Оверчук Алексей Логвинович

Босьтöм Рувикиись
РУВИКИ-ын эмӧсь статьяэз мӧдік морттэз йылісь гижсянӧн Оверчук.
Оверчук Алексей Логвинович
Alexey Overchuk official portrait.jpg
Флаг
Российскӧй Федерация правительство председательлӧн вежлісь
Флаг
 2020 во тӧвшӧр 21 лун
(к.у.к.2024 во тулыспом 7—13 луннэз)
Правительство юралісь Михаил Мишустин
Андрей Белоусов (к.у.к.)
Михаил Мишустин
Президент Владимир Путин
Чужӧм 1964 во одзтӧв 9 лун
Коростышев, Житомир область, Украинскӧй ССР, СССР
Велӧтчӧм К. А. Тимирязев ним Московскӧй мувӧдитӧм академия
Учёнӧй степень экономика кандидат
Донтан пассэз
RUS Medal of the Order For Merit to the Fatherland 1st class ribbon.svg RUS Medal of the Order For Merit to the Fatherland 2nd class ribbon.svg
Логотип РУВИКИ.Медиа Медиафайлы на РУВИКИ.Медиа


Оверчук Алексей Логвинович (1964 во одзтӧв 9 лун, Коростышев, Житомир область, Украинскӧй ССР, СССР) — российскӧй государственнӧй да политическӧй деятель, экономист. Российскӧй Федерация правительство председательлӧн вежлісь 2020 во тӧвшӧр 21 лунсянь (кадкостся удж керись 2024 во тулыспом 7—13 луннэзӧ)[1][2].

Сы одзын, 2011—2020 воэзӧ, вӧлі РФ Федеральнӧй вот служба юралісь вежлісьӧн. Российскӧй Федерациялӧн 2 класса действительнӧй государственнӧй советник.

Олантуй

[вильмӧтны | править код]

Чужис 1964 во одзтӧв 9 лунӧ Житомир областись Коростышев карын.

1986 воӧ помаліс К. А. Тимирязев нима Московскӧй мувӧдитӧм академия «экономическӧй кибернетика» специальность сьӧрті.

1986—1993 воэзӧ — К. А. Тимирязев нима Московскӧй мувӧдитӧм академияись АПК зорӧтан лабораторияын старшӧй лаборант, младшӧй научнӧй сотрудник, научнӧй сотрудник, старшӧй научнӧй сотрудник.

1992 воӧ дорйис экономика кандидат диссертация (рочӧн «Организация управления кооперативной формой хозяйствования в АПК») К. А. Тимирязев нима Московскӧй мувӧдитӧм академияын.

1993—1994 воэзӧ — РФ Государственнӧй му ресурссэз да лӧсьӧтӧм (Роскомзем) комитеын юралісь специалист визирсайкӧт ӧтуджалӧм управленнёын, 1994—1998 воэзӧ — делоэз сьӧрті управленнёись йӧзкостся юкӧт юралісьлӧн вежлісь, 1998 воӧ — абувештана объекттэз вылӧ правоэз государственнӧй регистрируйтӧм юкӧтлӧн юралісь.

1998 воӧ — РФ му полититика, строитӧм да ЖКХ сьӧрті министерствоын информацонно-аналитическӧй юкӧт юралісь.

1998—1999 воэзӧ — РФ Государственнӧй му комитетісь информационно-аналитическӧй юкӧтӧн юралісь.

1999—2000 воэзӧ — РФ Государственнӧй му политика сьӧрті комитетісь информационно-аналитическӧй юкӧтӧн юралісь.

2000 во гожумпомсянь — Россия му кадастр федеральнӧй служба юралісьлӧн вежлісь (Росземкадастр), 2004 восянь сія вӧлі вежӧм Россия абувештана объекттэз кадастр федеральнӧй агентство (Роснедвижимость). Сёрӧнжык сія вӧлі вежӧм Росреестрӧн, да Михаил Мишустин вӧлі пуктӧм юравны сійӧн, сы кипод увтӧ сюрис Оверчукыс[3].

2000—2007 воэз кеж вӧлі бӧрйӧм ООН-ись Европа экономика комиссияӧ му ресурссэзӧн веськӧтлӧмын уджалан группа председатель вежлісьӧн да бюро пырисьӧн[4].

2007 воӧ лоис Михаил Мишустинӧн юралӧм Тодиль экономика зонаэзӧн ралан федеральнӧй агентсвоын юралісь вежлісьӧн, координируйтіс инвесторрезкӧт удж.

2008—2010 воэзӧ уджаліс юралісь посттэзын UFG Capital Management инвестиционнӧй компанияэз группаын, кӧдӧн юраліс Мишустин.

Алексей Оверчук Евразийскӧй экономическӧй комиссия заседаннё вылын, 2020 во.

2011 во одзтулыссянь — Федеральнӧй вот служба юралісьлӧн вежлісь. Координируйтіс да контролируйтіс стандарттэзӧн да визирсайкӧт ӧтуджалӧм управленнё удж. Юралісь вежлісь пост вылас сія координируйтіс ведомстволісь да сы территоральнӧй органнэзлісь удж мирпасьта информацияӧн автоматическӧй вежсьӧм договоррез сьӧрті[4].

2020 во тӧвшӧр 21 лунсянь — Российскӧй Федерациялӧн Правительство председательлӧн вежлісь. Сы кипод увтын Евразийскӧй интеграция, мирпасьта организцияэзкӧт (СНГ, БРИКС, G20 да с. о.) ӧтуджалӧм, Правительство председателькӧи мирпасьта мероприяттёэз планируйтӧм да чулӧтӧм сьӧрті удж[5].

2023 во арпомӧ Оверчук юраліс Россиялісь делегация Азия-Лӧньокеанся экономика ӧтуджалӧм саммит вылын Сан-Францискоын, кытӧн баитсис климат йылісь[6].

2024 во тулыспом 11 лунӧ Михаил Мишустин петкӧтіс Госдумаӧ виль правительство, кӧдаӧ вӧзйис Оверчуклісь кандидатурасӧ вице-премьер постӧ[7]. Тулыспом 13 лунӧ Госдумаыс бурсьӧтіс сійӧ постас[8]. Тулыспом 14 лунӧ РФ президент гижис указ сы пуктӧм йылісь[9]. Оверчук одзлань координируйтӧ госполитика евразийскӧй ӧтӧт интеграция сьӧрті, БРИКС удж, Шанхай ӧтуджалӧм организация да «Кыкдаса группа»[10].

Донтан пассэз

[вильмӧтны | править код]
  • «Чужанінӧ пуктӧм удж понда» I тшупӧта орденся медаль (2017 во одзгожум 12 лун)[11]
  • «Чужанінӧ пуктӧм удж понда» II тшупӧта орденся медаль (2014 во аршӧр 25 лун)[12]

Семья

[вильмӧтны | править код]

Айыс, Оверчук Логвин Алексеевич (1932—2007), уджаліс Россияпасьтся мувӧдитӧм экономика научо-исследовательскӧй институтын. Вӧлі мувӧдитӧм сьӧрті атташеӧн РФ Посольствоын США-ын. Куліс 2007 во одзгожум 25 лунӧ, дзебӧм Троекоруковскӧй шойнаын Москваын.

Мамыс, Оверчук Нелли Александровна (1936—2009), уджаліс Россияпасьтся агропромышленнӧй комплекс технико-экономическӧй исследованнёэз чулӧтана научо-исследовательскӧй институтын (ВНИИТЭИагропром).

Эмбур

[вильмӧтны | править код]

2018 вося декларация сьӧрті, сылӧн вӧлісӧ кык мутор 2200 м² ӧтласа ыждаа, куим квартира 225,6 м² ӧтласа ыждаа да ӧтік машина Ford Focus. Сы кадӧ сія шедтӧм 8 786 378 руб[13].

Иньыс шедтӧм 1 636 351 руб, сылӧн вӧлӧмась кык квартира 96 м² ыждаа[13].

Пасйӧттэз

[вильмӧтны | править код]
  1. ↑ Алексей Оверчук стал вице-премьером России // ИА REGNUM 21 января 2020 (видзӧтан кад 15.04.2025)
  2. ↑ Правительство России переходит в статус и.о. до назначения нового состава рус..
  3. ↑ Бессменный заместитель и давняя коллега: вице-премьерами стали двое подчиненных Мишустина // Московский комсомолец 22.01.2020 (видзӧтан кад 15.04.2025)
  4. ↑ 1 2 Новым ответственным за ИТ в России стал давний коллега нового премьера C-News 21 января 2020 (видзӧтан кад 15.04.2025)
  5. ↑ Распределение обязанностей между заместителями Председателя Правительства Правительство России (видзӧтан кад 15.04.2025)
  6. ↑ ТАСС, 17 ноября 2023. Оверчук заявил, что тема Украины в начале саммита АТЭС звучала в основном фоново
  7. ↑ О чем говорит новая конфигурация российского правительства (2024-05-11).
  8. ↑ Госдума утвердила Оверчука заместителем председателя правительства (2024-05-13).
  9. ↑ Президент подписал указы о назначении членов Правительства Российской Федерации и директоров служб (2024-05-14).
  10. ↑ Михаил Мишустин утвердил распределение обязанностей между вице-премьерами (2024-05-17).
  11. ↑ Указ Президента Российской Федерации от 12.06.2017 г. № 266 «О награждении государственными наградами Российской Федерации» (видзӧтан кад 15.04.2025)
  12. ↑ Указ Президента Российской Федерации от 25.10.2014 г. № 680 «О награждении государственными наградами Российской Федерации» (видзӧтан кад 15.04.2025)
  13. ↑ 1 2 Алексей Оверчук // Декларатор (видзӧтан кад 15.04.2025)

Ыстӧттэз

[вильмӧтны | править код]
Босьтӧма "https://koi.ruwiki.ru/w/index.php?title=Оверчук_Алексей_Логвинович&oldid=131616"-ись