Белоусов Андрей Рэмович

Босьтöм Рувикиись
Белоусов Андрей Рэмович
Андрей Рэмович Белоусов RIA cut.png
Флаг
Российскӧй Федерациялӧн оборона министр
Флаг
 2024 во тулыспом 14 лун
Правительство юралісь Михаил Мишустин
Президент Владимир Путин
Одззася уджалісь Сергей Шойгу
Флаг
Российскӧй Федерация правительство председательлӧн медодзза вежлісь
Флаг
2020 во тӧвшӧр 21 лун — 2024 во тулыспом 7 лун
(и. о. 2024 тулыспом 7—13 луннэз)
Правительство юралісь Михаил Мишустин
Президент Владимир Путин
Одззася уджалісь Антон Силуанов
Одзлань уджалісь Денис Мантуров
Флаг
Российскӧй Федерация президентлӧн отсасись
Флаг
2013 во одзгожум 24 лун — 2020 во тӧвшӧр 21 лун
Президент Владимир Путин
Одззася уджалісь Эльвира Набиуллина
Одзлань уджалісь Максим Орешкин
Флаг
Российскӧй Федерация экономика зорӧтан министр
Флаг
2012 во тулыспом 21 лун — 2013 во одзгожум 24 лун
Правительство юралісь Дмитрий Медведев
Президент Владимир Путин
Одззася уджалісь Эльвира Набиуллина
Одзлань уджалісь Алексей Улюкаев
Флаг
Российскӧй Федерация экономика зорӧтан министр вежлісь
Флаг
2006 во тӧвпом 8 лун — 2008 во одзгожум 17 лун
Чужӧм 1959 во одзтулыс 17 лун(1959-03-17) (67 лет)
Ай Белоусов, Рэм Александрович[d]
Партия партияӧ пыртсьытӧм
Велӧтчӧм М. Ломоносов нима Московскӧй государственнӧй университет
Учёнӧй степень экономика доктор (2006)
Профессия экономист
Вичку православнӧй
Донтан пассэз
Сайт government.ru
Военнӧй кысйӧт
Званнё Классный чин
Действительный государственный советник РФ 1 класса (Минобороны)г.png
Российскӧй Федерациялӧн 1 класса действительнӧй государственнӧй советник
Логотип РУВИКИ.Медиа Медиафайлы на РУВИКИ.Медиа

Белоусов Андрей Рэмович (1959 во одзтулыс 17 лун, Москва) — Россияись государственнӧй деятель, экономика туялісь. 2024 во тулыспом 14 лунсянь Российскӧй Федерациялӧн оборона министр[1]. Российскӧй Федерациялӧн безопасность сьӧрті Советын пырся член 2024 во одзгожум 11 лунсянь[2].

СНГ оборона министррез Советлӧн председатель 2024 во гожумшӧр 3 лунсянь[3].

2020 во тӧвшӧр 21 лунсянь 2024 во тулыспом 7 лунӧдз Российскӧй Федерация правительство председательлӧн вежлісь. 2012 во тулыспом 21 лунсянь 2012 во одзгожум 24 лунӧдз Российскӧй Федерация экономическӧй зорӧтӧм министр[4]. 2013 во одзгожум 24 лунсянь 2020 во тӧвшӧр 21 лунӧдз Российскӧй Федерация президентлӧн отсалісь экономика сьӧрті[5][6].

ОАО «РЖД» директоррез советлӧн председатель[7]. Российскӧй естественнӧй наукаэз сьӧрті академияын (РАЕН) член-корреспондент. РАН-ись народнохозяйственнӧй прогнозируйтан институтісь учёнӧй да диссертационнӧй советтэзісь член[8][9]. «Проблемы прогнозирования» журналлӧн научно-редакционнӧй советын член[10]. Экономика доктор (2006). Российскӧй Федерациялӧн Заслуженнӧй экономист (2007). Российскӧй Федерациялӧн 1 класса действительнӧй государственнӧй советник (2011).

Олантуй

Чужӧм да велӧтчӧм

Андрей Белоусов чужис 1959 во одзтулыс 17 лунӧ Москваын советскӧй экономист Рэм Белоусов да радиохимик Алиса Белоусова семьяын[11]. Рэм Белоусов вӧлі советскӧй донаркмӧтӧм да юралӧм туялан школа аркмӧтісьӧн и «Косыгин реформа» лӧсьӧтӧмын участникӧн, сёрӧнжык туяліс СССР-лісь экономика история.

Мӧдӧдз физико-математическӧй школа помалӧм бӧрын Андрей Белоусов пырис велӧтчыны М. В. Ломоносов нима Московскӧй государственнӧй университетісь экономика факультет вылӧ, кӧдӧ помаліс 1981 воын гӧрд дипломӧн «экономическӧй кибернетика» специальность сьӧрті. Велӧтчикас пондӧтчис уджавны тшӧтш экономисттэз группакӧт, кӧдӧн юраліс Александр Анчишкин, 1977—1981 воэзын экономической факультетісь кафедраӧн юралісь[12].

Удж

Вылісь тшупӧта велӧтчӧм йылісь диплом босьтӧм бӧрын Белоусов одзлань велӧтчис СССР Наукаэз Академиялӧн шӧрӧт экономико-математическӧй институтісь (ЦЭМИ) аспирантураын. Сы коста кутчис туялан уджӧ, медодз стажёр-исследовательӧн, сэсся младшӧй научнӧй сотрудникӧн ЦЭМИ-ись морт-машина моделируйтан системаэз лабораторияын, кӧдӧн юраліс Эмиль Ершов.

1986 во тӧвпомын ЦЭМИ-лӧн туялан юкӧннэзісь вӧлі аркмӧтӧм СССР Наукаэз Академиялӧн Экономика да научно-техническӧй прогресс прогнозируйтан институт (ИЭПНТП). Белоусов вуджис уджавны ИЭПНТП-ас, кытӧн вӧлі младшӧй научнӧй сотрудникӧн, научнӧй сотрудникӧн да старшӧй научнӧй сотрудникӧн. Наукаын сы медшӧр туялӧмторнас вӧлі макроэкономическӧй тенденцияэз прогнозируйтӧм, а сідзжӧ инфляция да сӧветскӧй типа экономикаын структурнӧй кризис прогнозируйтӧм.

1988 воын Белоусов дорйис кандидатскӧй диссертация «Имитационное моделирование механизмов формирования и использования оборотных средств (многоотраслевой подход)». Куим во бӧрті, 1991 воын, вӧлі пуктӧм СССР Наукаэз Академиялӧн ИЭПНТП-ӧ лабораторияӧн юралісьӧн, вежис Э. Б. Ершовсӧ. Эта чинын Белоусовыс уджаліс 2006 воӧдз, ӧттшӧтш уджаліс мӧдік организацияын, и муніс государственнӧй служба вылӧ вуджӧм бӧрын ни. Белоусов инициатива сьӧрті лабораторияыс дынын лэдзисӧ экономика сьӧрті аналитическӧй журнал.

1991 во арпомын аркмис Внешнеполитическӧй ассоциациялӧн аналитическӧй группа, кӧдӧс мукӧдпырся шуӧны «Бессмертныхлӧн группаӧн» (рочӧн «Группа Бессмертных», сы аркмӧтісь СССР иностраннӧй делэз сьӧрті экс-министр Александр Бессмертныхлӧн гижсян сьӧрті). Белоусов пырис Бессмертныхлӧн группаӧ 1990 воэз одзын да участвуйтіс мукӧд темаэз лӧсьӧтӧмын. Сыкӧт ӧтлаын группаӧ пырис Андрей Клепач, одзлань — Российскӧй Федерация экономика зорӧтан министерствоын Белоусовыслӧн вежлісь.

1999 восянь Белоусов пырис Российскӧй Федерация экономика зорӧтан министерстволӧн коллегияӧ, вӧлі консультантӧн премьеррезлӧн Евгений Примаковлӧн, Сергей Степашинлӧн, Михаил Касьяновлӧн, Михаил Фрадковлӧн (Касьяновыс да Фрадковыскӧт уджаліс внештатнӧй советник статусын).

2000 воын Белоусов аркмӧтіс да пондіс юравны макроэкономическӧй анализ да матіськадся прогнозируйтӧм сьӧрті центрӧн. 2005 воӧ лэдзис «Долгосрочные тренды российской экономики: сценарии экономического развития России до 2020 г.» нима доклад. Докладас Белоусов прогнозируйтіс 2008 вося мирӧвӧй экономическӧй кризис, сы киння мыччаліс 2011-2012 воэзӧ экономика вермана усян вылӧ да 2015-2017 воэзӧ государственнӧй управленнё системалӧн падмӧм вылӧ.

2006 во тӧвпом 8 лунсянь Белоусов вуджис государственнӧй служба вылӧ. Российскӧй Федерация экономика зорӧтан министр Герман Грефлӧн корӧм сьӧрті лоис сы вежлісьӧн. Сія жӧ воӧ Белоусов дорйис экономика сьӧрті докторскӧй диссертация («Противоречия и перспективы развития системы воспроизводства российской экономики»).

Министерствоын Белоусов курируйтіс макроэкономическӧй блок, кытчӧ пырисӧ инвестиционнӧй климат бурсьӧтӧм, федеральнӧй целевӧй программэз реализация, Внешэкономбанклӧн инвестиционнӧй удж. Сылӧн юралӧмӧн вӧлісӧ лӧсьӧтӧмӧсь «Дыркадкежся социально-экономическӧй зоралӧм концепция» (КДР-2020) да «Вузасьӧм йылісь» законопроект (бурсьӧтӧм 2009 во одзтӧв 28 лунӧ).

Кӧрттуй вылын уджаліссез съезд, 2017 во арпом 29 лун.

2007 воын, кор Греф муніс Российскӧй Федерация экономика зорӧтан министерствоись, министрнас пуктісӧ Эльвира Набиуллинаӧс, кӧда этаӧдз вӧлі министр вежлісьӧн. Белоусов колччис пост вылас, а сэсся 2008 во гожумшӧр 17 лунӧ сійӧ вуджӧтісӧ Российскӧй Федерация правительствоӧ: премьер Владимир Путин пуктіс сійӧ Российскӧй Федерация правительство аппаратісь экономика да финанссэз департамент директорӧн[13]. Недыр одзті, 2007 во гожумӧн, Белоусовлӧ сетісӧ Российскӧй Федерациялісь Залуженнӧй экономист званнё.

2008-2012 воэзӧ Российскӧй Федерация правительсволӧн экономическӧй удж лӧсьӧтӧмсӧ нуӧтісӧ правительстволӧн председатель Игорь Шувалов, Белоусовыс да Эльвира Набиуллина.

Российскӧй Федерация правительствоын Белоусовыс видзис бюджет лӧсьӧтӧмкӧт, канму инвестицияэзӧн, инвестиция климат бурмӧтӧмкӧт йитӧм юалӧммэз. Сы дырйи вӧлі аркмӧтӧм Стратегическӧй ӧдззӧтӧммез агентство да сы подув вылын пондӧтчис уджавны сідз шусяна «Национальнӧй предпринимательскӧй иницатива, мый вӧлі тодилялӧма Россияын предпринимательскӧй удж условиеэз бурмӧтӧм вылӧ[12][14].

Тулыспомын Государственнӧй Дума бурсьӧтіс вились бӧрйӧм президент Путинлӧн вӧзйӧм сьӧрті Российскӧй Федерация правительство председательӧн Дмитрий Медведевӧс. Недыр мыйись вӧлі йӧзӧтӧм и министррезлӧн виль кабинет: Белоусовӧс вӧлі пуктӧм Российскӧй Федерация экономика зорӧтан министрӧн[4]. Сы коста СМИ-ын юӧррез сьӧрті, Белоусовсӧ сідзжӧ синмалісӧ Российскӧй Федерациялӧн президент экономика сьӧрті отсасисьӧн, но сэсся вӧлі пуктӧм эта пост вылӧ Эльвира Набиуллина[15].

2013 во одзгожум 24 лунӧ Белоусовыс вӧлі пуктӧм Российскӧй Федерациялӧн президент экономика сьӧрті отсасисьӧн[5], Российскӧй Федерация Центробанк юралісьӧ Набиуллина мунӧм кузя[16].

2015 во одзгожум 17 лунсянь 2017 во одзар 29 лунӧдз Белоусов вӧлі «НК "Роснефть"» ПАО-ись директоррез советӧн председательӧн.

2020 во тӧвшӧр 21 лунсянь Белоусовыс вӧлі пуктӧм Михаил Мишустинлӧн виль правительствоын председательлӧн медоддза вежлісьӧн[17].

2020 во одзтулыссянь — «РЖД» ВАК-ись директоррез совет председатель[18].

2020 во тулысшӧр 30 лунсянь тулыспом 19 лунӧдз керис Российскӧй Федерация правительство председательлісь уджсӧ Михаил Мишустинлӧн COVID-19-ӧн шогалӧм кузя.

2024 во тулыспом 12 лунӧ Россиялӧн президент Владимир Путин вӧзйис Федерация Советлӧ пуктыны Белоусовсӧ Российскӧй Федерация оборона министрӧн[19]. Тулыспом 14 лунӧ Федерация Совет видзис консультацияэз[20], сія жӧ лунӧ Россиялӧн президент кырымпасаліс указ[1].

2024 во одзгожу 11 лунӧ президент Владимир Путин пыртіс Белоусовсӧ Российскӧй Федерация Безопасность Советӧ пырся членнэз лыдӧ[21].

2024 во гожумшӧр 3 лунӧ вӧлі бӧрйӧм СНГ оборона министррез Советлӧн председательӧн Минскын чулӧтьсӧм оборона министррез Совет ӧкьӧм коста[3].

Семья

Айыс— Рэм Александрович Белоусов (1926—2008), экономист, экономика доктор, экономика история туялісь.

Мамыс — Алиса Павловна Белоусова (Травникова) (1934—2015), химик, химия кандидат.

Мамыслӧн айыс Павел Иванович Травников — агроном, Москваись Травников нима пуйӧр аркмӧтісь.

Гӧтыра мӧдікпырся. Иньыс — Лариса Владимировна Белоусова (Авдеева) (чуж. 1961).

Одзза иньыскӧт эм зон Павел (чуж. 1994), помаліс Н. Бауман нима МГТУ.

Учӧтжык воныс Дмитрий — Макроэкономика анализ да матіськадся прогноз центрын ведущӧй эксперт[11].

Класснӧй чин

  • Российскӧй Федерациялӧн 1 класса действительнӧй государственнӧй советник (2011).

Донтан пассэз

  • «850 во Москва касьтылӧм кеж» медаль (1997).
  • Российскӧй Федерация Прездентлӧн Благодарность (2005).
  • Российскӧй Федерациялӧн Заслуженный экономист (2007)[22].
  • Почёта Орден (2009).
  • «ВВС 100 во» медаль (2012).

Туялан удж да публикацияэс

Кыдз туялісь, Белоусовыс пырӧ экономическӧй струкрутрализм школаӧ. 2019 во арпом кеж Хирш индекс Российскӧй научнӧй цицтированнё индекс сьӧрті Белоусолӧн индексыс лоӧ 18, быдӧс Найчнӧй электроннӧй библиотекаас (eLIBRARY) — 19[23].

  • 1995 — «Структурный кризис советской индустриальной системы» статья «Иное. Хрестоматия нового российского самосознания» сборникын.
  • 1999 — Белоусовлӧн да Е. А. Абрамовалӧн ӧтласа статья «Интегрированные матрицы финансовых потоков (методический и инструментальный подходы)» Россияын Social Accounting Matrix керӧм йылісь.
  • 2000—2001 — Белоусов кипод увтын ЦМАКП эксперттэз гижисӧ статьяэз цикл «Проблемы прогнозирования» журналӧ.
  • 2003—2004 — Белоусов юраліс статьяэз гижӧмӧн российскӧй экономика зорӧтӧм анализ да факторрез йылісь («Развитие российской экономики в посткризисный период (макроэкономический аспект)», «Развитие российской экономики в среднесрочной перспективе: анализ угроз» и др.).
  • 2005—2007 — юраліс авторскӧй коллективӧн «Российское экономическое чудо: сделаем сами. Прогноз развития экономики России до 2020 года» небӧг керикӧ. Кык тор сія небӧгись петісӧ кыдз торья статьяэз «Проблемы прогнозирования» журналын.
  • 2006 — петіс докторскӧй диссертация вылас гижӧм небӧг «Эволюция системы воспроизводства российской экономики: От кризиса к развитию».

Пасйӧттэз

  1. ↑ 1 2 Президент подписал указы о назначении членов Правительства Российской Федерации и директоров служб (2024-05-14).
  2. ↑ Путин включил Белоусова в число постоянных членов Совбеза (11.06.2024).
  3. ↑ 1 2 Белоусова избрали председателем Совета министров обороны СНГ, TACC (3 Гожумшӧр 2024). Дата обращения: 3 Гожумшӧр 2024.
  4. ↑ 1 2 Кабинет заместителей. Новые лица правительства Медведева, Газета.Ru (21 Тулыспом 2012). Архивировано 27 Одзар 2012 года. Дата обращения: 7 Аршӧр 2012.
  5. ↑ 1 2 Андрей Белоусов назначен помощником Президента, Официальный сайт президента РФ (24 Одзгожум 2013). Архивировано 25 Одзгожум 2013 года. Дата обращения: 24 Одзгожум 2013.
  6. ↑ Улюкаев стал министром экономического развития, Белоусов - помощником президента, Вести.ру (24 Одзгожум 2013). Архивировано 27 Одзгожум 2013 года. Дата обращения: 24 Одзгожум 2013.
  7. ↑ Председатель совета директоров ОАО «РЖД»
  8. ↑ Учёный совет. ИНП РАН.
  9. ↑ Диссертационный совет. ИНП РАН.
  10. ↑ Информация о журнале «Проблемы прогнозирования». ИНП РАН.
  11. ↑ 1 2 Сергей Мельников, Ольга Филина. Всем хорош. Помощником президента по экономическим вопросам стал экс-министр Андрей Белоусов. 01.07.2013. Огонёк
  12. ↑ 1 2 Белоусов Андрей Рэмович. РБК.
  13. ↑ Распоряжение Правительства Российской Федерации от 17 июля 2008 г. № 1019-р «О Белоусове А. Р.»
  14. ↑ Андрей Белоусов назначен министром экономического развития РФ. Российская газета (21 мая 2012).
  15. ↑ Максим Товкайло, Ольга Плотонова. Новым министром экономического развития может стать Алексей Улюкаев, Ведомости (18 Одзгожум 2013). Архивировано 16 Тулыспом 2020 года. Дата обращения: 20 Одзгожум 2013.
  16. ↑ Указ «О Набиуллиной Э.С.», Официальный сайт президента РФ (24 Одзгожум 2013). Архивировано 27 Одзгожум 2013 года. Дата обращения: 24 Одзгожум 2013.
  17. ↑ Указ Президента Российской Федерации от 21.01.2020 г. № 25 «О Первом заместителе Председателя Правительства Российской Федерации».
  18. ↑ ТАСС, 13 марта 2020. Первый вице-премьер Белоусов возглавит совет директоров РЖД.
  19. ↑ Путин предложил назначить Белоусова министром обороны РФ (2024-05-12).
  20. ↑ СФ признал состоявшимися консультации по кандидатам в главы министерств и ведомств (2024-05-14).
  21. ↑ Путин включил Белоусова в число постоянных членов Совбеза (2024-06-11).
  22. ↑ Указ Президента Российской Федерации от 12.06.2007 г. № 750 «О награждении государственными наградами Российской Федерации Цыплакова С. С. и Белоусова А. Р.»
  23. ↑ Белоусов, Андрей Рэмович. Российский индекс научного цитирования
Босьтӧма "https://koi.ruwiki.ru/w/index.php?title=Белоусов_Андрей_Рэмович&oldid=215794"-ись