Кравцов Сергей Сергеевич

Босьтöм Рувикиись
РУВИКИ-ын эмӧсь статьяэз мӧдік морттэз йылісь гижсянӧн Кравцов.
Кравцов Сергей Сергеевич
Sergey Kravtsov 12.03.2020.jpg
Флаг
Российскӧй Федерациялӧн просвещеннё министр
Флаг
 2020 во тӧвшӧр 21 лунсянь
(к.у.к. 2024 во тулыспом 7—13 луннэз)
Правительство юралісь Михаил Мишустин
Андрей Белоусов (к.у.к.)[1]
Президент Владимир Путин
Одззася уджалісь Ольга Васильева
Флаг
Рособрнадзор юралісь
Флаг
2013 во гожумпом 8 лун — 2020 во тӧвшӧр 21 лун
Правительство юралісь Дмитрий Медведев
Президент Владимир Путин
Одззася уджалісь Иван Муравьев
Одзлань уджалісь Анзор Музаев
Чужӧм 1974 во одзтулыс 17 лун
Москва, РСФСР, СССР
Партия Ӧтласа Россия
Велӧтчӧм Москвася канму педагогика осьта университет,
МГИМО
Учёнӧй степень педагогика доктор
Учёнӧй званнё доцент
Донтан пассэз
RUS Honorary Worker of Higher Professional Education 2004 ribbon.svg Медаль «За честь и мужество» (Кемеровская область)
Логотип РУВИКИ.Медиа Медиафайлы на РУВИКИ.Медиа

Кравцов Сергей Сергеевич (1974 во одзтулыс 17 лун, Москва, РСФСР, СССР) — российскӧй государственнӧй деятель. Российскӧй Федерациялӧн просвещеннё министр 2020 во тӧвшӧр 21 лунсянь (кадкостся удж керись 2024 во тулыспом 7—13 луннэзӧ).

Педагогика доктор (2007), доцент. Российскӧй Федерациялӧн 3 класса действительнӧй государственнӧй советник (2013). Руководитель Федеральной службы по надзору в сфере образования и науки (Рособрнадзор) с 8 августа 2013 по 21 января 2020. Член генерального совета партии «Единая Россия» с 4 декабря 2021[2].

Олантуй

[вильмӧтны | править код]

Сергей Кравцов чужис 1974 во одзтулыс 17 лунӧ Москваын[3]. Айыс — инженер, уджаліс «Энергия — Буран» космос корабль проектын. Мамыс — велӧтісь, «Информатика в школе» нима журналлӧн юралісь редактор[4].

1996 воӧ Кравцовыс гӧрд дипломӧн помаліс Москвася канму педагогика осьта университет (2006 восянь М. Шолохов нима Москвася канму гуманитарнӧй университет, 2005 воӧ сійӧ ӧтлаӧтісӧ Москвася канму педагогика университеткӧт) «математика да информатика велӧтісь» специальность сьӧрті[3]. 1994—1996 воэзӧ — математика велӧтісь Москва шӧрӧт № 176 школаын[5].

1997—2002 воэзӧ Кравцовыс уджаліс Российскӧй велӧтӧм академияись Велӧтанӧн юралӧм институтын, вӧлі младшӧй научнӧй сотрудникӧн, научнӧй сотрудникӧн, старшӧй научнӧй сотрудникӧн, лаборатория юралісьӧн. 2000 воӧ помаліс МГИМО «государственнӧй да муниципальнӧй юралӧм визирсайся кыв тӧдӧмӧн» специальность сьӧрті[3].

2002 воӧ Кравцовыс пондіс уджавны Российскӧй Федерация велӧтӧм министерствоын. 2004—2008 воэзӧ вӧлі велӧтӧм да туялӧм вӧджжӧтан федеральнӧй служба юралісьлӧн Виктор Болотовлӧн отсалісьӧн[3].

2008 воӧ вӧлі пуктӧм «Федеральнӧй тестируйтан шӧрин» федеральнӧй государственнӧй учрежденнё директорӧн, кӧда лӧсьӧтіс ЕГЭ нуӧтан процедура. 2009 воӧ юраліс Российскӧй велӧтчан академиялӧн велӧтӧмӧн веськӧтлан институтӧн[3].

2011' во тулысшӧрӧ Кравцовыс вӧлі пуктӧм РФ-лӧн велӧтан да наука министерствоись региональнӧй зорӧтан департаментдиректорӧн; сідзжӧ 2011 воӧ сія вӧлі «Велӧтіссезлісь квалификация бурсьӧтан да профессия сьӧрті вились велӧтӧм академия» федеральнӧй государственнӧй учрежденнё ректорӧн[3]. 2012 во гожумшӧрӧ вӧлі пуктӧм Минобрнаукалӧн Программаэзӧн веськӧтлан да конкурснӧй процедураэз сьӧрті департамент директорӧн[3].

2013 во гожумпм 8 лунӧ правительство распоряженнё сьӧрті вӧлі пуктӧм велӧтӧм да наука сьӧрын вӧджжӧтан федеральнӧй службаӧн юралісьӧн, вежис сія пост вылын Иван Муравьёвӧс. 2017 во аршӧр 28 лунсянь 2018 во тулыспом 24 лунӧдз Кравцов уджаліс РФ велӧтӧм да наука министрӧс вежлісьӧн — Рособрнадзорӧн юралісьӧн, сідз кыдз ведомствоыс вӧлі велӧтӧм да наука министерство увтын. 2018воӧ велӧтӧм да наука сьӧрын вӧджжӧтан федеральнӧй служба вӧлі вуджӧтӧм правительство увтӧ; 2018 воӧ тулыспом 24 лунӧ Кравцовӧс вились пуктісӧ сы юралісьӧн[3].

2020 во тӧвшӧр 21 лунсянь Кравцов пондіс юравны Российскӧй Федерация просвещеннё министерствоӧн[6].

2021 во одзтӧв 4 лунӧ Кравцов пырис «Ӧтласа Россия» партиялӧн генеральнӧй советӧ, сылісь кандидатурасӧ вынсьӧтісӧ голосуйтӧмӧн партия съезд вылын юрнуӧтан органнэз ротация сьӧрті[7]. Сія жӧ заседаннё вылын Кравцовлӧ вӧлі сетӧм «Ӧтласа Россиялӧн» партийнӧй билет[8].

2024 во тулыспом 14 лунӧ Кравцовыс вӧлі вились бурсьӧтӧм Госдумаӧн просвещеннё министр пост вылӧ[9], сія жӧ лунӧ Россиялӧн президент гижис сы пуктӧм йылісь указ[10].

Туялан удж

[вильмӧтны | править код]

1999 воӧ Кравцовыс дорйис кандидат диссертация (рочӧн «Методика проведения занятий с отстающими учащимися по математике с использованием технологии мультимедиа»)[3].

2007 воӧ дорйис педагогика доктор диссертация (рочӧн «Теория и практика организации профильного обучения в школах Российской Федерации») Россия велӧтан академиялӧн велӧтӧмлӧн пытшкӧм да методика институтын[3] (официальнӧй оппоненттэз А. В. Баранников, В. И. Блинов и В. С. Данюшенков).

Семья

[вильмӧтны | править код]

Сергей Кравцовыс гӧтыра, эмӧсь кык кага[3].

Санкцияэз

[вильмӧтны | править код]

Украинаын СВО пондӧтчиксянь Кравцовыс Евросоюз[11], Канада, США, Ыджыт Британия, Швейцария, Австралия, Виль Зеландия санкцияэз увтын.

Донтан пассэз

[вильмӧтны | править код]

Кравцовыс ошкӧм донтан пассэзӧн, ны лыдын:

  • Российскӧй Федерация правительствосянь аттьӧалан (2016)[3][12];
  • «Российскӧй Федерациялӧн вылісь профессиональнӧй велӧтӧмын почётнӧй уджалісь» званнё [13];
  • Российскӧй Федерация велӧтӧм да наука министерствосянь Почётнӧй грамота[13];
  • «За честь и мужество» нима медаль (Кемерово область; 2015)[14];
  • Россия еврей общинаэз федерациялӧн премия «государственнӧй деятель» номинацияын (2021)[15].

Пасйӧттэз

[вильмӧтны | править код]
  1. ↑ Керис Российскӧй Федерация правительство председательлісь удж 2020 во тулысшӧр 30 лунсянь тулыспом 19 лунӧдз.
  2. ↑ Энциклопедия ТАСС, 2024. Кравцов, Сергей Сергеевич. Министр просвещения РФ
  3. ↑ 1 2 3 4 5 6 7 8 9 10 11 12 Кравцов, Сергей Сергеевич. Министр просвещения РФ // Энциклопедия ТАСС, 2024
  4. ↑ Борисов А. От учителя до министра // Санкт-Петербургские ведомости. — 2020. — 7 февр.
  5. ↑ Сергей Сергеевич Кравцов - Правительство России. government.ru.
  6. ↑ Что известно о новом министре просвещения. ТАСС (21 января 2020).
  7. ↑ Сергей Кравцов вошёл в состав Генсовета «Единой России». Официальный сайт Министерства просвещения РФ (4 декабря 2021).
  8. ↑ Медведев вручил партбилеты "Единой России" руководству ДНР и ЛНР. ТАСС (4 декабря 2021).
  9. ↑ Госдума утвердила Кравцова на пост министра просвещения России (14.05.2024).
  10. ↑ Президент подписал указы о назначении членов Правительства Российской Федерации и директоров служб (2024-05-14).
  11. ↑ Official Journal of the European Union // COUNCIL REGULATION (EU) 2022/2474. — 16 Одзтӧв (т. Volume 65). — С. 499. Архивировано 24 Одзтӧв 2022 года.
  12. ↑ Распоряжение Правительства Российской Федерации от 06.04.2016 № 599-р "О поощрении Правительством Российской Федерации". pravo.gov.ru. Официальный интернет-портал правовой информации.
  13. ↑ 1 2 Кравцов Сергей Сергеевич. Официальный сайт Министерства просвещения РФ.
  14. ↑ Глава Рособрнадзора награжден медалью Кемеровской области «За честь и мужество». informio.ru (11 декабря 2015).
  15. ↑ Академик Гинцбург и министр Кравцов стали лауреатами премии Федерации еврейских общин. Интерфакс (29 ноября 2021).

Ыстӧттэз

[вильмӧтны | править код]
Босьтӧма "https://koi.ruwiki.ru/w/index.php?title=Кравцов_Сергей_Сергеевич&oldid=132736"-ись