Тулеевыс митинг вылас эз лок, но вовліс Кемеровскӧй областьлӧн вице-губернатор Сергей Цивилёв[7][8]. Сёрӧнжык Цивилёвыс, сія жӧ митинг вылын сёрнитікӧ, корис вийсьӧм отир рӧднялісь проща пидзӧссэз вылас[9].

2024 во тулыспом 14 лунӧ РФ Госдума бурсьӧтіс Сергея Цивилёвлісь кандидатура Россиялӧн энергетика сьӧрті министр пост вылӧ[10], сія жӧ лунӧ Россиялӧн президент кырымпасаліс пуктӧмыс йылісь указ[11].

Пырӧ «Стратегирование: теория и практика» журнал редакционнӧй коллегияӧ.

Кемеровскӧй областьлӧн губернатор

Уджалан пантасьӧм Россиялӧн президент Владимир Путинкӧт. Москва, Кремль, 2018 во тулысшӧр 5 лун

2018 во тулысшӧр 1 лунӧ, Аман Тулеевыс уджісь мунӧм бӧрын, Цивилёвыс Россия президентӧн вӧлі пуктӧм Кемеровскӧй область губернатор кадкостся удж керисьӧн[12][13].

2018 во гожумшӧр 16 лунӧ вӧлі регистрируйтӧм Кемеровскӧй областьлӧн губернатор кандидатӧ.

2018 во одзар 9 лунӧ бӧрйӧм Кемеровскӧй область губеранторӧн 5 во кеж. Пырис пост вылас одзар 17 лунӧ[14].

2018 во одзтӧв 8 лунӧ «Ӧтласа Россия» XVIII съезд коста вӧлі пыртӧм партиялӧн Высшӧй советӧ[3].

2019 во помӧ Кемеровскӧй область администрациялісь коллегия вӧлі вежӧм Кемеровскӧй область правительствоӧ. Губернаторыс лоис ӧткоста и правительство председательӧн.

2020 одзтӧв 21 лунсянь — Российскӧй Федерация Государственнӧй Совет президиумӧ пырись[15].

2021 восянь Кемеровскӧй областьлісь правительствоӧн юралӧ губернаторлӧн медодзза вежлісь.

2021 во аршӧр 1 лунӧ президент Путинкӧт пантасьӧм коста Цивилёвыс вӧзйис ыждӧтны Кемеровоын (ӧння кадӧ 540 сюрс олісь мымда) да Новокузнецкын (ӧння кадӧ 580 сюрс олісь мымда) оліссезлісь лыд миллионӧдз быд карын, сы понда ковсис бы паздыны отирлісь торья керкуэз на лэбтына вильӧсь. Сы дырни Цивилёвыс висьталіс, мый планируйтсьӧ «серьёзнӧй инфраструктура аркмӧтӧм»[16].

2023 во одзтулысӧ президент Путин примитіс Цивилёвыслісь доклад Кузбасс социально-экономическӧй зорӧтӧм йылісь, СВО-ын участкниккез семьязлӧ отсӧт йылісь, Сибирьын туризм зорӧтӧм йылісь, Таштаголын керӧслызь понда трасса керӧтӧм.

Путиныс казьмӧтіс, мый Кузбасслӧн эмӧсь проблемаэз изшом Лӧнь океан ӧзыннэзӧ 6500 км ылынаӧ транспортируйтӧмын да мый колана БАМ да Транссиб кӧрттуйезлісь ыждӧтны новйӧтан вынсӧ. Баитісӧ культура кластер досповна лэбтӧм да Кузбассын кадетскӧй корпус паськӧтӧм йылісь. Президентыс бурсьӧтіс Цивилёвыслісь мӧдӧмсӧ йтчыны вились губернатор пост вылӧ[17].

2023 во одзар 10 лунӧ бӧрйӧм сьӧрті Цивилёвыс кольччис губернатор пост вылас, сы понда сетісӧ 85,24 %[18].

Санкцияэз

2022 во гожумшӧр 21 лунӧ Цивилёвыс вӧлі пыртӧм Евросоюзлӧн санкционнӧй нимлёдзӧ. 2022 одзгожум 29 лунӧ — Ыджыт Британия санкционнӧй нимлёдзӧ[19][20]. 2023 во тӧвпом 24 лунӧ США Госдеп пыртіс Цивилёвсӧ американскӧй санкционнӧй нимлёдзӧ[21][20]. Сідзжӧ пыртӧм Виль Зеландия, Украина да Швейцария санкционнӧй нимлёдззезӧ.

2025 во тӧвпом 24 лунӧ пыртӧм Канада санкционнӧй нимлёдзӧ[22].

Семьяыс

Воныс — Валерий Цивилёв, «Колмар групп» генеральнӧй директор.

Иньыс — Анна Евгеньевна Цивилёва, Российскӧй Федерация дорйӧм сьӧрті министрлӧн вежлісь 2024 во одзгожум 17 лунсянь[23]. Одзжык, 2023 во тулысшӧр 3 лунсянь вӧлі пуктӧм «Защитники Отечества» нима государственнӧй фонд председательӧн[24].

Кагаэс — Антон да Никита зоннэз.

Донтан пассэз

  • Дружба орден (2021 во аршӧр 1 лун)[25];
  • «За вклад в укрепление обороны Российской Федерации» нима медаль (2019)[25].

Пасйӧттэз

  1. ↑ Госдума утвердила Цивилева министром энергетики. РИА Новости (2024-05-14). Видзӧтӧм 1 Аршӧр 2025.
  2. ↑ Юлия Потапова. Выборы губернатора Кузбасса выиграл Сергей Цивилев - Российская газета, Российская газета (10 Одзар 2018). Дата обращения: 2 Аршӧр 2025.
  3. ↑ 1 2 Ротация в составе Высшего Совета «Единой России» составила 16%. Единая Россия (2018-12-08). Видзӧтӧм 2 Аршӧр 2025.
  4. ↑ Александр Гамов Сергей Цивилев: Родственники погибших мечтают восстановить свои семьи. И я сделаю все, что только могу, чтобы помочь им залечить раны рус.. Комсомольская правда (2018-04-12). Видзӧтӧм 2 Аршӧр 2025.
  5. ↑ Gunvor: Доля Тимченко в компании была продана. РБК (2014-03-21). Видзӧтӧм 2 Аршӧр 2025.
  6. ↑ На должность заместителя губернатора по промышленности, транспорту и потребительскому рынку назначен Сергей Цивилев. Администрация Правительства Кузбасса (2018-03-05). Видзӧтӧм 2 Аршӧр 2025.
  7. ↑ Что происходит в Кемерово. Главное на данный момент. РБК (2018-03-27). Видзӧтӧм 2 Аршӧр 2025.
  8. ↑ Тулеев попросил прощения лично у Путина за случившееся в Кемерово. РБК (2018-03-27). Видзӧтӧм 2 Аршӧр 2025.
  9. ↑ Алёна Мартынова. Вице-губернатор Кемеровской области встал на колени перед родственниками погибших в "Зимней вишне", Комсомольская правда (27 Одзтулыс 2018). Дата обращения: 2 Аршӧр 2025.
  10. ↑ Госдума утвердила Цивилева министром энергетики. РИА Новости (2024-05-14). Видзӧтӧм 2 Аршӧр 2025.
  11. ↑ Президент подписал указы о назначении членов Правительства Российской Федерации и директоров служб. Президент России (2024-05-14).
  12. ↑ Врио губернатора Кемеровской области назначен Сергей Цивилев. Администрация Правительства Кузбасса (2018-04-01). Видзӧтӧм 2 Аршӧр 2025.
  13. ↑ Принята отставка Амана Тулеева. Президент России (2018-04-01). Видзӧтӧм 2 Аршӧр 2025.
  14. ↑ Победивший на выборах губернатора Кузбасса Цивилев вступил в должность, TACC (17 Одзар 2018). Дата обращения: 22 Одзар 2025.
  15. ↑ Распоряжение Президента Российской Федерации от 21.12.2020 № 310-рп. Официальный интернет-портал правовой информации. Видзӧтӧм 22 Одзар 2025.
  16. ↑ Глава Кузбасса предложил сделать два города миллионниками за счёт сноса частного сектора рус.. Interfax.ru (2021-10-01). Видзӧтӧм 1 Аршӧр 2025.
  17. ↑ Владимир Путин провел встречу с губернатором Кемеровской области Сергеем Цивилевым рус.. Первый канал (2023-03-23). Видзӧтӧм 2 Аршӧр 2025.
  18. ↑ Предварительные итоги голосования на выборах высших должностных лиц субъектов Российской Федерации, Центральная избирательная комиссия Российской Федерации (11 Одзар 2023). Дата обращения: 2 Аршӧр 2025.
  19. ↑ Consolidated list of financial sanctions targets in the UK. Видзӧтӧм 22 Одзар 2025.
  20. ↑ 1 2 Губернатор Кузбасса Сергей Цивилёв попал в санкционный список США рус.. Новости Кузбасса (2023-02-26). Видзӧтӧм 22 Одзар 2025.
  21. ↑ The United States Takes Sweeping Actions on the One Year Anniversary of Russia's War Against Ukraine - United States Department of State, United States Department of State. Дата обращения: 22 Одзар 2025.
  22. ↑ Канада ввела санкции против Познера, РБК (24 Тӧвпом 2025). Дата обращения: 22 Одзар 2025.
  23. ↑ Путин назначил трех новых заместителей министра обороны, РБК. Дата обращения: 22 Одзар 2025.
  24. ↑ Путин создал фонд поддержки участников СВО и семей погибших бойцов "Защитники Отечества", TACC. Дата обращения: 22 Одзар 2025.
  25. ↑ 1 2 Указ Президента Российской Федерации от 01.10.2021 № 558 рус.. Официальное опубликование правовых актов. Видзӧтӧм 22 Одзар 2025.

Ыстӧттэз

Босьтӧма "https://koi.ruwiki.ru/w/index.php?title=Цивилёв_Сергей_Евгеньевич&oldid=215806"-ись