Новак Александр Валентинович
| Новак Александр Валентинович | ||||||||||
|---|---|---|---|---|---|---|---|---|---|---|
.jpg) | ||||||||||
|
| ||||||||||
 Российскӧй Федерация правительство председатель вежлісь
 |
||||||||||
| 2020 во арпом 10 лун (к.у.к. 2024 тулыспом 7—13 луннэз) |
||||||||||
| Правительство юралісь | Михаил Мишустин | |||||||||
| Президент | Владимир Путин | |||||||||
 Российскӧй Федерация энергетика министр
|
||||||||||
| 2012 тулыспом 21 лун — 2020 арпом 10 лун (к.у.к. 2018 во тулыспом 8—18 луннэз, 2020 во тӧвшӧр 15—21 луннэз) |
||||||||||
| Правительство юралісь |
Дмитрий Медведев Михаил Мишустин Андрей Белоусов (к.у.к.) Михаил Мишустин |
|||||||||
| Президент | Владимир Путин | |||||||||
| Одззася уджалісь | Сергей Шматко | |||||||||
| Одзлань уджалісь | Николай Шульгинов | |||||||||
 Российскӧй Федерация финанссэз министр вежлісь
|
||||||||||
| 2008 во аршӧр 2 лун — 2012 во тулыспом 21 лун | ||||||||||
 Красноярскӧй край правительстволӧн председатель
 |
||||||||||
| гожумпом 15 лун — 2008 во аршӧр 1 лун | ||||||||||
| Губернатор | Александр Хлопонин | |||||||||
| Одззася уджалісь | постыс аркмӧтӧм | |||||||||
| Одзлань уджалісь | Эдхам Акбулатов | |||||||||
|
|
||||||||||
| Чужӧм |
1971 во гожумпом 23 лун Авдеевка, Донецк область, УССР, СССР |
|||||||||
| Ай | Валентин Яковлевич Новак | |||||||||
| Мам | Зоя Николаевна Новак | |||||||||
| Гозъя | Лариса Новак | |||||||||
| Партия | партияӧ пыртсьытӧм | |||||||||
| Велӧтчӧм |
Норильск идустриальнӧй институт Москва канму университет |
|||||||||
| Донтан пассэз |
|
|||||||||
| Тодиль званнё нето класса чин | ||||||||||
| Званнё |
 Российскӧй Федерациялӧн 3 класса действительнӧй государственнӧй советник |
|||||||||
 Медиафайлы на РУВИКИ.Медиа | ||||||||||
Новак Александр Валентинович (1971 во гожумпом 23 лун, Авдеевка, Донецк область, УССР, СССР) — российскӧй государственнӧй да политическӧй деятель.
Российскӧй Федерация правительство председатель вежлісь 2020 во арпом 10 лунсянь, (к.у.к. 2024 во тулыспом 7—13 луннэз)[1]. Ойвыв Кавказ федеральнӧй округын куратор 2021 во гожумшӧр 19 лунсянь[2].
Российскӧй Федерациялӧн энергетика сьӧрті министр 2012 во тулыспом 21 лунсянь 2020 во арпом 10 лунӧдз (кадкостся удж керись 2018 во тулыспом 8-18 луннэзӧ да 2020 во тӧвшӧр 15-21 луннэзӧ)[3].
Олантуй
Александр Новак чужис 1971 во гожумпом 23 лунӧ Донецк областись Авдеевка карын.
1979 воӧ семьянас овмӧтчис Норильскӧ, кытӧн айыс уджаліс Надеждинскӧй металлургическӧй завод строитӧмын[4]. Велӧтчис норильскӧй № 23 школаын[5]. Кузь мыгӧрыс кузя — 189 см, орсіс баскетболӧн школа сборнӧй командаын[6].
1993 воӧ помаліс Норильскӧй индустриальнӧй институт «экономика да управление металлургияын» специальность сьӧрті. 2009 воӧ помаліс М. В. Ломоносов нима Москва канму университетдынся Канму администрируйтӧм высшӧй школа «менеджмент» специальность сьӧрті.
1988 во одзарсянь пондіс уджавны А. П. Звенягин нима Норильскӧй горно-металлургическӧй комбинатын. Медодз уджаліс 1 разряда аппаратчик-гидрометаллургӧн, сыбӧрын кыдз стажер техник-технологӧн, удж кузя техникӧн, экономистӧн. 1993 восянь одзлань уджаліс экономистӧн да бухгалтерияись финансовӧй бюро юралісьӧн. 1997 во тулыспомсянь 1999 во арпомӧдз — юкӧтӧн юралісь, вот планируйтан управленнё юралісь.
1999 во тӧвшӧрӧн вӧлі ыстӧм «Норильскӧй горнӧй компания» ВАК-ӧ (Заполярнӧй филиал) экономика сьӧрті директорӧс вежлісьӧн-управленнё юралісьӧн, сэсся уджаліс персонал сьӧрті директорӧс вежлісьӧн-управленнё юралісьӧн.
Сыбӧрын сія вуджис уджавны Норильск карлӧн администрацияӧ, кытӧн 2000 во тулыспомсянь вӧлі Олег Бударгин кар юралісьлӧн сьӧм да экономика юалӧммез сьӧрті вежлісьӧн, сыбӧрын — медодзза вежлісьӧн. Уджаліс 2002 во аршӧрӧдз.
Кӧр Александр Хлопонин пондіс уджавны Красноярскӧй крайлӧн губернаторӧн, Новак пырис сы администрацияӧ, 2002 во аршӧрсянь 2007 во гожумпомӧдз вӧлі крайлӧн губернаторӧс вежлісьӧн да ӧткӧста Красноярскӧй крайлӧн администрацияись Главнӧй финансовӧй управленнё юралісьӧн. 2007 во гожумшӧрӧ лоис Красноярскӧй крайлӧн губерантор вежлісьӧн, недыр мыйись лоис крайись правительство юралісьӧн.
2008 во одзар 29 лунсянь 2012 во тулыспом 22 лунӧдз — Российскӧй Федерация финанссэз сьӧрті министрлӧн вежлісь. 2008 во аршӧр 2 лунӧ лоис Россияись финанссэз министерство коллегияӧ пырисьӧн.
2012 во тулыспом 21 лунӧ лоис Россия Федерация энергетика министрӧн Дмитрий Медведевлӧн медодзза правительствоын[7][8][9]. Кольччис постас Медведевлӧн мӧдӧдзза правительствоын, кӧда вӧлі ӧктӧм 2018 тулыспомӧ, а сідзжӧ Михаил Мишустинлӧн правительствоын (2020 во тӧвшӧр 21 лунсянь). Министер постас пуктӧм бӧрын лоис СНГ-лӧн Электроэнергетическӧй советлӧн президентӧн (2012 во тулыспом 25 лунсянь) да пырис Россия президент дынся ТЭК-эз зорӧтан стратегия да экологическӧй опастӧмалӧм юалӧммез сьӧрті комиссияӧ (2012 во гожумшӧрсянь).
2015 во гожумшӧрӧ вӧлі бӧрйӧм ПАО «Россети» директоррез совет юралісьӧн, да сэкся одзарӧ — ПАО «Транснефть»-ын[10][11]. Сы киння пырӧ «Росатом» госкорпорация (2012 восянь), «Газпром» да «Роснефть» (2015 восянь) директоррез советтэзӧ.
2015—2018 воэзӧ — Арктика зорӧтан юалӧммез сьӧрті канмуся комиссияӧн юралісьлӧн вежлісь. Вӧлі Россия президент дынся экономика ӧнняӧтӧм да Россия инновационнӧя зорӧтӧм сьӧрті (2012—2018 воэз), оланін политика да оланін эмалӧм кокньӧтӧм сьӧрті (2013—2016 воэз) советтэзӧ пырисьӧн[4].
2020 во арпом 9 лунӧ Россиялӧн премьер-министр Михаил Мишустин вӧзйис Новаклісь кандидатурасӧ ТЭК юалӧммез сьӧрті вице-премьер постӧ[12][13]. Ашынас вӧлі бурсьӧтӧм постас.
2024 во тулыспом 13 лунӧ Госдума вились бурсьӧтіс Александр Новаксӧ РФ-лӧн правительствоӧн юралісь вежлісьӧн[14]. Тулыспом 14 лунӧ РФ президент кырымпасаліс пуктӧмыс йылісь указ[15]. Новак кипод увтӧ пырӧны: канму лонтісяна-энергетикаа комплекс, экономика блок координируйтӧм, зорӧтан институттэзлӧн удж:
- «Россияись веськыт инвестицияэзлӧн фондлӧн юралан компания»,
- «Учӧт да шӧрӧт предпринимательство зорӧтан федеральнӧй корпорация»,
- «Российскӧй венчура компания»[16].
2025 во одзтулыс 10 лунӧ РФ президент указӧн пуктӧм Россияись веськыт инвестицияэзлӧн фонд вӧджжӧтан советӧ пырисьӧн[17].
Вице-премьер постын удж
2021 во одзтӧв 29 лунӧ Александр Новак юӧртіс, мый «Ойвыв поток — 2» газнуан сертифицируйтӧмсӧ кӧсйӧны помавны 2022 вося медодзза джын помӧдз. «Сертификация кад йылісь графиккез коласісь, кӧднӧ ме тӧда, колӧ помавны сійӧ мдодзза джынво коста коста. Медодзза джынво помыс — этӧ меддыр кад», — висьталіс сія РБК-лӧ сетӧм интервьюын. Новак тодиляліс, мый европейскӧй коллегаэслӧн лоас кӧ интересыс, газнуан сертифицируйтӧмсӧ позяс чулӧтны чожжыка да пондӧтны лонтісян нуӧтӧмсӧ одзжык[18]. Сідзжӧ вице-премьер висьталіс, мый сія надейтчӧ, мый Украиналӧн оз пет падмӧтны "Ойвыв поток-2" проектсӧ. «Ми лыддям, мый этӧ проектсӧ оз позь падмӧтны», — висталіс Новак. Сы шуӧмӧн, вӧлісӧ уна паныт керӧммез, но сёжӧ караваныс мунӧ"[19].
Семья
- Айыс — Валентин Яковлевич Новак.
- Мамыс — Зоя Николаевна Новак.
- Гӧтыра, иньыс — Лариса Новак.
- Быдтӧны кык ныв[5].
Класснӧй чин
- Российскӧй Федерациялӧн 3 класса действительнӧй государственнӧй советник (2009 во одзтӧв 26 лун)[20].
Донтан пассэз
- Российскӧй Федерациялӧн Правительствосянь Почётнӧй грамота (2009 во);
- Почёта орден (2010 во тӧвшӧр 27 лун)[21];
- Российскӧй Федерациялӧн Президентсянь Аттьӧалан (2013 во);
- «Сочиын 2014 вося XXII тӧвся Олимпиада и XI тӧвся Паралимпиада» касьтылан медаль (2014 во);
- Российскӧй Федерациялӧн Президентсянь Почётнӧй грамота (2014 во);
- Ёртасьӧм орден (2014 во);
- «Чужанінӧ пуктӧм удж понда» IV тшупӧта орден (2016 во);
- «За верность долгу» нима орден (Крым Республика, 2017 во тӧвшӧр 17 лун)[22];
- П. А. Столыпин нима I тшупӧта медаль (2018 во);
- Александр Невский нима орден (2019 во);
- Норильск карлӧн Почётнӧй гражданин (2013 во);
- мӧдік донтан пассэз.
Шедтана сьӧм
Декларируйтӧм доходлӧн 2011 вося ӧтласаыс вӧлі 11 млн 800 сюрс руб, иньылсӧн — 2 млн 800 сюрс руб[5].
Декларируйтӧм доходлӧн 2019 вося ӧтласаыс вӧлі 27 млн 48 сюрс руб, иньыслӧн — 1 млн 7 сюрс руб[4].
Пасйӧттэз
- ↑ Правительство России переходит в статус и.о. до назначения нового состава рус..
- ↑ Михаил Мишустин назначил вице-премьеров кураторами федеральных округов.
- ↑ Правительство РФ подало в отставку.
- ↑ 1 2 3 Алексей Дружинин Биография Александра Новака. ТАСС (2020-11-09).
- ↑ 1 2 3 Новак, Александр рус. (HTML). Лентапедия. Архивируйтӧм первоисточник сьӧрті 10 Одзгожум 2013. Видзӧтӧм 10 Одзгожум 2013.
- ↑ Александр Борисов. Энергетический руководитель // Санкт-Петербургские ведомости : газета. — 2020. — 20 Арпом (№ 212).
- ↑ Указ Президента Российской Федерации от 21.05.2012 г. № 664 «О Министре энергетики Российской Федерации».
- ↑ Указ Президента Российской Федерации от 18.05.2018 г. № 250 «О Министре энергетики Российской Федерации».
- ↑ Указ Президента Российской Федерации от 21.01.2020 г. № 51 «О Министре энергетики Российской Федерации».
- ↑ Александр Новак вновь возглавил Совет директоров «Россетей».
- ↑ Новак вновь возглавил совет директоров «Транснефти».
- ↑ Мишустин предложил Госдуме назначить Новака вице-премьером рус.. Видзӧтӧм 9 Арпом 2020.
- ↑ Указ Президента РФ «О внесении изменения в Указ Президента Российской Федерации от 21 января 2020 г. № 21 „О структуре федеральных органов исполнительной власти“».
- ↑ Госдума утвердила Новака заместителем председателя правительства (2024-05-14).
- ↑ Президент подписал указы о назначении членов Правительства Российской Федерации и директоров служб (2024-05-14).
- ↑ Михаил Мишустин утвердил распределение обязанностей между вице-премьерами (2024-05-17).
- ↑ Новак включен в набсовет РФПИ, Белоусов и экс-глава ВЭБа Дмитриев вышли из него, Interfax.ru (10 Одзтулыс 2025). Дата обращения: 10 Одзтулыс 2025.
- ↑ Новак: сертификацию «Северного потока — 2» завершат до конца первого полугодия 2022 года рус..
- ↑ Новак: проект «Северный поток — 2» невозможно сорвать рус..
- ↑ Указ Президента Российской Федерации от 26.12.2009 г. № 1479 «О присвоении классных чинов государственной гражданской службы Российской Федерации федеральным государственным гражданским служащим».
- ↑ Указ Президента Российской Федерации от 27.12.2010 г. № 1615 «О награждении государственными наградами Российской Федерации».
- ↑ Постановление Президиума ГС РК от 17 января 2017 года № п357-1/17.
Ыстӧттэз
Российскӧй Федерациялӧн уджалан правительство | |
|---|---|
| Председатель | |
| Медодзза вежлісь | |
| Вежліссез |
|
| Министррез |
|
- «Чужанінӧ пуктӧм удж понда» 4-ӧт тшупӧта орден кавалеррез
- Александр Невскӧй нима орден кавалеррез (Российская Федерация)
- Почёта орден кавалеррез
- Ёртасьӧм орден кавалеррез (Россия)
- Столыпин нима I тшупӧта медальӧн ошкӧм йӧз
- «За верность долгу» нима орден кавалеррез (Крым)
- Российcкӧй Федерация Президентсянь Почётнӧй грамотаӧн ошкӧм йӧз
- Российскӧй Федерация президентсянь аттьӧаланӧн ошкӧм йӧз
- Персоналияэз анбурӧт
- 1971 воӧ чужӧм йӧз
- Гожумпом 23 лунӧ чужӧм йӧз
- Мишустинлӧн правительство